Ishq ka Ain Novel by Aleem ul Haq Haqqi – Episode 10

0
عشق کا عین از علیم الحق حقی – قسط نمبر 10

–**–**–

” ﺳﺎﺩﯼ، ﺁﭖ ﻣﺠﮫ ﺳﮯ ﻧﺎﺭﺍﺽ ﺗﻮ ﻧﮩﯿﮟ ﮨﮯ ﻧﺎ – ﻣﯿﮟ ﻧﮩﯿﮟ ﭼﺎﮨﺘﺎ ﮐﮧ ﺁﭖ ﻣﺠﮫ ﺳﮯ ﮐﺒﮭﯽ ﻧﺎﺭﺍﺽ ﮨﻮﮞ “
” ﻣﯿﮟ ﺗﻢ ﺳﮯ ﮐﺒﮭﯽ ﻧﮩﯿﮟ ﻧﺎﺭﺍﺽ ﮨﻮﮞ ﮔﯽ ﺍﻟﮩﯽٰ ﺑﺨﺶ – ﻣﺠﮭﮯ ﺍﻓﺴﻮﺱ ﮨﮯ ﮐﮧ ﺗﻢ ﻧﮯ ﻣﯿﺮﮮ ﺧﻮﺍﺋﺶ ﺭﺩ ﮐﺮ ﺩﯼ ﻟﯿﮑﻦ ﻣﺠﮭﮯ ﺧﻮﺷﯽ ﮨﮯ ﮐﮧ ﺯﻧﺪﮔﯽ ﮐﮯ ﺑﺎﺭﮮ ﻣﯿﮟ ﺗﻤﮩﺎﺭﺍ ﺍﯾﮏ ﭘﺨﺘﮧ ﻧﻈﺮﯾﮧ ﮨﮯ ﺍﻭﺭ ﺗﻢ ﺍﺱ ﺳﻠﺴﻠﮯ ﻣﯿﮟ ﺑﮩﺖ ﭘﺮ ﺍﻋﺘﻤﺎﺩ ﺑﮭﯽ ﮨﻮ – ﺍﯾﺴﮯ ﻟﮕﺘﮯ ﺗﻮ ﻧﮩﯿﮟ ﺗﮭﮯ ﺗﻢ – ﯾﻘﯿﻦ ﮐﺮﻕ ﻣﯿﺮﯼ ﻧﻈﺮﻭﮞ ﻣﯿﮟ ﺗﻢ ﺍﻭﺭ ﺑﮍﮮ ﮨﻮ ﮔﺌﮯ ﮨﻮ “-
” ﺩﯾﮑﮭﯿﮟ ﺳﺎﺩﯼ، ﻣﯿﮟ ﺍﯾﮏ ﺍﻭﺭ ﺁﺳﺎﻥ ﻃﺮﯾﻘﮯ ﺳﮯ ﺁﭖ ﮐﻮ ﺳﻤﺠﮭﺎﺗﺎ ﮨﻮﮞ – ﺁﭖ ﻣﺠﮫ ﺳﮯ ﮐﮩﯿﮟ ﮐﮧ ﻣﯿﮟ ﺍﭘﻨﺎ ﻧﺎﻡ ﺑﺪﻝ ﺩﻭﮞ – ﺗﻮ ﮐﯿﺎ ﯾﮧ ﻣﻤﮑﻦ ﮨﮯ – ﯾﮧ ﺗﻮ ﻣﺎﮞ ﺑﺎﭖ ﮐﯽ ﺩﯼ ﮨﻮﺋﯽ ﭼﯿﺰ ﮨﮯ – ﻣﯿﺮﯼ ﺷﻨﺎﺧﺖ ﮨﮯ – ﻣﯿﮟ ﮐﺴﯽ ﺷﮩﺮﯼ ﻟﮍﮐﯽ ﺳﮯ ﺷﺎﺩﯼ ﮐﺮﻭﮞ ﺗﻮ ﻭﮦ ﻣﺠﮭﮯ ﺍﺱ ﻧﺎﻡ ﺳﮯ ﭘﮑﺎﺭﺗﮯ ﮨﻮﺋﮯ ﺷﺮﻣﻨﺪﮦ ﮨﻮ ﮔﯽ – ﻟﯿﮑﻦ ﻣﺠﮭﮯ ﺍﭘﻨﮯ ﻧﺎﻡ ﺳﮯ ﺷﺮﻣﻨﺪﮔﯽ ﻧﮩﯿﮟ ﮨﻮﺗﯽ – ﻣﯿﮟ ﮐﺴﯽ ﮐﯽ ﺧﺎﻃﺮ ﺍﭘﻨﯽ ﺍﺻﻞ ﺗﻮ ﻧﮩﯿﮟ ﺑﺪﻝ ﺳﮑﺘﺎ “-
‘ ﭨﮭﯿﮏ ﮐﮩﺘﮯ ﮨﻮ “
” ﺍﺏ ﻣﯿﮟ ﺁﭖ ﺳﮯ ﮐﮩﺘﺎ ﮨﻮﮞ ﺳﺎﺩﯼ ﮐﮧ ﺁﭖ ﺧﻮﺩ ﮐﻮ ﺩﯾﮩﺎﺗﯽ ﺑﻨﺎﺋﯿﮟ – ﮐﺴﯽ ﮔﺎﺅﮞ ﻣﯿﮟ ﺟﺎ ﮐﺮ ﺭﮨﯿﮟ ۔ ۔ ۔ ۔ ﻭﮨﺎﮞ ﮐﯽ ﻋﻮﺭﺗﻮﮞ ﮐﯽ ﻃﺮﺡ – ﺟﻮ ﮐﺎﻡ ﻭﮨﺎﮞ ﻋﻮﺭﺗﯿﮟ ﮐﺮﺗﯽ ﮨﯿﮟ، ﺁﭖ ﺑﮭﯽ ﮐﺮﯾﮟ – ﺍﭘﻨﺎ ﻟﺒﺎﺱ، ﺍﭘﻨﺎ ﺭﮨﻦ ﺳﮩﻦ، ﺍﭘﻨﺎ ﻃﺮﺯ ﺯﻧﺪﮔﯽ ﻭﮨﺎﮞ ﮐﺎ ﮐﺮ ﻟﯿﮟ ﺗﻮ ﮐﯿﺎ ﯾﮧ ﻣﻤﮑﻦ ﮨﮯ؟ “
” ﺗﻢ ﯾﻘﯿﻦ ﻧﮩﯿﮟ ﮐﺮﻭ ﮔﮯ، ﻣﯿﮟ ﺍﯾﺴﺎ ﮐﺮ ﺳﮑﺘﯽ ﮨﻮﮞ ” ﺳﺎﺩﯼ ﻧﮯ ﭘﺮ ﺯﻭﺭ ﻟﮩﺠﮯ ﻣﯿﮟ ﮐﮩﺎ ” – ﻟﯿﮑﻦ ﻣﯿﮟ ﺑﺎ ﺍﺧﺘﯿﺎﺭ ﻧﮩﯿﮟ – ﻣﺠﮭﮯ ﺍﯾﺴﺎ ﻧﮩﯿﮟ ﮐﺮﻧﮯ ﺩﯾﺎ ﺟﺎﺋﮯ ﮔﺎ ﺍﻭﺭ ﭘﮭﺮ ﺁﺩﻣﯽ ﻧﯿﭽﮯ ﺳﮯ ﺍﻭﭘﺮ ﺟﺎﻧﮯ ﮐﯽ ﮐﻮﺷﺶ ﺗﻮ ﮐﺮ ﺳﮑﺘﺎ ﮨﮯ، ﺍﻭﭘﺮ ﺳﮯ ﻧﯿﭽﮯ ﮐﻮﻥ ﺁﺋﮯ ﮔﺎ
” ﯾﮧ ﺍﻭﭘﺮ ﺍﻭﺭ ﻧﯿﭽﮯ ﮐﺎ ﺗﺼﻮﺭ ﺑﮭﯽ ﺍﭘﻨﺎ ﺍﭘﻨﺎ ﮨﮯ، ﺍﻭﭘﺮ ﺳﮯ ﻧﯿﭽﮯ ﺁﻧﺎ ﺁﺳﺎﻥ ﮨﻮﺗﺎ ﮨﮯ – ﺍﺻﻞ ﺑﺎﺕ ﯾﮧ ﮨﮯ ﮐﮧ ﺳﺎﺩﯼ، ﮐﮧ ﺟﻮ ﺟﮩﺎﮞ ﮨﮯ، ﻭﮨﯿﮟ ﮐﮯ ﻟﺌﮯ ﮨﮯ ﺍﻭﺭ ﻭﮨﯿﮟ ﭨﮭﯿﮏ ﮨﮯ “
” ﭨﮭﯿﮏ ﮨﮯ ﺍﻟﮩﯽٰ ﺑﺨﺶ “
ﺑﯿﺮﺍ ﺑﻞ ﺭﮐﮫ ﮐﺮ ﮔﯿﺎ ﺗﮭﺎ – ﺳﺎﺩﯼ ﻧﮯ ﻃﺸﺘﺮﯼ ﭘﺮ ﺳﻮ ﮐﺎ ﺍﯾﮏ ﻧﻮﭦ ﺭﮐﮫ ﺩﯾﺎ – ” ﺁﺅ ﭼﻠﯿﮟ “
ﺍﺱ ﺩﻥ ﮐﮯ ﺑﻌﺪ ﺳﺎﺩﯼ ﺑﺎﻟﮑﻞ ﺑﺪﻝ ﮐﺮ ﺭﮦ ﮔﺌﯽ !
ﺍﻟﮩﯽٰ ﺑﺨﺶ ﻣﺤﺴﻮﺱ ﮐﺮﺗﺎ ﺗﮭﺎ ﮐﮧ ﺗﺒﺪﯾﻠﯽ ﺍﺱ ﻣﯿﮟ ﺑﮭﯽ ﺁﺋﯽ ﮨﮯ – ﻟﯿﮑﻦ ﺳﺎﺩﯼ ﺗﻮ ﻭﮦ ﭘﮩﻠﮯ ﻭﺍﻟﯽ ﺳﺎﺩﯼ ﺭﮨﯽ ﮨﯽ ﻧﮩﯿﮟ ﺗﮭﯽ – ﯾﮧ ﻧﮩﯿﮟ ﮐﮧ ﺍﺱ ﮐﮯ ﺭﻭﯾﮯ ﻣﯿﮟ ﮐﻮﺋﯽ ﺗﺒﺒﺪﯾﻠﯽ ﺁﺋﯽ ﮨﻮ – ﮔﺎﮌﯼ ﻣﯿﮟ ﻭﮦ ﺍﺏ ﺑﮭﯽ ﺍﺱ ﮐﻮﻧﮯ ﻣﯿﮟ ﺑﯿﭩﮭﺘﯽ ﺗﮭﯽ – ﺍﺱ ﮐﺎ ﭼﮩﺮﮦ ﺩﯾﮑﮭﻨﮯ ﮐﮯ ﻟﺌﮯ ﺍﻟﮩﯽٰ ﺑﺨﺶ ﮐﻮ ﺻﺮﻑ ﻋﻘﺐ ﻧﻤﺎ ﮐﯽ ﻃﺮﻑ ﻧﻈﺮ ﺍﭨﮭﺎﻧﺎ ﭘﮍﺗﯽ ﺗﮭﯽ ﻟﯿﮑﻦ ﺍﺏ ﻋﻘﺐ ﻧﻤﺎ ﻣﯿﮟ ﺍﺳﮯ ﻣﺨﺘﻠﻒ ﻣﻨﻈﺮ ﺩﯾﮑﮭﻨﮯ ﮐﻮ ﻣﻠﺘﺎ ﺗﮭﺎ – ﺍﺳﮯ ﮐﺴﯽ ﮔﮩﺮﯼ ﺳﻮﭺ ﻣﯿﮟ ﮈﻭﺑﯽ ﺳﺎﺩﯼ ﻧﻈﺮ ﺁﺗﯽ – ﺍﺱ ﮐﯽ ﭘﯿﺸﺎﻧﯽ ﭘﺮ ﺳﻮﭺ ﮐﯿﻠﮑﯿﺮﯾﮟ ﻣﺴﺘﻘﻞ ﮨﻮ ﮔﺌﯽ ﺗﮭﯿﮟ – ﻭﮦ ﺍﭘﻨﯽ ﻋﻤﺮ ﺳﮯ ﺑﮍﯼ ﻟﮕﻨﮯ ﻟﮕﯽ ﺗﮭﯽ –
ﺳﺐ ﺳﮯ ﺑﮍﯼ ﺑﺎﺕ ﯾﮧ ﮐﮧ ﺍﺏ ﻭﮦ ﺑﮩﺖ ﮐﻢ ﺳﺨﻦ ﮨﻮ ﮔﺌﯽ ﺗﮭﯽ – ﺍﻥ ﮐﮯ ﺩﺭﻣﯿﺎﻥ ﺑﺎﺕ ﮐﻢ ﮨﯽ ﮨﻮﺗﯽ ﺗﮭﯽ –
ﭘﮭﺮ ﺍﻥ ﮨﯽ ﺩﻧﻮﮞ ﺑﯿﮕﻢ ﺻﺎﺣﺒﮧ ﺷﯿﺦ ﺻﺎﺣﺐ ﺳﮯ ﻧﺎﺭﺍﺽ ﮨﻮ ﮐﺮ ﺍﭘﻨﯽ ﻭﺍﻟﺪﮦ ﮐﮯ ﮔﮭﺮ ﭼﻠﯽ ﮔﺌﯿﮟ – ﺍﻥ ﺩﻧﻮﮞ ﺳﺎﺩﯼ ﯾﻮﮞ ﺷﺮﻣﺴﺎﺭ ﻧﻈﺮ ﺁﺗﯽ ﺗﮭﯽ ﺟﯿﺴﮯ ﺍﺱ ﻣﯿﮟ ﺍﺱ ﮐﺎ ﻗﺼﻮﺭ ﮨﻮ – ﺍﻭﺭ ﺗﻮ ﺍﻭﺭ ﺍﻇﮩﺮ ﺑﺎﺑﺎ ﺑﮭﯽ ﺍﺩﺍﺱ ﺭﮨﻨﮯ ﻟﮕﺎ – ﺩﺱ ﺑﺎﺭﮦ ﺩﻥ ﺑﻌﺪ ﺷﯿﺦ ﺻﺎﺣﺐ ﺍﻧﮩﯿﮟ ﻟﮯ ﺁﺋﮯ ﻟﯿﮑﻦ ﮔﮭﺮ ﮐﯽ ﻓﻀﺎ ﭘﮩﻠﮯ ﺟﯿﺴﯽ ﻧﮩﯿﮟ ﮨﻮﺋﯽ – ﺍﺩﮬﺮ ﺳﺎﺩﯼ ﮐﮯ ﺍﻣﺘﺤﺎﻥ ﺳﺮ ﭘﺮ ﺁ ﮔﺌﮯ ﺗﮭﮯ – ﻭﮦ ﺍﻥ ﮐﯽ ﺗﯿﺎﺭﯼ ﻣﯿﮟ ﺑﮭﯽ ﻣﺼﺮﻭﻑ ﮨﻮ ﮔﺌﯽ ﺗﮭﯽ –
ﺍﻣﺘﺤﺎﻥ ﮐﮯ ﺑﻌﺪ ﭼﮭﭩﯿﺎﮞ ﮨﻮ ﮔﺌﯿﮟ – ﮐﺎﻟﺞ ﺟﺎﻧﺎ ﻣﻮﻗﻮﻑ ﮨﻮﺍ – ﺍﯾﮏ ﮨﻔﺘﮧ ﮔﺰﺭﺗﮯ ﮔﺰﺭﺗﮯ ﺍﻟﮩﯽٰ ﺑﺨﺶ ﮐﻮ ﺑﮯ ﮐﺎﺭﯼ ﮐﺎ ﺍﺣﺴﺎﺱ ﺳﺘﺎﻧﮯ ﻟﮕﺎ ﻣﮕﺮ ﭘﮭﺮ ﺍﯾﮏ ﺩﻥ ﺻﺒﺢ ﺩﺱ ﺑﺠﮯ ﺳﺎﺩﯼ ﺑﺎﮨﺮ ﺁﺋﯽ – ﺍﻟﮩﯽٰ ﺑﺨﺶ ﺍﺱ ﻭﻗﺖ ﺑﺎﻏﯿﭽﮯ ﻣﯿﮟ ﮐﺮﻣﻮ ﮐﮯ ﭘﺎﺱ ﺑﯿﭩﮭﺎ ﺑﺎﺗﯿﮟ ﮐﺮ ﺭﮨﺎ ﺗﮭﺎ – ﺳﺎﺩﯼ ﻧﮯ ﺍﺷﺎﺭﮮ ﺳﮯ ﺍﺳﮯ ﺑﻼﯾﺎ –
ﺍﻟﮩﯽٰ ﺑﺨﺶ ﻟﭙﮏ ﮐﺮ ﺍﺱ ﮐﮯ ﭘﺎﺱ ﮔﯿﺎ – ” ﺟﯽ ﺳﺎﺩﯼ ﺑﯽ ﺑﯽ “
” ﮐﻮﺋﯽ ﻣﺼﺮﻭﻓﯿﺖ ﺗﻮ ﻧﮩﯿﮟ ﺗﻤﮩﯿﮟ؟ “
” ﻣﯿﮟ ﺗﻮ ﺑﮯ ﮐﺎﺭ ﺑﯿﭩﮭﮯ ﺑﯿﺘﮭﮯ ﺗﻨﮓ ﺁ ﮔﯿﺎ ﮨﻮﮞ “
” ﺗﻮ ﮔﺎﮌﯼ ﻧﮑﺎﻟﻮ – ﻣﺠﮭﮯ ﺍﭘﻨﮯ ﺍﯾﮏ ﺩﻭﺳﺖ ﺳﮯ ﻣﻠﻨﮯ ﺟﺎﻧﺎ ﮨﮯ “
” ﺍﺑﮭﯽ ﻻﯾﺎ ﺳﺎﺩﯼ ﺑﯽ ﺑﯽ “
” ﺗﻢ ﮔﺎﮌﯼ ﺻﺎﻑ ﮐﺮﻭ – ﻣﺠﮭﮯ ﺗﯿﺎﺭﯼ ﻣﯿﮟ ﺁﺩﮬﺎ ﮔﮭﻨﭩﮧ ﻟﮕﮯ ﮔﺎ “
ﺁﺩﮬﮯ ﮔﮭﻨﭩﮯ ﺑﻌﺪ ﺳﺎﺩﯼ ﺑﺎﮨﺮ ﺁﺋﯽ ﺗﻮ ﺑﮩﺖ ﺍﭼﮭﯽ ﻟﮓ ﺭﮨﯽ ﺗﮭﯽ – ﺍﻟﮩﯽٰ ﺑﺨﺶ ﻧﮯ ﺍﺱ ﮐﮯ ﻟﺌﮯ ﺩﺭﻭﺍﺯﮦ ﮐﮭﻮﻻ ﺍﻭﺭ ﭘﮭﺮ ﮈﺭﺍﺋﯿﻮﻧﮓ ﺳﯿﭧ ﭘﺮ ﺑﯿﭩﮭﺎ – ” ﮐﮩﺎﮞ ﭼﻠﻨﺎ ﮨﮯ ﺳﺎﺩﯼ ﺑﯽ ﺑﯽ؟ “
” ﻧﺎﻇﻢ ﺁﺑﺎﺩ “
ﺍﻟﮩﯽٰ ﺑﺨﺶ ﺍﺏ ﺗﮏ ﺭﺍﺳﺘﻮﮞ ﺍﻭﺭ ﻋﻼﻗﻮﮞ ﺳﮯ ﺑﺎ ﺧﺒﺮ ﮨﻮ ﭼﮑﺎ ﺗﮭﺎ – ﺍﺳﮯ ﺳﺎﺩﯼ ﮐﯽ ﮨﺪﺍﯾﺖ ﮐﯽ ﺿﺮﻭﺭﺕ ﻧﮩﯿﮟ ﺗﮭﯽ –
” ﺩﻭ ﺳﺎﻝ ﺑﻌﺪ ﻣﯿﮟ ﺍﺱ ﺩﻭﺳﺖ ﺳﮯ ﻣﻞ ﺭﮨﯽ ﮨﻮﮞ ” ﺳﺎﺩﯼ ﻧﮯ ﺧﻮﺩ ﮐﻼﻣﯽ ﮐﮯ ﺍﻧﺪﺍﺯ ﻣﯿﮟ ﮐﮩﺎ –
ﺍﻟﮩﯽٰ ﺑﺨﺶ ﻧﮯ ﺳﺮ ﺍﭨﮭﺎ ﮐﺮ ﻋﻘﺐ ﻣﯿﮟ ﺩﯾﮑﮭﺎ – ﻭﮦ ﺍﭘﻨﮯ ﻣﺨﺼﻮﺹ ﮐﻮﻧﮯ ﻣﯿﮟ ﺑﯿﭩﮭﯽ ﺗﮭﯽ – ﺍﺱ ﮐﯽ ﺁﻧﮑﮭﻮﮞ ﻣﯿﮟ ﭼﻤﮏ ﺗﮭﯽ –
” ﺷﺎﮨﺪ ﻧﺎﻡ ﮨﮯ ﺍﺱ ﮐﺎ، ﺑﮩﺖ ﺍﭼﮭﺎ ﻟﮍﮐﺎ ﮨﮯ – ﮐﻞ ﺍﺱ ﻧﮯ ﻓﻮﻥ ﮐﯿﺎ ﺗﮭﺎ – ﻣﯿﮟ ﻧﮯ ﺳﻮﭼﺎ، ﺁﺝ ﮐﻞ ﻓﺮﺻﺖ ﮨﮯ ﻣﻞ ﮨﯽ ﻟﻮﮞ “
ﺍﻟﮩﯽٰ ﺑﺨﺶ ﮐﻮ ﻋﺠﯿﺐ ﺳﺎ ﻟﮕﺎ – ﻟﮍﮐﯽ ﮐﺎ ﺩﻭﺳﺖ ﻟﮍﮐﺎ ! ﻭﮦ ﺟﮩﺎﮞ ﮐﺎ ﺗﮭﺎ، ﻭﮨﺎﮞ ﻟﮍﮐﯽ ﺍﻭﺭ ﻟﮍﮐﮯ ﮐﮯ ﺩﺭﻣﯿﺎﻥ ﮐﻮﺋﯽ ﺗﻌﻠﻖ ﻧﮩﯿﮟ ﮨﻮﺗﺎ ۔ ۔ ۔ ۔ ﺳﻮﺍﺋﮯ ﻣﺤﺒﺖ ﮐﮯ – ﺍﻭﺭ ﺍﺱ ﺻﺆﺭﺕ ﻣﯿﮟ ﻭﮦ ﭼﮭﭗ ﭼﮭﭗ ﮐﺮ ﻣﻠﺘﮯ ﺗﮭﮯ – ﺩﻭﺳﺘﯽ ﺗﻮ ﻟﮍﮐﻮﮞ ﮐﯽ ﻟﮍﮐﻮﮞ ﺳﮯ ﺍﻭﺭ ﻟﮍﮐﯿﻮﮞ ﮐﯽ ﻟﮍﮐﯿﻮﮞ ﺳﮯ ﮨﻮﺗﯽ ﮨﮯ – ﺍﺱ ﻧﮯ ﺧﻮﺩ ﮐﻮ ﺳﻤﺠﮭﺎﯾﺎ، ﺟﻮ ﮐﺒﮭﯽ ﺳﺎﺩﯼ ﮐﻮ ﺳﻤﺠﮭﺎﯾﺎ ﺗﮭﺎ، ﺟﻮ ﺟﮩﺎﮞ ﮨﮯ ﻭﮨﯿﮟ ﮐﮯ ﻣﻄﺎﺑﻖ ﮨﮯ، ﻭﮨﯿﮟ ﮐﮯ ﻟﺌﮯ ﮨﮯ ﺍﻭﺭ ﻭﮨﯿﮟ ﭨﮭﯿﮏ ﮨﮯ – ﺷﮩﺮ ﻣﯿﮟ ﺍﯾﺴﺎ ﮨﯽ ﮨﻮﺗﺎ ﮨﻮ ﮔﺎ –
ﺍﭼﺎﻧﮏ ﺍﺱ ﮐﮯ ﺩﻝ ﯾﮟ ﭘﮭﺎﻧﺲ ﺳﯽ ﭼﮭﺒﯽ – ﮐﻮﻥ ﺟﺎﻧﮯ ﺳﺎﺩﯼ ﺍﺱ ﻟﮍﮐﮯ ﺷﺎﮨﺪ ﺳﮯ ﻣﺤﺒﺖ ﮐﺮﺗﯽ ﮨﻮ – ﯾﮩﺎﮞ ﻧﺎﻡ ﺩﻭﺳﺘﯽ ﮐﺎ ﺿﺮﻭﺭ ﮨﻮﺗﺎ ﮨﻮ ﮔﺎ ﻟﯿﮑﻦ ﻟﮍﮐﮯ ﺍﻭﺭ ﻟﮍﮐﯽ ﻣﯿﮟ ﺗﻮ ﺍﯾﮏ ﺩﻭﺳﺮﮮ ﮐﮯ ﻟﺌﮯ ﺧﺎﺹ ﮐﺸﺶ ﮨﻮﺗﯽ ﮨﮯ – ﮐﮩﺎ ﮐﭽﮫ ﺑﮭﯽ ﺟﺎﺋﮯ – ” ﺍﯾﺴﺎ ﮨﮯ ﺑﮭﯽ ﺗﻮ ﺗﺠﮭﮯ ﮐﯿﺎ ” ﺍﺱ ﻧﮯ ﺧﻮﺩ ﮐﻮ ﮈﭘﭧ ﺩﯾﺎ ” – ﺗﻮ ﺍﭘﻨﺎ ﮐﺎﻡ ﮐﺌﮯ ﺟﺎ – ﺳﺎﺩﯼ ﺳﮯ ﺑﮯ ﻃﻠﺐ ﻣﺤﺒﺖ ﮐﺮﺗﺎ ﺭﮦ – ﺍﺳﮯ ﺧﻮﺵ ﮐﺮﻧﮯ ﮐﯽ ﮐﻮﺷﺶ ﮐﺮ “
” ﯾﮩﺎﮞ ﺳﮯ ﺩﺍﮨﻨﯽ ﺟﺎﻧﺐ ﻟﮯ ﻟﻮ ﺍﻟﮩﯽٰ ﺑﺨﺶ ” ﺳﺎﺩﯼ ﻧﮯ ﮐﮩﺎ –
ﻭﮦ ﻧﺎﻅ ﺁﺑﺎﺩ ﭘﮩﻨﭻ ﭼﮑﮯ ﺗﮭﮯ – ﺍﺏ ﺳﺎﺩﯼ ﮨﺪﺍﯾﺖ ﺩﮮ ﺭﮨﯽ ﺗﮭﯽ – ﺫﺭﺍ ﺩﯾﺮ ﺑﻌﺪ ﺍﺱ ﻧﮯ ﺍﯾﮏ ﺑﻨﮕﻠﮯ ﮐﮯ ﺳﺎﻣﻨﮯ ﮔﺎﮌﯼ ﺭﮐﻮﺍ ﺩﯼ ” – ﺍﺏ ﺗﻢ ﻭﺍﭘﺲ ﭼﻠﮯ ﺟﺎﺅ ” ﺳﺎﺩﯼ ﻧﮯ ﺍﺗﺮﺗﮯ ﮨﻮﺋﮯ ﮐﮩﺎ ” – ﭼﺎﺭ ﺑﺠﮯ ﻣﺠﮭﮯ ﻟﯿﻨﮯ ﮐﮯ ﻟﺌﮯ ﺁ ﺟﺎﻧﺎ – ﯾﮧ ﺑﯿﻞ ﺩﮮ ﺩﯾﻨﺎ ” ﺍﺱ ﻧﮯ ﺑﭩﻦ ﮐﯽ ﻃﺮﻑ ﺍﺷﺎﺭﮦ ﮐﯿﺎ –
” ﺑﮩﺖ ﺑﮩﺘﺮ ﺳﺎﺩﯼ ﺑﯽ ﺑﯽ “
ﺳﺎﺩﯼ ﻧﮯ ﺑﭩﻦ ﭘﺮ ﺍﻧﮕﻠﯽ ﺭﮐﮫ ﺩﯼ ﺗﮭﯽ – ﺍﻟﮩﯽٰ ﺑﺨﺶ ﻧﮯ ﮔﺎﮌﯼ ﺁﮔﮯ ﺑﮍﮬﺎ ﺩﯼ – ﺍﺱ ﮐﮯ ﺩﻝ ﻣﯿﮟ ﺳﺎﺩﯼ ﮐﯽ ﺁﺭﺯﻭ ﻧﮩﯿﮟ ﺗﮭﯽ – ﮐﻮﺋﯽ ﻃﻠﺐ ﻧﮩﯿﮟ ﺗﮭﯽ – ﻟﯿﮑﻦ ﻭﮦ ﺍﺱ ﺷﺎﮨﺪ ﮐﻮ ﺩﯾﮑﮭﻨﺎ ﻧﮩﯿﮟ ﭼﺎﮨﺘﺎ ﺗﮭﺎ ۔ ۔
ﭨﮭﯿﮏ ﭼﺎﺭ ﺑﺠﮯ ﺍﻟﮩﯽٰ ﺑﺨﺶ ﻭﮨﯽ ﺑﭩﻦ ﺩﺑﺎ ﺭﮨﺎ ﺗﮭﺎ –
ﭼﻨﺪ ﻟﻤﺤﮯ ﺑﻌﺪ ﺍﯾﮏ ﺧﻮﺵ ﭘﻮﺵ ﺍﻭﺭ ﺧﻮﺵ ﺷﮑﻞ ﺟﻮﺍﻥ ﻟﮍﮐﮯ ﻧﮯ ﮔﯿﭧ ﮐﮭﻮﻻ – ﺍﺳﮯ ﺩﯾﮑﮭﺘﮯ ﮨﯽ ﺍﻟﮩﯽٰ ﺑﺨﺶ ﮐﮯ ﺩﻝ ﻣﯿﮟ ﺭﻗﺎﺑﺖ ﮐﯽ ﺍﯾﮏ ﺗﻨﺪ ﻟﮩﺮ ﺍﭨﮭﯽ –
” ﺳﻌﺪﯾﮧ ﮐﻮ ﻟﯿﻨﮯ ﺁﺋﮯ ﮨﻮ؟ ” ﻟﮍﮐﮯ ﻧﮯ ﭘﻮﭼﮭﺎ
‘ ﺟﯽ ﮨﺎﮞ “
” ﺁﺑﮭﯽ ﺁﺗﯽ ﮨﮯ ﻭﮦ ” ﯾﮧ ﮐﮩﮧ ﮐﺮ ﻭﮦ ﻟﮍﮐﺎ ﺍﻧﺪﺭ ﭼﻼ ﮔﯿﺎ –
ﺍﻟﮩﯽٰ ﺑﺨﺶ ﮐﻮ ﺍﺣﺴﺎﺱ ﺑﮭﯽ ﻧﮩﯿﮟ ﮨﻮﺍ ﮐﮧ ﻭﮦ ﺍﭘﻨﺎ ﻣﻮﺍﺯﻧﮧ ﺍﺱ ﺳﮯ ﮐﺮ ﺭﮨﺎ ﺭﮨﺎ ﮨﮯ – ﺍﺣﺴﺎﺱ ﮨﻮﺍ ﺗﻮ ﺍﺱ ﻧﮯ ﺧﻮﺩ ﮐﻮ ﺭﻭﮐﺎ – ﺍﺱ ﮐﺎ ﺍﺱ ﺳﮯ ﮐﯿﺎ ﺟﻮﮌ ۔ ۔ ۔ ۔
ﺍﺳﯽ ﻟﻤﺤﮯ ﺳﺎﺩﯼ ﺑﺎﮨﺮ ﺁ ﮔﺌﯽ – ﻟﮍﮐﺎ ﺑﮭﯽ ﺳﺎﺗﮫ ﮨﯽ ﺁﯾﺎ ﺗﮭﺎ ” ﺧﺪﺍ ﺣﺎﻓﻆ ﺷﺎﮨﺪ “
ﺍﻟﮩﯽٰ ﺑﺨﺶ ﻧﮯ ﺳﺎﺩﯼ ﮐﮯ ﻟﺌﮯ ﭘﭽﮭﻼ ﺩﺭﻭﺍﺯﮦ ﮐﮭﻮﻝ ﺩﯾﺎ ﺗﮭﺎ ” ﺧﺪﺍ ﺣﺎﻓﻆ ﺳﻌﺪﯾﮧ ” ﻟﮍﮐﮯ ﻧﮯ ﮐﮩﺎ ” ﭘﮭﺮ ﮐﺐ ﺁﺅ ﮔﯽ؟ “
” ﺟﺐ ﻣﻮﻗﻊ ﻣﻼ ” ﺳﺎﺩﯼ ﻧﮯ ﻣﺴﮑﺮﺍﺗﮯ ﮨﻮﺋﮯ ﮐﮩﺎ ﺍﻭﺭ ﮔﺎﮌﯼ ﻣﯿﮟ ﺑﯿﭩﮫ ﮔﺌﯽ –
ﺭﺍﺳﺘﮯ ﻣﯿﮟ ﺳﺎﺩﯼ ﻧﮯ ﭘﻮﭼﮭﺎ – ” ﺍﻣﯽ ﻧﮯ ﺗﻢ ﺳﮯ ﮐﭽﮫ ﭘﻮﭼﮭﺎ ﺗﻮ ﻧﮩﯿﮟ ﺗﮭﺎ؟ “
” ﺟﯽ ﻧﮩﯿﮟ ” ﺍﻟﮩﯽٰ ﺑﺨﺶ ﻧﮯ ﺑﺠﮭﮯ ﺑﺠﮭﮯ ﻟﮩﺠﮯ ﻣﯿﮟ ﮐﮩﺎ –
‘ ﺟﺐ ﺑﮭﯽ ﭘﻮﭼﮭﯿﮟ ﺗﻮ ﮐﮩﻨﺎ ﮐﮧ ﻧﻮﺭﯾﻦ ﮐﮯ ﮨﺎﮞ ﮔﺌﯽ ﮨﻮﮞ – ﺷﺎﮨﺪ ﮐﺎ ﻧﺎﻡ ﻧﮧ ﻟﯿﻨﺎ “
” ﮐﯿﻮﮞ ﺳﺎﺩﯼ ﺑﯽ ﺑﯽ؟ ” ﺍﻟﮩﯽٰ ﺑﺨﺶ ﻧﮧ ﭼﺎﮨﺘﮯ ﮨﻮﺋﮯ ﺑﮭﯽ ﭘﻮﭼﮫ ﺑﯿﭩﮭﺎ –
” ﺧﻮﺍﻣﺨﻮﺍﮦ ﺟﮭﮏ ﺟﮭﮏ ﮐﺮﯾﮟ ﮔﯽ ﺍﻣﯽ “
ﻣﺎﮞ ﺑﺎﭖ ﺳﮯ ﭘﻮﭼﮭﮯ ﺑﻐﯿﺮ ﮐﺴﯽ ﺳﮯ ﻣﻠﻨﺎ ﺗﻮ ﺑﺮﯼ ﺑﺎﺕ ﮨﮯ ﺳﺎﺩﯼ ﺑﯽ ﺑﯽ “
” ﮨﺎﮞ ﺑﺮﯼ ﺑﺎﺕ ﺗﻮ ﮨﮯ، ﻟﯿﮑﻦ ﭘﻮﭼﮭﻮﮞ ﺗﻮ ﺍﺟﺎﺯﺕ ﻧﮩﯿﮟ ﻣﻠﮯ ﮔﯽ
ﺍﻟﮩﯽٰ ﺑﺨﺶ ﭼﭗ ﮨﻮ ﮔﯿﺎ ﻟﯿﮑﻦ ﺍﺳﮯ ﺩﻟﯽ ﺗﮑﻠﯿﻒ ﮨﻮﺋﯽ – ﻭﮦ ﺳﺎﺩﯼ ﮐﻮ ﺑﮩﺖ ﺍﭼﮭﺎ ﺑﮩﺖ ﺑﻠﻨﺪ ﺩﯾﮑﮭﻨﺎ ﭼﺎﮨﺘﺎ ﺗﮭﺎ –
ﺍﺳﮯ ﯾﮧ ﻣﻌﻠﻮﻡ ﻧﮩﯿﮟ ﺗﮭﺎ ﮐﮧ ﺍﺱ ﮐﮯ ﻟﺌﮯ ﺍﺫﯾﺖ ﮐﺎ ﻭﻗﺖ ﺷﺮﻭﻉ ﮨﻮ ﮔﯿﺎ ﮨﮯ – ﺳﺎﺩﯼ ﺗﻘﺮﯾﺒﺎٰ ﮨﺮ ﮨﻔﺘﮯ ﺷﺎﮨﺪ ﺳﮯ ﻣﻠﻨﮯ ﺟﺎﻧﮯ ﻟﮕﯽ ﺗﮭﯽ – ﺍﺩﮬﺮ ﺍﻟﮩﯽٰ ﺑﺨﺶ ﮐﮯ ﺧﻮﺩ ﺳﮯ ﻣﺒﺎﺣﺜﮯ ﺷﺮﻭﻉ ﮨﻮ ﮔﺌﮯ ﺗﮭﮯ – ﻭﮦ ﺧﻮﺩ ﮐﻮ ﺳﻤﺠﮭﺎﺗﺎ ﮐﮩﯿﮧ ﻋﺸﻖ ﮐﯽ ﺁﺯﻣﺎﺋﺶ ﮨﮯ – ﺍﻭﺭ ﺍﺳﮯ ﮐﯿﺎ ﻟﯿﻨﺎ – ﺳﺎﺩﯼ ﺍﺱ ﮐﮯ ﻟﺌﮯ ﺗﻮ ﻧﮩﯿﮟ ﮨﮯ – ﯾﮧ ﺍﺱ ﮐﯽ ﻗﺮﺑﺖ، ﺍﯾﮏ ﺍﻟﺘﻔﺎﺕ ﮐﯽ ﻧﻈﺮ، ﮐﻮﺋﯽ ﻣﯿﭩﮭﯽ ﺑﺎﺕ – ﯾﮧ ﺗﻮ ﺍﺱ ﮐﮯ ﺍﺣﺴﺎﻧﺎﺕ ﮨﯿﮟ، ﺟﻦ ﮐﺎ ﻭﮦ ﮐﺒﮭﯽ ﺻﻠﮧ ﻧﮩﯿﮟ ﺩﮮ ﺳﮑﺘﺎ – ﻭﮦ ﻋﺸﻖ ﮐﺮ ﺳﮑﺘﺎ ﮨﮯ ﺍﺱ ﺳﮯ ۔ ۔ ۔ ﺍﻭﺭ ﮐﺌﮯ ﺟﺎﺋﮯ ﮔﺎ –
ﻭﮦ ﭘﺎﻧﭽﻮﺍﮞ ﯾﺎ ﭼﮭﭩﺎ ﻣﻮﻗﻊ ﺗﮭﺎ ﮐﮧ ﻭﮦ ﺍﺳﮯ ﮔﮭﺮ ﻭﺍﭘﺲ ﻟﮯ ﺟﺎﻧﮯ ﮐﮯ ﻟﺌﮯ ﺁﯾﺎ ﺗﮭﺎ ﺍﺱ ﺭﻭﺯ ﺳﺎﺩﯼ ﺍﮐﯿﻠﯽ ﺑﺎﮨﺮ ﻧﮑﻠﯽ۔ ۔ ۔ ﺍﻭﺭ ﻭﮦ ﺭﻭﮨﺎﻧﺴﯽ ﻟﮓ ﺭﮨﯽ ﺗﮭﯽ –
” ﺍﻟﮩﯽٰ ﺑﺨﺶ ﭼﻼﺅ ﮔﺎﮌﯼ – ﺟﻠﺪﯼ ﺳﮯ ﻣﺠﮭﮯ ﯾﮩﺎﮞ ﺳﮯ ﻟﮯ ﭼﻠﻮ “
ﺍﻟﮩﯽٰ ﺑﺨﺶ ﻧﮯ ﮔﺎﮌﯼ ﺳﭩﺎﺭﭦ ﮐﺮ ﮐﮯ ﺁﮔﺖ ﺑﮍﮬﺎﺋﯽ – ” ﮐﯿﺎ ﺑﺎﺕ ﮨﮯ ﺳﺎﺩﯼ ﺑﯽ ﺑﯽ، ﺧﯿﺮ ﺗﻮ ﮨﮯ؟ ” ﺍﺱ ﻧﮯ ﭘﺮ ﺗﺸﻮﯾﺶ ﻟﮩﺠﮯ ﻣﯿﮟ ﭘﻮﭼﮭﺎ
” ﺑﺲ ﻣﯿﮟ ﺁﺋﻨﺪﮦ ﯾﮩﺎﮞ ﻧﮩﯿﮟ ﺁﺅﮞ ﮔﯽ “
ﺍﻟﮩﯽٰ ﺑﺨﺶ ﻧﮯ ﭼﻮﻧﮏ ﮐﺮ ﺩﯾﮑﮭﺎ – ﺳﺎﺩﯼ ﮐﯽ ﺁﻧﮑﮭﻮﮞ ﻣﯿﮟ ﺁﻧﺴﻮ ﺗﮭﮯ ” ﮐﯿﺎ ﮨﻮﺍ – ﮐﯿﺎ ﺑﺎﺕ ﮨﮯ؟ “
” ﺍﺱ ﻧﮯ ۔ ۔ ۔ ﺍﺱ ﻧﮯ ﻣﺠﮫ ﺳﮯ ﺑﺪﺗﻤﯿﺰﯼ ﮐﯽ “
ﺍﻟﮩﯽٰ ﺑﺨﺶ ﮐﮯ ﻭﺟﻮﺩ ﻣﯿﮟ ﺳﻨﺎﭨﮯ ﺗﯿﺮ ﮔﺌﮯ – ﺑﻼ ﺍﺭﺍﺩﮦ ﺍﺱ ﻧﮯ ﺑﺮﯾﮏ ﭘﺮ ﺩﺑﺎﺅ ﮈﺍﻻ ﺍﻭﺭ ﮔﺎﮌﯼ ﺳﺎﺋﯿﮉ ﻣﯿﮟ ﺭﻭﮎ ﺩﯼ – ” ﮐﯿﺎ ﮨﻮﺍ، ﮐﯿﺎﮐﮩﺎﺍﺱ ﻧﮯ؟ ” ﺍﺳﮯ ﺧﻮﺩ ﺑﮭﯽ ﺍﭘﻨﯽ ﺁﻭﺍﺯ ﺍﺟﻨﺒﯽ ﻟﮕﯽ –
” ﺁﺝ ﮔﮭﺮ ﻣﯿﮟ ﮐﻮﺋﯽ ﻧﮩﯿﮟ ﺗﮭﺎ ” ﺳﺎﺩﯼ ﺍﺱ ﮐﯽ ﺑﺪﻟﺘﯽ ﮐﯿﻔﯿﺖ ﺳﮯ ﺑﮯ ﻧﯿﺎﺯ ﮐﮩﺘﯽ ﺭﮨﯽ ” ﺁﺱ ﻧﮯ ﻣﯿﺮﺍ ﮨﺎﺗﮫ ﭘﮑﮍﺍ ﺍﻭﺭ ۔ ۔ ۔ ” ﺁﮔﮯ ﺍﺱ ﺳﮯ ﮐﭽﮫ ﮐﮩﺎ ﮨﯽ ﻧﮩﯿﮟ ﮔﯽ
ﺍﻟﮩﯽٰ ﺑﺨﺶ ﮐﯽ ﺁﻧﮑﮭﻮﮞ ﺳﮯ ﺷﻌﻠﮯ ﻧﮑﻠﻨﮯ ﻟﮕﮯ – ﺍﺱ ﻧﮯ ﺩﺭﻭﺍﺯﮮ ﮐﮯ ﮨﯿﻨﮉﻝ ﭘﺮ ﮨﺎﺗﮫ ﺭﮐﮭﺎ – ﺍﺱ ﺑﺎﺭ ﺳﺎﺩﯼ ﺍﺱ ﮐﯽ ﮐﯿﻔﯿﺖ ﺳﮯ ﺑﮯ ﺧﺒﺮ ﻧﮩﯿﮟ ﺭﮨﯽ – ﻭﮦ ﺳﮩﻢ ﮔﺌﯽ ” – ﺍﻟﮩﯽٰ ﺑﺨﺶ ﺍﺩﮬﺮ ﺩﯾﮑﮭﻮ “
ﺍﻟﮩﯽٰ ﺑﺨﺶ ﻧﮯ ﭘﻠﭧ ﮐﺮ ﺍﺳﮯ ﺩﯾﮑﮭﺎ ” ﺟﯽ ﺳﺎﺩﯼ ﺑﯽ ﺑﯽ “
” ﺗﻢ ﮐﯿﺎ ﮐﺮ ﺭﮨﮯ ﮨﻮ، ﮔﺎﮌﯼ ﭼﻼﺅ ﻧﺎ “
” ﻧﮩﯿﮟ ﺳﺎﺩﯼ ﺑﯽ ﺑﯽ – ﭘﮩﻠﮯ ﺍﺳﮯ ﺑﺪﺗﻤﯿﺰﯼ ﮐﯽ ﺳﺰﺍ ﺩﻭﮞ ﮔﺎ ” ﺍﻟﮩﯽٰ ﺑﺨﺶ ﻧﮯ ﺩﺭﻭﺍﺯﮦ ﮐﮭﻮﻝ ﻟﯿﺎ۔ ۔ ۔ ۔ ۔
” ﺗﻢ ﺍﯾﺴﺎ ﮐﭽﮫ ﻧﮩﯿﮟ ﮐﺮﻭ ﮔﮯ ” ﺳﺎﺩﯼ ﻧﮯ ﺳﺨﺖ ﻟﮩﺠﮯ ﻣﯿﮟ ﮐﮩﺎ ” ﻧﮧ ﺁﺝ ﻧﮧ ﺁﺋﻨﺪﮦ ﮐﺒﮭﯽ – ﻧﮧ ﺷﺎﮨﺪ ﮐﮯ ﺳﺎﺗﮫ ﺍﻭﺭ ﻧﮧ ﮐﺴﯽ ﺍﻭﺭ ﮐﮯ ﺳﺎﺗﮫ “
” ﻟﯿﮑﻦ ﺍﺱ ﻧﮯ ﺁﭖ ﮐﮯ ﺳﺎﺗﮫ ﺑﺪ ﺗﻤﯿﺰﯼ ﮐﯽ ﮨﮯ “
” ﻏﻠﻄﯽ ﻣﯿﺮﯼ ﺗﮭﯽ ﻣﯿﮟ ﺧﻮﺩ ﯾﮩﺎﮞ ﺁﺋﯽ ﺗﮭﯽ “
” ﭘﮭﺮ ﺑﮭﯽ ۔ ۔ ۔ ﺍﺳﮯ ﺣﻖ ﻧﮩﯿﮟ ﭘﮩﻨﭽﺘﺎ ﮐﮧ ۔ ۔ ۔ “
” ﺍﻟﮩﯽٰ ﺑﺨﺶ ﺗﻢ ﻣﯿﺮﯼ ﺑﺎﺕ ﻧﮩﯿﮟ ﻣﺎﻧﻮ ﮔﮯ؟ “
ﺍﻟﮩﯽٰ ﺑﺨﺶ ﻧﮯ ﺑﮯ ﺑﺴﯽ ﺳﮯ ﺍﺳﮯ ﺩﯾﮑﮭﺎ ” ﺳﺎﺩﯼ ﺑﯽ ﺑﯽ “
” ﺑﺲ، ﻣﯿﮟ ﺟﻮ ﮐﮩﮧ ﺭﮨﯽ ﮨﻮﮞ – ﻣﯿﺮﯼ ﻭﺟﮧ ﺳﮯ ﺗﻢ ﮐﺒﮭﯽ ﮐﺴﯽ ﭘﺮ ﮨﺎﺗﮫ ﻧﮩﯿﮟ ﺍﭨﮭﺎﺅ ﮔﮯ – ﻭﺭﻧﮧ ﻣﯿﮟ ﺗﻤﮩﯿﮟ ﮐﺒﮭﯽ ﻣﻌﺎﻑ ﻧﮩﯿﮟ ﮐﺮﻭﮞ ﮔﯽ “
ﺍﻟﮩﯽٰ ﺑﺨﺶ ﮐﺎ ﻏﺼﮧ ﺟﮭﺎﮒ ﮐﯽ ﻃﺮﺡ ﺑﯿﭩﮫ ﮔﯿﺎ – ﺍﺱ ﻧﮯ ﺧﺎﻣﻮﺷﯽ ﺳﮯ ﺍﻧﺠﻦ ﺍﺳﭩﺎﺭﭦ ﮐﯿﺎ ﺍﻭﺭ ﮔﺎﮌﯼ ﺁﮔﮯ ﺑﮍﮬﺎ ﺩﯼ –
ﺍﻟﮩﯽٰ ﺑﺨﺶ ﮐﻮ ﯾﮧ ﺍﻃﻤﯿﻨﺎﻥ ﮨﻮ ﮔﯿﺎ ﺗﮭﺎ ﮐﮧ ﺳﺎﺩﯼ ﺍﺏ ﺷﺎﮨﺪ ﮐﮯ ﮔﮭﺮ ﮐﺒﮭﯽ ﻧﮩﯿﮟ ﺟﺎﺋﮯ ﮔﯽ – ﺍﺱ ﻭﺍﻗﻌﮯ ﮐﮯ ﺗﯿﻦ ﮨﻔﺘﮯ ﮐﮯ ﺑﻌﺪ ﺍﭼﺎﻧﮏ ﺳﺎﺩﯼ ﻧﮯ ﭘﮭﺮ ﺍﺱ ﺳﮯ ﮔﺎﮌﯼ ﻧﮑﺎﻟﻨﮯ ﮐﻮ ﮐﮩﺎ –
ﮔﺎﮌﯼ ﮔﯿﭧ ﺳﮯ ﻧﮑﺎﻟﻨﮯ ﮐﮯ ﺑﻌﺪ ﺍﻟﮩﯽٰ ﺑﺨﺸﺶ ﻧﮯ ﭘﻮﭼﮭﺎ ” ﮐﮩﺎﮞ ﺟﺎﺋﯿﮟ ﮔﯽ ﺳﺎﺩﯼ ﺑﯽ ﺑﯽ “
” ﻧﺎﻇﻢ ﺁﺑﺎﺩ – ﺷﺎﮨﺪ ﮐﮯ ﮔﮭﺮ “
ﺍﻟﮩﯽٰ ﺑﺨﺶ ﺳﻨﺎﭨﮯ ﻣﯿﮟ ﺁ ﮔﯿﺎ ۔
ﺍﻟﮩﯽٰ ﺑﺨﺶ ﺳﻨﺎﭨﮯ ﻣﯿﮟ ﺁ ﮔﯿﺎ ” – ﭘﭽﮭﻠﯽ ﺑﺎﺭ ﺁﭖ ﻧﮯ ﮐﮩﺎ ۔۔۔۔۔ “
” ﮨﺎﮞ ۔۔۔۔۔۔ ﻣﯿﮟ ﻧﮯ ﻓﯿﺼﻠﮧ ﺗﻮ ﯾﮩﯽ ﮐﯿﺎ ﺗﮭﺎ ﻟﯿﮑﻦ ﺍﺱ ﻧﮯ ﻓﻮﻥ ﭘﺮ ﺍﺗﻨﯽ ﻣﻌﺎﻓﯿﺎﮞ ﻣﺎﻧﮕﯿﮟ، ﺍﺗﻨﺎ ﮔﮍﮔﮍﺍﯾﺎ – ﻣﯿﮟ ﮐﯿﺎ ﮐﺮﺗﯽ – ﻣﯿﮟ ﺑﮭﯽ ﺗﻮ ﺍﺳﮯ ﭘﺴﻨﺪ ﮐﺮﺗﯽ ﮨﻮﮞ “
ﺍﺱ ﺍﻇﮩﺎﺭ ﭘﺴﻨﺪﯾﺪﮔﯽ ﮐﮯ ﺑﻌﺪ ﮐﭽﮫ ﮐﮩﻨﮯ ﮐﯽ ﮔﻨﺠﺎﺋﺶ ﻧﮩﯿﮟ ﺗﮭﯽ – ﭘﮭﺮ ﺑﮭﯽ ﺍﻟﮩﯽٰ ﺑﺨﺶ ﻧﮯ ﮐﮩﺎ ” ﺁﺱ ﻧﮯ ﺁﭖ ﮐﮯ ﺳﺎﺗﮫ ﺑﺪﺗﻤﯿﺰﯼ ﮐﯽ ﺗﮭﯽ “
” ﻭﮦ ﮐﻮﺋﯽ ﺍﺗﻨﯽ ﺑﮍﯼ ﺑﺎﺕ ﻧﮩﯿﮟ ” ﺍﻟﮩﯽٰ ﺑﺨﺶ ﮐﺎ ﺩﻝ ﺧﺮﺍﺏ ﮨﻮﻧﮯ ﻟﮕﺎ – ﻣﮕﺮ ﻓﻮﺭﺍٰ ﮨﯽ ﺗﮑﺪﺭ ﺩﻭﺭ ﺑﮭﯽ ﮨﻮ ﮔﯿﺎ – ﺳﺎﺩﯼ ﻧﮯ ﺟﻮ ﺑﺎﺕ ﮐﯽ ﺗﮭﯽ، ﻭﮦ ﮐﻮﺋﯽ ﺧﺮﺍﺏ ، ﺑﮕﮍﯼ ﮨﻮﺋﯽ ﻟﮍﮐﯽ ﮨﯽ ﮐﺮ ﺳﮑﺘﯽ ﺗﮭﯽ – ﻣﮕﺮ ﻭﮦ ﺟﯿﺴﯽ ﺑﮭﯽ ﺳﮩﯽ، ﺍﺳﮯ ﺗﻮ ﺍﺱ ﺳﮯ ﻣﺤﺒﺖ ﮐﺮﻧﺎ ﺗﮫ ﺍﻭﺭ ﺍﭼﮭﻮﮞ ﺳﮯ ﻣﺤﺒﺖ ﮐﺮﻧﺎ ﺗﻮ ﮐﭽﮫ ﻣﺸﮑﻞ ﺑﮭﯽ ﻧﮩﯿﮟ ﮨﻮﺗﺎ –
ﻭﮦ ﺳﺎﺩﯼ ﮐﻮ ﻭﺍﭘﺲ ﻟﯿﻨﮯ ﮔﯿﺎ ﺗﻮ ﺳﺎﺩﯼ ﺍﺩﺍﺱ ﺗﮭﯽ – ﻟﯿﮑﻦ ﻭﺟﮧ ﻥ ﺍﺱ ﻧﮯ ﺑﺘﺎﺋﯽ ﻧﮧ ﺍﻟﮩﯽٰ ﺑﺨﺶ ﻧﮯ ﭘﻮﭼﮭﯽ – ﺍﻟﮩﯽٰ ﺑﺨﺶ ﻋﺸﻖ ﻣﯿﮟ ﺳﺮﺍﭘﺎ ﺗﺴﻠﯿﻢ ﮨﻮﻧﮯ ﮐﮯ ﻣﺮﺣﻠﮯ ﺳﮯ ﮔﺰﺭ ﺭﮨﺎ ﺗﮭﺎ –
————————-
ﺍﻣﺘﺤﺎﻥ ﮐﺎ ﻧﺘﯿﺠﮧ ﻧﮑﻞ ﺁﯾﺎ ﺗﮭﺎ – ﺳﺎﺩﯼ ﻧﮯ ﻓﺮﺳﭧ ﮈﻭﯾﮋﻥ ﻟﯽ ﺗﮭﯽ – ﺍﺱ ﮐﺎ ﺩﺍﺧﻠﮧ ﯾﻮﻧﯿﻮﺭﺳﭩﯽ ﻣﯿﮟ ﮨﻮ ﮔﯿﺎ – ﺍﺏ ﺍﻟﮩﯽٰ ﺑﺨﺶ ﺍﺳﮯ ﻻﻧﮯ ﻟﮯ ﺟﺎﻧﮯ ﮐﮯ ﻟﺌﮯ ﯾﻮﻧﯿﻮﺭﺳﭩﯽ ﺟﺎﺗﺎ ﺗﮭﺎ – ﯾﻮﻧﯿﻮﺭﺳﭩﯽ ﺍﺗﻨﯽ ﺑﮍﯼ ﺗﮭﯽ، ﺟﯿﺴﮯ ﭘﻮﺭﯼ ﺩﻧﯿﺎ ﺍﻭﺭ ﺍﻟﮩﯽٰ ﺑﺨﺶ ﮐﻮ ﻭﮦ ﺑﮩﺖ ﻣﺨﺘﻠﻒ ﺩﻧﯿﺎ ﻟﮕﯽ – ﻭﮨﺎﮞ ﮐﺎ ﻣﺎﺣﻮﻝ ﺑﮩﺖ ﺁﺯﺍﺩﺍﻧﮧ ﺗﮭﺎ – ﻟﮍﮐﮯ ﻟﮍﮐﯿﺎﮞ ﺑﮯ ﺣﺠﺎﺑﺎﻧﮧ ﺳﺎﺗﮫ ﮔﮭﻮﻣﺘﮯ ﺗﮭﮯ، ﺑﮯ ﻓﮑﺮﯼ ﺳﮯ ﮔﮭﺎﺱ ﭘﺮ ﺑﯿﭩﮭﮯ ﯾﺎ ﮐﯿﻨﭩﯿﻦ ﻣﯿﮟ ﮐﮭﺎﺗﮯ ﭘﯿﺘﮯ ﻧﻈﺮ ﺁﺗﮯ –
ﺍﻟﮩﯽٰ ﺑﺨﺶ ﮐﺎ ﻭﺟﮭﻞ ﺩﻝ ﺍﻭﺭ ﺑﻮﺟﮭﻞ ﮨﻮﻧﮯ ﻟﮕﺎ –
ﯾﻮﻧﯿﻮﺭﺳﭩﯽ ﻣﯿﮟ ﺍﯾﮏ ﺑﺲ ﺍﺳﭩﺎﭖ ﺗﮭﺎ ﺟﮩﺎﮞ ﭘﺘﮭﺮ ﮐﯽ ﺑﯿﻨﭽﯿﮟ ﺗﮭﯿﮟ – ﺑﺲ ﮐﺎ ﺍﻧﺘﻈﺎﺭ ﮐﺮﻧﮯ ﻭﺍﻟﮯ ﺗﻮ ﻭﮨﺎﮞ ﮐﻢ ﮨﯽ ﺑﯿﭩﮭﺘﮯ ﺗﮭﮯ ﻟﯿﮑﻦ ﮨﺮ ﻭﻗﺖ ﺩﻭ ﭼﺎﺭ ﺟﻮﮌﮮ ﺑﯿﭩﮭﮯ ﮔﭗ ﺷﭗ ﮐﺮﺗﮯ ﻧﻈﺮ ﺁﺗﮯ – ﯾﻮﻧﯿﻮﺭﺳﭩﯽ ﻣﯿﮟ ﺍﯾﮏ ﺍﻭﺭ ﺑﺎﺕ ﮐﺎﻟﺞ ﺳﮯ ﻣﺨﺘﻠﻒ ﺗﮭﯽ – ﮐﺎﻟﺞ ﮐﯽ ﻃﺮﺡ ﻭﮨﺎﮞ ﻣﻘﺮﺭﮦ ﻭﻗﺖ ﭘﺮ ﭼﮭﭩﯽ ﻧﮩﯿﮟ ﮨﻮﺗﯽ ﺗﮭﯽ – ﮐﺴﯽ ﺩﻥ ﺗﯿﻦ ﺑﺠﮯ، ﮐﺴﯽ ﺩﻥ ﺍﯾﮏ ﺑﺠﮯ ﺍﻭﺭ ﮐﺴﯽ ﺩﻥ ﮔﯿﺎﺭﮦ ﺑﺠﮯ ﮨﯽ ﭼﮭﭩﯽ ﮨﻮ ﺟﺎﺗﯽ ﺗﮭﯽ – ﺳﺎﺩﯼ ﮨﺮ ﺭﻭﺯ ﺍﺳﮯ ﻭﻗﺖ ﺑﺘﺎﺗﯽ ﮐﮧ ﮐﺐ ﺍﺳﮯ ﻟﯿﻨﮯ ﺁﻧﺎ ﮨﮯ ﺍﻭﺭ ﺟﮕﮧ ﺍﺱ ﻧﮯ ﺑﺲ ﺍﺳﭩﺎﭖ ﮨﯽ ﻣﻘﺮﺭ ﮐﯽ ﺗﮭﯽ –
ﺍﺑﺘﺪﺍ ﻣﯿﮟ ﺍﻟﮩﯽٰ ﺑﺨﺶ ﻧﮯ ﻣﺤﺴﻮﺱ ﮐﯿﺎ ﮐﮧ ﺳﺎﺩﯼ ﯾﻮﻧﯿﻮﺭﺳﭩﯽ ﻣﯿﮟ ﺧﻮﺩ ﮐﻮ ﺍﺟﻨﺒﯽ ﻣﺤﺴﻮﺱ ﮐﺮﺗﯽ ﮨﮯ – ﻭﮦ ﺳﮩﻤﯽ ﺳﮩﻤﯽ ﻧﻈﺮ ﺁﺗﯽ – ﺍﺱ ﮐﯽ ﭼﺎﻝ ﻣﯿﮟ ﺑﮭﯽ ﺍﻋﺘﻤﺎﺩ ﻧﮧ ﮨﻮﺗﺎ – ﺍﻟﮩﯽٰ ﺑﺨﺶ ﺍﺱ ﺑﺎﺕ ﮐﻮ ﺳﻤﺠﮫ ﺳﮑﺘﺎ ﺗﮭﺎ – ﻭﮦ ﭘﮩﻠﯽ ﺑﺎﺭ ﮐﺮﺍﭼﯽ ﺁﯾﺎ ﺗﻮ ﺍﺱ ﮐﺎ ﺑﮭﯽ ﯾﮩﯽ ﺣﺎﻝ ﺗﮭﺎ – ﺳﺎﺩﯼ ﺑﮭﯽ ﺟﯿﺴﮯ ﮐﺎﻟﺞ ﮐﮯ ﮔﺎﺅﮞ ﺳﮯ ﺍﯾﮏ ﺩﻡ ﯾﻮﻧﯿﻮﺭﺳﭩﯽ ﮐﮯ ﺷﮩﺮ ﻣﯿﮟ ﺁ ﮔﺌﯽ ﺗﮭﯽ – ﺍﯾﮏ ﮨﻔﺘﮯ ﻣﯿﮟ ﺍﺱ ﻧﮯ ﭼﻨﺪ ﻟﮍﮐﯿﻮﮞ ﺳﮯ ﺩﻭﺳﺘﯽ ﮐﺮ ﻟﯽ – ﮐﺒﮭﯽ ﮐﺒﮭﯽ ﺍﺱ ﮐﯽ ﮐﻮﺋﯽ ﺳﮩﯿﻠﯽ ﺑﮭﯽ ﮔﺎﮌﯼ ﻣﯿﮟ ﺍﺱ ﮐﮯ ﺳﺎﺗﮫ ﮨﯽ ﺑﯿﭩﮫ ﺟﺎﺗﯽ ۔۔۔۔۔۔۔۔ ﺍﻭﺭ ﺭﺍﺳﺘﮯ ﻣﯿﮟ ﮐﮩﯿﮟ ﺍﺗﺮ ﺟﺎﺗﯽ –
ﺩﻭ ﻣﮩﻨﯿﮯ ﮨﻮ ﮔﺌﮯ ﺗﻮ ﺳﺎﺩﯼ ﮐﮯ ﺍﻧﺪﺍﺯ ﻣﯿﮟ ﺍﻋﺘﻤﺎﺩ ﺁ ﮔﯿﺎ – ﭘﮭﺮ ﺍﯾﮏ ﺩﻥ ﺍﻟﮩﯽٰ ﺑﺨﺶ ﺍﺳﮯ ﻟﯿﻨﮯ ﭘﮩﻨﭽﺎ ﺗﻮ ﺑﺲ ﺍﺳﭩﺎﭖ ﭘﺮ ﺳﺎﺩﯼ ﮐﻮ ﺍﯾﮏ ﻟﮍﮐﮯ ﮐﮯ ﺳﺎﺗﮫ ﺑﯿﭩﮭﮯ ﺩﯾﮑﮭﺎ – ﺩﻭﻧﻮﮞ ﻗﺮﯾﺐ ﺑﯿﭩﺤﮯ ﺑﮍﯼ ﺑﮯ ﺗﮑﻠﻔﯽ ﺳﮯ ﯾﮏ ﺩﻭﺳﺮﮮ ﺳﮯ ﺑﺎﺗﯿﮟ ﮐﺮ ﺭﮨﮯ ﺗﮭﮯ –
ﮔﺎﮌﯼ ﺭﮐﯽ ﺗﻮ ﺳﺎﺩﯼ ﺍﭨﮫ ﮐﮭﮍﯼ ﮨﻮﺋﯽ – ” ﺁﺅ ﺭﯾﺎﺽ ﺗﻤﮩﯿﮟ ﻣﯿﮟ ﺭﺍﺳﺘﮯ ﻣﯿﮟ ﮈﺭﺍﭖ ﮐﺮ ﺩﻭﮞ ﮔﯽ “
” ﻧﮩﯿﮟ ﺳﺎﺩﯼ ﺷﮑﺮﯾﮧ – ﻣﺠﮭﮯ ﮐﺴﯽ ﺳﮯ ﻣﻠﻨﺎ ﮨﮯ ” ﻟﮍﮐﮯ ﻧﮯ ﮐﮩﺎ
” ﺍﭼﮭﺎ ﺧﺪﺍ ﺣﺎﻓﻆ، ﮐﻞ ﻣﻠﯿﮟ ﮔﮯ ” ﺳﺎﺩﯼ ﻧﮯ ﮔﺎﮌﯼ ﻣﯿﮟ ﺑﯿﭩﮭﺘﮯ ﮨﻮﺋﮯ ﮐﮩﺎ –
ﭼﺎﺭ ﭘﺎﻧﭻ ﺩﻥ ﺍﻟﮩﯽٰ ﺑﺨﺶ ﮐﻮ ﻟﮕﺎ ﮐﮧ ﺯﻧﺪﮔﯽ ﮐﯽ ﺭﻓﺘﺎﺭ ﺑﮩﺖ ﺗﯿﺰ ﮨﻮ ﮔﺌﯽ ﮨﮯ – ﻟﯿﮑﻦ ﻧﮩﯿﮟ ۔۔۔۔۔۔۔ ﺯﻧﺪﮔﯽ ﮐﯽ ﺭﻓﺘﺎﺭ ﺗﻮ ﺳﺴﺖ ﮨﻮ ﮔﺌﯽ ﺗﮭﯽ – ﺍﻟﺒﺘﮧ ﺳﺎﺩﯼ ﺑﮩﺖ ﺗﯿﺰ ﺩﻭﮌ ﺭﮨﯽ ﺗﮭﯽ – ﺍﺱ ﺭﻭﺯ ﻭﮦ ﺍﯾﮏ ﺍﻭﺭ ﻟﮍﮐﮯ ﮐﮯ ﺳﺎﺗﮫ ﺑﯿﭩﮭﯽ ﻣﻠﯽ – ﺍﺱ ﻟﮍﮐﮯ ﮐﺎ ﻧﺎﻡ ﻋﻤﺮ ﺗﮭﺎ – ﭼﻨﺪ ﺭﻭﺯ ﺑﻌﺪ ﺍﺱ ﮐﯽ ﺭﺷﯿﺪ ﺳﮯ ﺩﻭﺳﺘﯽ ﮨﻮﺋﯽ ۔۔۔۔۔۔ ﺍﻭﺭ ﺍﺱ ﮐﮯ ﺑﻌﺪ ﺍﺱ ﮐﮯ ﺩﻭﺳﺘﻮﮞ ﮐﯽ ﺗﻌﺪﺍﺩ ﺍﺗﻨﯽ ﺗﯿﺰﯼ ﺳﮯ ﺑﮍﮬﻨﮯ ﻟﮕﯽ ﮐﮧ ﺍﻟﮩﯽٰ ﺑﺨﺶ ﮐﮯ ﻟﺌﮯ ﻟﮍﮐﻮﮞ ﮐﮯ ﻧﺎﻡ ﯾﺎﺩ ﺭﮐﮭﻨﺎ ﻣﻤﮑﻦ ﻧﮩﯿﮟ ﺭﮨﺎ ﻟﯿﮑﻦ ﺍﺱ ﺩﻭﺭﺍﻥ ﺑﮭﯽ ﻭﮦ ﮨﻔﺘﮯ ﭘﻨﺪﺭﮦ ﺩﻥ ﻣﯿﮟ ﺷﺎﮨﺪ ﺳﮯ ﻣﻠﻨﮯ ﺿﺮﻭﺭ ﺟﺎﺗﯽ ﺗﮭﯽ –
ﭼﮫ ﻣﺎﮦ ﮐﮯ ﺍﻧﺪﺭ ﺳﺎﺩﯼ ﺑﺎﻟﮑﻞ ﺑﺪﻝ ﮐﺮ ﺭﮦ ﮔﺌﯽ ﻟﯿﮑﻦ ﺍﺱ ﮐﮯ ﻭﮦ ﻣﻌﻤﻮﻝ ﻧﮩﯿﮟ ﺑﺪﻟﮯ ﺗﮭﮯ – ﺻﺒﺢ ﻭﮦ ﺗﯿﺎﺭ ﮨﻮ ﮐﺮ ﺁﺗﯽ ﺗﻮ ﺍﺳﮯ ﮔﮉ ﻣﺎﺭﻧﻨﮓ ﮐﮩﺘﯽ ۔۔۔۔۔۔ ﺍﻭﺭ ﻭﮦ ﮔﺎﮌﯼ ﻣﯿﮟ ﺍﺳﯽ ﻣﺨﺼﻮﺹ ﮐﻮﻧﮯ ﻣﯿﮟ ﺑﯿﭩﮭﺘﯽ – ﺍﻟﮩﯽٰ ﺑﺨﺶ ﮐﺒﮭﯽ ﻋﻘﺐ ﻧﻤﺎ ﻣﯿﮟ ﺍﺳﮯ ﺩﯾﮑﮭﺘﺎ ﺗﻮ ﺩﻝ ﻣﺴﻮﺱ ﮐﺮ ﺭﮦ ﺟﺎﺗﺎ – ﺍﺱ ﮐﮯ ﭼﮩﺮﮮ ﭘﺮ ﺍﺏ ﻭﮦ ﭘﮩﻠﮯ ﻭﺍﻟﺊ ﺗﺎﺯﮔﯽ ﺍﻭﺭ ﺭﻭﻧﻖ ﻧﮩﯿﮟ ﺭﮨﯽ ﺗﮭﯽ – ﺁﻧﮑﮭﻮﮞ ﻣﯿﮟ ﺑﮭﯽ ﭼﻤﮏ ﻧﮩﯿﮟ ﺗﮭﯽ – ﺁﻧﮑﮭﻮﮞ ﮐﮯ ﻧﯿﭽﮯ ﺣﻠﻘﮯ ﭘﮍ ﮔﺌﮯ ﺗﮭﮯ –
ﺍﻟﮩﯽٰ ﺑﺨﺶ ﮐﺎ ﺍﯾﻤﺎﻥ ﺗﮭﺎ ﮐﮧ ﻣﯿﻠﯽ ﻧﻈﺮﻭﮞ ﺳﮯ ﭼﮩﺮﻭﮞ ﮐﮯ ﮔﻼﺏ ﻣﺮﺟﮭﺎ ﺟﺎﺗﮯ ﮨﯿﮟ !
ﭘﮭﺮ ﺍﯾﮏ ﺭﻭﺯ ﺍﻟﮩﯽٰ ﺑﺨﺶ ﺳﺎﺩﯼ ﮐﮯ ﺑﺘﺎﺋﮯ ﮨﻮﺋﮯ ﻭﻗﺘﭙﺮ ﺍﺳﮯ ﻟﯿﻨﮯ ﭘﮩﻨﭽﺎ ﺗﻮ ﻭﮦ ﻣﻮﺟﻮﺩ ﻧﮩﯿﮟ ﺗﮭﯽ – ﺍﻟﮩﯽٰ ﺑﺨﺶ ﮐﯽ ﺳﻤﺠﮫ ﻣﯿﮟ ﻧﮧ ﺁﯾﺎ ﮐﮧ ﺍﺏ ﮐﯿﺎ ﮐﺮﮮ – ﺍﺱ ﻧﮯ ﮔﺎﮌﯼ ﺍﯾﮏ ﻃﺮﻑ ﮐﭽﮯ ﻣﯿﮟ ﻟﮕﺎ ﺩﯼ ﺍﻭﺭ ﯾﮧ ﺳﻮﭺ ﮐﺮ ﺍﻧﺘﻈﺎﺭ ﮐﺮﻧﮯ ﻟﮕﺎ ﮐﮧ ﺷﺎﯾﺪ ﭼﮭﭩﯽ ﻣﯿﮟ ﺩﯾﺮ ﮨﻮ ﮔﺌﯽ ﮨﮯ –
ﭘﺎﻧﭻ ﻣﻨﭧ ﺑﻌﺪ ﺍﯾﮏ ﻟﮍﮐﯽ ﺍﺱ ﻃﺮﻑ ﮔﺰﺭﯼ – ﻭﮦ ﺳﺎﺩﯼ ﮐﯽ ﺳﮩﯿﻠﯿﻮﮞ ﻣﯿﮟ ﺳﮯ ﺗﮭﯽ – ﺍﻟﮩﯽٰ ﺑﺨﺶ ﮐﻮ ﺍﺱ ﮐﺎ ﻧﺎﻡ ﺗﻮ ﻣﻌﻠﻮﻡ ﻧﮩﯿﮟ ﺗﮭﺎ ﻟﯿﮑﻦ ﻭﮦ ﭼﮩﺮﮮ ﺳﮯ ﺍﺳﮯ ﺟﺎﻧﺘﺎ ﺗﮭﺎ –
” ﺍﮮ۔۔۔۔۔ ﺗﻢ ﺳﻌﺪﯾﮧ ﮐﮯ ﮈﺭﺍﺋﯿﻮﺭ ﮨﻮ ﻧﺎ؟ ” ﻟﮍﮐﯽ ﻧﮯ ﭘﻮﭼﮭﺎ –
‘ ﺟﯽ ﮨﺎﮞ “
” ﺍﺱ ﮐﺎ ﺍﻧﺘﻈﺎﺭ ﮐﺮ ﺭﮨﮯ ﮨﻮ؟ “
” ﺟﯽ “
” ﻭﮦ ﺗﻮ ﺟﺎ ﭼﮑﯽ ﮨﮯ “
ﺍﻟﮩﯽٰ ﺑﺨﺶ ﮐﯽ ﺳﻤﺠﮫ ﻣﯿﮟ ﮐﭽﮫ ﻧﮩﯿﮟ ﺁﯾﺎ – ” ﺁﭖ ﮐﯿﺴﮯ ﮐﮩﮧ ﺭﮨﯽ ﮨﯿﮟ؟ “
” ﺍﺭﮮ ﻭﮦ ﻣﯿﺮﮮ ﺳﺎﻣﻨﮯ ﻋﻤﺮ ﮐﯽ ﻣﻮﭨﺮ ﺳﺎﺋﯿﮑﻞ ﭘﺮ ﺑﯿﭩﮫ ﮐﺮ ﮔﺌﯽ ﮨﮯ – ﺁﺝ ﺍﺱ ﻧﮯ ﮐﻮﺋﯽ ﮐﻼﺱ ﺍﭨﯿﻨﮉ ﻧﮩﯿﮟ ﮐﯽ – ﻭﮦ ﺗﻮ ﺩﺱ ﺑﺠﮯ ﮨﯽ ﭼﻠﯽ ﮔﺌﯽ ﺗﮭﯽ “
ﺍﻟﮩﯽٰ ﺑﺨﺶ ﮐﻮ ﺍﺏ ﺑﮭﯽ ﯾﻘﯿﻦ ﻧﮩﯿﮟ ﺁ ﺭﮨﺎ ﺗﮭﺎ ” ﻣﺠﮭﮯ ﺗﻮ ﺍﻧﮩﻮﮞ ﻧﮯ ﺍﺳﯽ ﻭﻗﺖ ﺑﻼﯾﺎ ﺗﮭﺎ – ﻣﯿﮟ ﺗﻮ ﺍﻥ ﮐﺎ ﺍﻧﺘﻈﺎﺭ ﮐﺮﻭﮞ ﮔﺎ ﺟﯽ “
” ﺗﻤﮩﺎﺭﯼ ﻣﺮﺿﯽ، ﻣﯿﮟ ﻧﮯ ﺗﻤﮩﯿﮟ ﺑﺘﺎ ﺩﯾﺎ – ﺍﺏ ﺗﻢ ﺟﺎﻧﻮ ” ﯾﮧ ﮐﮩﮧ ﮐﺮ ﻟﮍﮐﯽ ﺁﮔﮯ ﺑﮍﮪ ﮔﺌﯽ –
ﺍﺱ ﻭﻗﺮ ﺳﻮﺍ ﺍﯾﮏ ﺑﺠﺎ ﺗﮭﺎ – ﺳﺎﺩﯼ ﻧﮯ ﺍﺱ ﺭﻭﺯ ﺍﺳﮯ ﺍﯾﮏ ﺑﺠﮯ ﺑﻼﯾﺎ ﺗﮭﺎ – ﺍﻟﮩﯽٰ ﺑﺨﺶ ﮐﺸﻤﮑﺶ ﻣﯿﮟ ﭘﮭﻨﺲ ﮔﯿﺎ – ﻋﻘﻞ ﮐﮩﺘﯽ ﺗﮭﯽ ﮐﮧ ﺳﺎﺩﯼ ﺟﺎ ﭼﮑﯽ ﮨﮯ – ﺍﺱ ﮐﯽ ﺳﮩﯿﻠﯽ ﮐﻮ ﺟﮭﻮﭦ ﺑﻮﻟﻨﮯ ﮐﯽ ﮐﻮﺋﯽ ﺿﺮﻭﺭﺕ ﻧﮩﯿﮟ ﺗﮭﯽ – ﻟﮩﺬﺍٰ ﺍﺳﮯ ﻭﺍﭘﺲ ﭼﻠﮯ ﺟﺎﻧﺎ ﭼﺎﮨﯿﺌﮯ – ﻟﯿﮑﻦ ﺩﻝ ﻧﮩﯿﮟ ﻣﺎﻧﺘﺎ ﺗﮭﺎ – ﺍﺳﮯ ﯾﮩﯿﮟ ﺍﻧﺘﻈﺎﺭ ﮐﺮﻧﺎ ﭼﺎﮨﯿﺌﮯ –
ﺍﺳﯽ ﮐﺸﻤﮑﺶ ﻣﯿﮟ ﺗﯿﻦ ﺑﺞ ﮔﺌﮯ – ﺟﺐ ﺳﺎﺩﯼ ﺍﺳﮯ ﺍﯾﮏ ﺑﺠﮯ ﺑﻼﺗﯽ ﺗﻮ ﻭﮦ ﮐﮭﺎﻧﺎ ﮐﮭﺎ ﮐﺮ ﻧﮩﯿﮟ ﺁﺗﺎ ﺗﮭﺎ – ﺑﻠﮑﮧ ﮐﮭﺎﻧﺎ ﻭﺍﭘﺲ ﺟﺎ ﮐﺮ ﮐﮭﺎﺗﺎ ﺗﮭﺎ – ﭼﻨﺎﻧﭽﮧ ﺍﺱ ﮐﺎ ﺑﮭﻮﮎ ﺳﮯ ﺑﮭﯽ ﺑﺮﺍ ﺣﺎﻝ ﮨﻮ ﮔﯿﺎ – ﻣﮕﺮ ﻭﮦ ﺑﮭﻮﮎ ﮐﯽ ﻭﺟﮧ ﺳﮯ ﺍﻧﺘﻈﺎﺭ ﺳﮯ ﺩﺳﺖ ﮐﺶ ﻧﮩﯿﮟ ﮨﻮﺍ – ﺍﻟﺒﺘﮧ ﺗﯿﻦ ﺑﺠﮯ ﺍﺳﮯ ﯾﮧ ﯾﻘﯿﻦ ﮨﻮ ﮔﯿﺎ ﮐﮧ ﺳﺎﺩﯼ ﻭﺍﭘﺲ ﺟﺎ ﭼﮑﯽ ﮨﮯ – ﺑﻠﮑﮧ ﻣﻤﮑﻦ ﮨﮯ، ﻭﮦ ﮔﮭﺮ ﺑﮭﯽ ﭘﮩﻨﭻ ﮔﺌﯽ ﮨﻮ – ﺑﺎﻵﺧﺮ ﻭﮦ ﻭﺍﭘﺲ ﭼﻞ ﺩﯾﺎ –
ﮐﺎﺭ ﮐﻮ ﮔﯿﭧ ﻣﯿﮟ ﺩﺍﺧﻞ ﮨﻮﺗﺎ ﺩﯾﮑﮭﺘﮯ ﮨﯽ ﮐﺮﻣﻮ ﭼﺎﭼﺎ ﺑﯿﮕﻢ ﺻﺎﺣﺒﮧ ﮐﻮ ﺍﻃﻼﻉ ﺩﯾﻨﮯ ﮐﮯ ﻟﺌﮯ ﻟﭙﮑﺎ – ﺑﯿﮕﻢ ﺻﺎﺣﺒﮧ ﻧﮯ ﺳﺨﺘﯽ ﺳﮯ ﺍﺳﮯ ﮨﺪﺍﯾﺖ ﮐﯽ ﺗﮭﯽ ﮐﮧ ﮔﺎﮌﯼ ﮐﮯ ﺁﺗﮯ ﮨﯽ ﺍﻧﮩﯿﮟ ﻣﻄﻠﻊ ﮐﺮﮮ –
ﺍﻟﮩﯽٰ ﺑﺨﺶ ﻧﮯ ﮔﺎﮌﯼ ﭘﻮﺭﭺ ﻣﯿﮟ ﮐﮭﮍﯼ ﮐﯽ ﺍﻭﺭ ﺑﺎﮨﺮ ﺁﯾﺎ – ﺍﺳﯽ ﻭﻗﺖ ﺑﯿﮕﻢ ﺻﺎﺣﺒﮧ ﺑﺎﮨﺮ ﺁ ﮔﺌﯿﮟ – ” ﺳﺎﺩﯼ ﮐﻮ ﺳﺎﺗﮫ ﻧﮩﯿﮟ ﻻﺋﮯ؟
ﺍﻟﮩﯽٰ ﺑﺨﺶ ﺟﻮﺍﺏ ﺩﯾﻨﮯ ﮨﯽ ﻭﺍﻻ ﺗﮭﺎ ﮐﮧ ﺑﯿﮕﻢ ﺻﺎﺣﺒﮧ ﻧﮯ ﻣﺰﯾﺪ ﮐﮩﺎ ” ﺗﻤﮩﺎﮮ ﺟﺎﻧﮯ ﮐﮯ ﺩﻭ ﻣﻨﭧ ﺑﻌﺪ ﺳﺎﺩﯼ ﻧﮯ ﻓﻮﻥ ﮐﯿﺎ ﺗﮭﺎ ﮐﮧ ﺍﯾﮏ ﺍﺿﺎﻓﯽ ﭘﯿﺮﯾﮉ ﮐﯽ ﻭﺟﮧ ﺳﮯ ﺩﯾﺮ ﮨﻮ ﺟﺎﺋﮯ ﮔﯽ – ﻣﻤﮑﻦ ﮨﮯ،ﭼﺎﺭ ﺑﺞ ﺟﺎﺋﯿﮟ – ﺗﻤﻨﮑﻞ ﭼﮑﮯ ﺗﮭﮯ – ﺗﻤﮩﯿﮟ ﮐﯿﺴﮯ ﺑﺘﺎﯾﺎ ﺟﺎ ﺳﮑﺘﺎ ﺗﮭﺎ – ﻟﯿﮑﻦ ﺍﺗﻨﺎ ﺍﻧﺘﻈﺎﺭ ﮐﯿﺎ ﺍﻭﺭ ﭘﮭﺮ ﺑﮭﯽ ﺗﻢ ﺳﺎﺩﯼ ﮐﻮ ﻟﺌﮯ ﺑﻐﯿﺮ ﭼﻠﮯ ﺁﺋﮯ ” ﺍﻥ ﮐﺎ ﻟﮩﺠﮧ ﺳﺨﺖ ﮨﻮ ﮔﯿﺎ –
ﺍﻟﮩﯽٰ ﺑﺨﺶ ﺳﻨﺎﭨﮯ ﻣﯿﮟ ﺁ ﮔﯿﺎ – ﭘﮭﺮ ﺑﮭﯽ ﻭﮦ ﺑﮩﺖ ﺗﯿﺰﯼ ﺳﮯ ﺳﻮﭼﻨﮯ ﮐﯽ ﮐﻮﺷﺶ ﮐﺮ ﺭﮨﺎ ﺗﮭﺎ – ﺳﺎﺩﯼ ﮐﯽ ﺳﮩﯿﻠﯽ ﻧﮯ ﺑﺘﺎﯾﺎ ﺗﮭﺎ ﮐﮧ ﻭﮦ ﺩﺱ ﺑﺠﮯ ﻋﻤﺮ ﮐﮯ ﺳﺎﺗﮫ ﭼﻠﯽ ﮔﺌﯽ ﺗﮭﯽ ﺍﻭﺭ ﻭﮦ ﺍﺏ ﺗﮏ ﮔﮭﺮ ﻧﮩﯿﮟ ﭘﮩﻨﭽﯽ ﺗﮭﯽ – ﺑﯿﮕﻢ ﺻﺎﺣﺒﮧ ﮐﺎ ﮐﮩﻨﺎ ﺗﮭﺎ ﮐﮧ ﺳﺎﺩﯼ ﻧﮯ ﺳﺎﮌﮬﮯ ﺑﺎﺭﮦ ﺑﺠﮯ ﻓﻮﻥ ﮐﺮ ﮐﮯ ﺑﺘﺎﯾﺎ ﺗﮭﺎ ﮐﮧ ﺍﺳﮯ ﯾﻮﻧﯿﻮﺭﺳﭩﯽ ﺳﮯ ﺩﯾﺮ ﮨﻮ ﺟﺎﺋﮯ ﮔﯽ – ﺍﺏ ﻭﮦ ﺑﯿﮕﻢ ﺻﺎﺣﺒﮧ ﮐﻮ ﺍﺻﻞ ﺑﺎﺕ ﺗﻮ ﻧﮩﯿﮟ ﺑﺘﺎ ﺳﮑﺘﺎ ﺗﮭﺎ –
” ﺑﻮﻟﺘﮯ ﮐﯿﻮﮞ ﻧﮩﯿﮟ، ﺟﻮﺍﺏ ﺩﻭ ” ﺑﯿﮕﻢ ﺻﺎﺣﺒﮧ ﮐﮯ ﺳﺨﺖ ﻟﮩﺠﮯ ﻧﮯ ﺍﺳﮯ ﭼﻮﻧﮑﺎ ﺩﯾﺎ –
” ﻣﺠﮭﮯ ﺗﻮ ﻣﻌﻠﻮﻡ ﻧﮩﯿﮟ ﺗﮭﺎ ﺑﯿﮕﻢ ﺻﺎﺣﺒﮧ، ﭘﮭﺮ ﺑﮭﯽ ﻣﯿﮟ ﻧﮯ ﺗﯿﻦ ﺑﺠﮯ ﺗﺞ ﺑﯽ ﺑﯽ ﮐﺎ ﺍﻧﺘﻈﺎﺭ ﮐﯿﺎ “
” ﺗﻤﮩﯿﮟ ﻧﮩﯿﮟ ﻣﻌﻠﻮﻡ ﺗﮭﺎ ﺗﻮ ﺗﻤﮩﯿﮟ ﻗﯿﺎﻣﺖ ﺗﮏ ﺍﺱ ﮐﺎ ﺍﻧﺘﻈﺎﺭ ﮐﺮﻧﺎ ﭼﺎﮨﺌﮯ ﺗﮭﺎ “-
ﺍﻟﮩﯽٰ ﺑﺨﺶ ﮐﮩﻨﺎ ﭼﺎﮨﺘﺎ ﺗﮭﺎ ﮐﮧ ﺍﺱ ﺻﻮﺭﺕ ﻣﯿﮟ ﺗﻮ ﺍﺳﮯ ﺭﺍﺕ ﯾﻮﻧﯿﻮﺭﺳﭩﯽ ﻣﯿﮟ ﮔﺰﺍﺭﻧﺎ ﭘﮍﺗﯽ ﻟﯿﮑﻦ ﺍﺱ ﻧﮯ ﯾﮧ ﺑﺎﺕ ﮐﮩﯽ ﻧﮩﯿﮟ ” – ﻏﻠﻄﯽ ﮨﻮ ﮔﺌﯽ ﺑﯿﮕﻢ ﺻﺎﺣﺒﮧ ” ﺍﺱ ﻧﮯ ﻣﻌﺬﺭﺕ ﺧﻮﺍﮨﺎﻧﮧ ﻟﮩﺠﮯ ﻣﯿﮟ ﮐﮩﺎ –
‘ ﯾﮧ ﻏﻠﻄﯽ ﻧﮩﯿﮟ ﻏﯿﺮ ﺫﻣﮯﺩﺍﺭﯼ ﮨﮯ ﺍﻭﺭ ﻏﯿﺮ ﺫﻣﮯ ﺩﺍﺭﯼ ﺣﺮﺍﻣﺨﻮﺭﯼ ﮨﻮﺗﯽ ﮨﮯ ” ﺍﻥ ﮐﮯ ﻟﮩﺠﮯ ﻣﯿﮟ ﺑﻼ ﮐﯽ ﻧﻔﺮﺕ ﺗﮭﯽ –
ﺍﺳﯽ ﻟﻤﺤﮯ ﺳﺎﺩﯼ ﺑﮭﯽ ﺁ ﮔﺌﯽ –
ﻣﮕﺮ ﺑﯿﮕﻢ ﺻﺎﺣﺒﮧ ﺍﺱ ﮐﯽ ﻣﻮﺟﻮﺩﮔﯽ ﺳﮯ ﺑﮯ ﺧﺒﺮ ﺍﭘﻨﯽ ﮐﮩﺘﯽ ﺭﮨﯿﮟ ” ﺍﻭﺭ ﮐﯿﻮﮞ ﻧﮧ ﮐﺮﻭ ﺣﺮﺍﻡ ﺧﻮﺭﯼ – ﺑﯿﻮﻗﻮﻑ ﺟﻮ ﻣﻞ ﮔﺌﮯ ﮨﯿﮟ ﺗﻤﮩﯿﮟ – ﺩﻥ ﻣﯿﮟ ﺩﻭ ﺑﺎﺭ ﮈﺭﺍﺋﯿﻮ ﮐﺮﺗﮯ ﮨﻮ ﺍﻭﺭ ﺗﯿﻦ ﺑﺎﺭ ﻣﻔﺖ ﮐﯽ ﺭﻭﭨﯿﺎﮞ ﺗﮍﺗﮯ ﮨﻮ – ﺭﮨﻨﮯ ﮐﺎ ﭨﮭﮑﺎﻧﮧ ﻣﯿﺴﺮ ﮨﮯ – ﺗﻨﺨﻮﺍﮦ ﺑﮍﮮ ﺳﺮﮐﺎﺭﯼ ﺍﻓﺴﺮﻭﮞ ﮐﯽ ﻟﯿﺘﮯ ﮨﻮ – ﺣﺮﺍﻡ ﻣﻨﮧ ﮐﻮ ﻟﮕﮯ ﮔﺎ ﺗﻮ ﺣﺮﺍﻡ ﺧﻮﺭﯼ ﺗﻮ ﮨﻮ ﮔﯽ ۔۔۔
ﺳﺎﺩﯼ ﺍﺱ ﺩﻭﺭﺍﻥ ﺗﯿﻦ ﺑﺎﺭ ﻣﺎﮞ ﮐﻮ ﭘﮑﺎﺭ ﭼﮑﯽ ﺗﮭﯽ – ﺍﺏ ﺍﺱ ﻧﮯ ﻣﺎﮞ ﮐﺎ ﮨﺎﺗﮫ ﭘﮑﮍﺗﮯ ﮨﻮﺋﮯ ﺑﻠﻨﺪ ﺁﻭﺍﺯ ﻣﯿﮟ ﮐﮩﺎ ” ﺑﺲ ﮐﺮﯾﮟ ﺍﻣﯽ، ﺁﭖ ﻧﺎ ﺟﺎﺋﺰ ﺍﺳﮯ ﺑﺮﺍ ﺑﮭﻼ ﮐﮩﮧ ﺭﮨﯽ ﮨﯿﮟ ” ﺍﺱ ﻧﮯ ﻧﻈﺮﯾﮟ ﺍﭨﮭﺎ ﮐﺮ ﺍﻟﮩﯽٰ ﺑﺨﺶ ﮐﻮ ﺩﯾﮑﮭﺎ، ﺟﺲ ﮐﺎ ﭼﮩﺮﮦ ﺳﺖ ﮔﯿﺎ ﺗﮭﺎ – ” ﺍﺱ ﻣﯿﮟ ﺍﻟﮩﯽٰ ﺑﺨﺶ ﮐﯽ ﺗﻮ ﮐﻮﺋﯽ ﻏﻠﻄﯽ ﻧﮩﯿﮟ “
: ﻏﻠﻄﯽ ﮐﯿﺴﮯ ﻧﮩﯿﮟ، ﺍﺳﮯ ﻭﮨﯿﮟ ﺗﻤﮩﺎﺭﺍ ﺍﻧﺘﻈﺎﺭ ﮐﺮﻧﺎ ﭼﺎﮨﺌﮯ ﺗﮭﺎ
” ﺍﺱ ﺻﻮﺭﺕ ﻣﯿﮟ، ﻣﯿﮟ ﮔﮭﺮ ﺁ ﺟﺎﺗﯽ ﺍﻭﺭ ﯾﮧ ﻭﮨﯿﮟ ﺑﯿﭩﮭﺎ ﺍﻧﺘﻈﺎﺭ ﮐﺮﺗﺎ ﺭﮨﺘﺎ – ﭘﮭﺮ ﮐﯿﺎ ﮨﻢ ﺍﺳﮯ ﻟﯿﻨﮯ ﮐﮯ ﻟﺌﮯ ﮐﺴﯽ ﮐﻮ ﺑﮭﯿﺠﺘﮯ “
ﺑﯿﮕﻢ ﺻﺎﺣﺒﮧ ﻻﺟﻮﺍﺏ ﮨﻮ ﮔﺌﯿﮟ – ﻟﯿﮑﻦ ﻭﮦ ﮨﺎﺭ ﻣﺎﻧﻨﮯ ﻭﺍﻟﯽ ﻧﮩﯿﮟ ﺗﮭﯿﮟ – ” ﮨﺎﮞ – ﺍﯾﺴﺎ ﮨﯽ ﮨﻮﺗﺎ ﺍﻭﺭ ﯾﮩﯽ ﺑﮩﺘﺮ ﺗﮭﺎ ” ﻭﮦ ﺍﻟﮩﯽٰ ﺑﺨﺶ ﮐﯽ ﻃﺮﻑ ﻣﮍﯾﮟ – ” ﺗﻤﮩﯿﮟ ﺍﺣﺴﺎﺱ ﻧﮩﯿﮟ ﮐﮧ ﻣﯿﺮﮮ ﺷﻮﮨﺮ ﻧﮯ ﺗﻤﮩﯿﮟ ﻣﯿﺮﯼ ﺑﯿﭩﯽ ﮐﯽ ﺫﻣﮯ ﺩﺍﺭﯼ ﺳﻮﻧﭙﯽ ﮨﻮ ﺍﻭﺭ ﯾﮧ ﺑﮍﯼ ﺫﻣﮯ ﺩﺍﺭﯼ ﮨﮯ “
ﮐﯿﺴﯽ ﺫﻣﮯﺩﺍﺭﯼ ! ﺍﻟﮩﯽٰ ﺑﺨﺶ ﻧﮯ ﺳﻮﭼﺎ – ﻣﯿﮟ ﺗﻮ ﺍﺳﮯ ﻏﻠﻂ ﺭﺍﺳﺘﮯ ﭘﺮ ﺟﺎﻧﮯ ﺳﮯ ﺭﻭﮎ ﺑﮭﯽ ﻧﮩﯿﮟ ﺳﮑﺘﺎ ﺗﮭﺎ ﻟﯿﮑﻦ ﺍﺱ ﻧﮯ ﻣﻨﮧ ﺳﮯ ﮐﭽﮫ ﻧﮩﯿﮟ ﮐﮩﺎ –
” ﺍﻣﯽ ﺁﭖ ﺑﻼﻭﺟﮧ ﺍﺳﮯ ﺑﺮﺍ ﺑﮭﻼ ﮐﮩﮧ ﺭﮨﯽ ﮨﯿﮟ ” ﺍﺱ ﺑﺎﺭ ﺳﺎﺩﯼ ﻧﮯ ﺳﺨﺖ ﻟﮩﺠﮯ ﻣﯿﮟ ﮐﮩﺎ ” – ﻣﯿﮟ ﻧﮯ ﻓﻮﻥ ﮐﯿﺎ ﺗﮭﺎ ﺍﻭﺭ ﻣﺠﮭﮯ ﻣﻌﻠﻮﻡ ﮨﻮ ﮔﯿﺎ ﺗﮭﺎ ﮐﮧ ﺍﻟﮩﯽٰ ﺑﺨﺶ ﮔﺎﮌﯼ ﻟﮯ ﮐﺮ ﻧﮑﻞ ﭼﮑﺎ ﮨﮯ – ﻣﯿﮟ ﻧﮯ ﺁﭖ ﺳﮯ ﮐﮩﮧ ﺩﯾﺎ ﺗﮭﺎ ﮐﮧ ﺍﺏ ﻣﯿﮟ ﺍﭘﻨﮯ ﻃﻮﺭ ﭘﺮ ﺁ ﺟﺎﺅﮞ ﮔﯽ – ﺍﻟﮩﯽٰ ﺑﺨﺶ ﻧﮯ ﺗﻮ ﺑﺲ ﯾﮧ ﻏﻠﻄﯽ ﮐﯽ ﮐﮧ ﺗﯿﻦ ﺑﺠﮯ ﺗﮏ ﻣﯿﺮﺍ ﺍﻧﺘﻈﺎﺭ ﮐﯿﺎ “
” ﮨﺎﮞ ﺁﻧﺎ ﺗﮭﺎ ﺗﻮ ﭘﮩﻠﮯ ﮨﯽ ﺁ ﺟﺎﺗﺎ “

–**–**–
جاری ہے
——
آپکو یہ ناول کیسا لگا؟
کمنٹس میں اپنی رائے سے ضرور آگاہ کریں۔

Leave a Reply

This site uses Akismet to reduce spam. Learn how your comment data is processed.

Subscribe For Latest Novels

Signup for Novels and get notified when we publish new Novel for free!




%d bloggers like this: