Ishq ka Ain Novel by Aleem ul Haq Haqqi – Episode 13

0
عشق کا عین از علیم الحق حقی – قسط نمبر 13

–**–**–

ﺍﺱ ﺭﺍﺕ ﮐﮭﺎﻧﮯ ﮐﮯ ﺑﻌﺪ ﺻﺤﻦ ﻣﯿﮟ ﺍﻟﮩﯽٰ ﺑﺨﺶ ﮐﮯ ﺳﺎﻣﻨﮯ ﻣﺒﺸﺮ ﻣﺠﺮﻣﻮﮞ ﮐﯽ ﻃﺮﺡ ﮐﮭﮍﺍ ﺗﮭﺎ – ﭘﯿﺮ ﺑﺨﺶ ﺣﻘﮧ ﮔﮍﮔﮍﺍ ﺭﮨﺎ ﺗﮭﺎ –
” ﺍﺑﺎ ﺗﻤﮩﺎﺭﯼ ﻗﺴﻢ، ﻣﯿﺮﮮ ﺩﻝ ﻣﯿﮟ ﺍﯾﺴﺎ ﮐﻮﯼ ﺧﯿﺎﻝ ﺑﮭﯽ ﮐﺒﮭﯽ ﻧﮩﯿﮟ ﺁﯾﺎ ﺟﺲ ﺳﮯ ﺷﺮﻣﻨﺪﮔﯽ ﮨﻮ —– ﻣﺠﮭﮯ ﯾﺎ ﺗﻤﮩﯿﮟ ” ﻣﺒﺸﺮ ﻧﮯ ﮐﮩﺎ –
ﭘﯿﺮ ﺑﺨﺶ ﺍﻟﮩﯽٰ ﺑﺨﺶ ﭘﺮ ﺍﻟﭧ ﭘﺮﺍ ” ﺗﻮ ﺧﻮﺍﻣﺨﻮﺍ ﺍﺱ ﮐﮯ ﭘﯿﭽﮭﮯ ﻧﮧ ﭘﮍ ﭘﺘﺮ – ﻣﯿﮟ ﻧﮯ ﮐﮩﺎ ﺗﮭﺎ ﻧﺎ “
” ﻭﮦ ﺗﻮ ﭨﮭﯿﮏ ﮨﮯ ﺍﺑﺎ – ﭘﺮ ﯾﮧ ﻣﻌﺎﻣﻠﮧ ﺳﻨﮕﯿﻦ ﮨﮯ – ﺗﻢ ﺗﻮ ﺟﺎﻧﺘﮯ ﮨﻮ، ﺑﺎﺕ ﮐﮩﯿﮟ ﺑﮭﯽ ﭘﮩﻨﭻ ﺳﮑﺘﯽ ﮨﮯ ” ﺍﻟﮩﯽٰ ﺑﺨﺶ ﺑﻮﻻ –
” ﺗﻮ ﺑﯽ ﺑﯽ ﮐﻮ ﻗﺎﺋﻞ ﮐﺮ ﺳﮑﺘﺎ ﮨﮯ ﺗﻮ ﮐﺮ ” ﭘﯿﺮ ﺑﺨﺶ ﻧﮯ ﮐﮩﺎ ” ﺩﯾﮑﮫ ﭘﺘﺮ، ﺍﭘﻨﺎ ﮔﮭﺮ، ﺍﭘﻨﮯ ﺑﭽﮯ ﺗﻮ ﺑﺎﺟﯽ ﻟﻮﮔﻮﮞ ﮐﻮ ﮨﯽ ﺳﻨﺒﮭﺎﻟﻨﮯ ﮨﯿﮟ ﻧﺎ —- ﺗﻮ ﺍﻭﺭ ﻣﯿﮟ ﮐﯿﺎﮐﺮ ﺳﮑﺘﮯ ﮨﯿﮟ “
” ﻧﮧ ﺍﺑﺎ، ﺍﻥ ﮐﯽ ﺫﻣﮧ ﺩﺍﺭﯼ ﺑﮭﯽ ﮨﻤﺎﺭﯼ ﮨﮯ – ﯾﮧ ﺗﻮ ﮨﻤﺎﺭﯼ ﺁﺧﺮﺕ ﮐﺎ ﺳﻮﺍﻝ ﮨﮯ – ﮨﻤﯿﮟ ﮨﯽ ﮐﭽﮫ ﮐﺮﻧﺎ ﮨﻮ ﮔﺎ “
” ﮐﯿﺴﯽ ﺑﺎﺕ ﮐﺮﺗﺎ ﮨﮯ ﭘﺘﺮ – ﺟﻮﺍﻥ ﺑﯿﭩﮯ ﮐﻮ ﭼﻮﮌﯾﺎﮞ ﭘﮩﻨﺎ ﮐﺮ ﮔﮭﺮ ﻣﯿﮟ ﺑﭩﮭﺎﺋﮯ ﮔﺎ ﮐﯿﺎ؟ “
ﺍﻟﮩﯽٰ ﺑﺨﺶ ﮐﯽ ﻧﮕﺎﮨﻮﮞ ﻣﯿﮟ ﺧﻔﯿﻒ ﺳﯽ ﻣﻼﻣﺖ ﺟﮭﻠﮑﯽ ” ﻣﺠﮭﮯ ﺧﻮﺏ ﺳﮑﮭﺎﯾﺎ ﺍﺑﺎ – ﺍﻭﺭ ﺧﻮﺩ ﺍﺣﺘﺮﺍﻡ ﺑﮭﻮﻝ ﮔﺌﮯ “—-
” ﺍﻭ ﻧﮩﯿﮟ ﭘﺘﺮ – ﺑﮭﻮﻝ ﺳﮑﺘﺎ ﮨﻮﮞ ﮐﯿﺎ – ﭘﺮ ﺩﻭﺵ ﺍﭘﻨﺎ ﻧﮧ ﮨﻮ ﺗﻮ
” ﺗﻮ ﺑﮭﯽ ﺳﺮ ﺟﮭﮑﺎﻧﺎ ﭼﺎﮨﺌﮯ ﺍﺑﺎ ” ﺍﻟﮩﯽٰ ﺑﺨﺶ ﻧﮯ ﺟﻠﺪﯼ ﺳﮯ ﮐﮩﺎ ﭘﮭﺮ ﻭﮦ ﻣﺒﺸﺮ ﮐﯽ ﻃﺮﻑ ﻣﮍﺍ ” ﺗﻮ ﻧﮯ ﮐﯿﺎ ﺳﻮﭼﺎ ﮨﮯ ﭘﺘﺮ؟ “
” ﻣﺠﮭﮯ ﮐﯿﺎﺳﻮﭼﻨﺎ ﮨﮯ ﺍﺑﺎ – ﺟﻮ ﺑﺎﺕ ﺗﮭﯽ ﺑﺘﺎ ﺩﯼ، ﺍﺏ ﺗﻢ ﺣﮑﻢ ﮐﺮﻭﺍﺑﺎ “
ﺍﻟﮩﯽٰ ﺑﺨﺶ ﭼﻨﺪ ﻟﻤﺤﮯ ﺳﻮﭼﺘﺎ ﺭﮨﺎ – ﭘﮭﺮ ﺍﺱ ﻧﮯ ﺳﺮ ﺍﭨﮭﺎﺗﮯ ﮨﻮﺋﮯ ﮐﮩﺎ ” ﺗﻮ ﮐﺎﻟﺞ ﺟﺎﻧﺎ ﭼﮭﻮﮌ ﺩﮮ ﭘﺘﺮ “
ﭘﯿﺮ ﺑﺨﺶ ﺑﺮﯼ ﻃﺮﺡ ﺑﮭﮍﮐﺎ – ﻣﺒﺸﺮ ﮐﯽ ﺗﻌﻠﯿﻢ ﺍﻟﮩﯽٰ ﺑﺨﺶ ﮐﯽ ﮨﯽ ﺳﺐ ﺳﮯ ﺑﮍﯼ ﺧﻮﺍﺋﺶ ﺗﮭﯽ ﺍﻭﺭ ﻭﮦ ﺍﺱ ﺳﮯ ﺩﺳﺘﺒﺮﺩﺍﺭ ﮨﻮ ﺭﮨﺎ ﺗﮭﺎ – ﺗﺎﮨﻢ ﮐﻮﺋﯽ ﺭﺩﻋﻤﻞ ﻇﺎﮨﺮ ﮐﺮﻧﮯ ﮐﮯ ﺑﺠﺎﺋﮯ ﺍﺱ ﻧﮯ ﭘﻮﺗﮯ ﮐﯽ ﻃﺮﻑ ﺩﯾﮑﮭﺎ –
ﻣﺒﺸﺮ ﻧﮯ ﺍﯾﮏ ﻟﻤﺤﮧ ﺟﮭﺠﮑﮯ ﺑﻐﯿﺮ ﮐﮩﺎ ” ﭨﮭﯿﮏ ﮨﮯ ﺍﺑﺎ، ﺟﻮ ﺗﻤﮩﺎﺭﺍ ﺣﮑﻢ “
” ﺧﻔﺎ ﺗﻮ ﻧﮩﯿﮟ ﻣﺠﮫ ﺳﮯ؟ ” ﺍﻟﮩﯽٰ ﺑﺨﺶ ﮐﮯ ﻟﮩﺠﮯ ﻣﯿﮟ ﺍﻓﺴﺮﺩﮔﯽ ﺗﮭﯽ –
ﮐﯿﺴﯽ ﺑﺎﺕ ﮐﺮﺗﮯ ﮨﻮ ﺍﺑﺎ ” ﻣﺒﺸﺮ ﻧﮯ ﺑﺮﺍ ﻣﺎﻧﺘﮯ ﮨﻮﺋﮯ ﮐﮩﺎ ” ﻣﯿﮟ ﺗﻮ ﺗﻤﮩﺎﺭﯼ ﺧﻮﺷﯽ ﻣﯿﮟ ﺧﻮﺵ ﮨﻮﮞ – ﮨﺮ ﺑﺎﺕ ﻣﺎﻧﯽ ﮨﮯ ﺗﻤﮩﺎﺭﯼ – ﺗﻢ ﻧﮯ ﺟﻮ ﭘﮩﻨﺎﯾﺎ ﭘﮩﻦ ﻟﯿﺎ ﺗﻤﮩﺎﺭﯼ ﺧﺎﻃﺮ ﮨﯽ ﺗﻌﻠﯿﻢ ﭘﺮ ﺗﻮﺟﮧ ﺩﯼ – ﺗﻤﮩﺎﺭﯼ ﻣﺮﺿﯽ ﻣﯿﺮﮮ ﻟﺌﮯ ﺣﮑﻢ ﮨﮯ ﺍﺑﺎ “
ﺍﻟﮩﯽٰ ﺑﺨﺶ ﻧﮯ ﺳﺮ ﺍﭨﮭﺎ ﮐﺮ ﺁﺳﻤﺎﻥ ﮐﻮ ﺩﯾﮑﮭﺎ ” ﺍﻟﻠﮧ ﺟﯽ ﮐﺲ ﻣﻨﮧ ﺳﮯ ﺗﯿﺮﺍ ﺷﮑﺮ ﺍﺩﺍ ﮐﺮﻭﮞ – ﮐﯿﺴﯽ ﺳﻌﺎﺩﺕ ﻣﻨﺪ ﺍﻭﻻﺩ ﺩﯼ ﺗﻮ ﻧﮯ “
‘ ﺍﺑﺎ ﺍﯾﮏ ﺑﺎﺕ ﮐﮩﻮﮞ؟ “
” ﮐﮩﮧ ﭘﺘﺮ “
” ﮐﺎﻟﺞ ﮐﮯ ﺩ ﻥ ﺗﮭﻮﮌﮮ ﮨﯿﮟ – ﻧﮩﯿﮟ ﺟﺎﺅﮞ ﮔﺎ ﺗﻮ ﮐﻮﺋﯽ ﺣﺮﺝ ﻧﮩﯿﮟ، ﭘﺮ ﺍﺑﺎ، ﻣﯿﺮﺍ ﺑﯽ ﺍﮮ ﮐﮯ ﺍﻣﺘﺤﺎﻥ ﮐﺎ ﺁﺧﺮﯼ ﺳﺎﻟﮩﮯ، ﺍﻣﺘﺤﺎﻥ ﺗﻮ ﺩﮮ ﺳﮑﺘﺎ ﮨﻮﮞ ﻧﺎ؟ “
” ﮨﺎﮞ ﺑﯿﭩﮯ، ﻣﯿﮟ ﺗﻮ ﮐﺎﻟﺞ ﺳﮯ ﺭﻭﮎ ﺭﮨﺎ ﮨﻮﮞ – ﺗﯿﺮﺍ ﺑﯽ ﺍﮮ ﮐﺮﻧﺎ ﺗﻮ ﻣﯿﺮﯼ ﺑﮩﺖ ﺑﮍﯼ ﺧﻮﺷﯽ ﮨﮯ “
” ﺷﮑﺮﯾﮧ ﺍﺑﺎ “
ﻣﺒﺸﺮ ﮐﻤﺮﮮ ﻣﯿﮟ ﭼﻼ ﮔﯿﺎ – ﭘﯿﺮ ﺑﺨﺶ ﺍﻟﮩﯽٰ ﺑﺨﺶ ﮐﻮ ﻣﺤﺒﺖ ﺑﮭﺮﯼ ﻧﻈﺮﻭﮞ ﺳﮯ ﺩﯾﮑﮫ ﺭﮨﺎ ﺗﮭﺎ ” ﺗﻮ ﺍﺱ ﺳﮯ ﺑﮭﯽ ﺍﭼﮭﺎ ﺑﻦ ﮔﯿﺎ ﭘﺘﺮ، ﺟﯿﺴﺎ ﻣﯿﮟ ﺑﻨﺎﻧﺎ ﭼﺎﮨﺘﺎ ﺗﮭﺎ ” ﺍﺱ ﮐﮯ ﻟﮩﺠﮯ ﻣﯿﮟ ﻓﺨﺮ ﺗﮭﺎ –
” ﺍﻟﻠﮧ ﮐﺎ ﺷﮑﺮ ﺍﺩﺍ ﮐﺮﻭ ﺍﺑﺎ ” ﺍﻟﮩﯽٰ ﺑﺨﺶ ﻧﮯ ﻋﺎﺟﺰﯼ ﺳﮯ ﮐﮩﺎ –
——————–
ﻟﯿﮑﻦ ﺟﺲ ﺑﺎﺕ ﮐﻮ ﮨﻮﻧﺎ ﮨﻮﺗﺎ ﮨﮯ، ﻭﮦ ﮐﺴﯽ ﻃﺮﺡ ﻧﮩﯿﮟ ﺭﮐﺘﯽ !
ﺍﺱ ﺭﻭﺯ ﻣﺒﺸﺮ ﻣﻨﮉﯾﺎﮞ ﺳﮯ ﮔﮭﺮ ﺁ ﺭﮨﺎ ﺗﮭﺎ – ﻭﮦ ﮔﮭﺮ ﺳﮯ ﭼﻨﺪ ﻗﺪ ﻡ ﺩﻭﺭ ﺗﮭﺎ ﮐﮩﺎﭼﺎﻧﮏ ﮐﮭﯿﺖ ﮐﯽ ﻃﺮﻑ ﺳﮯ ﺭﺍﺑﻌﮧ ﻧﮑﻠﮑﺮ ﺍﺱ ﮐﮯ ﺳﺎﻣﻨﮯ ﺁ ﮔﺌﯽ – ” ﺗﻢ ﻧﮯ ﮐﺎﻟﺞ ﺁﻧﺎ ﮐﯿﻮﮞ ﭼﮭﻮﮌ ﺩﯾﺎ ﻣﺒﺸﺮ؟ ” ﺍﺱ ﻧﮯ ﭘﻮﭼﮭﺎ –
ﻣﺒﺸﺮ ﻧﮯ ﺣﯿﺮﺕ ﺍﻭﺭ ﮔﺒﮭﺮﺍﮨﭧ ﺳﮯﺍ ﺳﮯ ﺩﯾﮑﮭﺎ ” ﺑﯽ ﺑﯽ — ﺁﭖ ﯾﮩﺎﮞ؟ “
” ﺗﻢ ﮐﺎﻟﺞ ﻧﮩﯿﮟ ﺁﺅ ﮔﮯ ﺗﻮ ﻣﯿﮟ ﺗﻢ ﺳﮯ ﻣﻠﻨﮯ ﯾﮩﺎﮞ ﺁ ﺟﺎﺅﮞ ﮔﯽ ” ﺭﺍﺑﻌﮧ ﻧﮯ ﮐﮩﺎ ﭘﮭﺮ ﻣﺴﮑﺮﺍ ﮐﺮ ﭘﻮﭼﮭﺎ ” ﮐﺎﻟﺞ ﺁﻧﺎ ﮐﯿﻮﮞ ﭼﮭﻮﮌ ﺩﯾﺎ ﮨﮯ ﺗﻢ ﻧﮯ؟ “
” ﺁﭖ ﮐﯽ ﻣﮩﺮﺑﺎﻧﯽ ﺳﮯ ” ﻣﺒﺸﺮ ﻧﮯ ﺗﻠﺦ ﻟﮩﺠﮯ ﻣﯿﮟ ﮐﮩﺎ ” ﺳﻠﯿﻢ ﺑﺎﺟﯽ ﻧﮯ ﺍﺑﺎ ﺳﮯ ﺷﮑﺎﯾﺖ ﮐﯽ ﺗﮭﯽ – ﺩﮬﻤﮑﯽ ﺑﮭﯽ ﺩﯼ ﺗﮭﯽ ‘
” ﻣﮕﺮ ﻣﺠﮭﮯ ﮐﻮﺋﯽ ﻧﮩﯿﮟ ﺭﻭﮎ ﺳﮑﺘﺎ “
” ﻣﺠﮫ ﭘﺮ ﺭﺣﻢ ﮐﺮﻭ ﺑﯽ ﺑﯽ – ﺟﻮ ﺗﻢ ﭼﺎﮨﺘﯽ ﮨﻮ، ﻭﮦ ﻣﯿﮟ ﺳﻮﭺ ﺑﮭﯽ ﻧﮩﯿﮟ ﺳﮑﺘﺎ ” ﻣﺒﺸﺮ ﮔﮍﮔﮍﺍﻧﮯ ﻟﮕﺎ –
” ﺍﯾﺴﯽ ﺑﺎﺗﯿﮟ ﻣﺖ ﮐﺮﻭ ﺗﻢ ﻣﺮﺩ ﮨﻮ ” ﺭﺍﺑﻌﮧ ﻧﮯ ﺳﺨﺖ ﻟﮩﺠﮯ ﻣﯿﮟ ﮐﮩﺎ –
” ﯾﮧ ﮐﯿﺴﯽ ﻣﺤﺒﺖ ﮨﮯ ﺑﯽ ﺑﯽ؟ ” ﻣﺒﺸﺮ ﮐﮯ ﻟﮩﺠﮯ ﻣﯿﮟ ﻓﺮﯾﺎﺩ ﺗﮭﯽ ” ﺁﭖ ﻧﮧ ﺻﺮﻑ ﻣﺠﮭﮯ ﺑﻠﮑﮧ ﻣﯿﺮﮮ ﻣﺎﮞ ﺑﺎﭖ ﺍﻭﺭ ﺩﺍﺩﺍ ﮐﻮ ﺑﮭﯽ ﺫﻟﯿﻞ ﮐﺮﻭﺍﺋﯿﮟ ﮔﯽ – ﻣﯿﮟ ﮐﺒﮭﯽ ﺍﺑﺎ ﺳﮯ ﻧﻈﺮ ﻧﮩﯿﮟ ﻣﻼ ﺳﮑﻮﮞ ﮔﺎ “
‘ ﻣﯿﮟ ﮐﯿﺎ ﮐﺮﻭﮞ ﻣﺒﺸﺮ – ﺑﮩﺖ ﻣﺠﺒﻮﺭ ﮨﻮﮞ ﻣﯿﮟ “—-
” ﺧﺪﺍ ﮐﮯ ﻟﺌﮯ ﻣﺠﮭﮯ ﺑﮭﻮﻝ ﺟﺎﺋﯿﮯ – ﯾﮧ ﺧﯿﺎﻝ ﺩﻝ ﺳﮯ ﻧﮑﺎﻝ ﺩﯾﺠﯿﺌﮯ “
” ﮐﯿﺴﮯ ﻣﺮﺩ ﮨﻮ – ﻋﻮﺭﺕ ﮐﮯ ﺳﺎﻣﻨﮯ ﮔﮍﮔﮍﺍﺗﮯ ﮨﻮ “
ﺍﺳﯽ ﻟﻤﺤﮯ ﺍﻧﮩﯽ ﮐﮭﯿﺘﻮﮞ ﮐﯽ ﻃﺮﻑ ﺳﮯ ﺳﻠﯿﻢ ﻧﻤﻮﺩﺍﺭ ﮨﻮ ﮔﯿﺎ – ” ﻣﯿﮟ ﻧﮯ ﭘﮩﻠﮯ ﮨﯽ ﺧﺒﺮﺩﺍﺭ ﮐﯿﺎ ﺗﮭﺎ ﻣﺒﺸﺮ – ﺍﺏ ﻣﯿﮟ ﺗﺠﮭﮯ ﺯﻧﺪﮦ ﻧﮩﯿﮟ ﭼﮭﻮﮌﻭﮞ ﮔﺎ ” ﺍﺱ ﻧﮯ ﻟﻠﮑﺎﺭﺍ –
ﺍﺱ ﻟﻠﮑﺎﺭ ﮐﯽ ﮔﻮﻧﺞ ﮔﮭﺮ ﮐﮯ ﺻﺤﻦ ﻣﯿﮟ ﮐﮭﮍﮮ ﭘﯿﺮ ﺑﺨﺶ ﻧﮯ ﺑﮭﯽ ﺳﻨﯽ – ﺳﻮﭼﻨﮯ ﮐﻮﻭﻗﺖ ﻧﮩﯿﮟ ﺗﮭﺎ – ﻭﮦ ﺗﯿﺰﯼ ﺳﮯ ﮐﻤﺮﮮ ﮐﯽ ﻃﺮﻑ ﻟﭙﮑﺎ، ﺍﺱ ﻧﮯ ﺻﻨﺪﻭﻕ ﻣﯿﮟ ﺳﮯ ﭘﺴﺘﻮﻝ ﻧﮑﺎﻻ ﺍﻭﺭ ﺩﺭﻭﺍﺯﮮ ﮐﯽ ﻃﺮﻑ ﺟﮭﭙﭩﺎ –
ﺑﺎﮨﺮ ﺳﻠﯿﻢ ﺷﺎﮦ ﻧﮯ ﺭﯾﻮﺍﻟﻮﺭ ﻧﮑﺎﻟﻠﯿﺎ ﺗﮭﺎ – ﺭﺍﺑﻌﮧ ﮐﮯ ﺳﺎﻣﻨﮯ ﮔﮍﮔﮍﺍﻧﮯ ﻭﺍﻻ ﻣﺒﺸﺮ ﺍﺱ ﮐﮯ ﺳﺎﻣﻨﮯ ﺗﻦ ﮐﺮ ﮐﮭﮍﺍ ﮨﻮ ﮔﯿﺎ – ﺍﺱ ﮐﮯ ﭼﮩﺮﮮ ﭘﺮ ﺑﮯ ﺧﻮﻓﯽ ﺗﮭﯽ ” ﻣﯿﮟ ﺧﺪﺍ ﮐﮯ ﺳﻮﺍ ﮐﺴﯽ ﺳﮯ ﻧﮩﯿﮟ ﮈﺭﺗﺎ ﺳﻠﯿﻢ ﺷﺎﮦ ” ﺍﺱ ﻧﮯ ﻣﺴﺘﺤﮑﻢ ﻟﮩﺠﮯ ﻣﯿﮟ ﮐﮩﺎ ” ﻣﯿﮟ ﺗﻢ ﺳﮯ ﻧﻤﭧ ﺳﮑﺘﺎ ﮨﻮﮞ ﻟﯿﮑﻦ ﺍﺑﺎ ﺍﻭﺭ ﺩﺍﺩﺍ ﮐﻮ ﺩﮐﮫ ﻧﮩﯿﮟ ﺩﯾﻨﺎ ﭼﺎﮨﺘﺎ “
ﺳﻠﯿﻢ ﺷﺎﮦ ﻧﮯ ﺭﯾﻮﺍﻟﻮﺭ ﻟﮩﺮﺍﯾﺎ ” ﻣﯿﮟ ﻧﮯ ﺳﺐ ﮐﻮ ﺑﺘﺎ ﺩﯾﺎ ﺗﮭﺎ ﻣﺒﺸﺮ “
ﺭﺍﺑﻌﮧ ﻟﭙﮏ ﮐﺮ ﻣﺒﺸﺮ ﮐﮯ ﺳﺎﻣﻨﮯ ﮐﮭﮍﯼ ﮨﻮﺋﯽ ” ﺑﮯ ﺍﻧﺼﺎﻓﯽ ﻧﮧ ﮐﺮ ﺑﮭﺎﺋﯽ – ﺍﺱ ﮐﺎ ﻗﺼﻮﺭ ﻧﮩﯿﮟ ﮨﮯ “
” ﺭﺍﺑﻌﮧ ﺑﯽ ﺑﯽ —- ﺗﻮ ﮨﭧ ﺟﺎ ﺳﺎﻣﻨﮯ ﺳﮯ ” ﺳﻠﯿﻢ ﺷﺎﮦ ﻧﮯ ﮔﺮﺝ ﮐﺮ ﮐﮩﺎ –
” ﺑﮭﺎﺋﯽ ﻗﺼﻮﺭﻭﺍﺭ ﻣﯿﮟ ﮨﻮﮞ ﻣﯿﮟ ﺍﺱ ﺳﮯ ﻣﻠﻨﮯ ﺁﺋﯽ ﮨﻮﮞ “
” ﺗﻮ ﭘﮭﺮ ﭘﮩﻠﮯ ﺗﻮ ﮨﯽ ﺟﺎ ” ﺳﻠﯿﻢ ﺷﺎﮦ ﻧﮯ ﺩﺍﻧﺖ ﭘﯿﺴﺘﮯ ﮨﻮﺋﮯ ﮐﮩﺎ ” ﻟﯿﮑﻦ ﭼﮭﻮﮌﻭﮞ ﮔﺎ ﺍﺳﮯ ﺑﮭﯽ ﻧﮩﯿﮟ “
ﺳﻠﯿﻢ ﺷﺎﮦ ﮐﺎ ﺭﯾﻮﺍﻟﻮﺭ ﻭﺍﻻ ﮨﺎﺗﮫ ﻧﯿﭽﮯ ﺁ ﺭﮨﺎ ﺗﮭﺎ – ﻟﺒﻠﺒﯽ ﭘﺮ ﺍﻧﮕﻠﯽ ﮐﺎ ﺩﺑﺎﺅ ﺑﮍﮪ ﺭﮨﺎ ﺗﮭﺎ – ﺍﺳﯽ ﻟﻤﺤﮯ ﭘﯿﺮ ﺑﺨﺶ ﭘﺴﺘﻮﻝ ﮨﺎﺗﮫ ﻣﯿﮟ ﻟﺌﮯ ﮔﮭﺮ ﺳﮯ ﻧﮑﻼ – ﻭﮦ ﺍﻥ ﮐﯽ ﻃﺮﻑ ﺟﮭﭙﭩﺎ ﻟﯿﮑﻦ ﺍﺱ ﮐﮯ ﺍﻥ ﺗﮏ ﭘﮩﻨﭽﻨﮯ ﺳﮯ ﭘﮩﻠﮯ ﮔﻮﻟﯽ ﭼﻠﯽ ﺍﻭﺭ ﺭﺍﺑﻌﮧ ﺩﻭﻧﻮﮞ ﮨﺎﺗﮭﻮﮞ ﺳﮯ ﺍﭘﻨﺎ ﭘﯿﭧ ﺗﮭﺎﻣﮯ ﮔﺮﺗﯽ ﭼﻠﯽ ﮔﺌﯽ –
ﺳﻠﯿﻢ ﺷﺎﮦ ﮐﯽ ﺍﻧﮕﻠﯽ ﺩﻭﺑﺎﺭﮦ ﭨﺮﯾﮕﺮ ﭘﺮ ﺗﮭﯽ – ﻋﯿﻦ ﻭﻗﺖ ﭘﺮ ﭘﯿﺮ ﺑﺨﺶ ﭘﻮﺗﮯ ﮐﮯ ﺳﺎﻣﻨﮯ ﺁ ﮔﯿﺎ –
ﭘﯿﺮ ﺑﺨﺶ ﮐﺎ ﺧﻮﻥ ﺩﯾﮑﮫ ﮐﺮ ﺳﻠﯿﻢ ﺷﺎﮦ ﮐﮯ ﺍﻭﺳﺎﻥ ﺧﻄﺎ ﮨﻮ ﮔﺌﮯ – ﻭﮦ ﺍﻧﺪﮬﺎ ﺩﮬﻨﺪ ﺍﯾﮏ ﻃﺮﻑ ﺑﮭﺎﮒ ﮐﮭﮍﺍ ﮨﻮﺍ –
ﭘﯿﺮ ﺑﺨﺶ ﺯﺧﻤﯽ ﺣﺎﻟﺖ ﻣﯿﮟ ﮨﺴﭙﺘﺎﻝ ﮐﮯ ﺑﺴﺘﺮ ﭘﺮ ﭘﺮﺍ ﺗﮭﺎ – ﺍﻟﮩﯽٰ ﺑﺨﺶ ﻧﮯ ﺍﺱ ﮐﮯ ﮐﺎﻥ ﮐﮯ ﻗﺮﯾﺐ ﻣﻨﮧ ﻟﮯ ﺟﺎﺗﮯ ﮨﻮﺋﮯ ﮐﮩﺎ ” ﯾﮧ ﮐﯿﺎ ﮨﻮ ﮔﯿﺎ ﺍﺑﺎ؟ “
ﭘﯿﺮ ﺑﺨﺶ ﮐﯽ ﺁﻭﺍﺯ ﺑﮩﺖ ﮐﻤﺰﻭﺭ ﺗﮭﯽ – ‘ ﯾﮧ ﺗﻮ ﮨﻮﻧﺎ ﺗﮭﺎ ﭘﺘﺮ – ﺍﺱ ﮐﮯ ﺑﻐﯿﺮ ﯾﮧ ﻣﻌﺎﻣﻠﮧ ﻧﻤﭩﺘﺎ ﻧﮩﯿﮟ “
” ﺍﺏ ﮐﯿﺎ ﮐﺮﻧﺎ ﮨﮯ ﺍﺑﺎ “
” ﺳﻠﯿﻢ ﺷﺎﮦ ﺑﺎﺟﯽ ﮐﮩﺎﮞ ﮨﮯ ﭘﺘﺮ “
” ﺍﭘﻨﮯ ﮔﮭﺮ ﭘﺮ ﮨﮯ ﺍﺑﺎ – ﻣﯿﮟ ﺑﺎﺟﯽ ﻟﻮﮔﻮﮞ ﮐﮯ ﭘﯿﺮﻭﮞ ﻣﯿﮟ ﭘﮍ ﮔﯿﺎ ﺗﮭﺎ ﮐﮧ ﻭﮦ ﮨﻤﺎﺭﮮ ﮔﮭﺮ ﻣﯿﮟ ﮨﯽ ﻣﺤﻔﻮﻅ ﺭﮨﮯ ﮔﺎ – ﻭﮦ ﯾﻘﯿﻦ ﻧﮩﯿﮟ ﮐﺮ ﺭﮨﮯ ﺗﮭﮯ ” ﻭﮦ ﮐﮩﺘﮯ ﮐﮩﺘﮯ ﺭﮐﺎ ” ﺗﻢ ﺑﺎﻟﮑﻞ ﻓﮑﺮ ﻧﮧ ﮐﺮﻭ ﺍﺑﺎ، ﺍﺳﮯ ﮨﺘﮭﮑﮍﯼ ﻧﮩﯿﮟ ﻟﮕﻨﮯ ﺩﻭﮞ ﮔﺎ “
” ﺍﯾﮏ ﮐﺎﻡ ﮐﺮ ﺩﮮ ﭘﺘﺮ، ﻣﯿﺮﮮ ﭘﺴﺘﻮﻝ ﮐﺎﮔﮭﻮﮌﺍ ﭼﮍﮬﺎ ﺩﯾﻨﺎ “
” ﯾﮧ ﮐﺎﻡ ﻣﯿﮟ ﭘﮩﻠﮯ ﮨﯽ ﮐﺮ ﭼﮑﺎ ﮨﻮﮞ ﺍﺑﺎ – ﺳﺐ ﺳﻤﺠﮫ ﻣﯿﮟ ﺁ ﮔﯿﺎ ﺗﮭﺎ ﻣﯿﺮﯼ ” ﺍﻟﮩﯽٰ ﺑﺨﺶ ﻧﮯ ﮐﮩﺎ ” ﺑﻠﮑﮧ ﻣﯿﮟ ﻧﮯ ﺗﻮ ﺩﻭ ﻓﺎﺋﺮ ﺑﮭﯽ ﮐﺮ ﺩﺋﯿﮯ “
ﭘﯿﺮ ﺑﺨﺶ ﮐﮯ ﮨﻮﻧﭩﻮﮞ ﭘﺮ ﮐﻤﺰﻭﺭ ﺳﯽ ﻣﺴﮑﺮﺍﮨﭧ ﺍﺑﮭﺮﯼ ” ﺗﻮ ﮐﺘﻨﺎ ﺍﭼﮭﺎ ﭘﺘﺮ ﮨﮯ ﺍﻟﮩﯽٰ ﺑﺨﺶ ﻣﺠﮭﮯ ﻣﻌﻠﻮﻡ ﮨﯽ ﻧﮩﯿﮟ ﺗﮭﺎ “
” ﺗﻤﮩﺎﺭﯼ ﺩﻋﺎ ﺍﻭﺭ ﺭﺏ ﮐﺎ ﮐﺮﻡ ﮨﮯ ﺍﺑﺎ ” ﺍﻟﮩﯽٰ ﺑﺨﺶ ﺑﺎﭖ ﭘﺮ ﺍﻭﺭ ﺟﮭﮏ ﮔﯿﺎ ” ﺍﯾﮏ ﺑﺎﺕ ﺍﻭﺭ ﮨﮯ ﺍﺑﺎ ” ﺍﺱ ﻧﮯ ﺭﺍﺯﺩﺍﺭﺍﻧﮧ ﻟﮩﺠﮯ ﻣﯿﮟ ﮐﮩﺎ – ” ﮨﺮ ﻃﺮﻑ ﺳﮯ ﭼﻮﮐﺲ ﺭﮨﻨﺎ ﭼﺎﮨﯿﺌﮯ ﺑﻨﺪﮮ ﮐﻮ – ﯾﮧ ﺑﺘﺎﺅ ﺧﻮﻥ ﺗﻢ ﻣﻌﺎﻑ ﮐﺮﻭ ﮔﮯ ﯾﺎ ﻣﺠﮭﮯ ﮐﺮﻧﺎ ﮨﮯ؟ “
ﭘﯿﺮ ﺑﺨﺶ ﻧﮯ ﺁﮨﺴﺘﮧ ﺳﮯ ﮐﮩﺎ ” ﺟﺲ ﮐﻮ ﺳﻌﺎﺩﺕ ﻣﻞ ﺟﺎﺋﮯ ﭘﺘﺮ ” ﺫﺭﺍ ﺗﻮﻗﻒ ﮐﮯ ﺑﻌﺪ ﻭﮦ ﺑﻮﻻ ” ﺭﺏ ﻋﺰﺕ ﺩﯾﻨﮯ ﻭﺍﻻ ﮨﮯ ﭘﺘﺮ – ﻭﮦ ﻣﺠﮭﮯ ﺍﺱ ﺯﺧﻢ ﺳﮯ ﻧﮩﯿﮟ ﻣﺮﻧﮯ ﺩﮮ ﮔﺎ “
” ﻣﯿﮟ ﮈﺍﮐﭩﺮ ﺳﮯ ﭘﻮﭼﮭﺘﺎ ﮨﻮﮞ ﺍﺑﺎ “
ﭘﯿﺮ ﺑﺨﺶ ﻧﮯ ﻣﺤﺴﻮﺱ ﮐﯿﺎ ﮐﮧ ﺍﺱ ﻟﻤﺤﮯ ﺍﺱ ﮐﮯ ﺍﻭﺭ ﺑﯿﭩﮯ ﮐﮯ ﺩﺭﻣﯿﺎﻥ ﻣﮑﻤﻞ ﮨﻢ ﺁﮨﻨﮕﯽ ﻣﻮﺟﻮﺩ ﮨﮯ، ﺩﻭﻧﻮﮞ ﺍﯾﮏ ﮨﯽ ﺍﻧﺪﺍﺯ ﻣﯿﮟ ﺳﻮﭺ ﺭﮨﮯ ﺗﮭﮯ – ﺩﻭﻧﻮﮞ ﮐﻮ ﺍﯾﮏ ﮨﯽ ﻓﮑﺮ ﺗﮭﯽ – ﻭﮦ ﯾﮧ ﭼﺎﮨﺘﮯ ﺗﮭﮯ ﮐﮧ ﯾﮧ ﻗﺘﻞ ﻧﮧ ﺭﮨﮯ، ﺑﻠﮑﮧ ﻗﺪﺭﺗﯽ ﻣﻮﺕ ﮨﻮ – ﻣﻮﺕ ﺳﮯ ﻟﮍﺗﮯ ﮨﻮﺋﮯ ﭘﯿﺮ ﺑﺨﺶ ﮐﺎ ﺳﯿﻨﮧ ﻓﺨﺮ ﮐﮯ ﺍﺣﺴﺎﺱ ﺳﮯ ﭘﮭﻮﻝ ﮔﯿﺎ – ﻣﮕﺮ ﻓﻮﺭٰ ﮨﯽ ﺍﺱ ﮐﺎ ﺩﻝ ﺳﺠﺪﮮ ﻣﯿﮟ ﭼﻼ ﮔﯿﺎ ” ﺳﺐ ﺗﯿﺮﯼ ﺩﯾﻦ ﮨﮯ ﺭﺑﺎ – ﺑﻨﺪﮮ ﮐﺎ ﺍﭘﻨﺎ ﺗﻮ ﮐﭽﮫ ﺑﮭﯽ ﻧﮩﯿﮟ ﮨﻮﺗﺎ – ﭘﺮ ﺗﻮ ﺻﻠﮧ ﺍﺳﮯ ﮨﯽ ﺩﯾﺘﺎ ﮨﮯ “
ﺍﺩﮬﺮ ﺍﻟﮩﯽٰ ﺑﺨﺶ ﮈﺍﮐﭩﺮ ﺳﮯ ﭘﻮﭼﮫ ﺭﮨﺎ ﺗﮭﺎ ” ﮈﺍﮐﭩﺮ ﺻﺎﺣﺐ ﺍﺑﺎ ﺑﭻ ﺟﺎﺋﯿﮟ ﮔﮯ ﻧﺎ “
” ﺧﻮﻥ ﺑﮩﺖ ﺑﮩﮧ ﮔﯿﺎ ﮨﮯ، ﺣﺎﻟﺖ ﺧﻄﺮﮮ ﺳﮯ ﺑﺎﮨﺮ ﻧﮩﯿﮟ ﮨﮯ ” ﮈﺍﮐﭩﮯ ﻧﮯ ﺻﺎﻑ ﮔﻮﺋﯽ ﺳﮯ ﮐﺎﻡ ﻟﯿﺎ –
ﺍﻟﮩﯽٰ ﺑﺨﺶ ﭼﻨﺪ ﻟﻤﺤﮯ ﺳﺮ ﺟﮭﮑﺎﺋﮯ ﮨﻮﺋﮯ ﺳﻮﭼﺘﺎ ﺭﮨﺎ – ﭘﮭﺮ ﺍﺱ ﻧﮯ ﺳﺮ ﺍﭨﮭﺎﯾﺎ ﺗﻮ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﺴﻮ ﺗﮭﮯ ” ﮈﺍﮐﭩﺮ ﺻﺎﺣﺐ ﺍﮔﺮ ﺍﺑﺎ ﺍﺱ ﺯﺧﻢ ﮐﯽ ﻭﺟﮧ ﺳﮯ ﻧﮩﯿﮟ، ﮐﺴﯽ ﺍﻭﺭ ﺳﺒﺐ ﺳﮯ ﺧﺘﻢ ﮨﻮ ﮔﺌﮯ ﺗﻮ ﮐﯿﺎ ﮨﻮ ﮔﺎ “
ﮈﺍﮐﭩﺮ ﻧﮯ ﺍﻟﺠﮭﻦ ﺑﮭﺮﯼ ﻧﻈﺮﻭﮞ ﺳﮯ ﺍﺳﮯ ﺩﯾﮑﮭﺎ ” ﻣﯿﮟ ﺗﻤﮩﺎﺭﺍ ﻣﻄﻠﺐ ﻧﮩﯿﮟ ﺳﻤﺠﮭﺎ “
” ﻣﯿﺮﺍ ﻣﻄﻠﺐ ﮨﮯ ﭘﮭﺮ ﯾﮧ ﻗﺘﻞ ﮐﯿﺲ ﺗﻮ ﻧﮩﯿﮟ ﺑﻨﮯ ﮔﺎ؟ “
ﮈﺍﮐﭩﺮ ﺍﺳﮯ ﻋﺠﯿﺐ ﺳﯽ ﻧﻈﺮﻭﮞ ﺳﮯ ﺩﯾﮑﮫ ﺭﮨﺎ ﺗﮭﺎ – ﺍﺳﮯ ﺣﯿﺮﺕ ﺗﮭﯽ – ﺑﺎﭖ ﻣﻮﺕ ﺳﮯ ﻟﮍ ﺭﮨﺎ ﮨﮯ، ﺑﯿﭩﮯ ﮐﯽ ﺁﻧﮑﮭﻮﮞ ﻣﯿﮟ ﺁﻧﺴﻮ ﮨﯿﮟ ﻟﯿﮑﻦ ﻭﮦ ﯾﮧ ﺳﻮﭺ ﺭﮨﺎ ﮨﮯ ﮐﮧ ﯾﮧ ﻗﺘﻞ ﮐﮩﻼﺋﮯ ﮔﺎ ﯾﺎ ﻧﮩﯿﮟ – ﺍﺱ ﻧﮯ ﺳﺮ ﺟﮭﭩﮑﺘﮯ ﮨﻮﺋﮯ ﮐﮩﺎ ” ﻗﺎﻧﻮﻥ ﮐﺎ ﺗﻮ ﻣﺠﮭﮯ ﻋﻠﻢ ﻧﮩﯿﮟ ﻣﮕﺮ ﻣﻮﺕ ﮐﺎ ﺳﺒﺐ ﻭﮦ ﻟﮑﮭﺎ ﺟﺎﺋﮯ ﮔﺎ ﺟﻮ ﮨﻮ ﮔﺎ “
ﺍﻟﮩﯽٰ ﺑﺨﺶ ﻧﮯ ﭘﺮ ﺧﯿﺎﻝ ﻟﮩﺠﮯ ﻣﯿﮟ ﮐﮩﺎ ” ﻗﺪﺭﺗﯽ ﻣﻮﺕ ﭘﺮ ﻗﺘﻞ ﮐﺎ ﻣﻘﺪﻣﮧ ﺗﻮ ﻧﮩﯿﮟ ﭼﻞ ﺳﮑﺘﺎ “
” ﻣﺴﺌﻠﮧ ﮐﯿﺎ ﮨﮯ؟ ” ﮈﺍﮐﭩﺮ ﻧﮯ ﭘﻮﭼﮭﺎ ” ﮐﯿﺎ ﮔﻮﻟﯽ ﭼﻼﻧﮯ ﻭﺍﻻ ﺗﻤﮩﺎﺭﺍ ﺭﺷﺘﮯ ﺩﺍﺭ ﮨﮯ؟ “
” ﻧﮩﯿﮟ ﮈﺍﮐﭩﺮ ﺻﺎﺣﺐ ” ﺍﻟﮩﯽٰ ﺑﺨﺶ ﻧﮯ ﮔﮩﺮﯼ ﺳﺎﻧﺲ ﻟﮯ ﮐﺮ ﮐﮩﺎ ” ﮨﻤﺎﺭﺍ ﺗﻮ ﮐﻮﺋﯽ ﻣﺴﺌﻠﮧ ﮨﯽ ﻧﮩﯿﮟ ﮨﮯ “
ﺳﻠﯿﻢ ﺷﺎﮦ ﮐﻤﺮﮮ ﻣﯿﮟ ﭼﺎﺭﭘﺎﺋﯽ ﭘﺮ ﺳﮩﻤﺎﺳﮩﻤﺎ ﺑﯿﭩﮭﺎ ﺗﮭﺎ – ﺍﺱ ﮐﮯ ﭼﮩﺮﮮ ﭘﺮ ﭘﺮﯾﺸﺎﻧﯽ ﺗﮭﯽ – ﺍﺷﺘﻌﺎﻝ ﻣﯿﮟ ﮔﻮﻟﯽ ﭼﻼ ﺩﯾﻨﺎ ﺍﻭﺭ ﺑﺎﺕ ﮨﮯ ﻟﯿﮑﻦ ﻗﺎﺗﻢ ﮐﯽ ﺣﯿﺜﯿﺖ ﺳﮯ ﺗﻮ ﺍﭘﻨﺎ ﺳﺎﻣﻨﺎ ﮐﺮﻧﺎ ﺑﮭﯽ ﺁﺳﺎﻥ ﻧﮩﯿﮟ ﮨﻮﺗﺎ – ﮐﺠﺎ ﮐﮧ ﻗﺎﻧﻮﻥ ﮐﺎ —— ﺳﺎﺭﯼ ﺩﻧﯿﺎ ﮐﺎ –
ﺩﺭﻭﺍﺯﮦ ﮐﮭﻠﻨﮯ ﮐﯽ ﺁﻭﺍﺯ ﭘﺮ ﻭﮦ ﭼﻮﻧﮑﺎ – ﮨﺎﺗﮭﻮﮞ ﻣﯿﮟ ﮐﮭﺎﻧﮯ ﮐﯽ ﭨﺮﮮ ﻟﺌﮯ ﻣﺒﺸﺮ ﮐﻤﺮﮮ ﻣﯿﮟ ﺁﯾﺎ – ﺍﺱ ﻧﮯ ﭨﺮﮮ ﺳﻠﯿﻢ ﺷﺎﮦ ﮐﮯ ﺳﺎﻣﻨﮯ ﺭﮐﮭﺘﮯ ﮨﻮﺋﮯ ﮐﮩﺎ ” ﺭﻭﭨﯽ ﮐﮭﺎ ﻟﻮ ﺷﺎﮦ ﺟﯽ “
” ﻣﺠﮭﮯ ﺑﮭﻮﮎ ﻧﮩﯿﮟ ﮨﮯ ” ﺳﻠﯿﻢ ﺷﺎﮦ ﮐﮯ ﻟﮩﺠﮯ ﻣﯿﮟ ﺑﮯ ﺑﺴﯽ ﺗﮭﯽ –
” ﭘﮭﺮ ﺑﮭﯽ ﺩﻭ ﭼﺎﺭ ﻟﻘﻤﮯ ﻟﮯ ﻟﻮ – ﯾﻮﮞ ﺑﮭﻮﮐﮯ ﺭﮨﻮ ﮔﮯ ﺗﻮ ﮐﻤﺰﻭﺭ ﮨﻮ ﺟﺎﺅ ﮔﮯ “
ﺳﻠﯿﻢ ﺷﺎﮦ ﻧﮯ ﺣﯿﺮﺕ ﺳﮯ ﺍﺳﮯ ﺩﯾﮑﮭﺎ ” ﺗﻢ ﻟﻮﮒ ﮐﺲ ﺩﻧﯿﺎ ﮐﮯ ﺍﻧﺴﺎﻥ ﮨﻮ “
” ﺍﺑﺎ ﺍﻭﺭ ﺩﺍﺩﺍ ﮐﺎﭘﺘﺎ ﻧﮩﯿﮟ، ﭘﺮ ﻣﯿﮟ ﺍﺳﯽ ﺩﻧﯿﺎ ﮐﺎ ﮨﻮﮞ “
” ﺍﺭﮮ ﺗﻤﮩﺎﺭﺍ ﻣﺤﺒﻮﺏ ﺩﺍﺩﺍ ﻣﯿﺮﯼ ﻭﺟﮧ ﺳﮯ ﻣﻮﮮ ﮐﮯ ﺧﻄﺮﮮ ﺳﮯ ﺩﻭﭼﺎﺭ ﮨﮯ ﺍﻭﺭ ﺗﻢ ﻧﮯ ﺯﺑﺮﺩﺳﺘﯽ ﻣﺠﮭﮯ ﭘﻨﺎﮦ ﺩﯼ ﮨﮯ ﮐﮧ ﮐﮩﯿﮟ ﻣﯿﮟ ﮔﺮﻓﺘﺎﺭ ﻧﮧ ﮨﻮ ﺟﺎﺅﮞ – ﺗﻢ ﻣﯿﺮﯼ ﻣﮩﻤﺎﻥ ﻧﻮﺍﺯﯼ ﮐﺮ ﺭﮨﮯ ﮨﻮ،ﮐﮭﺎﻧﮯ ﮐﮯ ﻟﺌﮯ ﺍﺻﺮﺍﺭ ﮐﺮ ﺭﮨﮯ ﮨﻮ ﮐﮧ ﮐﮩﯿﮟ ﮐﻤﺰﻭﺭ ﻧﮧ ﮨﻮ ﺟﺎﺅﮞ —- ﻣﯿﮟ ﺗﻮ ﻣﺠﺮﻡ ﮨﻮﮞ، ﺗﻤﮩﺎﺭﺍ ﺑﮭﯽ ﺍﻭﺭ ﻗﺎﻧﻮﻥ ﮐﺎ ﺑﮭﯽ – ﺗﻤﮩﯿﮟ ﻏﺼﮧ ﻧﮩﯿﮟ ﺁﺗﺎ ﻣﺠﮫ ﭘﺮ؟ ” ﺁﺧﺮ ﻣﯿﮟ ﺍﺱ ﮐﮯ ﻟﮩﺠﮯ ﻣﯿﮟ ﻣﻼﻣﺖ ﺁ ﮔﺌﯽ – ﺍﺱ ﮐﺎ ﺟﺴﻢ ﺷﺪﺕ ﺟﺬﺑﺎﺕ ﺳﮯ ﻟﺮﺯﻧﮯ ﻟﮕﺎ –
” ﻣﯿﮟ ﺗﻮ ﭘﺘﺎ ﻧﮩﯿﮟ ﮐﯿﺎ ﮐﺮ ﺩﯾﺘﺎ ﺗﻤﮩﺎﺭﺍ ” ﻣﺒﺸﺮ ﻧﮯ ﺩﺍﻧﺖ ﭘﺮ ﺩﺍﻧﺖ ﺟﻤﺎﺗﮯ ﮨﻮﺋﮯ ﮐﮩﺎ ” ﭘﺮ ﺍﺑﺎ ﮐﺎ ﺣﮑﻢ ﻧﮩﯿﮟ ﭨﺎﻝ ﺳﮑﺘﺎ ۔۔۔۔۔۔۔ ﺍﭼﮭﺎ ﺗﻢ ﮐﭽﮫ ﮐﮭﺎ ﻟﻮ “
ﺳﻠﯿﻢ ﺷﺎﮦ ﻧﮯ ﺑﮯ ﺩﻟﯽ ﺳﮯ ﺍﯾﮏ ﻟﻘﻤﮧ ﻟﯿﺎ ” ﺗﻤﮩﺎﺭﮮ ﺩﺍﺩﺍ ﮐﯿﺴﮯ ﮨﯿﮟ؟ “
” ﺍﻥ ﮐﯽ ﺣﺎﻟﺖ ﺍﭼﮭﯽ ﻧﮩﯿﮟ “
” ﻣﺠﮭﮯ ﺍﻓﺴﻮﺱ ﮨﮯ – ﻏﺼﮯ ﻧﮯ ﺍﻧﺪﮬﺎ ﮐﺮ ﺩﯾﺎ ﺗﮭﺎ ﻣﺠﮭﮯ – ﺍﺏ ﺟﻮ ﻣﺠﮭﮯ ﺷﺮﻣﻨﺪﮔﯽ ﮨﮯ ﻭﮦ ﻣﯿﮟ ﺑﯿﺎﻥ ﻧﮩﯿﮟ ﮐﺮ ﺳﮑﺘﺎ “
” ﺑﮩﺖ ﺧﻮﺑﺼﻮﺭﺕ ﻟﻔﻆ ﮨﯿﮟ ﺷﺎﮦ ﺟﯽ ” ﻣﺒﺸﺮ ﻧﮯ ﺳﺎﺩﮔﯽ ﺳﮯ ﮐﮩﺎ –
” ﺭﺍﺑﻌﮧ ﮐﮩﺎﮞ ﮨﮯ؟ ” ﺳﻠﯿﻢ ﺷﺎﮦ ﻧﮯ ﺍﭼﺎﻧﮏ ﭘﻮﭼﮭﺎ –
ﮐﺴﯽ ﺭﺷﺘﮯ ﺩﺍﺭ ﮐﮯ ﮔﮭﺮ – ﺍﺳﮯ ﮐﻮﺋﯽ ﺧﻄﺮﮦ ﻧﮩﯿﮟ – ﮔﻮﻟﯽ ﭘﯿﭧ ﻣﯿﮟ ﻧﮩﯿﮟ ﻟﮕﯽ ﺗﮭﯽ، ﮐﻼﺋﯽ ﮐﻮ ﭼﮭﻮ ﮐﺮ ﮔﺰﺭ ﮔﺌﯽ “
” ﭘﻮﻟﯿﺲ ﮐﻮ ﺗﻮ ۔۔۔۔۔۔۔۔۔؟ “
” ﮐﺴﯽ ﮐﻮ ﺍﺱ ﺑﺎﺭﮮ ﻣﯿﮟ ﮐﭽﮫ ﻣﻌﻠﻮﻡ ﻧﮩﯿﮟ – ﺧﻮﺍﻣﺨﻮﺍﮦ ﺑﺪﻧﺎﻣﯽ ﮨﻮﺗﯽ “
ﺳﻠﯿﻢ ﺷﺎﮦ ﭼﻨﺪ ﻟﻤﺤﮯ ﻏﻮﺭ ﺳﮯ ﺍﺳﮯ ﺩﯾﮑﮭﺘﺎ ﺭﮨﺎ ﭘﮭﺮ ﺑﻮﻻ ” ﺗﻮ ﺗﻤﮩﯿﮟ ﺭﺍﺑﻌﮧ ﺳﮯ ﮐﻮﺋﯽ ﺩﻟﭽﺴﭙﯽ ﻧﮩﯿﮟ؟ “
” ﻣﯿﮟ ﻧﮯ ﺗﻤﮩﯿﮟ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯽ ﺗﮭﯽ ﺍﻭﺭ ﺍﺏ ﺑﮭﯽ ﺑﺘﺎ ﺭﮨﺎ ﮨﻮﮞ ” ﻣﺒﺸﺮ ﻧﮯ ﺑﮯ ﺣﺪ ﺗﺤﻤﻞ ﺳﮯ ﮐﮩﺎ ” ﺁﻭﺭ ﻣﯿﮟ ﻧﮯ ﺗﻮ ﺑﯽ ﺑﯽ ﮐﻮ ﺑﮭﯽ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯿﺘﮭﯽ، ﭘﺮ ﺍﺱ ﭘﺮ ﺗﻤﮩﺎﺭﺍ ﺍﺧﺘﯿﺎﺭ ﻧﮩﯿﮟ ﺗﻮ ﻣﯿﮟ ﺑﮯ ﭼﺎﺭﮦ ﮐﯿﺎ ﮐﺮ ﺳﮑﺘﺎ ﺗﮭﺎ “
ﺳﻠﯿﻢ ﺷﺎﮦ ﺷﺮﻣﻨﺪﮦ ﻧﻈﺮ ﺁﻧﮯ ﻟﮕﺎ – ” ﻣﺠﮭﮯ ﻭﺍﻗﻌﯽ ﺍﻓﺴﻮﺱ ﮨﮯ
” ﭼﮭﻮﮌﻭ ﺍﺱ ﺑﺎﺕ ﮐﻮ ” ﻣﺒﺸﺮ ﻧﮯ ﮐﮩﺎ ” ﺍﺑﺎ ﻧﮯ ﮐﮩﻠﻮﺍﯾﺎ ﮨﮯ، ﻭﻗﺖ ﺁﻧﮯ ﭘﺮ ﺗﻤﮩﯿﮟ ﯾﮧ ﮐﮩﻨﺎ ﮨﻮ ﮔﺎ ﮐﮧ ﺩﺍﺩﺍ ﻧﮯ ﺗﻢ ﭘﺮ ﻓﺎﺋﺮ ﮐﯿﺎ ﺗﮭﺎ – ﺗﻤﮩﯿﮟ ﺍﭘﻨﮯ ﺑﭽﺎﺅ ﻣﯿﮟ ﮔﻮﻟﯽ ﭼﻼﻧﯽ ﭘﮍﯼ “-
ﺳﻠﯿﻢ ﺷﺎﮦ ﭼﻨﺪ ﻟﻤﺤﮯ ﺍﺳﮯ ﻋﺠﯿﺐ ﺳﯽ ﻧﻈﺮﻭﮞ ﺳﮯ ﺩﯾﮑﮭﺘﺎ ﺭﮨﺎ، ﭘﮭﺮ ﺍﺱ ﻧﮯ ﺩﻭﻧﻮﮞ ﮨﺎﺗﮭﻮﮞ ﺳﮯ ﻣﻨﮧ ﭼﮭﭙﺎﯾﺎ ﺍﻭﺭ ﭘﮭﻮﭦ ﭘﮭﻮﭦ ﮐﺮ ﺭﻭﻧﮯ ﻟﮕﺎ
ﺍﻟﮩﯽٰ ﺑﺨﺶ ﺩﯾﺮ ﺳﮯ ﺩﺭﻭﺍﺯﮮ ﭘﺮ ﮐﮭﮍﺍ ﺗﮭﺎ – ﺍﺱ ﮐﮯ ﮨﺎﺗﮫ ﻣﯿﮟ ﺍﯾﮏ ﮐﺎﻏﺬ ﺗﮭﺎ ﺍﻭﺭ ﺟﯿﺐ ﭘﮭﻮﻟﯽ ﮨﻮﺋﯽ ﺗﮭﯽ – ﺫﺭﺍ ﺩﯾﺮ ﺑﻌﺪ ﻣﻮﻗﻊ ﻣﻼ ﺗﻮ ﺍﺱ ﻧﮯ ﭼﻮﺭﻭﮞ ﮐﯽ ﻃﺮﺡ ﺍﺩﮬﺮ ﺍﺩﮬﺮ ﺩﯾﮑﮭﺎ ﺍﻭﺭ ﺩﺭﻭﺍﺯﮦ ﮐﮭﻮﻝ ﮐﺮ ﺍﻧﺘﮩﺎﺋﯽ ﻧﮕﮩﺪﺍﺷﺖ ﮐﮯ ﻭﺍﺭﮈ ﻣﯿﮟ ﺩﺍﺧﻞ ﮨﻮ ﮔﯿﺎ –
ﭘﯿﺮ ﺑﺨﺶ ﮐﺎ ﭼﮩﺮﮦ ﺩﯾﮑﮫ ﮐﺮ ﺍﺱ ﮐﺎ ﺩﻝ ﮐﭩﻨﮯ ﻟﮕﺎ – ﺍﺱ ﮐﯽ ﺁﻧﮑﮭﯿﮟ ﺑﻨﺪ ﺗﮭﯿﮟ ﺍﻭﺭ ﻭﮦ ﺑﮩﺖ ﺗﮑﻠﯿﻒ ﻣﯿﮟ ﺗﮭﺎ – ﺍﺱ ﮐﮯ ﮨﻮﻧﭧ ﻟﮩﻮﻟﮩﺎﻥ ﮨﻮ ﺭﮨﮯ ﺗﮭﮯ – ﺷﺎﯾﺪ ﺗﮑﻠﯿﻒ ﺑﺮﺩﺍﺷﺖ ﮐﺮﻧﮯ ﮐﯽ ﮐﻮﺷﺶ ﻣﯿﮟ ﻭﮦ ﺍﻧﮩﯿﮟ ﺩﺍﻧﺘﻮﮞ ﺳﮯ ﮐﺎﭨﺘﺎ ﺭﮨﺎ ﺗﮭﺎ –
ﺍﻟﮩﯽٰ ﺑﺨﺶ ﮐﺎ ﺟﯽ ﻧﮩﯿﮟ ﭼﺎﮦ ﺭﮨﺎ ﺗﮭﺎ ﮐﮧ ﺍﺱ ﺣﺎﻝ ﻣﯿﮟ ﺍﺳﮯ ﭼﮭﻮﮌ ﮮ ﻣﮕﺮ ﻓﺮﺽ ﺑﮩﺮ ﺑﮍﺍ ﺗﮭﺎ – ﺍﺱ ﻧﮯ ﺑﺎﭖ ﮐﮯ ﻣﻨﮧ ﺳﮯ ﻣﻨﮧ ﻟﮕﺎ ﮐﺮ ﭘﮑﺎﺭﺍ ” – ﺍﺑﺎ ۔۔۔۔۔ ﺍﺑﺎ “
ﭘﯿﺮ ﺑﺨﺶ ﻧﮯ ﺁﻧﮑﮭﯿﮟ ﮐﮭﻮﻝ ﺩﯾﮟ
” ﺍﺑﺎ ﮈﺍﮐﭩﺮ ﮐﮩﺘﺎ ﮨﮯ ﺗﻤﮩﺎﺭﯼ ﺣﺎﻟﺖ ﺍﭼﮭﯽ ﻧﮩﯿﮟ، ﻣﯿﮟ ﮐﯿﺎ ﮐﺮﻭﮞ ﺍﺑﺎ “
ﭘﯿﺮ ﺑﺨﺶ ﻧﮯ ﮐﻤﺰﻭﺭ ﺁﻭﺍﺯ ﻣﯿﮟ ﮐﮩﺎ ” ﭘﺘﺮ ﻭﮦ ﮐﺮ ﺟﻮ ﮐﺮﻧﺎ ﭼﺎﮨﯿﺌﮯ “
” ﮐﺎﻏﺬ ﭘﺮ ﺍﻧﮕﻮﭨﮭﺎ ﻟﮕﺎﻧﺎ ﮨﮯ ﺍﺑﺎ “
ﭘﯿﺮ ﺑﺨﺶ ﺳﮯ ﺑﻮﻻ ﻧﮩﯿﮟ ﺟﺎ ﺭﮨﺎ ﺗﮭﺎ – ﺍﺱ ﻧﮯ ﺁﻧﮑﮭﻮﮞ ﺳﮯ ﺍﺷﺎﺭﮦ ﮐﯿﺎ – ﺍﻟﮩﯽٰ ﺑﺨﺶ ﻧﮯ ﺟﯿﺐ ﺳﮯ ﺍﻧﮏ ﭘﯿﮉ ﻧﮑﺎﻝ ﮐﺮ ﮐﮭﻮﻻ ﺍﻭﺭ ﺑﺎﭖ ﮐﺎ ﮨﺎﺗﮫ ﺗﮭﺎﻡ ﮐﺮ ﺍﺱ ﮐﺎ ﺍﻧﮕﻮﭨﮭﺎ ﭘﯿﮉ ﭘﺮ ﺟﻤﺎ ﮐﺮ ﺭﮐﮭﺎ – ﭘﮭﺮ ﺍﺱ ﻧﮯ ﺑﺎﭖ ﮐﺎ ﺍﻧﮕﻮﭨﮭﺎ ﮐﺎﻏﺬ ﭘﺮ ﻟﮕﺎ ﺩﯾﺎ –
ﺭﻭﺷﻨﺎﺋﯽ ﺗﻮ ﭘﮑﯽ ﮮ ﻧﺎ ؟ “
” ﺗﻢ ﻓﮑﺮ ﻧﮧ ﮐﺮﻭ ﺍﺑﺎ – ﻣﺠﮫ ﺳﮯ ﮐﻮﺋﯽ ﭼﻮﮎ ﻧﮩﯿﮟ ﮨﻮ ﮔﯽ “
” ﺭﺑﺎ ﻣﯿﺮﯼ ﺷﺮﻡ ﺭﮐﮫ ﻟﮯ ” ﭘﯿﺮ ﺑﺨﺶ ﺗﮍﭖ ﮐﺮ ﮔﮍﮔﮍﺍﯾﺎ ” ﻣﺠﮭﮯ ﺍﺱ ﺯﺧﻢ ﺳﮯ ﻧﮧ ﻣﺎﺭ ﺭﺑﺎ ” ﺍﺗﻨﺎ ﺑﻮﻟﻨﮯ ﺳﮯ ﺍﺱ ﮐﯽ ﺣﺎﻟﺖ ﺍﯾﮏ ﺩﻡ ﺑﮕﮍ ﮔﺌﯽ –
ﺩﺭﻭﺍﺯﮦ ﮐﮭﻠﻨﮯ ﮐﯽ ﺁﻭﺍﺯ ﺳﻦ ﮐﺮ ﺍﻟﮩﯽٰ ﺑﺨﺶ ﻧﮯ ﺟﻠﺪﯼ ﺳﮯ ﮐﺎﻏﺬ ﺍﻭﺭ ﺍﻧﮏ ﭘﯿﮉ ﺟﯿﺐ ﻣﯿﮟ ﺭﮐﮫ ﻟﯿﺎ – ﺁﻧﮯ ﻭﺍﻻ ﮈﺍﮐﭩﺮ ﺗﮭﺎ ” ﺗﻤﯿﮩﺎﮞ ﮐﯿﺎ ﮐﺮ ﺭﮨﮯ ﮨﻮ ” ﺍﺱ ﻧﮯ ﺍﻟﮩﯽٰ ﺑﺨﺶ ﺳﮯ ﭘﻮﭼﮭﺎ
” ﮈﺍﮐﭩﺮ ﺟﯽ ﺍﺑﺎ ﮐﺎ ﺣﺎﻝ ﺍﭼﮭﺎ ﻧﮩﯿﮟ “
ﮈﺍﮐﭩﺮ ﻧﮯ ﭘﯿﺮ ﺑﺨﺶ ﮐﻮ ﺩﯾﮑﮭﺎ ﺍﻭﺭ ﮔﮭﺒﺮﺍ ﮔﯿﺎ – ﺍﺱ ﻧﮯ ﻧﺮﺱ ﮐﻮ ﭘﮑﺎﺭﺍ – ﭼﻨﺪ ﻣﻨﭧ ﻣﯿﮟ ﮨﻨﮕﺎﻣﯽ ﺣﺎﻻﺕ ﮨﻮ ﮔﺌﮯ –
—————– ٭ ——–
ﺑﮯ ﺷﮏ ﺍﻟﻠﮧ ﮨﯽ ﺩﻋﺎﺅﮞ ﮐﻮ ﺳﻨﻨﮯ ﻭﺍﻻ ﺍﻭﺭ ﻗﺒﻮﻝ ﮐﺮﻧﮯ ﻭﺍﻻ ﮨﮯ –
ﮈﺍﮐﭩﺮ ﻧﮯ ﺍﻟﮩﯽٰ ﺑﺨﺶ ﮐﮯ ﮐﻨﺪﮬﮯ ﭘﺮ ﮨﺎﺗﮫ ﺭﮐﮭﺘﮯ ﮨﻮﺋﮯ ﺍﻓﺴﻮﺱ ﺳﮯ ﮐﮩﺎ ” ﻣﺠﮭﮯ ﺍﻓﺴﻮﺱ ﮨﮯ “
” ﮨﻮﺍ ﮐﯿﺎ ﮈﺍﮐﭩﺮ ﺟﯽ؟ “
” ﺩﻝ ﮐﺎ ﺩﻭﺭﺍ ﭘﺮﺍ —- ﺍﻭﺭ ﻭﮦ ﺧﺘﻢ ﮨﻮ ﮔﺌﮯ “
ﺍﻟﮩﯽٰ ﺑﺨﺶ ﺑﺖ ﺑﻦ ﮐﺮ ﺭﮦ ﮔﯿﺎ – ﺻﺪﻣﮯ ﻧﮯ ﺟﯿﺴﮯ ﺍﺱ ﮐﯽ ﺟﺎﻥ ﻧﮑﺎﻝ ﺩﯼ ﺗﮭﯽ – ﻣﮕﺮ ﻓﻮﺭﺍٰ ﮨﯽ ﺍﺳﮯ ﻓﺮﺽ ﯾﺎﺩ ﺁﯾﺎ – ﺍﺑﺎ ﻧﮯ ﮐﮩﺎ ﺗﮭﺎ ۔۔۔۔۔ ﻭﮦ ﮐﺮ ﭘﺘﺮ ﺟﻮ ﮐﺮﻧﺎ ﭼﺎﮨﯿﺌﮯ – ﺍﺱ ﻧﮯ ﺑﮍﯼ ﺗﯿﺰﯼ ﺳﮯ ﺧﻮﺩ ﮐﻮ ﺳﻨﺒﮭﺎﻻ – ﻏﻢ ﮐﺮﻧﮯ ﮐﻮ ﺑﮩﺖ ﻭﻗﺖ ﭘﮍﺍ ﺗﮭﺎ – ﭘﮩﻠﮯ ﻣﻌﺎﻣﻼﺕ ﻧﻤﭩﺎﻧﮯ ﺗﮭﮯ – ﺍﺱ ﻧﮯ ﮈﺍﮐﭩﺮ ﺳﮯ ﭘﻮﭼﮭﺎ ” ﺁﭖ ﺳﻨﺪ ﻣﯿﮟ ﮐﯿﺎ ﻟﮕﯿﮟ ﮔﮯ ﮈﺍﮐﭩﺮ ﺟﯽ؟ “
” ﯾﮩﯽ ﮐﮧ ﻣﻮﺕ ﮨﺎﺭﭦ ﺍﭨﯿﮏ ﮐﮯ ﻧﺘﯿﺠﮯ ﻣﯿﮟ ﮨﻮﺋﯽ “
” ﺗﻮ ﻣﺠﮭﮯ ﺳﻨﺪ ﺑﻨﺎ ﺩﯾﮟ ﮈﺍﮐﭩﺮ ﺟﯽ “
” ﺑﻦ ﺟﺎﺋﮯ ﮔﺎ، ﺍﯾﺴﯽ ﺟﻠﺪﯼ ﮎ ﯾﺎﮨﮯ؟ “
ﺁﻧﺴﻮ ﺍﺏ ﺍﻟﮩﯽٰ ﺑﺨﺶ ﮐﯽ ﺁﻧﮑﮭﻮﮞ ﺳﮯ ﺑﺮﺱ ﺭﮨﮯ ﺗﮭﮯ ” ﺟﻠﺪﯼ ﮨﮯ ﮈﺍﮐﭩﺮ ﺟﯽ – ﻣﺠﮭﮯ ﺍﺑﺎ ﮐﻮ ﻗﺒﺮ ﻣﯿﮟ ﺍﺗﺎﺭﻧﮯ ﺳﮯ ﭘﮩﻠﮯ ﺗﻤﺎﻡ ﺣﻼﺕ ﺻﺎﻑ ﮐﺮﻧﮯ ﮨﯿﮟ، ﻭﺭﻧﮧ ﺍﺑﺎ ﮐﯽ ﺭﻭﺡ ﺧﻔﺎ ﮨﻮ ﮔﯽ – ﺧﺪﺍ ﮐﮯ ﻟﺌﮯ ﮈﺍﮐﭩﺮ ﺻﺎﺣﺐ “
ﮈﺍﮐﭩﺮ ﺍﺱ ﮐﯽ ﻭﺣﺸﺖ ﺩﯾﮑﮫ ﮐﺮ ﮔﮭﺒﺮﺍ ﮔﯿﺎ ” ﯾﮧ ﮐﺎﻡ ﻭﻗﺖ ﻟﯿﺘﮯ ﮨﯿﮟ ﻣﮕﺮ ﺧﯿﺮ —- ﭘﻮﺳﭧ ﻣﺎﺭﭨﻢ ﮨﻮ ﺟﺎﺋﮯ ﺗﻮ ﺑﻨﺎ ﺩﻭﮞ ﮔﺎ “
ﺍﻟﮩﯽٰ ﺑﺨﺶ ﺭﻭﺗﺎ ﮨﻮﺍ ﺍﯾﮏ ﻃﺮﻑ ﭼﻼﮔﯿﺎ – ﺑﺎﮨﺮ ﺟﺎ ﮐﺮ ﺍﺱ ﻧﮯ ﺑﯿﭩﻮﮞ ﮐﻮ ﺍﻃﻼﻉ ﺩﯼ –
ﺍﺱ ﮐﮯﮮ ﺟﺎﻧﮯ ﮐﮯ ﺑﻌﺪ ﮈﺍﮐﭩﺮ ﻧﮯ ﻧﺮﺱ ﺳﮯ ﮐﮩﺎ ” ﻋﺠﯿﺐ ﺑﯿﭩﺎ ﮨﮯ – ﺑﺎﭖ ﮐﮯ ﻣﺮﻧﮯ ﮐﺎ ﺩﮐﮫ ﻧﮩﯿﮟ – ﺳﻨﺪ ﮐﯽ ﻓﮑﺮ ﮨﮯ – ﯾﻘﯿﻨﺎٰ ﺑﮍﯼ ﺟﺎﯾﺌﺪﺍﺩ ﮨﻮ ﮔﯽ ﻣﺮﻧﮯ ﻭﺍﻟﮯ ﮐﯽ “
ﺍﺩﮬﺮ ﺍﻟﮩﯽٰ ﺑﺨﺶ ﺍﺏ ﭘﮭﻮﭦ ﭘﮭﻮﭦ ﮐﺮ ﺭﻭ ﺭﮨﺎ ﺗﮭﺎ – ” ﺍﺏ ﺳﻤﺠﮫ ﻣﯿﮟ ﺁﯾﺎ ﺍﺑﺎ – ﺳﺐ ﺳﻤﺠﮫ ﻣﯿﮟ ﺁ ﮔﯿﺎ – ﻣﺠﮭﮯ ﺍﻓﺴﻮﺱ ﮨﮯ ﺍﺑﺎ – ﻧﯿﺖ، ﻗﺴﻤﺖ ﺧﺮﺍﺏ ﮐﺮﺗﯽ ﮨﮯ، ﺍﺳﯽ ﻟﯿﺌﮯ ﻣﯿﮟ ﻗﺮﺑﺎﻥ ﻧﮩﯿﮟ ﮨﻮ ﺳﮑﺎ “
ﺍﯾﺲ ﺍﯾﭻ ﺍﻭ ﻧﮯ ﮐﺎﻧﺴﭩﯿﺒﻞ ﮐﻮ ﺁﻭﺍﺯ ﺩﯼ ” ﺍﻭﺋﮯ ﺳﻌﯿﺪﮮ —– ﭼﺎﺋﮯ ﻟﮯ ﺁ ﺟﺪﯼ ﺳﮯ “
” ﺍﺑﮭﯽ ﻻﯾﺎ ﺳﺮ ﺟﯽ ” ﺳﻌﯿﺪ ﻧﮯ ﺑﺎﮨﺮ ﮨﯽ ﺳﮯ ﮨﺎﻧﮏ ﻟﮕﺎﺋﯽ –
ﺍﯾﺲ ﺍﯾﭻ ﺍﻭ ﭘﺎﺅﮞ ﭘﮭﯿﻼ ﮐﺮ ﺑﯿﭩﮫ ﮔﯿﺎ – ﺍﺳﯽ ﻭﻗﺖ ﺍﻟﮩﯽٰ ﺑﺨﺶ ﮐﻤﺮﮮ ﻣﯿﮟ ﺩﺍﺧﻞ ﮨﻮﺍ – ﺍﺱ ﮐﮯ ﮐﻨﺪﮬﮯ ﺟﮭﮑﮯ ﮨﻮﺋﮯ ﺗﮭﮯ – ﭼﮩﺮﮦ ﺁﻧﺴﻮﺅﮞ ﺳﮯ ﺗﺮ ﺗﮭﺎ – ﺍﯾﺲ ﺍﯾﭻ ﺍﻭ ﺍﻗﺒﺎﻝ ﻧﮯ ﺍﺳﮯ ﺍﺱ ﺣﺎﻝ ﻣﯿﮟ ﺩﯾﮑﮭﺎ ﺗﻮ ﺳﻨﺒﮭﻞ ﮐﺮ ﺑﯿﭩﮫ ﮔﯿﺎ ” ﺁﺅ ﺍﻟﮩﯽٰ ﺑﺨﺶ ﺍﺩﮬﺮ ﺑﯿﭩﮭﻮ ” ﺍﺱ ﻧﮯ ﮐﺮﺳﯽ ﮐﯽ ﻃﺮﻑ ﺍﺷﺎﺭﮦ ﮐﯿﺎ ” ﮐﯿﺎ ﺣﺎﻝ ﮨﮯ ﺗﻤﮩﺎﺭﮮ ﺍﺑﺎ ﮐﺎ؟ “
ﺍﻟﮩﯽٰ ﺑﺨﺶ ﻧﮯ ﺗﮭﮑﮯ ﮨﻮﺋﮯ ﻟﮩﺠﮯ ﻣﯿﮟ ﮐﮩﺎ ” ﻣﺸﮑﻞ ﺁﺳﺎﻥ ﮨﻮ ﮔﺌﯽ ﺗﮭﺎﻧﮯ ﺩﺍﺭ ﺟﯽ “
” ﺍﻧﺎ ﻟﻠﮧ ﻭﺍ ﺍﻧﺎ ﺍﻟﯿﮧ ﺭﺍﺟﻌﻮﻥ – ﺑﮍﺍ ﺍﻓﺴﻮﺱ ﮨﻮﺍ ﺍﻟﮩﯽٰ ﺑﺨﺶ – ﺍﺏ ﮐﯿﺎ ﭼﺎﮨﺘﮯ ﮨﻮ؟ “
” ﻣﯿﮟ ﭼﺎﮨﺘﺎ ﮨﻮﮞ ﮐﮧ ﭘﺮﭼﮧ ﻧﮧ ﮐﭩﮯ “
” ﭘﺮﭼﮧ ﺗﻮ ﮐﭧ ﭼﮑﺎ ﮨﮯ ﺍﻟﮩﯽٰ ﺑﺨﺶ “
” ﮐﯿﺴﮯ؟ ﻣﺪﻋﯽ ﺗﻮ ﻣﯿﮟ ﮨﻮﮞ “
” ﻭﻗﺖ ﭘﺮ ﮐﻮﺋﯽ ﻣﺪﻋﯽ ﺳﺎﻣﻨﮯ ﻧﮧ ﺁﺋﮯ ﺗﻮ ﻗﺎﻧﻮﻥ ﮐﻮ ﺍﯾﺴﺎ ﮐﻮﺋﯽ ﺣﻖ ﻧﮩﯿﮟ – ﺁﭖ ﺧﻮﺩ ﺑﺘﺎﺅ، ﻗﺎﻧﻮﻥ ﺧﻮﻥ ﻣﻌﺎﻑ ﮐﺮ ﺳﮑﺘﺎ ﮨﮯ ﮐﺴﯽ ﮐﺎ؟ “
” ﺩﯾﮑﮭﻮ ﺍﻟﮩﯽٰ ﺑﺨﺶ ﯾﮧ ﺳﺐ ﺑﺎﺗﯿﮟ ﻗﺎﻧﻮﻥ ﺑﻨﺎﻧﮯ ﻭﺍﻟﮯ ﺟﺎﻧﯿﮟ ” ﺗﮭﺎﻧﮯ ﺩﺍﺭ ﻧﮯ ﮨﻤﺪﺭﺩﯼ ﺳﮯ ﮐﮩﺎ ” ﺍﺏ ﺗﻮ ﻓﯿﺼﻠﮧ ﻋﺪﺍﻟﺖ ﻣﯿﮟ ﮨﯽ ﮨﻮ ﮔﺎ “
ﺍﻟﮩﯽٰ ﺑﺨﺶ ﮔﮍﮔﮍﺍﻧﮯ ﻟﮕﺎ ” ﺍﯾﮏ ﺍﺣﺴﺎﻥ ﮐﺮ ﺩﻭ ﺗﮭﺎﻧﮯ ﺩﺍﺭ ﺟﯽ – ﺳﻠﯿﻢ ﺷﺎﮦ ﮐﻮ ﮔﺮﻓﺘﺎﺭ ﻧﮧ ﮐﺮﻧﺎ “
” ﮐﯿﺴﯽ ﺑﺎﺕ ﮐﺮﺗﮯ ﮨﻮ ” ﺍﻗﺒﺎﻝ ﻧﮯ ﺧﻔﺎ ﮨﻮ ﮐﺮ ﮐﮩﺎ ” ﺍﺱ ﻧﮯ ﺗﻤﮩﺎﺭﮮ ﺑﺎﭖ ﮐﻮ ﻣﺎﺭﺍ ﮨﮯ “
” ﺁﺱ ﻧﮯ ﻧﮩﯿﮟ ﻣﺎﺭﺍ ﺗﮭﺎﻧﯿﺪﺍﺭ ﺟﯽ ” ﺍﻟﮩﯽٰ ﺑﺨﺶ ﺑﻮﻻ ” ﺍﺑﺎ ﻧﮯ ﭘﮩﻠﮯ ﻓﺎﺋﺮ ﮐﯿﺌﮯ ﺗﮭﮯ ﺍﺱ ﭘﺮ — ﺩﻭ ﻓﺎﺋﺮ – ﺍﺱ ﻧﮯ ﺗﻮ ﺍﭘﻨﮯ ﺑﭽﺎﺅ ﻣﯿﮟ ﮔﻮﻟﯽ ﭼﻼﺋﯽ ﺗﮭﯽ “
” ﭘﺴﺘﻮﻝ ﻣﯿﮟ ﭼﯿﮏ ﮐﺮ ﭼﮑﺎ ﮨﻮﮞ – ﺍﺱ ﺳﮯ ﺩﻭ ﮔﻮﻟﯿﺎﮞ ﭼﻼﺋﯽ ﮔﺌﯽ ﮨﯿﮟ، ﭘﺮ ﭘﺴﺘﻮﻝ ﺗﻮ ﺗﻢ ﻧﮯ ﻣﺠﮭﮯ ﻻ ﮐﺮ ﺩﯾﺎ ﺗﮭﺎ، ﮐﯿﺎ ﭘﺘﺎ ﻭﮦ ﻓﺎﺋﺮ ﺗﻢ ﻧﮯ ﮐﯿﺌﮯ ﮨﻮﮞ “
” ﻣﯿﮟ ﺍﯾﺴﺎ ﮐﯿﻮﮞ ﮐﺮﻭﮞ ﮔﺎ – ﻣﯿﺮﺍ ﺗﻮ ﺑﺎﭖ ﻣﺮﺍ ﮨﮯ ﺟﯽ – ﭘﺮ ﻣﯿﮟ ﺑﮯ ﺍﻧﺼﺎﻓﯽ ﻧﮩﯿﮟ ﮐﺮ ﺳﮑﺘﺎ – ﻣﺠﮭﮯ ﻣﻌﻠﻮﻡ ﮨﮯ ﮐﮧ ﺳﻠﯿﻢ ﺷﺎﮦ ﺑﮯ ﻗﺼﻮﺭ ﮨﮯ “
” ﻣﮕﺮ ﻣﯿﮟ ﺗﻮ ﺍﺳﮯ ﻗﺎﺗﻞ ﺳﻤﺠﮭﺘﺎ ﮨﻮﮞ “
” ﻟﯿﮑﻦ ﺗﮭﺎﻧﯿﺪﺍﺭ ﺟﯽ، ﻣﯿﺮﺍ ﺍﺑﺎ ﺍﺱ ﮔﻮﻟﯽ ﮐﮯ ﺯﺧﻢ ﺳﮯ ﻧﮩﯿﮟ ﻣﺮﺍ – ﮨﺎﺭﭦ ﺍﭨﯿﮏ ﮨﻮﺍ ﺗﮭﺎ ﺍﺳﮯ ” ﺍﻟﮩﯽٰ ﺑﺨﺶ ﻧﮯ ﺟﯿﺐ ﺳﮯ ﮈﯾﺘﮫ ﺳﺮﭨﯿﻔﯿﮑﯿﭧ ﻧﮑﺎﻝ ﮐﺮ ﺍﺱ ﮐﯽ ﻃﺮﻑ ﺑﮍﮬﺎﯾﺎ – ﺍﻗﺒﺎﻝ ﺳﺮﭨﯿﻔﯿﮑﯿﭧ ﭘﮍﮬﻨﮯ ﻟﮕﺎ –
” ﭘﮭﺮ ﺗﮭﺎﻧﯿﺪﺍﺭ ﺟﯽ، ﺍﺑﺎ ﻧﮯ ﻣﺮﺗﮯ ﻭﻗﺖ ﺍﭘﻨﯽ ﻏﻠﻄﯽ ﺗﺴﻠﯿﻢ ﮐﺮﻟﯽ ﺗﮭﯽ – ﺍﻧﮩﻮﮞ ﻧﮯ ﺩﻭ ﻓﺎﺋﺮ ﮐﺌﮯ ﻣﮕﺮ ﻧﺸﺎﻧﮧ ﺧﻄﺎ ﮨﻮ ﮔﯿﺎ – ﺳﻠﯿﻢ ﺷﺎﮦ ﮔﻮﻟﯽ ﻧﮧ ﭼﻼﺗﺎ ﺗﻮ ﺧﻮﺩ ﻣﺎﺭﺍ ﺟﺎﺗﺎ “
” ﺍﺱ ﻋﻼﻗﮯ ﻣﯿﮟ ﻧﺸﺎﻧﮯ ﺍﺗﻨﮯ ﮐﭽﮯ ﻧﮩﯿﮟ ﮨﻮﺗﮯ ﺍﻟﮩﯽٰ ﺑﺨﺶ – ﺗﻢ ﺟﺎﻧﺘﮯ ﮨﻮ – ﺍﻭﺭ ﯼ ﺟﻮ ﺗﻢ ﻧﮯ ﮐﮩﺎ ﯾﮧ ﺗﻤﮩﺎﺭﺍ ﺑﯿﺎﻥ ﮨﮯ – ﺍﺱ ﮐﯽ ﮐﻮﺋﯽ ﻗﺎﻧﻮﻧﯽ ﺣﯿﺜﯿﺖ ﻧﮩﯿﮟ “
ﺍﻟﮩﯽٰ ﺑﺨﺶ ﻧﮯ ﺟﯿﺐ ﺳﮯ ﺍﯾﮏ ﺍﻭﺭ ﮐﺎﻏﺬ ﻧﮑﺎﻝ ﮐﺮ ﺍﺱ ﮐﯽ ﻃﺮﻑ ﺑﮍﮬﺎﯾﺎ ” ﯾﮧ ﺑﮭﯽ ﺩﯾﮑﮫ ﻟﻮ ﺗﮭﺎﯾﻨﺪﺍﺭ ﺟﯽ – ﺍﻧﮕﻮﭨﮭﺎ ﺍﺑﺎ ﻧﮯ ﺧﻮﺩ ﻟﮕﺎﯾﺎ ﺗﮭﺎ —– ﺍﭘﻨﯽ ﺯﻧﺪﮔﯽ ﻣﯿﮟ “
ﺍﻗﺒﺎﻝ ﻧﮯ ﻭﮦ ﺍﻋﺘﺮﺍﻑ ﻧﺎﻣﮧ ﺑﮭﯽ ﭘﮍﮬﺎ، ﭘﮭﺮ ﺍﻟﮩﯽٰ ﺑﺨﺶ ﮐﯽ ﻃﺮﻑ ﺩﻭﻧﻮﮞ ﮐﺎﻏﺬ ﺑﮍﮬﺎ ﺩﺋﯿﮯ ” ﮐﺎﻡ ﺗﻢ ﻧﮯ ﭘﮑﺎ ﮐﯿﺎ ﮨﮯ ﺍﻟﮩﯽٰ ﺑﺨﺶ —- ﻟﮍﮐﺎ ﭘﮩﻠﯽ ﭘﯿﺸﯽ ﻣﯿﮟ ﮨﯽ ﭼﮭﻮﭦ ﺟﺎﺋﮯ ﮔﺎ “
” ﺍﻧﺸﺎﺍﻟﻠﮧ ” ﺍﻟﮩﯽٰ ﺑﺨﺶ ﻧﮯ ﺑﮍﮮ ﺧﻠﻮﺹ ﺳﮯ ﮐﮩﺎ ” ﭘﺮ ﺍﯾﮏ ﮐﺎﻡ ﺗﻢ ﺑﮭﯽ ﮐﺮ ﺩﻭ ﺗﮭﺎﻧﯿﺪﺍﺭ ﺟﯽ – ﻣﯿﮟ ﮨﺎﺗﮫ ﺟﻮﮌﺗﺎ ﮨﻮﮞ – ﺗﻢ ﺟﻮ ﺧﺪﻣﺖ ﮐﮩﻮ ﮔﮯ، ﻣﯿﮟ ﮐﺮﻭﮞ ﮔﺎ “
” ﺁﻭ ﺧﺪﻣﺖ ﻧﮩﯿﮟ ﭼﺎﮨﺌﯿﮯ ﻣﺠﮭﮯ – ﺗﻢ ﮐﺎﻡ ﺑﺘﺎﺅ ” ﺍﻗﺒﺎﻝ ﻧﮯ ﺑﺮﺍ ﻣﺎﻧﺘﮯ ﮨﻮﺋﮯ ﮐﮩﺎ –
” ﺳﻠﯿﻢ ﺷﺎﮦ ﮐﻮ ﮔﺮﻓﺘﺎﺭ ﻧﮧ ﮐﺮﻧﺎ — ﮨﺘﮭﮑﮍﯼ ﻧﮧ ﻟﮕﺎﻧﺎ ﺍﺳﮯ “
ﺍﻗﺒﺎﻝ ﺍﺳﮯ ﻋﺠﯿﺐ ﺳﯽ ﻧﻈﺮﻭﮞ ﺳﮯ ﺩﯾﮑﮭﻨﮯ ﻟﮕﺎ ” ﺗﻢ ﮐﯿﺎ ﭼﯿﺰ ﮨﻮ ﺍﻟﮩﯽٰ ﺑﺨﺶ؟ “
” ﮔﻨﺎﮦ ﮔﺎﺭ ﺑﻨﺪﮦ ﮨﻮﮞ ﺍﭘﻨﮯ ﺭﺏ ﮐﺎ – ﻣﯿﺮﯼ ﺷﺮﻡ ﺭﮐﮫ ﻟﻮ ﺗﮭﺎﻧﯿﺪﺍﺭ ﺟﯽ ” ﺍﻟﮩﯽٰ ﺑﺨﺶ ﻧﮯ ﭘﯿﺸﺎﻧﯽ ﮐﮯ ﺯﺧﻢ ﮐﻮ ﺍﻧﮕﻠﯽ ﺳﮯ ﺳﮩﻼﺗﮯ ﮨﻮﺋﮯ ﮐﮩﺎ – ﺍﺳﮯ ﺍﭘﻨﮯ ﻣﻌﺎﻣﻠﮯ ﻣﯿﮟ ﺑﺎﭖ ﮐﺎ ﺍﯾﺲ ﺍﯾﭻ ﺍﻭ ﮐﮯ ﺳﺎﻣﻨﮯ ﮔﮍﮔﮍﺍﻧﺎ ﯾﺎﺩ ﺑﮭﯽ ﺁ ﺭﮨﺎ ﺗﮭﺎ ﺍﻭﺭ ﺍﺏ ﻭﮦ ﺍﺳﮯ ﺳﻤﺠﮫ ﺑﮭﯽ ﺳﮑﺘﺎ ﺗﮭﺎ – ﻣﮕﺮ ﺍﺱ ﻭﻗﺖ ﺑﺎﭖ ﺍﺳﮯ ﺑﮩﺖ ﺑﮯ ﺭﺣﻢ ﻟﮕﺎ ﺗﮭﺎ – ﺍﺱ ﻧﮯ ﺳﻮﭼﺎ ﺗﮭﺎ —- ﺍﺑﺎ ﮐﻮ ﻣﺠﮫ ﺳﮯ ﻣﺤﺒﺖ ﻧﮩﯿﮟ – ﻣﯿﮟ ﺑﺲ ﻗﺮﺑﺎﻧﯽ ﮐﺎ ﺑﮑﺮﺍ ﮨﻮﮞ ﺍﻥ ﮐﮯ ﻟﺌﮯ – ﯾﮧ ﺳﺐ ﺳﻮﭺ ﮐﺮ ﺍﺱ ﮐﯽ ﺁﻧﮑﮭﯿﮟ ﻧﺪﺍﻣﺖ ﮐﮯ ﺁﻧﺴﻮﺅﮞ ﺳﮯ ﺑﮭﺮ ﮔﺌﯿﮟ –
ﺍﯾﺲ ﺍﯾﭻ ﺍﻭ ﺍﻗﺒﺎﻝ ﮐﺴﯽ ﮔﮩﺮﯼ ﺳﻮﭺ ﻣﯿﮟ ﮈﻭﺑﺎ ﮨﻮﺍ ﺗﮭﺎ – ﭘﮭﺮ ﻭﮦ ﺳﺮ ﺍﭨﮭﺎ ﮐﺮ ﺑﻮﻻ ” ﯾﮧ ﮐﻮﺋﯽ ﺑﮍﯼ ﺑﺎﺕ ﻧﮩﯿﮟ – ﺗﻮ ﻧﮯ ﺛﺒﻮﺕ ﮨﯽ ﺍﯾﺴﮯ ﺩﺋﯿﮯ ﮨﯿﮟ ﻟﯿﮑﻦ ﻣﯿﮟ ﺟﺎﻧﺘﺎ ﮨﻮﮞ ﮐﮧ ﺍﺱ ﻣﻌﺎﻣﻠﮯ ﻣﯿﮟ ﺑﮩﺖ ﮔﮍﺑﮍ ﮨﮯ – ﻣﯿﮟ ﺗﻮ ﺭﮔﮍ ﺩﯾﺘﺎ ﺍﺳﮯ – ﺧﺪﺍ ﮐﯽ ﻗﺴﻢ، ﺻﺮﻑ ﺗﺮﯼ ﻭﺟﮧ ﺳﮯ ﭼﮭﻮﮌ ﺭﮨﺎ ﮨﻮﮞ – ﺟﺎ، ﺍﺳﮯ ﮨﺘﮭﮑﮍﯼ ﻧﮩﯿﮟ ﻟﮕﮯ ﮔﯽ
ﺍﻟﮩﯽٰ ﺑﺨﺶ ﺑﭽﻮﮞ ﮐﯽ ﻃﺮﺡ ﺭﻭﻧﮯ ﻟﮕﺎ – ﭘﮭﻮﭦ ﭘﮭﻮﭦ ﮐﺮ – ﭘﮭﺮ ﺍﺱ ﻧﮯ ﭼﮭﺖ ﮐﯽ ﻃﺮﻑ ﺳﺮ ﺍﭨﮭﺎﺗﮯ ﮨﻮﺋﮯ ﮐﮩﺎ ” ﺗﯿﺮﺍ ﺷﮑﺮ ﺭﺑﺎ —– ﺗﯿﺮﺍ ﺍﺣﺴﺎﻥ ﮨﮯ ” ﻭﮦ ﺍﭨﮭﺎ ﺍﻭﺭ ﺟﺎﻧﮯ ﻟﮕﺎ – ﺩﺭﻭﺍﺯﮮ ﭘﺮ ﭘﮩﻨﭻ ﮐﺮ ﺍﺱ ﻧﮯ ﺍﯾﺲ ﺍﯾﭻ ﺍﻭ ﮐﻮ ﭘﻠﭧ ﮐﺮ ﺩﯾﮑﮭﺎ ” ﺷﮑﺮﯾﮧ ﺗﮭﺎﻧﯿﺪﺍﺭ ﺟﯽ – ﺳﻼﻡ ﻋﻠﯿﮑﻢ “
——————-
ﭘﯿﺮ ﺑﺨﺶ ﮐﯽ ﻣﻮﺕ ﮐﮯ ﺍﯾﮏ ﻣﺎﮦ ﺑﻌﺪ ﻣﺎﺳﭩﺮ ﺟﯽ ﺑﮭﯽ ﭼﻞ ﺑﺴﮯ – ﺍﺏ ﺍﻟﮩﯽٰ ﺑﺨﺶ ﮐﻮ ﺍﺣﺴﺎﺱ ﮨﻮﺍ ﮐﮧ ﻭﮦ ﺩﻧﯿﺎ ﻣﯿﮟ ﺑﺎﻟﮑﻞ ﺍﮐﯿﻼ ﺭﮦ ﮔﯿﺎ ﮨﮯ – ﺍﺑﺎ ﺍﻭﺭ ﻣﺎﺳﭩﺮ ﺟﯽ ﮐﮯ ﺳﻮﺍ ﺍﺱ ﮐﺎ ﮐﻮﺋﯽ ﺩﻭﺳﺖ ﻧﮩﯿﮟ ﺗﮭﺎ – ﻭﮦ ﺑﺠﮭﺎ ﺑﺠﮭﺎ ﺭﮨﻨﮯ ﻟﮕﺎ –
ﺍﻟﺒﺘﮧ ﺟﺲ ﺭﻭﺯ ﻣﺒﺸﺮ ﻧﮯ ﺑﯽ ﺍﮮ ﮐﺎ ﺍﻣﺘﺤﺎﻥ ﭘﺎﺱ ﮐﯿﺎ، ﺍﺱ ﺭﻭﺯ ﻭﮦ ﺑﮩﺖ ﺧﻮﺵ ﮨﻮﺍ ” ﺍﺏ ﺗﯿﺮﺍ ﮐﯿﺎ ﺍﺭﺍﺩﮦ ﮨﮯ ﺑﯿﭩﮯ؟ “
” ﮈﮬﻨﮓ ﮐﯽ ﮐﻮﺋﯽ ﻧﻮﮐﺮﯼ ﺗﻮ ﻣﻠﮯ ﮔﯽ ﻧﮩﯿﮟ ﺍﺑﺎ “
” ﺩﯾﮑﮫ ﺑﯿﭩﮯ ﺗﻌﻠﯿﻢ ﻧﮧ ﻋﮩﺪﮮ ﮐﮯ ﻟﺌﮯ ﺣﺎﺻﻞ ﮐﯽ ﺟﺎﺗﯽ ﮨﮯ، ﻧﮧ ﭘﯿﺴﮯ ﮐﮯ ﻟﺌﮯ – ﺍﺱ ﮐﺎ ﻣﻘﺼﺪ ﺻﺮﻑ ﺩﻝ ﺍﻭﺭ ﺩﻣﺎﻍ ﮐﻮ ﺭﻭﺷﻦ ﮐﺮﻧﺎ ﺍﻭﺭ ﻣﮩﺬﺏ ﺑﻨﺎﻧﺎ ﮨﻮﻧﺎ ﭼﺎﮨﯿﺌﮯ “
ﻣﺒﺸﺮ ﻣﺴﮑﺮﺍﯾﺎ ” – ﺍﺑﺎ، ﺍﺟﺎﺯﺕ ﺩﻭ ﺗﻮ ﺩﮐﺎﻥ ﭘﺮ ﺑﯿﭩﮫ ﺟﺎﺅﮞ؟ “
” ﺗﻮ ﺩﮐﺎﻥ ﺩﺍﺭﯼ ﮐﺮ ﺳﮑﮯ ﮔﺎ ﺑﯿﭩﮯ؟ “
” ﮐﯿﻮﮞ ﻧﮩﯿﮟ ﺍﺑﺎ، ﻣﯿﺮﺍ ﺗﻮ ﺷﺮﻭﻉ ﺳﮯ ﺩﻝ ﺗﮭﺎ ﮐﺎﺭﻭﺑﺎﺭ ﮐﺎ “
ﺍﻟﮩﯽٰ ﺑﺨﺶ ﺟﺎﻧﺘﺎ ﺗﮭﺎ ﮐﮧ ﻣﺒﺸﺮ ﻧﮯ ﺻﺮﻑ ﺍﺳﮯ ﺧﻮﺵ ﮐﺮﻧﮯ ﮐﮯ ﻟﺌﮯ ﺗﻌﻠﯿﻢ ﺣﺎﺻﻞ ﮐﯽ ﮨﮯ – ﺍﺱ ﮐﺎ ﺩﻝ ﺧﻮﺷﯽ ﺳﮯ ﺑﮭﺮ ﮔﯿﺎ – ” ﭨﮭﯿﮏ ﮨﮯ ﺑﯿﭩﮯ، ﻣﻞ ﺑﯿﭩﮫ ﮐﺮ ﺑﺎﺕ ﮐﺮﯾﮟ ﮔﮯ ﺍﺱ ﺳﻠﺴﻠﮯ ﻣﯿﮟ “
ﺍﻟﮩﯽٰ ﺑﺨﺶ ﺍﺏ ﮨﻠﮑﺎ ﭘﮭﻠﮑﺎ ﮨﻮ ﮔﯿﺎﺗﮭﺎ – ﻭﮦ ﺩﯾﺮ ﻣﯿﮟ ﺩﮐﺎﻥ ﭘﮩﻨﭽﺘﺎ ﺍﻭﺭ ﮔﻠﮯ ﭘﺮ ﮨﯽ ﺑﯿﭩﮭﺎ ﺭﮨﺘﺎ – ﺑﯿﭩﮯ ﺳﺐ ﮐﺎﻡ ﺳﻨﺒﮭﺎﻟﺘﮯ ﺗﮭﮯ ﻣﮕﺮ ﻣﺒﺸﺮ ﺳﮯ ﮔﻔﺘﮕﻮ ﮐﮯ ﺑﻌﺪ ﺍﻟﮩﯽٰ ﺑﺨﺶ ﻧﮯ ﺍﻥ ﮐﮯ ﮐﺎﺭﻭﺑﺎﺭ ﮐﮯ ﺍﻧﺪﺍﺯ ﭘﺮ ﻏﻮﺭ ﮐﺮﻧﺎ ﺷﺮﻭﻉ ﮐﯿﺎ – ﭘﮩﻠﮯ ﺍﺳﮯ ﺍﻃﻤﯿﻨﺎﻥ ﻧﮩﯿﮟ ﺗﮭﺎ ﮐﮧ ﺑﯿﭩﮯ ﮐﺎﺭﻭﺑﺎﺭ ﮐﮯ ﺭﻣﻮﺯ ﮐﻮ ﺳﻤﺠﮭﺘﮯ ﮨﯿﮟ – ﻟﯿﮑﻦ ﭼﻨﺪ ﺭﻭﺯ ﻣﯿﮟ ﮨﯿﺎﺱ ﮐﯽ ﻏﻠﻂ ﻓﮩﻤﯽ ﺩﻭﺭ ﮨﻮ ﮔﺌﯽ ﺍﻭﺭ ﻭﮦ ﻣﻄﻤﺌﻦ ﮨﻮ ﮔﯿﺎ –
” ﺑﯿﭩﮯ ﯾﮧ ﺳﯿﺐ ﺗﻮ ﺗﯿﺲ ﺭﻭﭘﮯ ﮐﻠﻮ ﺑﯿﭻ ﺭﮨﺎ ﮨﮯ ” ﺍﯾﮏ ﺭﻭﺯ ﺍﺱ ﻧﮯ ﻣﺰﻣﻞ ﮐﻮ ﭨﻮﮐﺎ ” ﭘﯿﭩﯽ ﮐﺘﻨﮯ ﮐﯽ ﮨﮯ ﺁﺝ ﮐﻞ؟ “
” ﺳﺎﮌﮬﮯ ﺗﯿﻦ ﺳﻮ ﮐﯽ ﺍﺑﺎ “
” ﺗﻮ ﺑﯿﭩﮯ ﯾﮧ ﺳﺘﺎﺋﯿﺲ ﺭﻭﭘﮯ ﮐﻠﻮ ﺑﻨﺘﺎ ﮨﮯ ﻣﻨﺎﻓﻊ ﺳﻤﯿﺖ “
” ﺑﺎﺯﺍﺭ ﻣﯿﮟ ﺳﯿﺐ ﭼﺎﻟﯿﺲ ﺭﻭﭘﮯ ﺑﮏ ﺭﮨﺎ ﮨﮯ ﺍﺑﺎ – ﺻﺮﻑ ﮨﻢ ﺗﯿﺲ ﺭﻭﭘﮯ ﺑﯿﭻ ﺭﮨﮯ ﮨﯿﮟ – ﺍﺱ ﻣﯿﮟ ﭘﯿﭩﯽ ﮐﮯ ﺧﺮﺍﺏ ﺩﺍﻧﻮﮞ ﮐﺎﺑﮭﯽ ﻧﮑﻞ ﺁﺗﺎ ﮨﮯ – ﻏﺮﯾﺒﻮﮞ ﮐﺎ ﺑﮭﻼ ﺑﮭﯽ ﮨﻮ ﺟﺎﺗﺎ ﮨﮯ – ﺍﻭﺭ ﺩﯾﮑﮭﻮ ﺍﺑﺎ ﻣﮩﻨﮕﺎﺋﯽ ﺑﮭﯽ ﺑﮩﺖ ﮨﻮ ﮔﺌﯽ ﮨﮯ “
ﺍﻟﮩﯽٰ ﺑﺨﺶ ﻧﮯ ﺳﺮ ﺩ ﺁﮦ ﺑﮭﺮﺗﮯ ﮨﻮﺋﮯ ﺳﺮﮐﻮ ﺗﻔﮩﯿﻤﯽ ﺟﻨﺒﺶ ﺩﯼ ” ﭨﮭﯿﮏ ﮨﮯ ﺑﯿﭩﮯ – ﺍﭼﮭﺎ ﯾﮧ ﺑﺘﺎ ﺑﺘﻮﻝ ﮐﮯ ﮨﺎﮞ ﭘﮭﻞ ﺑﮭﺠﻮﺍ ﺩﺋﯿﮯ ﺗﮭﮯ؟ “
” ﮨﺎﮞ ﺍﺑﺎ – ﺻﺮﻑ ﻭﮨﯿﮟ ﻧﮩﯿﮟ ﮨﺮ ﺍﺱ ﺟﮕﮧ ﺑﭙﮭﻞ ﺩﮮ ﺩﺋﯿﮯ ، ﺟﮩﺎﮞ ﺗﻢ ﺑﮭﺠﻮﺍﺗﮯ ﮨﻮ “
ﺍﺗﻨﯽ ﺩﯾﺮ ﻣﯿﮟ ﺍﯾﮏ ﺩﮐﺎﻥ ﺩﺍﺭ ﺁ ﮔﯿﺎ – ﺍﺱ ﻧﮯ ﻣﺪﺛﺮ ﺳﮯ ﮐﮩﺎ ” – ﻣﺠﮭﮯ ﺳﯿﺐ ﺁﻟﻮ ﺑﺨﺎﺭﮮ ﺍﻭﺭ ﺧﻮﺑﺎﻧﯽ ﮐﯽ ﺍﯾﮏ ﺍﯾﮏ ﭘﯿﭩﯽ ﺩﮮ ﺩﻭ “
” ﭼﺎﭼﺎ ﭘﺮﺍﻧﮯ ﭘﯿﺴﮯ ﻻﺋﮯ ﮨﻮ ﮐﮧ ﻧﮩﯿﮟ؟ ” ﻣﺪﺛﺮ ﻧﮯ ﭘﻮﭼﮭﺎ –
” ﺍﮔﻠﯽ ﺑﺎﺭ ﺩﮮ ﺩﻭﮞ ﮔﺎ “
” ﻧﮩﯿﮟ ﭼﺎﭼﺎ، ﭘﮭﺮ ﻓﺮﻭﭦ ﺑﮭﯽ ﺍﮔﻠﯽ ﺑﺎﺭ ﮨﯽ ﻟﮯ ﻟﯿﻨﺎ “
” ﯾﺎﺭ ﺗﻮ ﺑﮍﯼ ﺑﮯ ﻣﺮﻭﺗﯽ ﮐﺮﺗﺎ ﮨﮯ ” ﺩﮐﺎﻥ ﺩﺍﺭ ﺑﺮﺍ ﻣﺎﻥ ﮔﯿﺎ ” ﺗﯿﺮﮮ ﺑﺎﭖ ﻧﮯ ﮐﺒﮭﯽ ﺍﯾﺴﺎ ﻧﮩﯿﮟ ﮐﯿﺎ ﻣﯿﺮﮮ ﺳﺎﺗﮫ “
” ﺗﻮ ﺍﺑﺎ ﻭﺍﻻﺣﺴﺎﺏ ﺗﻢ ﻧﮯ ﺁﺝ ﺗﮏ ﺻﺎﻑ ﺑﮭﯽ ﻧﮩﯿﮟ ﮐﯿﺎ ﮨﮯ ” ﻣﺪﺛﺮ ﻧﮯ ﺗﺮﮐﯽ ﺑﮧ ﺗﺮﮐﯽ ﮐﮩﺎ ” – ﮨﻢ ﻣﺎﻝ ﻣﻨﮉﯼ ﺳﮯ ﻣﻔﺖ ﻧﮩﯿﮟ ﻻﺗﮯ ﮨﯿﮟ – ﻧﻘﺪ ﭘﯿﺴﮧ ﺩﯾﺘﮯ ﮨﯿﮟ ﺍﻭﺭ ﭘﯿﭩﯽ ﭘﺮ ﻣﺸﮑﻞ ﺳﮯ ﺑﯿﺲ ﺗﯿﺲ ﺭﻭﭘﮯ ﺑﭽﺘﮯ ﮨﯿﮟ – ﺗﻢ ﭘﯿﺴﮯ ﻧﮩﯿﮟ ﺩﻭ ﮔﮯ ﺗﻮ ﮨﻤﺎﺭﺍ ﮐﺎﻡ ﮐﯿﺴﮯ ﭼﻠﮯ ﮔﺎ “
” ﭨﮭﯿﮏ ﮨﮯ ﻣﯿﮟ ﻣﻨﮉﯼ ﺳﮯ ﻟﮯ ﻟﻮﮞ ﮔﺎ “
” ﺷﻮﻕ ﺳﮯ ﻟﮯ ﻟﻮ – ﺫﺭﺍ ﻣﻨﮉﯼ ﮐﺎ ﺑﮭﺎﺅ ﺑﮭﯽ ﺗﻮ ﺗﻤﮩﯿﮟ ﭘﺘﺎ ﭼﻠﮯ – ﯾﮩﺎﮞ ﺁﺅ ﺗﻮ ﭘﭽﮭﻠﮯ ﭘﯿﺴﮯ ﻟﮯ ﮐﺮ ﺁﻧﺎ “
ﺩﮐﺎﻥ ﺩﺍﺭ ﮐﮯ ﺟﺎﻧﮯ ﮐﮯ ﺑﻌﺪ ﺍﻟﮩﯽٰ ﺑﺨﺶ ﻧﮯ ﺑﯿﭩﮯ ﺳﮯ ﮐﮩﺎ ” ﺑﯿﭩﮯ ﺩﮮ ﺩﯾﻨﺎ ﺗﮭﺎ ﻣﺎﻝ – ﺍﭘﻨﺎ ﭘﺮﺍﻧﺎ ﮔﺎﮨﮏ ﮨﮯ “
” ﺍﺑﺎ ﯾﮧ ﮐﻮﺋﯽ ﻏﺮﯾﺐ ﺁﺩﻣﯽ ﻧﮩﯿﮟ ﮨﮯ – ﺑﺲ ﭘﯿﺴﮯ ﺩﺑﺎﻧﮯ ﮐﯽ ﻋﺎﺩﺕ ﮨﻮ ﮔﺌﯽ ﮨﮯ ﺍﺳﮯ – ﻣﻨﮉﯼ ﺟﺎﺋﮯ ﮔﺎ ﺗﻮ ﺩﻣﺎﻍ ﭨﮭﯿﮏ ﮨﻮ ﺟﺎﺋﮯ ﮔﺎ ﺁﭖ ﮨﯽ “
ﺍﻭﺭ ﻣﺪﺛﺮ ﮐﯽ ﺑﺎﺕ ﺩﺭﺳﺖ ﺛﺎﺑﺖ ﮨﻮﺋﯽ – ﺍﮔﻠﮯ ﺭﻭﺯ ﻭﮦ ﺩﮐﺎﻧﺪﺍﺭ ﭘﭽﮭﻠﮯ ﭘﯿﺴﮯ ﻟﮯ ﮐﺮ ﺁﯾﺎ ” ﮐﯿﻮﮞ ﭼﺎﭼﺎ، ﻣﻨﮉﯼ ﮐﺎ ﺑﮭﺎﺅ ﺩﯾﮑﮫ ﻟﯿﺎ ” ﻣﺪﺛﺮ ﻧﮯ ﺍﺱ ﺳﮯ ﭘﻮﭼﮭﺎ –
” ﻧﮩﯿﮟ ﻣﻨﮉﯼ ﺗﻮ ﻣﯿﮟ ﮔﯿﺎ ﮨﯽ ﻧﮩﯿﮟ “
” ﺟﮭﻮﭦ ﻣﺖ ﺑﻮﻟﻮ ﭼﺎﭼﺎ – ﺗﻢ ﮨﻢ ﺳﮯ ﻣﺎﻝ ﺧﺮﯾﺪ ﮐﺮ ﮨﻢ ﭘﺮ ﻧﮩﯿﮟ، ﺧﻮﺩ ﭘﺮ ﺑﮭﯽ ﻣﮩﺮﺑﺎﻧﯽ ﮐﺮﺗﮯ ﮨﻮ “
ﺩﮐﺎﻧﺪﺍﺭ ﮐﮭﺴﯿﺎ ﮐﺮ ﺧﺎﻣﻮﺵ ﮨﻮ ﮔﯿﺎ – ﭘﮭﺮ ﺍﯾﮏ ﺩﻥ ﺍﯾﮏ ﻣﻠﻨﮯ ﻭﺍﻻ ﺁﯾﺎ – ﺩﯾﺮ ﺗﮏ ﻭﮨﺒﯿﭩﮭﺎ ﺑﺎﺗﯿﮟ ﮐﺮﺗﺎ ﺭﮨﺎ – ﺍﻟﮩﯽٰ ﺑﺨﺶ ﮐﺎ ﺟﯽ ﭼﺎﮨﺎ ﻟﯿﮑﻦ ﻭﮦ ﮐﭽﮫ ﺑﻮﻻ ﻧﮩﯿﮟ – ﺍﺱ ﮐﮯ ﺟﺎﻧﮯ ﮐﮯ ﺑﻌﺪ ﺍﺱ ﻧﮯ ﻣﺰﻣﻞ ﺳﮯ ﮐﮩﺎ ” ﺑﯿﭩﮯ ﻋﻠﻢ ﺍﻟﺪﯾﻦ ﺍﺗﻨﯽ ﺩﯾﺮ ﺑﯿﭩﮭﺎ، ﺗﻮ ﻧﮯ ﺍﺱ ﮐﯽ ﺧﺎﻃﺮ ﻧﮩﯿﮟ ﮐﯽ “
” ﭼﺎﺋﮯ ﻣﻨﮕﻮﺍﺋﯽ ﺗﻮ ﺗﮭﯽ ﺍﺑﺎ “
” ﺑﯿﭩﮯ ﭘﮭﻞ ﺳﮯ ﺑﮭﯽ ﺍﺱ ﮐﯽ ﺗﻮﺍﺿﻊ ﮐﺮ ﺳﮑﺘﺎ ﺗﮭﺎ ﺗﻮ —- ﺩﯾﮑﮫ ﺑﺮﯼ ﺑﺎﺕ ﮨﮯ “
” ﺍﺑﺎ ﯾﮧ ﮨﻤﺎﺭﺍ ﮔﮭﺮ ﻧﮩﯿﮟ، ﺩﮐﺎﻥ ﮨﮯ – ﮔﮭﺮ ﭘﺮ ﮨﻢ ﮨﺮ ﻃﺮﺡ ﮐﯽ ﺭﻭﺍﺿﻊ ﮐﺮﯾﮟ ﮔﮯ – ﭘﺮ ﺍﺑﺎ، ﺩﮐﺎﻥ ﭘﺮ ﺑﺲ ﭼﺎﺋﮯ ﮐﻮ ﮨﯽ ﭘﻮﭼﮭﺎ ﺟﺎ ﺳﮑﺘﺎ ﮨﮯ – ﺩﮐﺎﻥ ﮐﮯ ﻣﺎﻝ ﺳﮯ ﺗﻮﺍﺿﻊ ﮐﺮﯾﮟ ﺗﻮ ﺑﺮﮐﺖ ﻧﮩﯿﮟ ﺭﮨﺘﯽ “
ﺍﺱ ﺭﻭﺯ ﺍﻟﮩﯽٰ ﺑﺨﺶ ﮐﯽ ﻃﻤﺎﻧﯿﺖ ﮐﯽ ﮐﻮﺋﯽ ﺣﺪ ﻧﮩﯿﮟ ﺗﮭﯽ – ﻭﮦ ﺑﮯ ﻓﮑﺮ ﮨﻮ ﮔﯿﺎ – ﺑﭽﮯ ﺍﺱ ﺳﮯ ﺯﯾﺎﺩﮦ ﺳﻤﺠﮭﺪﺍﺭ ﺗﮭﮯ – ﺍﻧﮩﻮﮞ ﻧﮯ ﺍﺱ ﮐﯽ ﻏﻠﻄﯿﻮﮞ ﮐﯽ ﺑﮭﯽ ﺍﺻﻼﺡ ﮐﺮ ﻟﯽ ﺗﮭﯽ – ﻭﮦ ﺩﮐﺎﻥ ﭼﻼ ﺳﮑﺘﮯ ﺗﮭﮯ – ﻭﮦ ﺍﭘﻨﮯ ﭘﯿﺮﻭﮞ ﭘﺮ ﮐﮭﮍﮮ ﮨﻮ ﮔﺌﮯ ﺗﮭﮯ –

–**–**–
جاری ہے
——
آپکو یہ ناول کیسا لگا؟
کمنٹس میں اپنی رائے سے ضرور آگاہ کریں۔

Leave a Reply

This site uses Akismet to reduce spam. Learn how your comment data is processed.

Subscribe For Latest Novels

Signup for Novels and get notified when we publish new Novel for free!




%d bloggers like this: