Ishq ka Ain Novel by Aleem ul Haq Haqqi – Episode 16

0
عشق کا عین از علیم الحق حقی – قسط نمبر 16

–**–**–

ﺍﻟﮩﯽٰ ﺑﺨﺶ ﺍﻧﮕﻠﯿﻮﮞ ﭘﺮ ﮔﻨﻨﮯ ﻟﮕﺎ ” ﺳﺘﺎﯾﺌﺲ ﺳﺎﻝ ﮨﻮ ﮔﺌﮯ ﺳﺮﮐﺎﺭ ﺳﺘﺎﺋﯿﺲ ﺳﺎﻝ ﭘﮩﻠﮯ ﺁﺧﺮﯼ ﺑﺎﺭ ﯾﮧ ﮐﺎﻡ ﮐﯿﺎ “- ﺍﺱ ﮐﺎ ﻟﮩﺠﮧ ﺧﻮﺍﺏ ﻧﺎﮎ ﮨﻮ ﮔﯿﺎ ۔ ” ﺑﺲ ﭘﮭﺮ ﺑﺮﺵ ﺳﮯ ﻧﺎﺗﺎ ﭨﻮﭦ ﮔﯿﺎ ﻟﯿﮑﻦ ﺍﺏ ﺁﺧﺮﯼ ﺑﺎﺭ ﺁﭖ ﮐﺎ ﮐﺎﻡ ﮐﺮﻧﺎ ﭼﺎﮨﺘﺎ ﮨﻮﮞ “
” ﻟﯿﮑﻦ ﮐﯿﻮﮞ؟ “
” ﺑﺎﺟﯽ، ﺍﻟﻠﮧ ﻧﮯ ﻣﺠﮫ ﺑﮯ ﮨﻨﺮ ﮐﻮ ﯾﮧ ﮨﻨﺮ ﺩﯾﺎ ﺗﮭﺎ – ﺍﺱ ﺳﮯ ﻣﯿﮟ ﻧﮯ ﺍﯾﮏ ﻋﻤﺮ ﺣﻼﻝ ﮐﯽ ﺭﻭﭨﯽ ﮐﻤﺎﺋﯽ – ﺩﻧﯿﺎ ﺳﻨﻮﺍﺭﯼ، ﭘﮭﺮ ﯾﮧ ﮐﺎﻡ ﭼﮭﻮﮌ ﺩﯾﺎ – ﺍﺏ ﺍﺱ ﺳﮯ ﺁﺧﺮﺕ ﮐﺎ ﮐﺎﻡ ﮐﺮﻧﺎ ﭼﺎﮨﺘﺎ ﮨﻮﮞ – ﺁﭖ ﮐﮯ ﮔﮭﺮ ﻣﯿﮟ ﻣﺤﺒﺖ ﺳﮯ ﺑﮩﺖ ﺍﭼﮭﺎ ﺭﻧﮓ ﮐﺮﻭﮞ ﮔﺎ – ﮐﯿﺎ ﭘﺘﺎ ﺁﭖ ﮐﯽ ﺩﻋﺎ ﺳﮯ ﻣﯿﺮﯼ ﻣﺤﺒﺖ ﺳﮯ ﺧﻮﺵ ﮨﻮ ﮐﺮ ﺍﻟﻠﮧ ﺟﯽ ﻣﺠﮫ ﮔﻨﺎﮨﮕﺎﺭ ﮐﻮ ﺑﮭﯽ ﺟﻨﺖ ﻣﯿﮟ ﺍﯾﮏ ﮔﻮﺷﮧ ﺩﮮ ﺩﯾﮟ
” ﻟﯿﮑﻦ ﺍﻟﮩﯽٰ ﺑﺨﺶ ۔۔۔ “
” ﺧﺪﺍ ﮐﮯ ﻟﺌﮯ ﻣﺠﮭﮯ ﻣﺎﯾﻮﺱ ﻧﮧ ﮐﺮﻧﺎ ﺑﺎﺟﯽ ” ﺍﻟﮩﯽٰ ﺑﺨﺶ ﻧﮯ ﭘﮭﺮ ﺍﻥ ﮐﮯ ﭘﺎﺅﮞ ﭘﮑﮍ ﻟﺌﮯ –
” ﺍﭼﮭﺎ ﭨﮭﯿﮏ ﮨﮯ ﺍﻟﮩﯽٰ ﺑﺨﺶ ” ﺷﺎﮦ ﺻﺎﺣﺐ ﻧﮯ ﺍﭘﻨﮯ ﭘﺎﺅﮞ ﺳﻤﯿﭩﺘﮯ ﮨﻮﺋﮯ ﮐﮩﺎ ” ﻣﯿﮟ ﺗﻤﮩﺎﺭﯼ ﺧﻮﺷﯽ ﺿﺮﻭﺭ ﭘﻮﺭﯼ ﮐﺮﻭﮞ ﮔﺎ
ﺷﺎﮦ ﻓﺮﯾﺪ ﮐﯽ ﮨﭽﮑﭽﺎﮨﭧ ﺑﮯ ﺳﺒﺐ ﻧﮩﯿﮟ ﺗﮭﯽ – ﺍﻥ ﺩﻧﻮﮞ ﺍﻥ ﮐﺎ ﮨﺎﺗﮫ ﺗﻨﮓ ﺗﮭﺎ، ﺍﺳﯽ ﻟﺌﮯ ﺍﻧﮩﻮﮞ ﻧﮯ ﺭﻧﮓ ﻭ ﺭﻭﻏﻦ ﮐﺎ ﮐﺎﻡ ﻣﻮﺧﺮ ﮐﺮ ﺩﯾﺎ ﺗﮭﺎ –
” ﭼﻠﯿﮟ ﺑﺎﺯﺍﺭ – ﻣﯿﮟ ﺁﭖ ﮐﻮ ﺭﻧﮓ ﺑﮭﯽ ﺭﻋﺎﯾﺖ ﭘﺮ ﺩﻻﺅﮞ ﮔﺎ “
” ﺁﺝ ﻧﮩﯿﮟ ﺍﻟﮩﯽٰ ﺑﺨﺶ ﮐﻞ ﺻﺒﺢ ﭼﻠﯿﮟ ﮔﮯ ” ﺷﺎﮦ ﺻﺎﺣﺐ ﻧﮯ ﺍﺳﮯ ﭨﺎﻝ ﺩﯾﺎ ” – ﺍﺑﮭﯽ ﺗﻢ ﺁﺭﺍﻡ ﺳﮯ ﺑﯿﭩﮭﻮ “
——————– ٭
ﺍﮔﻠﯽ ﺻﺒﺢ ﻧﻮ ﺑﺠﮯ ﺷﺎﮦ ﻓﺮﯾﺪ ﺍﭘﻨﯽ ﺑﺎﻧﮉﯼ ﻣﯿﮟ ﺭﻭﺯﻣﺮﮦ ﮐﮯ ﮐﺎﻡ ﻧﻤﭩﺎ ﺭﮨﮯ ﺗﮭﮯ ﮐﮧ ﺍﻟﮩﯽٰ ﺑﺨﺶ ﻧﺎﺯﻝ ﮨﻮ ﮔﯿﺎ – ﺩﺳﺖ ﺑﻮﺳﯽ ﮐﮯ ﺑﻌﺪ ﻭﮦ ﺑﻮﻻ ” ﺑﺎﺟﯽ ﭼﻠﯿﮟ “
” ﮐﮩﺎﮞ؟ “
” ﺭﻧﮓ ﺭﻭﻏﻦ ﮐﺎ ﺳﺎﻣﺎﻥ ﻟﯿﻨﮯ ﺑﺎﺯﺍﺭ “
” ﺍﺑﮭﯽ ﺗﻮ ﺑﺎﺯﺍﺭ ﮐﮭﻼ ﺑﮭﯽ ﻧﮩﯿﮟ ﮨﻮ ﮔﺎ ” ﺷﺎﮦ ﻓﺮﯾﺪ ﺑﻮﻟﮯ ” ﺗﻢ ﺳﮑﻮﻥ ﺳﮯ ﺑﯿﭩﮭﻮ، ﭼﺎﺋﮯﭘﯿﻮ، ﭘﮭﺮ ﺑﺎﺯﺍﺭ ﺑﮭﯽ ﭼﻠﯿﮟ ﮔﮯ “
ﺍﻟﮩﯽٰ ﺑﺨﺶ ﻭﮨﯿﮟ ﺯﻣﯿﻦ ﭘﺮ ﺑﯿﭩﮫ ﮔﯿﺎ – ﺗﮭﻮﮌﯼ ﺩﯾﺮ ﺑﻌﺪ ﺷﺎﮦ ﺻﺎﺣﺐ ﮐﺎ ﻣﻨﺠﮭﻼ ﺑﯿﭩﺎ ﺍﻋﺠﺎﺯ ﺣﺴﯿﻦ ﭼﺎﺋﮯ ﻟﮯ ﺁﯾﺎ – ﻭﮦ ﭼﺎﺋﮯ ﭘﯿﺘﺎ ﺭﮨﺎ –
ﺷﺎﮦ ﺻﺎﺣﺐ ﻧﮯ ﮐﭽﮫ ﭘﯿﺴﻮﮞ ﮐﺎﺑﻨﺪ ﻭ ﺑﺴﺖ ﮐﺮ ﻟﯿﺎ ﺗﮭﺎ – ﻋﺎﻡ ﺣﺎﻻﺕ ﻣﯿﮟ ﻭﮦ ﺍﺑﮭﯽ ﺭﻧﮓ ﻧﮧ ﮐﺮﺍﺗﮯ ﻟﯿﮑﻦ ﺩﯾﻮﺍﻧﮯ ﮐﮯ ﺁﮔﮯ ﮨﺎﺭ ﮔﺌﮯ ﺗﮭﮯ – ﺳﺎﮌﮬﮯ ﺩﺱ ﺑﺠﮯ ﮐﮯ ﻗﺮﯾﺐ ﺍﻧﮩﻮﮞ ﻧﮯ ﺍﻟﮩﯽٰ ﺑﺨﺶ ﺳﮯ ﮐﮩﺎ ” ﺁﺅ ﺑﺎﺯﺍﺭ ﭼﻠﯿﮟ “
ﺩﻭﻧﻮﮞ ﺑﺎﺯﺍﺭ ﭼﻠﮯ ﮔﺌﮯ – ﺍﻟﮩﯽٰ ﺑﺨﺶ ﺍﻧﮩﯿﮟ ﺍﯾﮏ ﺩﮐﺎﻥ ﭘﺮ ﻟﮯ ﮔﯿﺎ – ﻭﮨﺎﮞ ﺍﺱ ﻧﮯ ﺿﺮﻭﺭﺕ ﮐﯽ ﺗﻤﺎﻡ ﭼﯿﺰٰﯾﮟ ﺧﺮﯾﺪﯾﮟ ﺍﻭﺭ ﺍﺱ ﮐﮯ ﺑﻌﺪ ﺟﻮ ﺑﮭﺎﺅ ﺗﺎﺅ ﺷﺮﻭﻉ ﮐﯿﺎ ﺗﻮ ﺩﮐﺎﻥ ﺩﺍﺭ ﺑﮭﯽ ﭘﺮﯾﺸﺎﻥ ﮨﻮ ﮔﯿﺎ
” ﺩﯾﮑﮭﻮ ﺑﺎﺑﺎ، ﺍﺗﻨﮯ ﮐﺎ ﺗﻮ ﯾﮧ ﻣﺠﮭﮯ ﺑﮭﯽ ﻧﮩﯿﮟ ﭘﮍﺗﺎ ” ﺩﮐﺎﻥ ﺩﺍﺭ ﻧﮯ ﺍﺣﺘﺠﺎﺝ ﮐﯿﺎ ” ﺍﭘﻨﺎ ﻧﻔﻊ ﺗﻮ ﻣﯿﮟ ﭼﮭﻮﮌ ﺳﮑﺘﺎ ﮨﻮﮞ، ﻧﻘﺼﺎﻥ ﻣﯿﮟ ﻣﺎﻝ ﺩﯾﻨﮯ ﻟﮕﺎ ﺗﻮ ﭼﻞ ﻟﯽ ﻣﯿﺮﯼ ﺩﮐﺎﻥ “
” ﮨﺮ ﺟﮕﮧ ﻣﻨﺎﻓﻊ ﻧﮩﯿﮟ ﺩﯾﮑﮭﺘﮯ ﺑﺎﻟﮑﮯ ” ﺍﻟﮩﯽٰ ﺑﺨﺶ ﻧﮯ ﺩﺑﺪﺑﮯ ﺳﮯ ﮐﮩﺎ ” ﺳﺎﺭﯼ ﺯﻧﺪﮔﯽ ﻣﻨﺎﻓﻊ ﻟﯿﺎ ﮨﮯ، ﺁﺝ ﻧﻘﺼﺎﻥ ﻣﯿﮟ ﺑﮭﯽ ﺩﮮ ﮐﺮ ﺩﯾﮑﮫ – ﺟﺎﻧﺘﺎ ﻧﮩﯿﮟ ﯾﮧ ﮐﺲ ﮐﮯ ﮔﮭﺮ ﮐﺎ ﮐﺎﻡ ﮨﮯ ” ﺍﺱ ﻧﮯ ﺷﺎﮦ ﻓﺮﯾﺪ ﮐﯽ ﻃﺮﻑ ﺍﺷﺎﺭﮦ ﮐﯿﺎ ” ﻣﺠﮭﮯ ﺩﯾﮑﮫ ﻣﯿﮟ ﺍﭘﻨﮯ ﻣﻨﺎﻓﻊ ﻣﯿﮟ ﺗﺠﮭﮯ ﺷﺮﯾﮏ ﮐﺮ ﺭﮨﺎ ﮨﻮﮞ – ﮐﭽﮫ ﺁﺧﺮﺕ ﮐﺎ ﺳﺎﻣﺎﻥ ﺑﮭﯽ ﮐﺮ ﻟﮯ “
ﺷﺎﮦ ﺻﺎﺣﺐ ﮐﺎ ﺷﺮﻣﻨﺪﮔﯽ ﺳﮯ ﺑﺮﺍ ﺣﺎﻝ ﺗﮭﺎ -0 ﻭﮦ ﺑﻮﻟﮯ ” ﻧﮩﯿﮟ ﺍﻟﮩﯽٰ ﺑﺨﺶ، ﺍﯾﺴﯽ ﺭﻋﺎﯾﺖ ﻧﮩﯿﮟ ﭼﺎﮨﯿﺌﮯ ﻣﺠﮭﮯ – ﻣﯿﮟ ﭘﻮﺭﯼ ﻗﯿﻤﺖ ﺍﺩﺍ ﮐﺮﻭﮞ ﮔﺎ “
” ﺑﺎﺟﯽ، ﮐﺴﯽ ﮐﯽ ﺁﺧﺮﺕ ﮐﮯ ﻣﻨﺎﻓﻊ ﮐﺎ ﻣﻌﺎﻣﻠﮧ ﮨﻮ ﺗﻮ ﻣﺮﺿﯽ ﮐﮯ ﺧﻼﻑ ﺑﮭﯽ ﮐﺮ ﻟﯿﺎ ﮐﺮﯾﮟ ” ﺍﻟﮩﯽٰ ﺑﺨﺶ ﻧﮯ ﺷﺎﮦ ﺻﺎﺣﺐ ﺳﮯ ﮐﮩﺎ ﺍﻭﺭ ﭘﮭﺮ ﺩﮐﺎﻧﺪﺍﺭ ﺳﮯ ﺑﻮﻻ ” ﺑﻮﻝ —- ﮐﯿﺎ ﮐﮩﺘﺎ ﮨﮯ؟ “
ﺩﮐﺎﻧﺪﺍﺭ ﻧﮯ ﺍﯾﮏ ﭘﻞ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺩﯾﮑﮭﺎ ﺍﻭﺭ ﻣﻮﻡ ﮨﻮ ﮔﯿﺎ – ﺍﻟﮩﯽٰ ﺑﺨﺶ ﻧﮯ ﺍﺳﯽ ﺩﻥ ﺳﮯ ﮐﺎﻡ ﺷﺮﻭﻉ ﮐﺮ ﺩﯾﺎ –
ﺷﺎﮦ ﺻﺎﺣﺐ ﭘﺮﯾﺸﺎﻥ ﺗﮭﮯ – ﺟﺎﻧﺘﮯ ﺗﮭﮯ ﮐﮧ ﺍﻟﮩﯽ ﺑﺨﺶ ﺟﻮﮌﻭﮞ ﮐﮯ ﺩﺭﺩ ﮐﺎ ﻣﺮﯾﺾ ﮨﮯ – ﭘﮭﺮ ﺍﺱ ﮐﯽ ﻋﻤﺮ ﺑﮭﯽ ﮐﻢ ﻧﮩﯿﮟ ﺗﮭﯽ – ﺻﺤﺖ ﮐﯽ ﺧﺮﺍﺑﯽ ﻭﯾﺴﮯ ﺑﮭﯽ ﻋﻤﺮ ﮐﻮ ﺑﮍﮬﺎ ﺩﯾﺘﯽ ﮨﮯ ﺍﻭﺭ ﻣﮑﺎﻥ ﺍﻥ ﮐﺎ ﻣﺎﺷﺎﻟﻠﮧ ﺑﮩﺖ ﺑﮍﺍ ﺗﮭﺎ ﺍﻭﺭ ﺩﻭ ﻣﻨﺰﻟﮧ ﺑﮭﯽ – ﮐﺎﻡ ﺑﮩﺖ ﺗﮭﺎ ﻟﯿﮑﻦ ﺍﻟﮩﯽٰ ﺑﺨﺶ ﮐﻮ ﯾﮧ ﮔﻮﺍﺭﺍ ﻧﮩﯿﮟ ﺗﮭﺎ ﮐﮧ ﺍﺱ ﮐﺎﻡ ﻣﯿﮟ ﮐﺴﯽ ﮐﻮ ﺷﺮﯾﮏ ﮐﺮﮮ – ﺳﻮ ﻭﮦ ﭘﺮﯾﺸﺎﻥ ﮨﻮﻧﮯ ﮐﮯ ﺳﻮﺍ ﮐﭽﮫ ﻧﮩﯿﮟ ﮐﺮ ﺳﮑﺘﮯ ﺗﮭﮯ –
ﺍﺏ ﺍﻟﮩﯽٰ ﺑﺨﺶ ﮐﮯ ﮐﺎﻡ ﮐﯽ ﻭﮦ ﺭﻓﺘﺎﺭ ﺑﮭﯽ ﻧﮩﯿﮟ ﺗﮭﺌﯽ – ﭘﮭﺮ ﺑﮭﯽ ﻭﮦ ﺑﮍﯼ ﻟﮕﻦ ﺍﻭﺭ ﻣﺤﺒﺖ ﺳﮯ ﮐﺎﻡ ﮐﺮ ﺭﮨﺎ ﺗﮭﺎ – ﺍﯾﮏ ﺩﯾﻮﺍﺭ ﭘﻮﺭﯼ ﮐﺮﻧﮯ ﮐﮯ ﺑﻌﺪ ﻭﮦ ﺩﯾﺮ ﺗﮏ ﮐﮭﮍﺍ ﺍﺳﮯ ﻧﺎﻗﺪﺍﻧﮧ ﻧﻈﺮﻭﮞ ﺳﮯ ﺩﯾﮑﮭﺘﺎ ﺭﮨﺘﺎ – ﺍﺱ ﻣﺼﻮﺭ ﮐﯽ ﻃﺮﺡ ﺟﺲ ﻧﮯ ﮐﻮﺋﯽ ﺷﺎﮨﮑﺎﺭ ﺗﺨﻠﯿﻖ ﮐﺮﻧﮯ ﮐﺎ ﺍﺭﺍﺩﮦ ﮐﺮ ﻟﯿﺎ ﮨﻮ – ﭘﮭﺮ ﻭﮦ ﺩﻭﺑﺎﺭﮦ ﺍﺳﯽ ﺩﯾﻮﺍﺭ ﭘﺮ ﮐﺎﻡ ﺷﺮﻭﻉ ﮐﺮ ﺩﯾﺘﺎ –
ﺷﺎﮦ ﺻﺎﺣﺐ ﻧﮯ ﮔﮭﺮ ﻣﯿﮟ ﮐﮩﮧ ﺩﯾﺎ ﺗﮭﺎ ﮐﮧ ﺍﻟﮩﯽٰ ﺑﺨﺶ ﮐﮯ ﮐﮭﺎﻧﮯ ﭘﯿﻨﮯ ﮐﺎ ﺧﺎﺹ ﺧﯿﺎﻝ ﺭﮐﮭﻨﺎ ﮨﮯ – ﺍﻧﮩﻮﮞ ﻧﮯ ﺑﯿﭩﻮﮞ ﮐﻮ ﺑﮭﯽ ﮨﺪﺍﯾﺖ ﮐﺮ ﺩﯼ ﺗﮭﯽ ﮐﮧ ﻭﮦ ﺍﻟﮩﯽٰ ﺑﺨﺶ ﮐﺎ ﺧﺎﺹ ﺧﯿﺎﻝ ﺭﮐﮭﺘﮯ –
ﺷﺎﮦ ﺻﺎﺣﺐ ﮐﮯ ﺑﯿﭩﻮﮞ ﮐﮯ ﻟﺌﮯ ﺍﻟﮩﯽٰ ﺑﺨﺶ ﻋﺠﻮﺑﮯ ﺳﮯ ﮐﻢ ﻧﮩﯿﮟ ﺗﮭﺎ – ﺷﺎﮦ ﺻﺎﺣﺐ ﮐﮯ ﭼﺎﺭ ﺑﯿﭩﮯ ﺗﮭﮯ – ﺳﺐ ﺳﮯ ﭼﮭﻮﭨﺎ ﺩﻟﺪﺍﺭ ﺣﺴﯿﻦ ﺗﻮ ﺑﮩﺖ ﭼﮭﻮﭨﺎ ﺗﮭﺎ – ﺗﯿﻦ ﺑﯿﭩﮯ ﺳﺠﺎﺩ ﺣﺴﯿﻦ ، ﺍﻋﺠﺎﺯ ﺣﺴﯿﻦ ﺍﻭﺭ ﺗﺼﻮﺭ ﺣﺴﯿﻦ ﺳﻤﺠﮭﺪﺍﺭ ﺗﮭﮯ – ﺗﺼﻮﺭ ﮐﻮ ﭘﯿﺎﺭ ﺳﮯ ﮔﻞ ﭘﯿﺮ ﮐﮩﺎ ﺟﺎﺗﺎ ﺗﮭﺎ – ﺗﯿﻨﻮﮞ ﻟﮍﮐﻮﮞ ﮐﻮ ﻗﻮﺍﻟﯽ ﺳﮯ ﺑﮍﯼ ﺩﻟﭽﺴﭙﯽ ﺗﮭﯽ – ﺷﺎﮦ ﺻﺎﺣﺐ ﮐﯽ ﻣﺮﺿﯽ ﮐﮯ ﺧﻼﻑ ﻭﮦ ﮈﯾﮏ ﻟﮯ ﺁﺋﮯ ﺗﮭﮯ – ﺟﺐ ﺑﮭﯽ ﻣﻮﻗﻊ ﻣﻠﺘﺎ، ﻭﮦ ﻗﻮﺍﻟﯽ ﮐﺎ ﮐﻮﺋﯽ ﮐﯿﺴﭧ ﻟﮕﺎ ﺩﯾﺘﮯ –
ﮐﺎﻡ ﮐﯽ ﺭﻓﺘﺎﺭ ﻣﯿﮟ ﯾﮧ ﺍﯾﮏ ﭼﯿﺰ ﺑﮭﯽ ﻣﺎﻧﻊ ﺗﮭﯽ ﮐﮧ ﮐﺴﯽ ﻗﻮﺍﻟﯽ ﻣﯿﮟ ﺣﻀﻮﺭﷺ ﮐﺎ ﺍﺳﻢ ﻣﺒﺎﺭﮎ ﺁ ﺟﺎﺗﺎ ﺗﻮ ﺑﯿﭩﮭﺎ ﮨﻮﺍ ﻟﮩﯽٰ ﺑﺨﺶ ﮐﮭﮍﺍ ﮨﻮ ﺟﺎﺗﺎ ﺍﻭﺭ ﮨﺎﺗﮫ ﺳﯿﻨﮯ ﭘﺮ ﺑﺎﻧﺪﮪ ﮐﺮ ﻧﻈﺮﯾﮟ ﺯﻣﯿﻦ ﭘﺮ ﺟﻤﺎ ﺩﯾﺘﺎ – ﺍﺳﮯ ﮨﻮﺵ ﮨﯽ ﻧﮧ ﺭﮨﺘﺎ – ﯾﮩﺎﮞ ﺗﮏ ﮐﮧ ﮔﻞ ﭘﯿﺮ ﺍﺳﮯ ﮨﻼﺗﮯ ﮨﻮﺋﮯ ﮐﮩﺘﺎ ” ﺑﺎﺑﺎ —- ﻗﻮﺍﻟﯽ ﺧﺘﻢ ﮨﻮ ﮔﺌﯽ ﮨﮯ “
ﯾﮧ ﺑﺎﺕ ﻗﻮﺍﻟﯽ ﮐﯽ ﺣﺪ ﺗﮏ ﻧﮩﯿﮟ ﺗﮭﯽ – ﮔﻔﺘﮕﻮ ﻣﯿﮟ ﺑﮭﯽ ﮐﻮﺋﯽ ﺣﻀﻮﺭﷺ ﮐﺎ ﺍﺳﻢ ﻣﺒﺎﺭﮎ ﺯﺑﺎﻥ ﭘﺮ ﻻﺗﺎ ﺗﻮ ﺍﻟﮩﯽٰ ﺑﺨﺶ ﺍﺣﺘﺮﺍﻡ ﻣﯿﮟ ﻏﻼﻣﻮﮞ ﮐﯽ ﻃﺮﺡ ﮐﮭﮍﺍ ﮨﻮ ﺟﺎﺗﺎ ﺍﻭﺭ ﮐﮭﻮ ﺟﺎﺗﺎ – ﺍﯾﺴﯽ ﻋﻘﯿﺪﺕ ﺍﻭﺭ ﺍﺣﺘﺮﺍﻡ ﻟﮍﮐﻮﮞ ﻧﮯ ﮐﮩﯿﮟ ﻧﮩﯿﮟ ﺩﯾﮑﮭﺎ ﺗﮭﺎ – ﺍﻟﮩﯽٰ ﺑﺨﺶ ﺧﻮﺩ ﺍﻥ ﮐﯽ ﺍﺗﻨﯽ ﻋﺰﺕ ﮐﺮﺗﺎ، ﺟﯿﺴﮯ ﻭﮦ ﺍﺱ ﮐﮯ ﺑﺰﺭﮒ ﮨﻮﮞ –
ﻓﺮﯾﺪ ﺷﺎﮦ ﺻﺎﺣﺐ ﮐﺎ ﻣﻌﻤﻮﻝ ﺗﮭﺎ ﮐﮧ ﮨﺮ ﺭﻭﺯ ﺍﻟﮩﯽٰ ﺑﺨﺶ ﺳﮯ ﺍﺱ ﮐﯽ ﺿﺮﻭﺭﺕ ﮐﺌﯽ ﮐﺌﯽ ﺑﺎﺭ ﭘﻮﭼﮭﺎ ﮐﺮﺗﮯ – ﺍﻟﮩﯽٰ ﺑﺨﺶ ﮨﺮ ﺑﺎﺭ ﯾﮩﯽ ﮐﮩﺘﺎ ﮐﮧ ﺍﺳﮯ ﺑﺲ ﺍﻥ ﮐﯽ ﺩﻋﺎﺅﮞ ﮐﯽ ﺿﺮﻭﺭﺕ ﮨﮯ ” ﻣﺠﮭﮯ ﮐﭽﮫ ﻧﮩﯿﮟ ﭼﺎﮨﯿﺌﮯ ﺑﺎﺟﯽ، ﺁﭖ ﺑﺎﺭ ﺑﺎﺭ ﮐﯿﻮﮞ ﭘﻮﭼﮭﺘﮯ ﮨﯿﮟ؟ “
” ﯾﮧ ﻣﯿﺮﺍ ﻓﺮﺽ ﮨﮯ – ﺗﻢ ﻣﯿﺮﮮ ﻟﺌﮯ ﮐﺎﻡ ﮐﺮ ﺭﮨﮯ ﮨﻮ – ﻣﺠﮭﮯ ﮨﺮ ﻃﺮﺡ ﺳﮯ ﺗﻤﮩﺎﺭﺍ ﺧﯿﺎﻝ ﺭﮐﮭﻨﺎ ﮨﻮ ﮔﺎ ﻟﯿﮑﻦ ﺗﻢ ﮐﺒﮭﯽ ﻣﺎﻧﮕﺘﮯ ﻧﮩﯿﮟ “
” ﻣﺠﮭﮯ ﺟﻮ ﭼﺎﮨﺌﮯ، ﻭﮦ ﻣﻞ ﺭﮨﺎ ﮨﮯ – ﺍﻭﺭ ﮐﯿﺎ ﻣﺎﻧﮕﻮﮞ؟ ” ﺍ ﻟﮩﯽٰ ﺑﺨﺶ ﮐﮩﺘﺎ
ﺷﺎﮦ ﻓﺮﯾﺪ ﮐﮯ ﺑﯿﭩﮯ ﺍﻟﮩﯽٰ ﺑﺨﺶ ﺳﮯ ﺑﮩﺖ ﻣﺎﻧﻮﺱ ﮨﻮ ﮔﺌﮯ ﺗﮭﮯ – ﮐﺒﮭﯽ ﻣﻮﮈ ﻣﯿﮟ ﮨﻮﺗﺎ ﺗﻮ ﺍﻟﮩﯽٰ ﺑﺨﺶ ﺍﯾﺴﯽ ﺩﺍﻧﺶ ﮐﯽ ﺑﺎﺗﯿﮟ ﮐﺮﺗﺎ ﮐﮧ ﻭﮦ ﺣﯿﺮﺍﻥ ﺭﮦ ﺟﺎﺗﮯ – ﻧﺒﯽ ﮐﺮﯾﻢﷺ ﮐﮯ ﺍﺣﺘﺮﺍﻡ ﮐﺎ ﻣﻈﺎﮨﺮﮦ ﺑﮭﯽ ﺍﻥ ﮐﮯ ﻟﺌﮯ ﺑﮩﺖ ﺧﻮﺵ ﮐﻦ ﺗﮭﺎ – ﻣﺠﻤﻮﻋﯽ ﻃﻮﺭ ﭘﺮ ﻋﻤﺮ ﮐﮯ ﻓﺮﻕ ﮐﮯ ﺑﺎﻭﺟﻮﺩ ﺍﺱ ﮐﯽ ﺻﺤﺒﺖ ﻣﯿﮟ ﺧﻮﺵ ﺭﮨﺘﮯ
ﮐﺎﻡ ﺍﭘﻨﯽ ﻣﺨﺼﻮﺹ ﺭﻓﺘﺎﺭ ﺳﮯ ﭼﻞ ﺭﮨﺎ ﺗﮭﺎ ﻟﯿﮑﻦ ﺍﺱ ﺑﺎﺕ ﮐﺎ ﺍﻋﺘﺮﺍﻑ ﺳﺐ ﮐﻮ ﺗﮭﺎ ﮐﮧ ﺍﻟﮩﯽٰ ﺑﺨﺶ ﻏﯿﺮ ﻣﻌﻤﻮﻟﯽ ﻃﻮﺭ ﭘﺮ ﺍﭼﮭﺎ ﮐﺎﻡ ﮐﺮ ﺭﮨﺎ ﮨﮯ –
ﺍﯾﮏ ﺩﻥ ﺷﺎﮦ ﻓﺮﯾﺪ ﻣﻌﻤﻮﻝ ﮐﮯ ﻣﻄﺎﺑﻖ ﺍﻟﮩﯽٰ ﺑﺨﺶ ﮐﮯ ﭘﺎﺱ ﺁﺋﮯ – ﺷﺎﻡ ﮐﺎ ﻭﻗﺖ ﺗﮭﺎ، ﺍﻟﮩﯽٰ ﺑﺨﺶ ﮔﮭﺮ ﺟﺎﻧﮯ ﮐﯽ ﺗﯿﺎﺭﯼ ﮐﺮ ﺭﮨﺎ ﺗﮭﺎ ” ﮐﯿﺴﮯ ﮨﻮ ﺍﻟﮩﯽٰ ﺑﺨﺶ؟ “
” ﺍﻟﻠﮧ ﮐﺎ ﺷﮑﺮ ﮨﮯ ﺑﺎﺟﯽ، ﺑﺲ ﺟﻮﮌﻭﮞ ﮐﯽ ﺗﮑﻠﯿﻒ ﺑﮩﺖ ﺑﮍﮪ ﮔﺌﯽ ﮨﮯ ” ﺍﻟﮩﯽٰ ﺑﺨﺶ ﻧﮯ ﮐﮩﺎ ، ﭘﮭﺮ ﺑﻮﻻ ” ﺍﺟﺎﺯﺕ ﮨﻮ ﺗﻮ ﮐﻞ ﮐﺎﻡ ﺳﮯ ﭼﮭﭩﯽ ﮐﺮ ﻟﻮﮞ ﺳﺮﮐﺎﺭ؟ “
” ﺍﺟﺎﺯﺕ ﮐﯽ ﺿﺮﻭﺭﺕ ﻧﮩﯿﮟ – ﺍﻟﮩﯽٰ ﺑﺨﺶ ﺗﻢ ﻣﯿﺮﮮ ﻧﻮﮐﺮ ﻧﮩﯿﮟ ﮨﻮ ” ﺷﺎﮦ ﺻﺎﺣﺐ ﻧﮯ ﮐﮩﺎ ” ﺗﻢ ﺟﺐ ﭼﺎﮨﻮ ﭼﮭﭩﯽ ﮐﺮ ﺳﮑﺘﮯ ﮨﻮ “
” ﭘﺮ ﻣﯿﮟ ﺗﻮ ﺍﺟﺎﺯﺕ ﻟﻮﮞ ﮔﺎ ﺑﺎﺟﯽ – ﻣﯿﮟ ﮐﻞ ﺳﻮﻝ ﮨﺴﭙﺘﺎﻝ ﺟﺎﺅﮞ ﮔﺎ “
” ﻧﮩﯿﮟ ﻭﮨﺎﮞ ﺟﺎﻧﮯ ﮐﯽ ﺿﺮﻭﺭﺕ ﻧﮩﯿﮟ – ﻭﮨﺎﮞ ﮐﻮﺋﯽ ﭘﺮﻭﺍ ﻧﮩﯿﮟ ﮐﺮﺗﺎ ﻣﺮﯾﺾ ﮐﯽ – ﻧﺎﮌﯼ ﺳﮯ ﺍﺩﮬﺖ ﮈﺍﮐﭩﺮ ﻇﮩﯿﺮ ﮨﮯ – ﺗﻢ ﮐﻞ ﺳﺠﺎﺩ ﺣﺴﯿﻦ ﮐﮯ ﺳﺎﺗﮫ ﺍﺱ ﮐﮯ ﭘﺎﺱ ﭼﻠﮯ ﺟﺎﻧﺎ “
” ﺑﺎﺟﯽ ﺳﺮﮐﺎﺭ، ﻣﯿﮟ ﺁﭖ ﮐﺎ ﭘﯿﺴﺎ ﻧﮩﯿﮟ ﺧﺮﭺ ﮐﺮﺍﻧﺎ ﭼﺎﮨﺘﺎ “
” ﺍﯾﺴﯽ ﮐﻮﺋﯽ ﺑﺎﺕ ﻧﮩﯿﮟ – ﻓﯿﺲ ﻭﮦ ﺯﯾﺎﺩﮦ ﻧﮩﯿﮟ ﻟﯿﺘﺎ – ﺗﻢ ﺍﭘﻨﯽ ﺟﯿﺐ ﺳﮯ ﺩﮮ ﺩﯾﻨﺎ “
” ﺍﺱ ﭘﺮ ﺍﻟﮩﯽٰ ﺑﺨﺶ ﺭﺿﺎﻣﻨﺪ ﮨﻮ ﮔﯿﺎ – ﺷﺎﮦ ﺻﺎﺣﺐ ﺍﺳﯽ ﺷﺎﻡ ﮈﺍﮐﭩﺮ ﻇﮩﯿﺮ ﮐﮯ ﭘﺎﺱ ﭼﻠﮯ ﮔﺌﮯ – ﻭﮦ ﺍﻥ ﮐﮯ ﻣﻌﺘﻘﺪﯾﻦ ﻣﯿﮟ ﺳﮯ ﺗﮭﺎ – ﺷﺎﮦ ﺻﺎﺣﺐ ﺍﺟﺎ ﮐﺮ ﺍﺳﮯ ﺳﻤﺠﮭﺎ ﺁﺋﮯ –
ﺍﮔﻠﮯ ﺭﻭﺯ ﺍﻟﮩﯽٰ ﺑﺨﺶ ﺳﺠﺎﺩ ﺣﺴﯿﻦ ﮐﮯ ﺳﺎﺗﮫ ﮈﺍﮐﭩﺮ ﻇﮩﯿﺮ ﮐﮯ ﭘﺎﺱ ﭼﻼﮔﯿﺎ – ﮈﺍﮐﭩﺮ ﻧﮯ ﺑﮍﯼ ﺗﻮﺟﮧ ﺳﮯ ﺍﺳﮯ ﺩﯾﮑﮭﺎ – ﺗﻤﺎﻡ ﺩﻭﺍﺋﯿﮟ ﺍﭘﻨﮯ ﭘﺎﺱ ﺳﮯ ﺩﯾﮞﺎﻭﺭ ﭘﮭﺮ ﺳﺠﺎﺩ ﺣﺴﯿﻦ ﺳﮯ ﺑﻮﻻ – ” ﭼﮭﻮﭨﮯ ﺷﺎﮦ ﺟﯽ، ﺍﺳﮯ ﺁﺭﺍﻣﮑﯽ ﺿﺮﻭﺭﺕ ﮨﮯ ﮐﻢ ﺍﺯ ﮐﻢ ﺍﯾﮏ ﮨﻔﺘﮧ ﺍﺳﮯ ﺑﺴﺘﺮ ﭘﺮ ﻟﭩﺎﺋﯿﮟ ﭼﻠﻨﮯ ﺑﮭﯽ ﻧﮧ ﺩﯾﮟ “
” ﻓﯿﺲ ﮐﯿﺎ ﺩﻭﮞ ﮈﺍﮐﭩﺮ ﺻﺎﺣﺐ؟ ” ﺍﻟﮩﯽٰ ﺑﺨﺶ ﻧﮯ ﭘﻮﭼﮭﺎ
” ﺍﺏ ﺁﻝ ﺭﺳﻮﻝﷺ ﺳﮯ ﮐﯿﺎ ﻓﯿﺲ ﻟﻮﮞ ﮔﺎ – ﺍﻟﻠﮧ ﺍﻭﭘﺮ ﮨﯽ ﮐﭽﮫ ﻧﻮﺍﺯ ﺩﮮ ﺗﻮ ﺍﭼﮭﺎ ﮨﮯ ” ﮈﺍﮐﭩﺮ ﻧﮯ ﮐﮩﺎ –
ﺍﻟﮩﯽٰ ﺑﺨﺶ ﺑﮩﺖ ﺧﻮﺵ ﮨﻮﺍ – ﺍﺱ ﻧﮯ ﮐﮩﺎ ” ﺁﭖ ﺑﮩﺖ ﺍﭼﮭﮯ ﮨﯿﮟ ﮈﺍﮐﭩﺮ ﺻﺎﺣﺐ، ﮨﺮ ﻣﺴﻠﻤﺎﻥ ﮐﻮ ﺍﯾﺴﮯ ﮨﯽ ﮨﻮﻧﺎ ﭼﺎﮨﺌﯿﮯ “
ﺍﻟﮩﯽٰ ﺑﺨﺶ ﮐﻮ ﺍﺱ ﺩﻭﺍ ﺳﮯ ﺑﮩﺖ ﻓﺎﺋﺪﮦ ﮨﻮﺍ – ﺑﮍﯼ ﻭﺟﮩﯿﮧ ﺗﮭﯽ ﮐﮧ ﮈﺍﮐﭩﺮ ﭘﺮ ﺍﺱ ﮐﺎ ﺍﻋﺘﻘﺎﺩ ﮨﻮ ﮔﯿﺎ ﺗﮭﺎ –
ﺍﺳﯽ ﺷﺎﻡ ﺷﺎﮦ ﻓﺮﯾﺪ ﭘﮭﺮ ﮈﺍﮐﭩﺮ ﮐﮯ ﭘﺎﺱ ﮔﺌﮯ – ﮈﺍﮐﭩﺮ ﻭﺍﻗﻌﺘﺎٰ ﮐﭽﮫ ﻟﯿﻨﺎ ﻧﮩﯿﮟ ﭼﺎﮨﺘﺎ ﺗﮭﺎ ﻟﯿﮑﻦ ﺷﺎﮦ ﺻﺎﺣﺐ ﻧﮯ ﺑﺎﻻﺻﺮﺍﺭ ﺍﺳﮯ ﭘﻮﺭﯼ ﻓﯿﺲ ﺍﻭﺭ ﺩﻭﺍﺅﮞ ﮐﮯ ﭘﯿﺴﮯ ﺩﺋﮯ ﺍﻭﺭ ﺗﺎﮐﯿﺪ ﮐﯽ ﮐﮧ ﺍﻟﮩﯽٰ ﺑﺨﺶ ﮐﻮ ﺍﺱ ﺑﺎﺕ ﮐﺎ ﻋﻠﻢ ﻧﮩﯿﮟ ﮨﻮﻧﺎ ﭼﺎﮨﺌﮯ –
ﺍﻟﮩﯽٰ ﺑﺨﺶ ﻧﮯﺑﻤﺸﮑﻞ ﺍﯾﮏ ﺩﻥ ﮈﺍﮐﭩﺮ ﮐﯽ ﮨﺪﺍﯾﺖ ﭘﺮ ﻋﻤﻞ ﮐﯿﺎ ﻣﮕﺮ ﺩﻭﺳﺮﮮ ﮨﯽ ﺩﻥ ﺁﯾﺎ ﺍﻭﺭ ﮐﺎﻡ ﻣﯿﮟ ﻣﺼﺮﻭﻑ ﮨﻮ ﮔﯿﺎ – ﺷﺎﮦ ﺻﺎﺣﺐ ﻧﮯ ﺩﯾﮑﮭﺎ ﺗﻮ ﺑﮩﺖ ﺧﻔﺎ ﮨﻮﺋﮯ ” ﺗﻤﮩﯿﮟ ﮈﺍﮐﭩﺮ ﻧﮯ ﻣﻨﻊ ﮐﯿﺎ ﺗﮭﺎ “
ﺍﻧﮩﻮﮞ ﻧﮯ ﭘﮩﻠﯽ ﺑﺎﺭ ﺍﻟﮩﯽٰ ﺑﺨﺶ ﺳﮯ ﺳﺨﺖ ﻟﮩﺠﮯ ﻣﯿﮟ ﺑﺎﺕ ﮐﯽ ” ﺗﻢ ﮐﯿﻮﮞ ﺧﻮﺩ ﮐﻮ ﺗﮑﻠﯿﻒ ﻣﯿﮟ ﮈﺍﻟﺘﮯ ﺍﻭﺭ ﻣﺠﮭﮯ ﮔﻨﺎﮨﮕﺎﺭ ﮐﺮﺗﮯ ﮨﻮ “
” ﯾﻘﯿﻦ ﮐﺮﯾﮟ ﺑﺎﺟﯽ ﺳﺮﮐﺎﺭ، ﻣﺠﮫ ﺳﮯ ﻗﺴﻢ ﻟﮯ ﻟﯿﮟ، ﺑﺴﺘﺮ ﭘﺮ ﻟﯿﭩﻨﮯ ﺳﮯ ﺯﯾﺎﺩﮦ ﺁﺭﺍﻡ ﻣﺠﮭﮯ ﺁﭖ ﮐﮯ ﮐﺎﻡ ﻣﯿﮟ ﻣﻠﺘﺎ ﮨﮯ ” ﺍﻟﮩﯽٰ ﺑﺨﺶ ﻧﮯ ﻟﺠﺎﺟﺖ ﺳﮯ ﮐﮩﺎ –
ﺷﺎﮦ ﺻﺎﺣﺐ ﻧﮯ ﺑﮩﺖ ﺳﻤﺠﮭﺎﯾﺎ ﻣﮕﺮ ﺩﯾﻮﺍﻧﮯ ﺳﮯ ﺍﻧﮩﯿﮟ ﮨﺎﺭﻧﺎ ﭘﮍﺗﺎ ﺗﮭﺎ ——
ﺍﯾﮏ ﺩﻥ ﺷﺎﮦ ﻓﺮﯾﺪ ﺑﺎﻧﮉﯼ ﻣﯿﮟ ﺑﮭﯿﻨﺲ ﮐﮯ ﻟﺌﮯ ﭼﺎﺭﮦ ﺑﻨﺎ ﺭﮨﮯ ﺗﮭﮯ – ﺍﭼﺎﻧﮏ ﺍﻟﮩﯽٰ ﺑﺨﺶ ﺍﻥ ﮐﮯ ﭘﺎﺱ ﺁﯾﺎ ﺍﻭﺭ ﮨﺎﺗﮫ ﺑﺎﻧﺪﮪ ﮐﺮ ﮐﮭﮍﺍ ﮨﻮ ﮔﯿﺎ –
” ﮐﯿﺎ ﺑﺎﺕ ﮨﮯ ﺍﻟﮩﯽٰ ﺑﺨﺶ؟ ﺷﺎﮦ ﺻﺎﺣﺐ ﻧﮯ ﭘﻮﭼﮭﺎ
” ﻭﮦ ﺑﺎﺟﯽ ﺳﺮﮐﺎﺭ، ﮐﻞ ﭼﺎﻧﺪ ﮐﯽ ﮔﯿﺎﺭﮬﻮﯾﮟ ﺗﺎﺭﯾﺦ ﮨﮯ “-
ﺷﺎﮦ ﺻﺎﺣﺐ ﻣﺴﮑﺮﺍﺋﮯ ” – ﻣﺠﮭﮯ ﻣﻌﻠﻮﻡ ﮨﮯ ﮐﻞ ﺗﻤﮩﺎﺭﮮ ﻣﺮﯾﺪ ﺁﺋﯿﮟ ﮔﮯ – ﺗﻢ ﭼﮭﭩﯽ ﮐﺮﻭ ﮔﮯ – ﯾﮩﯽ ﺑﺎﺕ ﮨﮯ ﻧﺎ – ﻣﯿﮟ ﭘﮩﻠﮯ ﮨﯽ ﮐﮩﮧ ﭼﮑﺎ ﮨﻮﮞ، ﺗﻢ ﺍﭘﻨﯽ ﻣﺮﺿﯽ ﮐﮯ ﻣﺎﻟﮏ ﮨﻮ، ﺁﺯﺍﺩ ﺁﺩﻣﯽ ﮨﻮ “
” ﯾﮧ ﺑﺎﺕ ﻧﮩﯿﮟ ﺳﺮﮐﺎﺭ “
” ﺗﻮ ﭘﮭﺮ ﮐﯿﺎ ﺑﺎﺕ ﮨﮯ؟ “
” ﻭﮦ ﺳﺮﮐﺎﺭ —– ﺑﺎﺕ ﯾﮧ ﮨﮯ ﺳﺮﮐﺎﺭ ۔۔۔۔۔ ” ﺍﻟﮩﯽٰ ﺑﺨﺶ ﺳﮯ ﺑﺎﺕ ﻧﮩﯿﮟ ﮐﯽ ﺟﺎ ﺭﮨﯽ ﺗﮭﯽ – ﺷﺎﮦ ﺻﺎﺣﺐ ﻧﮯ ﻧﻈﺮﯾﮟ ﺍﭨﮭﺎ ﮐﺮ ﺣﯿﺮﺕ ﺳﮯ ﺍﺳﮯ ﺩﯾﮑﮭﺎ – ﺍﺱ ﮐﯽ ﮨﭽﮑﭽﺎﮨﭧ ﺍﻥ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﺋﯽ –
” ﮐﯿﺎ ﺑﺎﺕ ﮨﮯ ﺍﻟﮩﯽٰ ﺑﺨﺶ؟ “
ﺍﻟﮩﯽٰ ﺑﺨﺶ ﻧﮯ ﺩﻭﻧﻮﮞ ﮨﺎﺗﮫ ﺟﻮﮌ ﻟﺌﮯ ” ﭼﮭﻮﭨﺎ ﻣﻨﮧ ﺑﮍﯼ ﺑﺎﺕ ﮨﮯ ﺳﺮﮐﺎﺭ، ﮈﺭﺗﺎ ﮨﻮﮞ، ﺁﭖ ﮔﺴﺘﺎﺧﯽ ﻧﮧ ﺳﻤﺠﮭﯿﮟ “
ﺷﺎﮦ ﺻﺎﺣﺐ ﻧﮯ ﺍﺱ ﮐﮯ ﺩﻭﻧﻮﮞ ﮨﺎﺗﮫ ﺗﮭﺎﻡ ﮐﺮ ﮐﮭﻮﻝ ﻟﺌﮯ ” ﺑﻮﻟﻮ ﺍﻟﮩﯽ ﺑﺨﺶ ﺗﻢ ﻣﺠﮭﮯ ﺟﺎﻧﺘﮯ ﮨﻮ – ﻣﯿﮟ ﺗﻢ ﭘﺮ ﮐﺒﮭﯽ ﻏﺼﮧ ﻧﮩﯿﮟ ﮐﺮﻭﮞ ﮔﺎ “
” ﺳﺮﮐﺎﺭ ﻣﯿﮟ ﭼﺎﮨﺘﺎ ﮨﻮﮞ ﮐﮧ ﮐﻞ ﺁﭖ ﮐﮭﺎﻧﺎ ﻣﯿﺮﮮ ﺳﺎﺗﮫ ﮐﮭﺎﺋﯿﮟ “
ﺍﯾﮏ ﻟﻤﺤﮯ ﮐﻮ ﺷﺎﮦ ﻓﺮﯾﺪ ﮐﯽ ﺭﻧﮕﺖ ﻣﺘﻐﯿﺮ ﮨﻮﮔﺌﯽ – ﭘﮭﺮ ﺍﻧﮩﻮﮞ ﻧﮯ ﺧﻮﺩ ﮐﻮ ﺳﻨﺒﮭﺎﻟﺘﮯ ﮨﻮﺋﮯ ﮐﮩﺎ ” ﭨﮭﯿﮏ ﮨﮯ ﺍﻟﮩﯽٰ ﺑﺨﺶ —- ﻣﯿﮟ ﺁﺅﮞ ﮔﺎ “
———————
ﺍﮔﻠﮯ ﺭﻭﺯ ﺷﺎﮦ ﻓﺮﯾﺪ ﻧﮯ ﻭﻋﺪﮦ ﺟﻠﺪﯼ ﺳﮯ ﻧﺒﮭﺎﻧﮯ ﮐﺎ ﻓﯿﺼﻠﮧ ﮐﺮ ﻟﯿﺎ – ﻭﺟﮧ ﯾﮧ ﺗﮭﯽ ﮐﮧ ﻭﮦ ﻟﻨﮕﺮ ﮐﺎ ﮐﮭﺎﻧﺎ ﻧﮩﯿﮟ ﮐﮭﺎ ﺳﮑﺘﮯ ﺗﮭﮯ – ﺭﻭﺍﯾﺎﺕ ﮐﯽ ﭘﺎﺱ ﺩﺍﺭﯼ ﺑﮭﯽ ﺗﻮ ﺍﻥ ﮐﯽ ﻃﺒﻌﯿﺖ ﻣﯿﮟ ﺗﮭﯽ ﺍﻭﺭ ﻭﮦ ﺍﻟﮩﯽٰ ﺑﺨﺶ ﮐﻮ ﺍﻧﮑﺎﺭ ﺑﮭﯽ ﻧﮩﯿﮟ ﮐﺮ ﺳﮑﺘﮯ ﺗﮭﮯ –
ﻭﮦ ﭘﮩﻨﭽﮯ ﺗﻮ ﺍﻟﮩﯽٰ ﺑﺨﺶ ﮐﻮ ﺍﭘﻨﮯ ﮨﺎﺗﮭﻮﮞ ﺳﮯ ﻣﺮﻍ ﺫﺑﺢ ﮐﺮﺗﮯ ﭘﺎﯾﺎ – ﻭﮦ ﺍﻧﮩﯿﮟ ﺩﯾﮑﮫ ﮐﺮ ﮨﮍﺑﮍﺍ ﮔﯿﺎ ” ﺍﺗﻨﯽ ﺟﻠﺪﯼ ﺁ ﮔﺌﮯ ﺳﺮﮐﺎﺭ؟ ” ﺍﺱ ﻧﮯ ﺟﻠﺪﯼ ﺟﻠﺪﯼ ﺧﻮﻥ ﻣﯿﮟ ﻟﺘﮭﮍﮮ ﮨﻮﺋﮯ ﺩﻭﻧﻮﮞ ﮨﺎﺗﮫ ﺩﮬﻮﺋﮯ ﺍﻭﺭ ﮨﺎﺗﮭﻮﮞ ﮐﻮ ﮐﭙﮍﮮ ﺳﮯ ﺻﺎﻑ ﮐﺮ ﮐﮯ ﺍﻥ ﮐﮯ ﮨﺎﺗﮫ ﭼﻮﻣﮯ –
ﺷﺎﮦ ﺻﺎﺣﺐ ﻧﮯ ﻣﺤﺴﻮﺱ ﮐﯿﺎ ﮐﮧ ﻭﮦ ﺍﻧﮩﯿﮟ ﮨﻤﯿﺸﮧ ﺳﮯ ﺑﮭﯽ ﺯﯾﺎﺩﮦ ﺗﻌﻈﯿﻢ ﺩﮮ ﺭﮨﺎ ﮨﮯ – ﺍﻧﮩﯿﮟ ﺍﺣﺴﺎﺱ ﻧﮩﯿﮟ ﺗﮭﺎ ﮐﮧ ﺍﺱ ﮐﮯ ﻣﺮﯾﺪ ﺍﻧﮩﯿﮟ ﺣﯿﺮﺕ ﺳﮯ ﺩﯾﮑﮫ ﺭﮨﮯ ﮨﯿﮟ ” ﮨﺎﮞ ﺍﻟﮩﯽٰ ﺑﺨﺶ ﻣﯿﮟ ﻧﮯ ﻭﻋﺪﮦ ﭘﻮﺭﺍ ﮐﺮ ﺩﯾﺎ ﮨﮯ ﻟﯿﮑﻦ ﻣﯿﮟ ﺯﯾﺎﺩﮦ ﺩﯾﺮ ﺭﮐﻮﮞ ﮔﺎ ﻧﮩﯿﮟ “
” ﺁﺋﯿﮟ ﺗﻮ —– ﻣﯿﮟ ﺁﭖ ﮐﻮ ﺟﻠﺪﯼ ﻧﮩﯿﮟ ﺟﺎﻧﮯ ﺩﻭﮞ ﮔﺎ ” ﺍﻟﮩﯽٰ ﺑﺨﺶ ﺍﻧﮩﯿﮟ ﺍﺱ ﮔﮭﻨﮯ ﺩﺭﺧﺖ ﮐﮯ ﻧﯿﭽﮯ ﻟﮯ ﮔﯿﺎ ﺟﮩﺎﮞ ﺍﺱ ﮐﯽ ﮔﺪﯼ ﺗﮭﯽ ” ﺁﭖ ﯾﮩﺎﮞ ﺗﺸﺮﯾﻒ ﺭﮐﮭﯿﮟ ﺳﺮﮐﺎﺭ “
” ﻧﮩﯿﮟ ﯾﮩﺎﮞ ﻧﮩﯿﮟ ﺑﯿﭩﮭﻮﮞ ﮔﺎ ﻣﯿﮟ ۔۔۔ ﯾﮧ ﺗﻤﮩﺎﺭﺍ ﻣﻘﺎﻡ ﮨﮯ ” ﺷﺎﮦ ﺻﺎﺣﺐ ﻧﮯ ﮐﮩﺎ –
” ﻣﯿﺮﺍ ﻣﻘﺎﻡ ﺗﻮ ﺁﭖ ﮐﮯ ﻗﺪﻣﻮﮞ ﻣﯿﮟ ﮨﮯ ﺑﺎﺟﯽ، ﺁﭖ ﮐﻮ ﻗﺴﻢ ﮨﮯ ﺩﻧﯿﺎ ﮐﮯ ﺑﺎﺩﺷﺎﮦ ﮐﯽ ﺑﯿﭩﮫ ﺟﺎﺋﯿﮟ “
” ﯾﮧ ﻣﻨﺎﺳﺐ ﻧﮩﯿﮟ ﺍﻟﮩﯽٰ ﺑﺨﺶ “
ﻟﯿﮑﻦ ﺍﻟﮩﯽٰ ﺑﺨﺶ ﮐﯽ ﺿﺪ ﮐﮯ ﺳﺎﻣﻨﮯ ﺍﻧﮩﯿﮟ ﮨﺘﮭﯿﺎﺭ ﮈﺍﻟﻨﮯ ﭘﮍﮮ – ﻭﮦ ﺑﯿﭩﮭﮯ ﺗﻮ ﺍﻟﮩﯽٰ ﺑﺨﺶ ﻧﮯ ﺍﻥ ﮐﮯ ﭘﺎﺅﮞ ﺩﺑﺎﻧﮯ ﺷﺮﻭﻉ ﮐﺮ ﺩﺋﯿﮯ – ﺍﭘﻨﮯ ﻣﺮﺷﺪ ﮐﻮ ﺟﻮ ﺷﺎۃ ﺻﺎﺣﺐ ﮐﮯ ﭘﺎﺅﮞ ﺩﺑﺎﺗﮯ ﺩﯾﮑﮭﺎ ﺗﻮ ﺍﻟﮩﯽٰ ﺑﺨﺶ ﮐﮯ ﮐﭽﮫ ﻣﺮﯾﺪ ﺑﮭﯽ ﺍﺱ ﺳﻌﺎﺩﺕ ﻣﯿﮟ ﺷﺎﻣﻞ ﮨﻮﻧﮯ ﻟﮕﮯ – ﻣﮕﺮ ﺍﻟﮩﯽٰ ﺑﺨﺶ ﻧﮯ ﺍﻧﮩﯿﮟ ﮈﭘﭧ ﺩﯾﺎ ” – ﯾﮩﺎﮞ ﺻﺮﻑ ﻣﯿﮟ ﺑﺎﺟﯽ ﮐﮯ ﭘﺎﺅﮞ ﺩﺑﺎ ﺳﮑﺘﺎ ﮨﻮﮞ، ﮐﻮﺋﯽ ﺍﻭﺭ ﻧﮩﯿﮟ “
ﺗﮭﻮﮌﯼ ﺩﯾﺮ ﺑﻌﺪ ﺍﻟﮩﯽٰ ﺑﺨﺶ ﻧﮯ ﺍﻥ ﺳﮯ ﺍﺟﺎﺯﺕ ﭼﺎﮨﯽ ” ﺳﺮﮐﺎﺭ، ﻣﺠﮭﮯ ﮐﮭﺎﻧﺎ ﭘﮑﺎﻧﺎ ﮨﮯ “
ﺷﺎﮦ ﺻﺎﺣﺐ ﮐﻮ ﺣﯿﺮﺕ ﮨﻮﺋﯽ – ﺍﻟﮩﯽٰ ﺑﺨﺶ ﮐﮯ ﻣﺮﯾﺪ ﭘﮩﻠﮯ ﮨﯽ ﮐﮭﺎﻧﺎ ﭘﮑﺎﻧﮯ ﻣﯿﮟ ﻣﺼﺮﻭﻑ ﺗﮭﮯ – ﺑﮩﺮﺣﺎﻝ ﺍﻧﮩﻮﮞ ﻧﮯ ﮐﭽﮫ ﻧﮩﯿﮟ ﮐﮩﺎ – ﺑﻌﺪ ﻣﯿﮟ ﺍﻟﮩﯽٰ ﺑﺨﺶ ﭘﮭﺮ ﺍﻥ ﮐﮯ ﻗﺪﻣﻮﮞ ﻣﯿﮟ ﺁﺑﯿﭩﮭﺎ ” ﺑﺎﺟﯽ ﻣﯿﺮﮮ ﺳﺮﮐﺎﺭ، ﺁﭖ ﮐﮯ ﻟﺌﮯ ﺩﺳﺘﺮﺧﻮﺍﻥ ﺑﭽﮭﺎ ﺩﻭﮞ؟ “
” ﺍﻟﮩﯽٰ ﺑﺨﺶ ﻣﺠﮭﮯ ﺑﮭﻮﮎ ﻧﮩﯿﮟ ﮨﮯ ” ﺷﺎﮦ ﺻﺎﺣﺐ ﻧﮯ ﮐﮩﺎ –
ﺍﻟﮩﯽٰ ﺑﺨﺶ ﺍﻥ ﮐﮯ ﭘﺎﺅﮞ ﺩﺑﺎﻧﮯ ﻟﮕﺎ – ﭘﻨﺪﺭﮦ ﻣﻨﭧ ﺑﻌﺪ ﺍﺱ ﮐﺎ ﺍﯾﮏ ﻣﺮﯾﺪ ﺍﺱ ﮐﮯ ﭘﺎﺱ ﺁﯾﺎ ” ﻟﻨﮕﺮ ﺗﯿﺎﺭ ﮨﮯ ﺑﺎﺑﺎ “
” ﭨﮭﯿﮏ ﮨﮯ ﺗﻢ ﺟﺎﺅ – ﻣﯿﮟ ﺁﺅﺍﺯ ﺩﮮ ﻟﻮﮞ ﮔﺎ “
ﺩﺱ ﻣﻨﭧ ﮔﺰﺭ ﮔﺌﮯ ﺗﻮ ﺷﺎﮦ ﺻﺎﺣﺐ ﻧﮯ ﺍﻟﮩﯽٰ ﺑﺨﺶ ﺳﮯ ﮐﮩﺎ ” ﻟﻨﮕﺮ ﮐﯿﻮﮞ ﻧﮩﯿﮟ ﺷﺮﻭﻉ ﮐﺮﺍﺗﮯ ﺍﻟﮩﯽٰ ﺑﺨﺶ “
” ﺳﺮﮐﺎﺭ، ﺁﭖ ﺑﺴﻢ ﺍﻟﻠﮧ ﮐﺮﯾﮟ ﮔﮯ ﺗﻮ ﺍﺱ ﮐﮯ ﺑﻌﺪ ﮨﯽ ﻟﻨﮕﺮ ﺷﺮﻭﻉ ﮐﺮﻭﮞ ﮔﺎ “
” ﺍﻟﮩﯽٰ ﺑﺨﺶ، ﻣﯿﮟ ﺗﻮ ﯾﮧ ﮐﮭﺎﻧﺎ ﻧﮩﯿﮟ ﮐﮭﺎ ﺳﮑﺘﺎ “
ﺍﻟﮩﯽٰ ﺑﺨﺶ ﺍﭘﻨﮯ ﺩﻭﻧﻮﮞ ﮨﺮﺧﺴﺎﺭ ﭘﯿﭩﻨﮯ ﻟﮕﺎ ” ﯾﮧ ﺁﭖ ﻧﮯ ﮐﯿﺴﮯ ﺳﻮﭼﺎ ﺳﺮﮐﺎﺭ ﮐﮧ ﻣﯿﮟ ﺍﺗﻨﺎ ﮔﺴﺘﺎﺥ ﮨﻮ ﺳﮑﺘﺎ ﮨﻮﮞ ” ﺍﺱ ﻧﮯ ﺑﮭﺮﺍﺋﯽ ﮨﻮﺋﯽ ﺁﻭﺍﺯ ﻣﯿﮟ ﮐﮩﺎ ” ﻣﯿﮟ ﻧﮯ ﻋﻠﯿﺤﺪﮦ ﺳﮯ ﺍﻭﺭ ﺧﻮﺩ ﺍﭘﻨﮯ ﮨﺎﺗﮭﻮﮞ ﺳﮯ ﺁﭖ ﮐﮯ ﻟﺌﮯ ﮐﮭﺎﻧﺎ ﭘﮑﺎﯾﺎ ﮨﮯ – ﻭﮦ ﻣﺮﻍ ﻣﯿﮟ ﺁﭖ ﮨﯽ ﮐﮯ ﻟﺌﮯ ﺫﺑﺢ ﮐﺮ ﺭﮨﺎ ﺗﮭﺎ ﺳﺮﮐﺎﺭ “
ﺷﺎﮦ ﻓﺮﯾﺪ ﮐﻮ ﺍﺱ ﭘﺮ ﺑﮩﺖ ﭘﯿﺎﺭ ﺁﯾﺎ – ﻭﮦ ﭘﮩﻠﮯ ﮨﯽ ﺟﺎﻧﺘﮯ ﺗﮭﮯ ﺍﻭﺭ ﺍﺏ ﭘﻮﺭﯼ ﻃﺮﺡ ﺳﻤﺠﮫ ﮔﺌﮯ ﮐﮧ ﺍﻟﮩﯽٰ ﺑﺨﺶ ﮐﺲ ﻃﺮﺡ ﮐﺎ ﺁﺩﻣﯽ ﮨﮯ – ﺍﭘﻨﮯ ﻣﺮﯾﺪﻭﮞ ﮐﮯ ﺳﺎﻣﻨﮯ ﮐﻮﺋﯽ ﮐﺴﯽ ﺍﻭﺭ ﮐﻮ ﺍﭘﻨﯽ ﮔﺪﯼ ﭘﺮ ﺑﭩﮭﺎ ﮐﺮ ﺍﺱ ﮐﮯ ﭘﺎﺅﮞ ﺩﺑﺎ ﺳﮑﺘﺎ ﮨﮯ ! ﮐﺴﯽ ﮐﮯ ﻟﺌﮯ ﮐﮭﺎﻧﮯ ﮐﺎ ﺍﯾﺴﺎ ﺍﮨﺘﻤﺎﻡ ﮐﺮ ﺳﮑﺘﺎ ﮨﮯ !
ﺭﺧﺼﺖ ﮨﻮﺗﮯ ﻭﻗﺖ ﺷﺎﮦ ﻓﺮﯾﺪ ﻧﮯ ﺍﻟﮩﯽٰ ﺑﺨﺶ ﺳﮯ ﭘﻮﭼﮭﺎ ” ﺗﻢ ﻧﮯ ﺍﯾﺴﺎ ﮐﯿﻮﮞ ﮐﯿﺎ ﺍﻟﮩﯽٰ ﺑﺨﺶ؟ “
ﺑﺎﺕ ﻭﺿﺎﺣﺖ ﻃﻠﺐ ﺗﮭﯽ ﻟﯿﮑﻦ ﺍﻟﮩﯽٰ ﺑﺨﺶ ﺳﻤﺠﮫ ﮔﯿﺎ ﮐﮧ ﮐﯿﺎﮐﮩﮧ ﺭﮨﮯ ﮨﯿﮟ ” ﺁﭖ ﮐﯽ ﺫﺍﺕ ﺳﮯ ﺩﻭ ﻓﺎﺋﺪﮮ ﺍﺍﭨﮭﺎ ﺭﮨﺎ ﮨﻮﮞ ﺑﺎﺟﯽ، ﺍﯾﮏ ﺗﻮ ﻋﺎﻗﺒﺖ ﺳﻨﻮﺍﺭ ﺭﮨﺎ ﮨﻮﮞ – ﺩﻭﺳﺮﮮ ﺁﭖ ﺟﺎﻧﺘﮯ ﮨﯿﮟ ﮐﮧ ﻣﺮﯾﺪ ﮨﺎﺗﮫ ﭼﻮﻣﯿﮟ ﺗﻮ ﻣﺠﮫ ﺟﯿﺴﮯ ﮐﻤﺰﻭﺭ ﺍﺍﻭﺭ ﭼﮭﻮﭨﮯ ﺁﺩﻣﯽ ﮐﺎ ﻧﻔﺲ ﺗﻮ ﺩﻧﺒﮧ ﺑﻦ ﺟﺎﺗﺎﮨﮯ – ﻣﯿﮟ ﻧﻔﺲ ﮐﮯ ﺍﺱ ﻣﻮﭨﮯ ﺩﻧﺒﮯ ﮐﻮ ﭘﻨﭙﻨﮯ ﻧﮩﯿﮟ ﺩﯾﻨﺎ ﭼﺎﮨﺘﺎ – ﺑﺎﺟﯽ —- ﺍﯾﮏ ﺷﻌﺮ ﺳﻨﺎﺅﮞ “
” ﺳﻨﺎﺅ ﺍﻟﮩﯽٰ ﺑﺨﺶ “
” ﺳﺎﺩﮦ ﺳﺎ ﺷﻌﺮ ﮨﮯ ﺑﺎﺟﯽ، ﺷﺎﻋﺮ ﮐﮩﺘﺎ ﮨﮯ؛
ﺍﺳﯿﺮ ﺍﺏ ﺗﮏ ﮨﻮﮞ ﻣﯿﮟ ﺍﭘﻨﯽ ﺍﻧﺎ ﮐﺎ
ﻣﺠﮭﮯ ﺗﻮ ﺍﭘﻨﮯ ﺭﺳﺘﮯ ﻣﯿﮟ ﺑﭽﮭﺎ ﻟﮯ “
ﺷﺎﮦ ﻓﺮﯾﺪ ﮐﮯ ﮨﻮﻧﭩﻮﮞ ﭘﺮ ﺳﺘﺎﺋﺸﯽ ﻣﺴﮑﺮﺍﮨﭧ ﺍﺑﮭﺮﯼ –
” ﺑﺎﺟﯽ ﺍﺏ ﺟﺲ ﮔﯿﺎﺭﮨﻮﯾﮟ ﮐﻮ ﺁﭖ ﻧﮩﯿﮟ ﺁﺋﯿﮟ ﮔﮯ، ﯾﮩﺎﮞ ﻟﻨﮕﺮ ﻧﮩﯿﮟ ﮨﻮ ﮔﺎ “
” ﺍﯾﺴﯽ ﺷﺮﻁ ﻧﮧ ﻟﮕﺎﺅ ﺍﻟﮩﯽٰ ﺑﺨﺶ “
ﺍﻟﮩﯽٰ ﺑﺨﺶ ﺭﺧﺴﺎﺭ ﭘﯿﭩﻨﮯ ﻟﮕﺎ ” ﺷﺮﻁ ﻧﮩﯿﮟ ﻣﯿﺮﮮ ﺳﺮﮐﺎﺭ، ﯾﮧ ﺩﻝ ﮐﯽ ﺁﻭﺍﺯ ﮨﮯ “
———————– ٭
ﺷﺎﮦ ﻓﺮﯾﺪ ﮐﮯ ﻣﮑﺎﻥ ﮐﺎ ﺭﻧﮓ ﻭ ﺭﻭﻏﻦ ﮐﺎ ﮐﺎﻡ ﻣﮑﻤﻞ ﮨﻮ ﮔﯿﺎ ﻟﯿﮑﻦ ﺟﻮ ﺗﻌﻠﻖ ﻗﺎﺋﻢ ﮨﻮ ﮔﯿﺎ ﺗﮭﺎ، ﻭﮦ ﺍﻟﮩﯽٰ ﺑﺨﺶ ﮐﯽ ﺯﻧﺪﮔﯽ ﻣﯿﮟ ﻧﮩﯿﮟ ﭨﻮﭨﺎ – ﮨﺮ ﺍﺳﻼﻣﯽ ﻣﺎﮦ ﮐﯽ ﺩﺱ ﺗﺎﺭﯾﺦ ﮐﻮ ﺍﻟﮩﯽٰ ﺑﺨﺶ ﺷﺎﮦ ﺻﺎﺣﺐ ﮐﮯ ﭘﺎﺱ ﺁﺗﺎ – ﺳﻼﻡ ﺍﻭﺭ ﺩﺳﺖ ﺑﻮﺳﯽ ﮐﺮﺗﺎ، ﭘﮭﺮ ﮐﮩﺘﺎ ” ﺑﺎﺟﯽ ۔۔۔۔۔ “
” ﻣﺠﮭﮯ ﯾﺎﺩ ﮨﮯ ﺍﻟﮩﯽٰ ﺑﺨﺶ ﮐﻞ ﮔﯿﺎﺭﮦ ﺗﺎﺭﯾﺦ ﮨﮯ ” ﺷﺎﮦ ﺻﺎﺣﺐ ﺍﺱ ﮐﮯ ﮐﭽﮫ ﮐﮩﻨﮯ ﺳﮯ ﭘﮩﻠﮯ ﮨﯽ ﮐﮩﮧ ﺩﯾﺘﮯ ” ﻣﯿﮟ ﯾﮧ ﺗﺎﺭﯾﺦ ﮐﺒﮭﯽ ﻧﮩﯿﮟ ﺑﮭﻮﻟﻮﮞ ﮔﺎ – ﺗﻢ ﮨﺮ ﻣﺎﮦ ﮐﯿﻮﮞ ﺗﮑﻠﯿﻒ ﮐﺮﺗﮯ ﮨﻮ “
” ﺗﮑﻠﯿﻒ ﻧﮩﯿﮟ ﺑﺎﺟﯽ، ﯾﮧ ﺗﻮ ﻣﯿﺮﺍ ﻓﺮﺽ ﮨﮯ “
ﺷﺎﮦ ﺻﺎﺣﺐ ﺟﺎﺗﮯ ﺍﻭﺭ ﺷﺮﯾﮏ ﮨﻮ ﺗﮯ – ﺳﺐ ﮐﭽﮫ ﺍﺳﯽ ﻃﺮﺡ ﮨﻮﺗﺎ ﺟﯿﺴﮯ ﭘﮩﻠﯽ ﺑﺎﺭ ﮨﻮﺍ ﺗﮭﺎ – ﺍﺏ ﺷﺎﮦ ﺻﺎﺣﺐ ﮐﮯ ﺑﯿﭩﮯ ﺑﮭﯽ ﺿﺪ ﮐﺮ ﮐﮯ ﺍﻥ ﮐﮯ ﺳﺎﺗﮫ ﺁ ﺟﺎﺗﮯ ﺗﮭﮯ – ﺍﻧﮩﯿﮟ ﺍﻟﮩﯽٰ ﺑﺨﺶ ﺳﮯ ﺑﮍﯼ ﺍﻧﺴﯿﺖ ﺗﮭﯽ – ﻭﮦ ﻭﮨﺎﮞ ﺟﺎ ﮐﺮ ﺑﮩﺖ ﺧﻮﺵ ﮨﻮﺗﮯ ﺗﮭﮯ –
ﺍﻧﮩﯽ ﻣﻌﻤﻮﻻﺕ ﻣﯿﮟ ﺗﯿﻦ ﺳﺎﻝ ﮔﺰﺭ ﮔﺌﮯ – ﺍﻥ ﺗﯿﻦ ﺑﺮﺳﻮﮞ ﻣﯿﮟ ﺍﻟﮩﯽٰ ﺑﺨﺶ ﮐﯽ ﺻﺤﺖ ﺍﻭﺭ ﺧﺮﺍﺏ ﮨﻮ ﮔﺌﯽ – ﺍﺱ ﮐﮯ ﺳﻮﺍ ﮐﭽﮫ ﺑﮭﯽ ﻧﮩﯿﮟ ﺑﺪﻻ –
ﺍﻟﮩﯽٰ ﺑﺨﺶ ﮐﮯ ﺩﻝ ﻣﯿﮟ ﺣﺞ ﺑﯿﺖ ﺍﻟﻠﮧ ﺍﻭﺭ ﺭﻭﺿﮧ ﺭﺳﻮﻝﷺ ﭘﺮ ﺣﺎﺿﺮﯼ ﮐﯽ ﺧﻮﺍﺋﺶ ﺷﺪﯾﺪ ﺳﮯ ﺷﺪﯾﺪ ﺗﺮ ﮨﻮﺗﯽ ﮔﺌﯽ ﺗﮭﯽ – ﻟﯿﮑﻦ ﺍﺱ ﻧﮯ ﺍﺱ ﺳﻠﺴﻠﮯ ﻣﯿﮟ ﮐﺒﮭﯽ ﺑﯿﭩﻮﮞ ﺳﮯ ﻓﺮﻣﺎﺋﺶ ﺑﮭﯽ ﻧﮩﯿﮟ ﮐﯽ ﺗﮭﯽ – ﭘﮭﺮ ﺍﻟﻠﮧ ﻧﮯ ﺑﯿﭩﻮﮞ ﮨﯽ ﮐﮯ ﺩﻝ ﻣﯿﮟ ﮈﺍﻝ ﺩﯼ – ﺍﺳﯽ ﺳﺎﻝ ﺍﻧﮩﻮﮞ ﻧﮯ ﻣﻞ ﮐﺮ ﺍﺳﮯ ﺗﯿﺲ ﮨﺰﺍﺭ ﺭﻭﭘﮯ ﺩﺋﯿﮯ ﮐﮧ ﻭﮦ ﺣﺞ ﮐﺮ ﺁﺋﮯ –
ﺍﺱ ﺳﺎﻝ ﺍﻟﮩﯽٰ ﺑﺨﺶ ﺑﮩﺖ ﺧﻮﺵ ﺗﮭﺎ – ﺍﺱ ﮐﯽ ﺁﺭﺯﻭ ﭘﻮﺭﯼ ﮨﻮﻧﮯ ﻭﺍﻟﯽ ﺗﮭﯽ – ﻭﮦ ﺩﻥ ﮔﻦ ﺭﮨﺎ ﺗﮭﺎ۔۔
ﺍﯾﮏ ﺩﻥ ﻭﮦ ﭘﮩﺎﮌﯼ ﭘﺮ ﺍﭘﻨﮯ ﭘﺴﻨﺪﯾﺪﮦ ﺩﺭﺧﺖ ﮐﮯ ﻧﯿﭽﮯ ﮐﺴﯽ ﺳﻮﭺ ﻣﯿﮟ ﮐﮭﻮﯾﺎ ﮨﻮﺍ ﺗﮭﺎ ﮐﮧ ﺍﯾﮏ ﺷﺨﺺ ﺍﺱ ﮐﮯ ﭘﺎﺱ ﭼﻼ ﺁﯾﺎ ” ﺑﺎﺑﺎ —– ﭘﺎﻧﯽ ﻭﺍﻟﮯ ﺑﺎ ﺑﺎ “— ﺍﺱ ﻧﮯ ﮐﺌﯽ ﺑﺎﺭ ﭘﮑﺎﺭﺍ
ﺍﻟﮩﯽٰ ﺑﺨﺶ ﻧﮯ ﺁﻧﮑﮭﯿﮟ ﮐﮭﻮﻝ ﮐﺮ ﺍﺳﮯ ﺩﯾﮑﮭﺎ – ﺍﺳﮯ ﺍﯾﮏ ﻧﻈﺮ ﻣﯿﮟ ﺍﻧﺪﺍﺯﮦ ﮨﻮ ﮔﯿﺎ ﮐﮧ ﺁﻧﮯ ﻭﺍﻻ ﺑﮍﺍ ﺿﺮﻭﺭﺕ ﻣﻨﺪ ﮨﮯ – ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﺴﻮ ﺗﮭﮯ، ﺟﻨﮩﯿﮟ ﻭﮦ ﭘﯿﻨﮯ ﮐﯽ ﮐﻮﺷﺶ ﮐﺮ ﺭﮨﺎ ﺗﮭﺎ – ﺍﺱ ﮐﺎ ﺟﺴﻢ ﺭﮦ ﺭﮦ ﮐﺮ ﻟﺮﺯ ﺭﮨﺎ ﺗﮭﺎ – ﮨﻮﻧﭧ ﺑﮭﯽ ﮐﭙﮑﭙﺎ ﺭﮨﮯ ﺗﮭﮯ.
ﺍﻟﮩﯿﯽ ﺑﺨﺶ ﺍﺳﮯ ﻏﻮﺭ ﺳﮯ ﺩﯾﮑﮭﺘﺎ ﺭﮨﺎ – ﺁﻧﮯ ﻭﺍﻻ ﺟﻮﺍﻥ ﺗﮭﺎ – ﺍﺱ ﮐﯽ ﻋﻤﺮ ﺗﯿﺲ ﺳﮯ ﺯﯾﺎﺩﮦ ﻧﮩﯿﮟ ﺗﮭﯽ –
‘ ﮐﯿﺎ ﺑﺎﺕ ﮨﮯ ﺑﺎﻟﮑﮯ “
” ﻣﯿﺮﮮ ﻟﺌﮯ ﺩﻋﺎ ﮐﺮﻭ ﺑﺎﺑﺎ “
” ﻣﺴﺌﻠﮧ ﮐﯿﺎ ﮨﮯ؟ “
” ﺑﺎﺑﺎ —- ﻣﯿﺮﺍ ﺑﯿﭩﺎ ﮨﮯ ﭼﺎﺭ ﺳﺎﻝ ﮐﺎ – ﮨﻤﯿﮟ ﺟﺎﻥ ﺳﮯ ﺑﮭﯽ ﭘﯿﺎﺭﺍ ﮨﮯ – ﻭﮦ ﮐﺴﯽ ﺧﻄﺮﻧﺎﮎ ﺑﯿﻤﺎﺭﯼ ﻣﯿﮟ ﻣﺒﺘﻼ ﮨﮯ – ﻣﺠﮭﮯ ﺗﻮ ﺑﯿﻤﺎﺭﯼ ﮐﺎ ﻧﺎﻡ ﺑﮭﯽ ﻣﻌﻠﻮﻡ ﻧﮩﯿﮟ —- ﮈﺍﮐﭩﺮ ﮐﮩﺘﺎ ﮨﮯ ﺁﭘﺮﯾﺸﻦ ﭘﺮ ﭘﭽﯿﺲ ﮨﺰﺍﺭ ﮐﺎ ﺧﺮﭼﮧ ﮨﻮ ﮔﺎ ﺗﻮ ﻭﮦ ﺍﻧﺸﺎﻟﻠﮧ ﭨﮭﯿﮏ ﮨﻮ ﺟﺎﺋﮯ ﮔﺎ، ﻭﺭﻧﮧ —- ﻭ ” ﻭﮦ ﭘﮭﻮﭦ ﭘﮭﻮﭦ ﮐﺮ ﺭﻭﻧﮯ ﻟﮕﺎ –
” ﺗﻮ ﭘﮭﺮ “
ﺟﻮﺍﻥ ﺁﺩﻣﯽ ﺭﻭﺗﮯ ﺭﻭﺗﮯ ﺭﮐﺎ ” – ﻣﯿﺮﮮ ﻟﺌﮯ ﺩﻋﺎ ﮐﺮﻭ ﺑﺎﺑﺎ، ﻣﯿﮟ ﺗﻮ ﻣﺸﮑﻞ ﺳﮯ ﺳﻮ ﺭﻭﭘﮯ ﺭﻭﺯ ﮐﻤﺎﺗﺎ ﮨﻮﮞ – ﮔﮭﺮ ﮐﺎ ﺧﺮﭺ ﺑﮭﯽ ﭘﻮﺭﺍ ﻧﮩﯿﮟ ﭘﮍﺗﺎ – ﺯﻣﯿﮟ ﯾﺎ ﺍﯾﺴﯽ ﮐﻮﺋﯽ ﭼﯿﺰ ﺑﮭﯽ ﻣﯿﺮﮮ ﭘﺎﺱ ﻧﮩﯿﮟ ﺟﺴﮯ ﺑﯿﭻ ﮐﺮ ﭘﭽﯿﺲ ﮨﺰﺍﺭ ﮐﺮ ﻟﻮﮞ – ﻣﯿﮟ ﮐﯿﺎ ﮐﺮﻭﮞ ﺑﺎﺑﺎ – ﺍﻟﻠﮧ ﺟﯽ ﺳﮯ ﺩﻋﺎ ﮐﺮﻭ – ﻭﮦ ﻣﺠﮭﮯ ﭘﭽﯿﺲ ﮨﺰﺍﺭ ﺩﮮ ﺩﮮ – ﻣﯿﺮﮮ ﺑﯿﭩﮯ ﮐﻮ ﺑﭽﺎ ﻟﮯ “
ﺍﻟﮩﯽٰ ﺑﺨﺶ ﮐﻮ ﺍﺱ ﭘﺮ ﺑﮯ ﺳﺎﺧﺘﮧ ﭘﯿﺎﺭ ﺁﯾﺎ – ﺍﺱ ﻧﮯ ﺍﺱ ﮐﮯ ﺳﺮ ﭘﺮ ﮨﺎﺗﮫ ﺭﮐﮫ ﺩﯾﺎ – ﺍﺱ ﻧﮯ ﭼﺎﺭ ﺳﺎﻝ ﮐﮯ ﺑﭽﮯ ﮐﺎ ﺗﺼﻮﺭ ﮐﯿﺎ، ﺟﻮ ﺩﮬﯿﺮﮮ ﺩﮬﯿﺮﮮ ﻣﻮﺕ ﮐﯽ ﺳﺮﺣﺪ ﮐﯽ ﻃﺮﻑ ﺑﮍﮪ ﺭﮨﺎ ﺗﮭﺎ – ﺍﻟﻠﮧ ﮐﺎ ﺣﮑﻢ ﮨﻮﺍﻭﺭ ﭘﭽﯿﺲ ﮨﺰﺍﺭ ﻣﻞ ﺟﺎﺋﯿﮟ ﺗﻮ ﻭﮦ ﺑﭽﮧ ﺟﻮﺍﻥ ﮨﻮ ﮔﺎ، ﺍﺱ ﮐﯽ ﺷﺎﺩﯼ ﮨﻮ ﮔﯽ، ﺍﺱ ﮐﮯ ﺑﭽﮯ ﮨﻮﮞ ﮔﮯ ۔۔۔۔۔
” ﺑﺎﺑﺎ ﻣﯿﺮﮮ ﻟﺌﮯ ﯾﮧ ﺍﮐﻠﻮﺗﺎ ﺑﯿﭩﺎ ﮨﯽ ﺳﺐ ﮐﭽﮫ ﮨﮯ – ﯾﮧ ﭘﯿﺪﺍ ﮨﻮﺍ ﺗﮭﺎ ﺗﻮ ﮈﺍﮐﭩﺮ ﻧﮯ ﮐﮩﮧ ﺩﯾﺎ ﺗﮭﺎ ﮐﮧ ﺍﺏ ﮨﻤﺎﺭﮮ ﮨﺎﮞ ﺍﻭﻻﺩ ﻧﮩﯿﮟ ﮨﻮ ﮔﯽ ﮐﺒﮭﯽ – ﺑﺎﺑﺎ ﻣﯿﺮﯼ ﻧﺴﻞ ﺍﺳﯽ ﺳﮯ ﭼﻠﻨﯽ ﮨﮯ ” ﺟﻮﺍﻥ ﺁﺩﻣﯽ ﭘﮭﺮ ﺭﻭﻧﮯ ﻟﮕﺎ –
ﯾﺎ ﺍﻟﻠﮧ —- ﺍﺱ ﺑﭽﮯ ﮐﻮ ﺩﺭﺍﺯﯼﺀ ﻋﻤﺮ ﻋﻄﺎ ﻓﺮﻣﺎ – ﺍﻟﮩﯽٰ ﺑﺨﺶ ﮐﮯ ﺩﻝ ﺳﮯ ﺁﻭﺍﺯ ﺍﭨﮭﯽ – ﺍﺳﯽ ﻟﻤﺤﮯ ﺍﺱ ﮐﮯ ﺫﮨﻦ ﻣﯿﮟ ﺁﻧﺪﮬﯿﺎﮞ ﭼﻠﻨﮯ ﻟﮕﯿﮟ – ﭘﭽﯿﺲ ﮨﺰﺍﺭ ﺭﻭﭘﮯ، ﺁﭘﺮﯾﺸﻦ، ﺑﭽﮯ ﮐﯽ ﺯﻧﺪﮔﯽ، ﯾﮧ ﻟﻔﻆ ﺍﺳﯽ ﮐﮯ ﺫﮨﻦ ﻣﯿﮟ ﮔﺮﺩﺵ ﮐﺮ ﺭﮨﮯ ﺗﮭﮯ – ﭘﮭﺮ ﺍﯾﮏ ﺍﻭﺭ ﻟﻔﻆ ﺗﮭﺮﮐﻨﮯ ﻟﮕﺎ —— ﺣﺞ —— ﺣﺞ ——-ﺣﺞ !—–
ﻓﯿﺼﻠﮧ ﺑﮩﺖ ﻣﺸﮑﻞ ﺗﮭﺎ – ﺍﯾﮏ ﻃﺮﻑ ﺁﮔﮯ ﺟﺎﻧﮯ ﻭﺍﻟﯽ ﺯﻧﺪﮔﯽ ﺗﮭﯽ ﺍﻭﺭ ﺩﻭﺳﺮﯼ ﻃﺮﻑ ﻣﻮﺕ ﮐﯽ ﻃﺮﻑ ﺑﮍﮬﺘﯽ ﮨﻮﺋﯽ ﺯﻧﺪﮔﯽ ﮐﯽ ﺳﺐ ﺳﮯ ﺑﮍﯼ ﺍﻭﺭ ﺁﺧﺮﯼ ﺁﺭﺯﻭ – ﺍﯾﮏ ﺍﭘﻨﮯ ﻟﺌﮯ ﺗﮭﯽ ﺍﻭﺭ ﺩﻭﺳﺮﯼ ﮐﺴﯽ ﺍﻭﺭ ﮐﮯ ﻟﺌﮯ – ﺍﺳﮯ ﺍﭘﻨﮯ ﺑﺎﭖ ﮐﮯ ﺍﻟﻔﺎﻅ ﯾﺎﺩ ﺁﺋﮯ – ﺍﻟﻠﮧ ﺳﮯ ﻋﺸﻖ ﮐﮯ ﻟﺌﮯ ﺍﺱ ﮐﮯ ﺑﻨﺪﻭﮞ ﺳﮯ ﻋﺸﻖ —- ﺍﻭﺭ ﻋﺸﻖ ﻣﯿﮟ ﺣﺴﺎﺏ ﮐﺘﺎﺏ ﺗﻮ ﻧﮩﯿﮟ ﮨﻮﺗﺎ ﺍﻭﺭ ﺣﺴﺎﺏ ﮐﺘﺎﺏ ﻣﯿﮟ ﺑﮭﯽ ﻧﻨﮭﺎ ﭘﻮﺩﺍ ﮔﺮﻧﮯ ﻭﺍﻟﮯ ﺩﯾﻤﮏ ﺯﺩﮦ ﺑﻮﮌﮬﮯ ﺩﺭﺧﺖ ﺳﮯ ﺑﮭﺎﺭﯼ ﮨﻮﺗﺎ ﮨﮯ –
ﻣﺸﮑﻞ ﺳﮯ ﺳﮩﯽ ﺍﻟﮩﯽٰ ﺑﺨﺶ ﻓﯿﺼﻠﮯ ﭘﺮ ﭘﮩﻨﭻ ﮔﯿﺎ – ﺍﺱ ﻧﮯ ﺳﺮﺩ ﺁﮦ ﺑﮭﺮﺕ ﮨﻮﺋﮯ ﺟﻮﺍﻥ ﺁﺩﻣﯽ ﺳﮯ ﮐﮩﺎ ” ﻣﺖ ﺭﻭ ﺑﺎﻟﮑﮯ، ﺍﻟﻠﮧ ﺑﮩﺘﺮ ﮐﺮﮮ ﮔﺎ – ﻟﯿﮑﻦ ﭘﮩﻠﮯ ﺗﺠﮭﮯ ﻣﯿﺮﯼ ﺍﯾﮏ ﺑﺎﺕ ﻣﺎﻧﻨﯽ ﮨﻮ ﮔﯽ
ﺟﻮﺍﻥ ﺁﺩﻣﯽ ﺍﺳﮯ ﭘﺮ ﺍﻣﯿﺪ ﻧﻈﺮﻭﮞ ﺳﮯ ﺩﯾﮑﮫ ﺭﮨﺎ ﺗﮭﺎ –
” ﺗﻮ ﯾﮩﺎﮞ ﺩﺭﺧﺖ ﮐﮯ ﻧﯿﭽﮯ ﻟﯿﭧ ﮐﺮ ﺳﻮﻧﮯ ﮐﯽ ﮐﻮﺷﺶ ﮐﺮ – ﺳﻮ ﮔﯿﺎ ﺗﻮ ﺍﻧﺸﺎﺍﻟﻠﮧ ﺗﯿﺮﺍ ﻣﺴﺌﻠﮧ ﺣﻞ ﮨﻮ ﺟﺎﺋﮯ ﮔﺎ – ﯾﮧ ﻧﮧ ﭘﻮﭼﮭﻨﺎ ﮐﮧ ﮐﯿﺴﮯ ﺣﻞ ﮨﻮ ﮔﺎ “
ﺟﻮﺍﻥ ﺁﺩﻣﯽ ﻟﯿﭧ ﮔﯿﺎ – ﭘﺮﯾﺸﺎﻧﯽ ﻣﯿﮟ ﻧﯿﻨﺪ ﺭﺍﺕ ﮐﻮ ﺑﮭﯽ ﻧﮩﯿﮟ ﺁﺗﯽ – ﻟﯿﮑﻦ ﺍﺱ ﺳﮯ ﺍﻟﮩﯽٰ ﺑﺨﺶ ﻧﮯ ﺑﺎﺕ ﮨﯽ ﺍﯾﺴﯽ ﮐﮩﯽ ﺗﮭﯽ ﮐﮧ ﻭﮦ ﭘﺎﻧﭻ ﻣﻨﭧ ﮐﮯ ﺍﻧﺪﺭ ﺍﻧﺪﺭ ﺳﻮ ﮔﯿﺎ – ﺍﻟﮩﯽٰ ﺑﺨﺶ ﺍﭨﮭﺎ ﺍﻭﺭ ﺍﭘﻨﮯ ﮔﮭﺮ ﮐﯽ ﻃﺮﻑ ﭼﻞ ﺩﯾﺎ – ﻭﺍﭘﺲ ﺁﯾﺎ ﺗﻮ ﺍﺱ ﮐﮯ ﮨﺎﺗﮫ ﻣﯿﮟ ﻭﮦ ﺗﯿﺲ ﮨﺰﺍﺭ ﺭﻭﭘﮯ ﺗﮭﮯ ﺟﻮ ﺍﺱ ﻧﮯ ﺣﺞ ﮐﮯ ﻟﺌﮯ ﺭﮐﮭﮯ ﺗﮭﮯ –
ﺍﺱ ﻧﮯ ﺟﻮﺍﻥ ﺁﺩﻣﯽ ﮐﻮ ﺟﮕﺎﯾﺎ ﻧﮩﯿﮟ – ﻭﮦ ﺳﻮ ﮐﺮ ﺍﭨﮭﺎ ﺗﻮ ﺍﻟﮩﯽٰ ﺑﺨﺶ ﻧﮯ ﮐﮩﺎ ” ﺑﺎﻟﮑﮯ ﺍﻧﺸﺎﺍﻟﻠﮧ ﺗﯿﺮﺍ ﻣﺴﺌﻠﮧ ﺣﻞ ﮨﻮ ﮔﺎ – ﻣﯿﺮﯼ ﮨﺪﺍﯾﺖ ﭘﺮ ﻋﻤﻞ ﮐﺮ – ﮐﮭﮍﺍ ﮨﻮ ﺍﻭﺭ ﺑﺴﻢ ﺍﻟﻠﮧ ﭘﮍﮪ ﮐﺮ ﺳﺎﻣﻨﮯ ﮐﯽ ﻃﺮﻑ ﭼﻞ – ﮨﺮ ﺩﺭﺧﺖ ﮐﯽ ﺟﮍ ﺩﯾﮑﮭﺘﺎ ﺭﮦ – ﺍﻧﺸﺎﺍﻟﻠﮧ ﺳﺎﺕ ﺩﺭﺧﺖ ﭘﻮﺭﮮ ﮨﻮﻧﮯ ﺳﮯ ﭘﮩﻠﮯ ﺗﯿﺮﺍ ﻣﺴﺌﻠﮧ ﺣﻞ ﮨﻮ ﺟﺎﺋﮯ ﮔﺎ “
ﺟﻮﺍﻥ ﺁﺩﻣﯽ ﺍﭨﮫ ﮐﮭﮍﺍ ﮨﻮﺍ –
” ﻟﯿﮑﻦ ﯾﺎﺩ ﺭﮐﮫ، ﺍﺱ ﻭﺍﻗﻌﮯ ﮐﺎ ﮐﺒﮭﯽ ﮐﺴﯽ ﺳﮯ ﺫﮐﺮ ﻧﮧ ﮐﺮﻧﺎ ﺍﻭﺭ ﻧﮧ ﮐﺴﯽ ﮐﻮ ﺑﺘﺎﻧﺎ ﮐﮧ ﻣﺠﮫ ﺳﮯ ﻣﻼﺗﮭﺎ “-
ﺟﻮﺍﻥ ﺁﺩﻣﯽ ﺑﺴﻢ ﺍﻟﻠﮧ ﭘﮍﮪ ﮐﺮ ﺁﮔﮯ ﭼﻞ ﺩﯾﺎ – ﺍﺳﮯ ﯾﻘﯿﻦ ﻧﮩﯿﮟ ﺗﮭﺎ ﮐﮧ ﺍﺳﮯ ﮐﭽﮫ ﻣﻠﮯ ﮔﺎ – ﻣﮕﺮ ﻭﮦ ﻗﻄﺎﺭ ﮐﮯ ﮨﺮ ﺩﺭﺧﺖ ﮐﯽ ﺟﮍ ﮐﻮ ﻏﻮﺭ ﺳﮯ ﺩﯾﮑﮭﺘﺎ ﺭﮨﺎ – ﺑﻠﮑﮧ ﻭﮦ ﺟﮭﮏ ﮐﺮ ﭨﭩﻮﻟﺘﺎ ﺑﮭﯽ ﺗﮭﺎ – ﭘﺎﻧﭽﻮﯾﮟ ﺩﺭﺧﺖ ﭘﺮ ﭘﮩﻨﭻ ﮐﺮ ﭨﭩﻮﻟﻨﮯ ﮐﯽ ﺿﺮﻭﺭﺕ ﻧﮩﯿﮟ ﺭﮨﯽ – ﮐﭙﮍﮮ ﮐﯽ ﻭﮦ ﭘﻮﭨﻠﯽ ﺩﻭﺭ ﮨﯽ ﺳﮯ ﻧﻈﺮ ﺁ ﺭﮨﯽ ﺗﮭﯽ – ﺍﺱ ﻧﮯ ﺑﺴﻢ ﺍﻟﻠﮧ ﭘﮍﮪ ﮐﺮ ﺑﮯ ﺗﺎﺑﺎﻧﮧ ﭘﻮﭨﻠﯽ ﺍﭨﮭﺎﺋﯽ ﺍﻭﺭ ﺍﺳﮯ ﮐﮭﻮﻝ ﮐﺮ ﺩﯾﮑﮭﺎ – ﺍﺱ ﻣﯿﮟ ﻧﻮﭦ ﮨﯽ ﻧﻮﭦ ﺗﮭﮯ –
ﺗﯿﺲ ﮨﺰﺍﺭ ﺭﻭﭘﮯ !
” ﺟﺎ ﺑﺎﻟﮑﮯ، ﺑﯿﭩﮯ ﮐﺎ ﻋﻼﺝ ﮐﺮﺍ – ﺍﻟﻠﮧ ﺍﺳﮯ ﺯﻧﺪﮔﯽ ﺳﮯ – ﺍﺏ ﺍﺱ ﮐﮯ ﺻﺤﺖ ﻣﻨﺪ ﮨﻮﻧﮯ ﺗﮏ ﯾﮩﺎﮞ ﻧﮧ ﺁﻧﺎ ” ﺍﻟﮩﯽٰ ﺑﺨﺶ ﻧﮯ ﭘﮑﺎﺭ ﮐﺮ ﮐﮩﺎ –
ﺟﻮﺍﻥ ﺁﺩﻣﯽ ﮐﯽ ﺧﻮﺷﯽ ﮐﺎ ﮐﻮﺋﯽ ﭨﮭﮑﺎﻧﮧ ﻧﮩﯿﮟ ﺗﮭﺎ – ﻭﮦ ﺗﯿﺰ ﻗﺪﻣﻮﮞ ﺳﮯ ﭘﮩﺎﮌﯼ ﺍﺗﺮﻧﮯ ﻟﮕﺎ –
—————————
ﻭﻗﺖ ﺳﺴﺖ ﺭﻓﺘﺎﺭﯼ ﺳﮯ ﮔﺰﺭﺗﺎ ﺭﮨﺎ – ﺍﻟﮩﯽٰ ﺑﺨﺶ ﮐﯽ ﺻﺤﺖ ﺧﺮﺍﺏ ﺗﺮ ﮨﻮﺗﯽ ﮔﺌﯽ – ﻟﯿﮑﻦ ﻣﻌﻤﻮﻻﺕ ﺟﺎﺭﯼ ﺭﮨﮯ – ﺷﺎﮦ ﻓﺮﯾﺪ ﺳﮯ ﺍﺱ ﮐﯽ ﻋﻘﯿﺪﺕ ﻣﯿﮟ ﺍﺿﺎﻓﮧ ﮨﻮﺗﺎ ﮔﯿﺎ – ﺣﺞ ﮐﮯ ﺩﻥ ﻗﺮﯾﺐ ﺁ ﺭﮨﮯ ﺗﮭﮯ –
ﺍﯾﮏ ﺩﺏ ﻣﺒﺸﺮ ﻧﮯ ﮐﮩﺎ ” ﺍﺑﺎ ﺗﻢ ﻧﮯ ﺣﺞ ﮐﺎ ﮐﯿﺎ ﮐﯿﺎ ؟ “
ﺍﻟﮩﯽٰ ﺑﺨﺶ ﺳﺮ ﺟﮭﮑﺎﺋﮯ ﺑﯿﭩﮭﺎ ﺭﮨﺎ –
” ﺍﺑﺎ ﮐﯿﺎ ﺑﺎﺕ ﮨﮯ ﺧﯿﺮ ﺗﻮ ﮨﮯ “
” ﺑﯿﭩﮯ ﺗﻮ ﺳﻤﺠﮫ ﻟﮯ ﮐﮧ ﻣﯿﺮﺍ ﺣﺞ ﮨﻮ ﮔﯿﺎ – ﺍﻟﻠﮧ ﻗﺒﻮﻝ ﮐﺮﻧﮯ ﻭﺍﻻ ﮨﮯ ” ﺍﻟﮩﯽٰ ﺑﺨﺶ ﻧﮯ ﺩﺑﮯ ﺩﺑﮯ ﻟﮩﺠﮯ ﮨﻮﺋﮯ ﻣﯿﮟ ﮐﮩﺎ –
” ﻣﯿﮟ ﺳﻤﺠﮭﺎ ﻧﮩﯿﮟ ﺍﺑﺎ “
” ﭘﯿﺴﮯ ﺧﺮﭺ ﮨﻮ ﮔﺌﮯ ﺑﯿﭩﮯ “
” ﮐﻮﺋﯽ ﺑﺎﺕ ﻧﮩﯿﮟ ﺍﺑﺎ ” ﻣﺒﺸﺮ ﺑﻼ ﺗﻮﻗﻒ ﮐﮩﺎ ” ﺍﮔﻠﮯ ﺳﺎﻝ ﺳﮩﯽ ﺍﺑﺎ، ﭘﯿﺴﻮﮞ ﮐﯽ ﻓﮑﺮ ﻧﮧ ﮐﺮﻭ “
ﺍﻟﮩﯽٰ ﺑﺨﺶ ﮐﺎ ﺩﻝ ﺷﮑﺮ ﺳﮯ ﻣﻌﻤﻮﺭ ﮨﻮ ﮔﯿﺎ – ﺍﻟﻠﮧ ﻧﮯ ﮐﯿﺴﯽ ﺳﻌﺎﺩﺕ ﻣﻨﺪ ﺍﻭﻻﺩ ﺩﯼ ﮨﮯ ﺍﺳﮯ – ﺍﺱ ﮐﺎ ﺧﯿﺎﻝ ﺗﮭﺎ ﮐﮧ ﺑﯿﭩﺎ ﺍﺱ ﭘﺮ ﺑﺮﺳﮯ ﮔﺎ – ﺗﯿﺲ ﮨﺰﺍﺭ ﺭﻭﭘﮯ ﮐﻮﺋﯽ ﭼﮭﻮﭨﯽ ﺭﻗﻢ ﺗﻮ ﻧﮩﯿﮟ ﮨﻮﺗﯽ – ﺑﯿﭩﺎ ﭘﻮﭼﮭﮯ ﮔﺎ ﮐﮧ ﮐﯿﺎ ﮐﯿﺎ ﺍﺱ ﺭﻗﻢ ﮐﺎ، ” ﺩﯾﮑﮫ ﺑﯿﭩﮯ ﺍﻟﻠﮧ ﻧﮯ ﺯﻧﺪﮔﯽ ﺩﯼ ﺗﻮ ﺍﮔﻠﮯ ﺳﺎﻝ ﺳﮩﯽ ﮐﻮﻥ ﺟﺎﻧﮯ ” ﺍﺱ ﻧﮯ ﺁ ﮦ ﺑﮭﺮ ﮐﮯ ﮐﮩﺎ –
‘ ﺍﻟﻠﮧ ﺗﻤﮩﯿﮟ ﮨﻤﺎﺭﮮ ﺳﺮ ﭘﺮ ﺳﻼﻣﺖ ﺭﮐﮭﮯ ﺍﺑﺎ، ﺩﻝ ﭼﮭﻮﭨﺎ ﻧﮧ ﮐﺮﻭ ” ﻣﺒﺸﺮ ﻧﮯ ﺍﺳﮯ ﺗﺴﻠﯽ ﺩﯼ –
” ﺍﯾﮏ ﺑﺎﺕ ﺑﺘﺎ ﺑﯿﭩﮯ ” ﺍﻟﮩﯽٰ ﺑﺨﺶ ﻧﮯ ﮐﮩﺎ ” ﺗﻮ ﻧﺎﺭﺍﺽ ﺗﻮ ﻧﮩﯿﮟ ﻣﺠﮫ ﺳﮯ “
” ﮐﯿﺴﯽ ﺑﺎﺗﯿﮟ ﮐﺮﺗﮯ ﮨﻮ ﺍﺑﺎ؟ “
” ﺗﻮ ﻧﮯ ﭘﻮﭼﮭﺎ ﮨﯽ ﻧﮩﯿﮟ ﮐﮧ ﻣﯿﮟ ﻧﮯ ﻭﮦ ﺭﻗﻢ ﮐﮩﺎﮞ ﺧﺮﭺ ﮐﺮ ﺩﯼ
” ﺍﺑﺎ ﭘﮩﻠﯽ ﺑﺎﺕ ﯾﮧ ﮨﮯ ﮐﮧ ﺗﻤﮩﺎﺭﮮ ﭘﯿﺴﮯ ﺗﮭﮯ – ﺗﻤﮩﺎﺭﺍ ﺍﺧﺘﯿﺎﺭ ﺗﮭﺎ، ﺟﮩﺎﮞ ﭼﺎﮨﺘﮯ ﺧﺮﭺ ﮐﺮﺗﮯ – ﺩﻭﺳﺮﯼ ﺑﺎﺕ ﯾﮧ ﮐﮧ ﻣﺠﮭﮯ ﻣﻌﻠﻮﻡ ﮨﮯ ﮐﻮﺋﯽ ﺑﮍﯼ، ﺑﮩﺖ ﺑﮍﯼ ﺿﺮﻭﺭﺕ ﮨﻮ ﮔﯽ، ﻭﺭﻧﮧ ﺗﻢ ﺣﺞ ﮐﮯ ﭘﯿﺴﮯ ﺧﺮﭺ ﮐﺮﻧﮯ ﻭﺍﻟﮯ ﺗﻮ ﻧﮩﯿﮟ ﮨﻮ – ﺍﺑﺎ ﻣﺠﮭﮯ ﺗﻢ ﺳﮯ ﻭﯾﺴﮯ ﮨﯽ ﮐﭽﮫ ﭘﻮﭼﮭﻨﮯ ﮐﺎ ﺣﻖ ﻧﮩﯿﮟ ﮨﮯ “
” ﺍﻟﻠﮧ ﺗﺠﮭﮯ ﺧﻮﺵ ﺭﮐﮭﮯ ﺑﯿﭩﮯ، ﻣﯿﺮﮮ ﺳﺎﺭﮮ ﺑﯿﭩﮯ ﺍﻟﻠﮧ ﮐﯽ ﻣﮩﺮﺑﺎﻧﯽ ﺳﮯ ﺍﺗﻨﮯ ﺍﭼﮭﮯ ﮨﯿﮟ – ﺍﻟﻠﮧ ﺍﺟﺮ ﺩﯾﻨﮯ ﻭﺍﻻ ﮨﮯ “
ﺍﻟﮩﯽٰ ﺑﺨﺶ ﻧﮯ ﮐﺴﯽ ﮐﻮ ﻧﮩﯿﮟ ﺑﺘﺎﯾﺎ ﮐﮧ ﺍﺱ ﻧﮯ ﭘﯿﺴﮯ ﮐﮩﺎﮞ ﺧﺮﭺ ﮐﺌﮯ ﮨﯿﮟ ——-
ﺫﯼ ﺍﻟﺤﺠﮧ ﮐﺎ ﻣﮩﯿﻨﮧ ﺷﺮﻭﻉ ﮨﻮﻧﮯ ﺳﮯ ﭼﻨﺪ ﺭﻭﺯ ﭘﮩﻠﮯ ﮨﯽ ﺳﮯ ﺍﻟﮩﯽٰ ﺑﺨﺶ ﮐﯽ ﻃﺒﻌﯿﺖ ﺑﮕﮍﻧﮯ ﻟﮕﯽ – ﻭﮦ ﺍﺱ ﺣﺪ ﺗﮏ ﺑﯿﻤﺎﺭ ﮨﻮﺍ ﮐﮧ ﺑﺴﺘﺮ ﺳﮯ ﻟﮓ ﮔﯿﺎ – ﺍﺳﮯ ﺧﯿﺎﻝ ﺁﯾﺎ ﮐﮧ ﺍﺱ ﺣﺎﻝ ﻣﯿﮟ ﺗﻮ ﻭﮦ ﺣﺞ ﮐﺮ ﺑﮭﯽ ﻧﮩﯿﮟ ﺳﮑﺘﺎ ﺗﮭﺎ – ﺍﺱ ﻧﮯ ﺍﻧﺪﺭ ﺍﯾﮏ ﻃﻤﺎﻧﯿﺖ ﭘﮭﯿﻞ ﮔﺌﯽ – ﺟﻮ ﮨﻮﺍ ﺗﮭﺎ، ﺍﺳﯽ ﻣﯿﮟ ﺑﮩﺘﺮﯼ ﺗﮭﯽ – ﺍﻟﻠﮧ ﺑﮩﺘﺮﯾﻦ ﺭﮨﻨﻤﺎﺋﯽ ﻓﺮﻣﺎﺗﺎ ﮨﮯ –
ﺣﺎﺟﺮﮦ ﺩﻥ ﺭﺍﺕ ﺍﺱ ﮐﯽ ﺩﯾﮑﮫ ﺑﮭﺎﻝ ﻣﯿﮟ ﻟﮕﯽ ﺭﮨﯽ – ﺑﯿﭩﮯ ﺑﮭﯽ ﺧﺪﻣﺖ ﮐﺮ ﺭﮨﮯ ﺗﮭﮯ – ﻟﯿﮑﻦ ﺍﻟﮩﯽٰ ﺑﺨﺶ ﺟﺎﻧﺘﺎ ﺗﮭﺎ ﮐﮧ ﺍﺱ ﮐﯽ ﺣﺎﻟﺖ ﻣﺴﻠﺴﻞ ﺑﮕﮍ ﺭﮨﯽ ﮨﮯ – ﺍﺱ ﻧﮯ ﮐﺴﯽ ﮐﻮ ﯾﮧ ﺑﺎﺕ ﻧﮩﯿﮟ ﺑﺘﺎﺋﯽ – ﺑﻘﺮ ﻋﯿﺪ ﺳﮯ ﺩﻭ ﺩﻥ ﭘﮩﻠﮯ ﯾﮧ ﺣﺎﻝ ﮨﻮ ﮔﯿﺎ ﮐﮧ ﻭﮦ ﺑﻐﯿﺮ ﺳﮩﺎﺭﮮ ﮐﮯ ﭼﻞ ﻧﮩﯿﮟ ﺳﮑﺘﺎ ﺗﮭﺎ –
ﻋﯿﺪ ﮐﮯ ﺩﻥ ﺍﻟﮩﯽٰ ﺑﺨﺶ ﺑﮩﺖ ﻣﻀﻄﺮﺏ ﺗﮭﺎ – ﺍﺻﺮﺍﺭ ﮐﺮ ﮐﮯ ﻭﮦ ﻧﻤﺎﺯ ﭘﮍﮬﻨﮯ ﮔﯿﺎ – ﺍﺱ ﻧﮯ ﺑﯿﭩﮫ ﮐﺮ ﻧﻤﺎﺯ ﺍﺩﺍ ﮐﯽ – ﮔﮭﺮ ﭘﮩﻨﭽﺎ ﺗﻮ ﻭﮦ ﺑﮯ ﺣﺪ ﻧﮉﮬﺎﻝ ﺗﮭﺎ – ﮐﭽﮫ ﺩﯾﺮ ﻭﮦ ﻟﯿﭩﺎ ﺭﮨﺎ ﭘﮭﺮ ﺍﭼﺎﻧﮏ ﻭﮦ ﺍﭨﮫ ﺑﯿﭩﮭﺎ – ﺍﺳﮯ ﺧﯿﺎﻝ ﮨﯽ ﺍﯾﺴﺎ ﺁﯾﺎ ﺗﮭﺎ –
ﻭﮦ ﺍﭨﮫ ﮨﯽ ﺭﮨﺎ ﺗﮭﺎ ﮐﮧ ﻣﺰﻣﻞ ﻧﮯ ﺍﺳﮯ ﺗﮭﺎﻡ ﻟﯿﺎ – ” ﮐﯿﺎ ﮐﺎﻡ ﮨﮯ ﺍﺑﺎ، ﻣﺠﮫ ﺳﮯ ﮐﮩﻮ “
” ﮐﺎﻡ ﺍﯾﺴﺎ ﮨﮯ ﺑﯿﭩﮯ ﮐﮧ ﺧﻮﺩ ﮨﯽ ﮐﺮﻧﺎ ﮨﮯ ” ﺍﻟﮩﯽٰ ﺑﺨﺶ ﮐﮩﺘﮯ ﮐﮩﺘﮯ ﮨﺎﻧﭗ ﮔﯿﺎ – ” ﻣﺠﮭﮯ ﺷﺎﮦ ﺻﺎﺣﺐ ﺳﮯ ﻣﻠﻨﮯ ﺟﺎﻧﺎ ﮨﮯ ﺑﯿﭩﮯ —- ﮈﯾﺮﮮ ﺩﯼ ﻭﻧﮉ “
” ﻭﮦ ﺗﻮ ﺑﮩﺖ ﺩﻭﺭ ﮨﮯ ﺍﺑﺎ، ﻣﯿﮟ ﺍﻧﮩﯿﮟ ﺑﻼ ﻻﺗﺎ ﮨﻮﮞ “
ﺍﻟﮩﯽٰ ﺑﺨﺶ ﮐﺎ ﮨﺎﺗﮫ ﺍﭨﮭﺎ ﻟﯿﮑﻦ ﺍﺱ ﻧﮯ ﺧﻮﺩ ﮐﻮ ﺭﻭﮎ ﻟﯿﺎ ” ﻧﮩﯿﮟ ﺑﯿﭩﮯ، ﻣﯿﮟ ﮔﺴﺘﺎﺧﯽ ﻧﮩﯿﮟ ﮐﺮ ﺳﮑﺘﺎ – ﺗﻮ ﻧﮯ ﺍﯾﺴﺎ ﺳﻮﭼﺎ ﮐﯿﺴﮯ
” ﺍﺑﺎ ﺗﻤﮩﺎﺭﯼ ﺣﺎﻟﺖ ﺍﯾﺴﯽ ﮨﮯ “
” ﻣﯿﮟ ﺟﺎ ﺳﮑﺘﺎ ﮨﻮﮞ ﺍﻭﺭ ﺟﺎﺅﮞ ﮔﺎ – ﺗﻮ ﻣﺠﮭﮯ ﻟﮯ ﭼﻞ ﺑﯿﭩﮯ ” ﺍﻟﮩﯽٰ ﺑﺨﺶ ﮔﮍ ﮔﮍﺍﻧﮯ ﻟﮕﺎ –
ﻣﺰﻣﻞ ﻧﮯ ﺳﻮﺍﻟﯿﮧ ﻧﻈﺮﻭﮞ ﺳﮯ ﻣﺎﮞ ﮐﻮ ﺩﯾﮑﮭﺎ – ﻋﻤﺮ ﺑﮭﺮ ﺍﻃﺎﻋﺖ ﮐﺮﻧﮯ ﻭﺍﻟﯽ ﺣﺎﺟﺮﮦ ﻧﮯ ﺍﺛﺒﺎﺕ ﻣﯿﮟ ﺳﺮ ﮨﻼﯾﺎ – ﻭﮦ ﺍﻧﮑﺎﺭ ﮐﯿﺴﮯ ﮐﺮ ﺳﮑﺘﯽ ﺗﮭﯽ –
” ﭨﮭﯿﮏ ﮨﮯ ﺍﺑﺎ ﻣﯿﮟ ﮔﺎﮌﯼ ﻟﮯ ﺁﺗﺎ ﮨﻮﮞ “
” ﺑﯿﭩﮯ ﻣﺠﮭﮯ ﭘﯿﺪﻝ ﺟﺎﻧﺎ ﮨﮯ “
ﺑﺎﺩﻝ ﻧﺎﺧﻮﺍﺳﺘﮧ ﻣﺰﻣﻞ ﺍﺳﮯ ﺳﮩﺎﺭﺍ ﺩﮮ ﮐﺮ ﺑﺎﮨﺮ ﻟﮯ ﺁﯾﺎ – ﺍﻟﮩﯽٰ ﺑﺨﺶ ﮐﻮ ﮨﺮ ﭼﻨﺪ ﻗﺪﻡ ﮐﮯ ﺑﻌﺪ ﺭﮐﻨﺎ ﭘﮍﺗﺎ ﺗﮭﺎ – ﮨﺮ ﺑﺎﺭ ﻭﮦ ﺭﮐﺘﺎ ﺗﻮ ﺑﯿﭩﮯ ﮐﮯ ﭼﮩﺮﮮ ﮐﻮ ﻏﻮﺭ ﺳﮯ ﺩﯾﮑﮭﺘﺎ ﻟﯿﮑﻦ ﺳﻌﺎﺩﺕ ﻣﻨﺪ ﺑﯿﭩﮯ ﮐﮯ ﭘﯿﺸﺎﻧﯽ ﭘﺮ ﮐﻮﺋﯽ ﺷﮑﻦ ﺍﻭﺭ ﭼﮩﺮﮮ ﭘﺮ ﺗﮑﺪﺍﺭ ﮐﺎ ﮐﻮﺋﯽ ﺳﺎﯾﮧ ﻧﻈﺮ ﻧﮩﯿﮟ ﺁﯾﺎ –
ﺩﮬﻮﭖ ﭼﮍﮪ ﺭﮨﯽ ﺗﮭﯽ – ﺍﻧﮩﻮﮞ ﻧﮯ ﺁﺩﮬﮯ ﺳﮯ ﮐﭽﮫ ﺯﯾﺎﺩﮦ ﻓﺎﺻﻠﮧ ﻃﮯ ﮐﯿﺎ ﮨﻮ ﮔﺎ ﮐﮧ ﺳﺎﻣﻨﮯ ﺳﮯ ﻓﺮﯾﺪ ﺷﺎﮦ ﺁﺗﮯ ﻧﻈﺮ ﺁﺋﮯ – ﻭﮦ ﺍﻟﮩﯽٰ ﺑﺨﺶ ﺍﻭﺭ ﻣﺰﻣﻞ ﺳﮯ ﻋﯿﺪ ﻣﻠﮯ –
” ﺁﭖ ﮐﮩﺎﮞ ﺟﺎ ﺭﮨﮯ ﮨﯿﮟ ﺑﺎﺟﯽ ﺳﺮﮐﺎﺭ؟ ” ﺍﻟﮩﯽٰ ﺑﺨﺶ ﻧﮯ ﮨﺎﭘﺒﺘﮯ ﮨﻮﺋﮯ ﮐﮩﺎ –
” ﺗﻤﮩﺎﺭﯼ ﮨﯽ ﻃﺮﻑ ﺟﺎ ﺭﮨﺎ ﺗﮭﺎ ﺍﻟﮩﯽٰ ﺑﺨﺶ – ﭘﺘﺎ ﭼﻼ ﺗﮭﺎ ﺗﻢ ﺑﯿﻤﺎﺭ ﮨﻮ “
ﺍﻟﮩﯽٰ ﺑﺨﺶ ﮐﺎ ﺟﺴﻢ ﻟﺮﺯﻧﮯ ﻟﮕﺎ ” – ﻣﺠﮭﮯ ﮔﻨﺎﮨﮕﺎﺭ ﮐﺮ ﺭﮨﮯ ﺗﮭﮯ ﺑﺎﺟﯽ ” ﺍﺱ ﮐﮯ ﻟﮩﺠﮯ ﻣﯿﮟ ﺷﮑﺎﯾﺖ ﺗﮭﯽ –
” ﮐﯿﺴﯽ ﺑﺎﺗﯿﮟ ﮐﺮﺗﮯ ﮨﻮ – ﺍﺱ ﺣﺎﻝ ﻣﯿﮟ ﺗﻢ ﻣﯿﺮﮮ ﭘﺎﺱ ﺁ ﮐﺮ ﺗﻢ ﻣﺠﮭﮯ ﮔﻨﺎﮨﮕﺎﺭ ﮐﺮ ﺭﮨﮯ ﺗﮭﮯ – ﮐﯿﺎ ﻣﯿﮟ ﺗﻢ ﺳﮯ ﻣﻠﻨﮯ ﻧﮩﯿﮟ ﺁ ﺳﮑﺘﺎ “
” ﻣﯿﺮﯼ ﺯﻧﺪﮔﯽ ﻣﯿﮟ ﺗﻮ ﯾﮧ ﻣﻤﮑﻦ ﻧﮩﯿﮟ ﺳﺮﮐﺎﺭ “
” ﺍﺏ ﮐﯿﺎ ﺍﺭﺍﺩﮦ ﮨﮯ “
” ﺁﭖ ﮐﮯ ﺳﺎﺗﮫ ﺁﭖ ﮐﮯ ﮔﮭﺮ ﭼﻠﻮﮞ ﮔﺎ ﺑﺎﺟﯽ “
ﺷﺎﮦ ﻓﺮﯾﺪ ﻧﮯﻣﺤﺒﺖ ﺳﮯ ﺍﺱ ﮐﺎ ﮨﺎﺗﮫ ﺗﮭﺎﻡ ﻟﯿﺎ ” ﺑﮩﺖ ﺿﺪ ﮐﺮﺗﮯ ﮨﻮ – ﭼﻠﻮ، ﻣﯿﮟ ﺗﻤﮩﯿﮟ ﻟﮯ ﮐﺮ ﭼﻠﻮﮞ ﮔﺎ “
ﺍﻟﮩﯽٰ ﺑﺨﺶ ﺍﭼﺎﻧﮏ ﺗﻦ ﮐﺮ ﺳﯿﺪﮬﺎ ﮨﻮ ﮔﯿﺎ ﺍﻭﺭ ﺟﯿﺴﮯ ﺟﺴﻢ ﻣﯿﮟ ﻧﺌﯽ ﺭﻭﺡ ﺩﻭﮌ ﮔﺌﯽ ﮨﻮ ” ﺁﭖ ﻣﯿﺮﺍ ﮨﺎﺗﮫ ﺗﮭﺎﻡ ﮐﺮ ﻣﺠﮭﮯ ﺳﮩﺎﺭﺍ ﺩﮮ ﺭﮨﮯ ﮨﯿﮟ ﺑﺎﺟﯽ “
” ﮨﺎﮞ ﯾﮧ ﻣﯿﺮﺍ ﺣﻖ ﺑﮭﯽ ﮨﮯ ﺍﻭﺭ ﻣﯿﺮﺍ ﻓﺮﺽ ﺑﮭﯽ “
ﺍﻟﮩﯽٰ ﺑﺨﺶ ﻣﺰﻣﻞ ﮐﯽ ﻃﺮﻑ ﻣﮍﺍ ” ﺑﯿﭩﮯ ﺗﻮ ﮔﮭﺮ ﭼﻼ ﺟﺎ – ﺍﺏ ﻣﺠﮭﮯ ﺗﯿﺮﮮ ﺳﮩﺎﺭﮮ ﮐﯽ ﺿﺮﻭﺭﺕ ﻧﮩﯿﮟ ” ﺍﺱ ﮐﮯ ﻟﮩﺠﮯ ﻣﯿﮟ ﺗﻮﺍﻧﺎﺋﯽ ﺗﮭﯽ ” ﺩﻭ ﮔﮭﻨﭩﮯ ﺑﻌﺪ ﺗﻮ ﻣﺠﮭﮯ ﻟﯿﻨﮯ ﺁ ﺟﺎﻧﺎ “
” ﺍﺱ ﮐﯽ ﺿﺮﻭﺭﺕ ﻧﮩﯿﮟ ” ﺷﺎﮦ ﻓﺮﯾﺪ ﻧﮯ ﮐﮩﺎ ” ﻣﯿﮟ ﺍﻟﮩﯽٰ ﺑﺨﺶ ﮐﻮ ﺧﻮﺩ ﻟﮯ ﺁﺅﮞ ﮔﺎ “
ﻣﺰﻣﻞ ﻧﮧ ﭼﺎﮨﺘﮯ ﮨﻮﺋﮯ ﺑﮭﯽ ﻭﺍﭘﺲ ﭼﻼ ﮔﯿﺎ – ﺷﺎﮦ ﻓﺮﯾﺪ، ﺍﻟﮩﯽٰ ﺑﺨﺶ ﮐﻮ ﺳﮩﺎﺭﺍ ﺩﮮ ﮐﺮ ﺍﭘﻨﮯ ﮔﮭﺮ ﺗﮏ ﻻﺋﮯ – ﺍﻧﮩﻮﮞ ﻧﮯ ﭘﻠﻨﮓ ﭘﺮ ﺑﭩﮭﺎﯾﺎ ﺍﻭﺭ ﺗﻮﺍﺿﻊ ﮐﯽ ﻟﯿﮑﻦ ﺍﻥ ﮐﮯ ﺍﺻﺮﺍﺭ ﮐﮯ ﺍﺑﻮﺟﻮﺩ ﺍﻟﮩﯽٰ ﺑﺨﺶ ﻟﯿﭩﻨﮯ ﮐﮯ ﻟﺌﮯ ﺗﯿﺎﺭ ﻧﮩﯿﮟ ﮨﻮﺍ –
” ﺑﺎﺟﯽ ﮐﻞ ﮔﯿﺎﺭﮦ ﺗﺎﺭﯾﺦ ﮨﮯ “
” ﻣﺠﮭﮯ ﯾﺎﺩ ﮨﮯ ﺍﻟﮩﯽٰ ﺑﺨﺶ – ﮨﻤﯿﺸﮧ ﯾﺎﺩ ﺭﮨﺘﺎ ﮨﮯ ” ﺷﺎﮦ ﻓﺮﯾﺪ ﻧﮯ ﮨﻤﯿﺸﮧ ﮐﯽ ﻃﺮﺡ ﮐﮩﺎ –
” ﭘﮭﺮ ﺑﮭﯽ ﺑﺎﺟﯽ، ﻣﯿﺮﺍ ﺗﻮ ﻓﺮﺽ ﮨﮯ ﮐﮧ ﺩﻋﻮﺕ ﺩﯾﻨﮯ ﺁﺅﮞ “
” ﺍﯾﮏ ﺑﺎﺕ ﺑﺘﺎﺅﮞ ﺍﻟﮩﯽٰ ﺑﺨﺶ ” ﺷﺎﮦ ﺻﺎﺣﺐ ﻧﮯ ﮐﮩﺎ ” ﻣﺠﮭﮯ ﺗﻢ ﺳﮯ ﻣﺤﺒﺖ ﮨﻮ ﮔﺌﯽ ﮨﮯ “
ﺍﻟﮩﯽٰ ﺑﺨﺶ ﻧﮯ ﮔﮩﺮﯼ ﺳﺎﻧﺲ ﻟﯽ ” – ﺯﻧﺪﮔﯽ ﮐﺎﻡ ﺁ ﮔﺌﯽ ﺳﺮﮐﺎﺭ، ﻣﻮﺕ ﺁﺳﺎﻥ ﮨﻮ ﮔﺌﯽ ” ﺍﺱ ﻧﮯ ﮐﮩﺎ ﺍﻭﺭ ﭘﮭﻮﭦ ﭘﮭﻮﭦ ﮐﺮ ﺭﻭﻧﮯ ﻟﮕﺎ – ﺩﯾﺮ ﺗﮏ ﺭﻭﺗﺎ ﺭﮨﺎ – ﮨﭽﮑﯿﺎﮞ ﺑﻨﺪﮪ ﮔﺌﯿﮟ ” ﻣﯿﮟ ﺍﺱ ﻗﺎﺑﻞ ﻧﮩﯿﮟ ﺗﮭﺎ ﺑﺎﺟﯽ ﺳﺮﮐﺎﺭ، ﺑﺲ ﺍﻟﻠﮧ ﮐﯿﺪﯾﻦ ﮨﮯ – ﺍﺱ ﮐﺎ ﮐﺮﻡ ﮨﮯ – ﺍﺏ ﻣﺠﮭﮯ ﺯﻧﺪﮔﯽ ﺳﮯ ﮐﭽﮫ ﻧﮩﯿﮟ ﭼﺎﮨﯿﺌﮯ “
ﺳﺠﺎﺩ ﺣﺴﯿﻦ ﻧﮯ ﺍﺳﮯ ﭘﺎﻧﯽ ﻻ ﮐﺮ ﺩﯾﺎ – ﭘﺎﻧﯽ ﭘﯽ ﮐﺮ ﺍﺱ ﮐﯽ ﻃﺒﻌﯿﺖ ﺫﺭﺍ ﺳﻨﺒﮭﻠﯽ – ﻭﮦ ﺩﯾﺮ ﺗﮏ ﺷﺎﮦ ﺻﺎﺣﺐ ﮐﯽ ﺍﺗﯿﮟ ﺳﻨﺘﺎ ﺭﮨﺎ – ﺧﻮﺩ ﻭﮦ ﺑﮩﺖ ﮐﻢ ﺑﻮﻻ ﺍﻭﺭ ﺍﺱ ﻧﮯ ﺍﯾﮏ ﺳﯿﮑﻨﮉ ﮐﮯ ﻟﺌﮯ ﺑﮭﯽ ﭘﯿﭩﮫ ﻧﮩﯿﮟ ﻟﮕﺎﺋﯽ – ﺷﺎﻡ ﮨﻮﺋﯽ ﺗﻮ ﺷﺎﮦ ﺻﺎﺣﺐ ﻧﮯ ﮐﮩﺎ ” ﺍﻟﮩﯽٰ ﺑﺨﺶ ﺍﺏ ﮐﮩﻮ ﺗﻮ ﻣﯿﮟ ﺗﻤﮩﯿﮟ ﮔﮭﺮ ﻟﮯ ﭼﻠﻮﮞ “
ﺍﻟﮩﯽٰ ﺑﺨﺶ ﺍﭨﮫ ﮔﯿﺎ – ﺭﺧﺼﺖ ﮨﻮﺗﮯ ﻭﻗﺖ ﺍﺱ ﻧﮯ ﺷﺎﮦ ﺻﺎﺣﺐ ﮐﮯ ﺑﯿﭩﻮﮞ ﮐﮯ ﮨﺎﺗﮫ ﺑﮍﯼ ﺑﮯ ﺗﺎﺑﯽ ﺳﮯ ﭼﻮﻣﮯ – ﺑﺎﮨﺮ ﻧﮑﻠﺘﮯ ﮨﻮﺋﮯ ﺍﺱ ﻧﮯ ﺩﯾﻮﺍﺭ ﮐﻮ ﺑﮍﯼ ﻣﺤﺒﺖ ﺳﮯ ﭼﮭﻮﺍ – ﺍﺱ ﮐﮯ ﮨﻮﻧﭧ ﯾﻮﮞ ﮨﻠﮯ ﺟﯿﺴﮯ ﺩﯾﻮﺍﺭ ﺳﮯ ﮐﭽﮫ ﮐﮩﮧ ﺭﮨﺎ ﮨﻮ – ﺩﯾﻮﺍﺭ ﭘﺮ ﺭﻧﮓ ﺍﺱ ﮐﺎ ﺗﮭﺎ –
ﺑﺎﮨﺮ ﻧﮑﻼ ﺗﻮ ﻭﮦ ﺟﮭﮑﺎ ﺍﻭﺭ ﺍﺱ ﻧﮯ ﺩﺭﻭﺍﺯﮮ ﮐﯽ ﭼﻮﮐﮭﭧ ﮐﻮ ﭼﮭﻮﺍ – ﺍﺱ ﮐﮯ ﮨﻮﻧﭧ ﭘﮭﺮ ﮨﻠﮯ —– ﺭﺍﺳﺘﮯ ﻣﯿﮟ ﺍﺱ ﻧﮯ ﺷﺎۃ ﺻﺎﺣﺐ ﺳﮯ ﮐﮩﺎ ” ﺍﯾﮏ ﺑﺎﺕ ﻣﯿﮟ ﺑﮭﯽ ﮐﮩﻮﮞ ﺑﺎﺟﯽ “
” ﮐﮩﻮ ﺍﻟﮩﯽٰ ﺑﺨﺶ “
” ﺍﺏ ﺷﺎﯾﺪ ﻣﯿﮟ ﯾﮩﺎﮞ ﮐﺒﮭﯽ ﻧﮧ ﺁﺅﮞ – ﺍﺻﻞ ﻣﯿﮟ، ﻣﯿﮟ ﺁﭖ ﮐﻮ ﺁﺧﺮﯼ ﺳﻼﻡ ﮐﺮﻧﮯ ﺁﯾﺎ ﺗﮭﺎ “-
” ﺍﻟﻠﮧ ﺗﻤﮩﯿﮟ ﺑﮩﺖ ﻋﻤﺮ ﺩﮮ ﺍﻟﮩﯽٰ ﺑﺨﺶ، ﺍﯾﺴﯽ ﺑﺎﺗﯿﮟ ﻧﮩﯿﮟ ﺳﻮﭼﺘﮯ “
ﺍﻟﮩﯽٰ ﺑﺨﺶ ﻧﮯ ﮐﭽﮫ ﻧﮩﯿﮟ ﮐﮩﺎ – ﺍﭘﻨﮯ ﮔﮭﺮ ﭘﮩﻨﭻ ﮐﺮ ﺍﺱ ﻧﮯ ﮐﮩﺎ ” ﺑﺎﺟﯽ ﻣﯿﺮﮮ ﮔﮭﺮ ﻣﯿﮟ ﻧﮩﯿﮟ ﺁﺋﯿﮟ ﮔﮯ؟ “
” ﮐﯿﻮﮞ ﻧﮩﯿﮟ “
ﺍﻟﮩﯽٰ ﺑﺨﺶ ﮐﯽ ﺁﻭﺍﺯ ﺗﻮﺍﻧﺎ ﮨﻮ ﮔﺌﯽ – ﻭﮦ ﭼﯿﺦ ﭼﯿﺦ ﮐﺮ ﺑﯿﭩﻮﮞ ﺍﻭﺭ ﺣﺎﺟﺮﮦ ﮐﻮ ﮨﺪﺍﯾﺎﺕ ﺩﯾﺘﺎ ﺭﮨﺎ ﮐﮧ ﻭﮦ ﺷﺎﮦ ﺻﺎﺣﺐ ﮐﯽ ﺗﻮﺍﺿﻊ ﮐﺮﯾﮟ – ﺷﺎﮦ ﺻﺎﺣﺐ ﻧﮯ ﺑﮭﯽ ﺍﺱ ﺭﻭﺯ ﺗﻌﺮﺽ ﻧﮩﯿﮟ ﮐﯿﺎ – ﺍﻥ ﮐﮯ ﺟﺎﻧﮯ ﮐﮯ ﺑﻌﺪ ﺍﻟﮩﯽٰ ﺑﺨﺶ ﺍﭼﺎﻧﮏ ﻧﮉﮬﺎﻝ ﮨﻮ ﮔﯿﺎ – ﺭﺍﺕ ﮨﻮﺗﮯ ﮨﻮﺗﮯ ﺍﺱ ﮐﯽ ﻃﺒﻌﯿﺖ ﺑﮩﺖ ﺑﮕﮍ ﮔﺌﯽ – ﺑﯿﭩﮯ ﮈﺍﮐﭩﺮ ﮐﻮ ﺑﻼﻧﮯ ﭘﺮ ﻣﺼﺮ ﺗﮭﮯ ﻟﯿﮑﻦ ﺍﺱ ﻧﮯ ﺍﻧﮩﯿﮟ ﺭﻭﮎ ﺩﯾﺎ ” – ﮐﻞ ﺗﮏ ﻣﯿﮟ ﭨﮭﯿﮏ ﻧﮧ ﮨﻮﺍ ﺗﻮ ﮈﺍﮐﭩﺮ ﮐﻮ ﺑﻼﻟﯿﻨﺎ ” ﺍﺱ ﻧﮯ ﮐﮩﺎ ” ﺍﺏ ﺗﻢ ﻟﻮﮒ ﻣﯿﺮﮮ ﭘﺎﺱ ﺑﯿﭩﮭﻮ “
ﺣﺎﺟﺮﮦ ﺍﺱ ﮐﮯ ﭘﺎﺅﮞ ﺩﺑﺎﻧﮯ ﻟﮕﯽ – ﻣﺒﺸﺮ ﺳﺮ ﺳﮩﻼ ﺭﮨﺎ ﺗﮭﺎ ﺍﻭﺭ ﻣﺪﺛﺮ ﻣﺰﻣﻞ ﺍﺱ ﮐﮯ ﮨﺎﺗﮫ ﺳﮩﻼ ﺭﮨﮯ ﺗﮭﮯ –
” ﺩﯾﮑﮭﻮ ﮐﻮﺋﯽ ﻗﯿﺎﻣﺖ ﺗﮏ ﻧﮩﯿﮟ ﺟﯿﺘﺎ – ﮐﻮﺋﯽ ﺳﺎﺭﯼ ﻋﻤﺮ ﺍﭘﻨﻮﮞ ﮐﮯ ﺳﺎﺗﮫ ﻧﮩﯿﮟ ﺭﮨﺘﺎ ” ﺍﺱ ﻧﮯ ﮐﮩﺎ ” – ﻣﯿﺮﯼ ﺑﺎﺗﯿﮟ ﻏﻮﺭ ﺳﮯ ﺳﻨﻮ —- ﺍﻭﺭ ﯾﺎﺩ ﺭﮐﮭﻨﺎ “
ﺣﺎﺟﺮﮦ ﭼﭙﮑﮯ ﭼﭙﮑﮯ ﺭﻭﻧﮯ ﻟﮕﯽ –
” ﺩﯾﮑﮭﻮ ﻟﻮﮒ ﻣﺠﮭﮯ ﭘﮩﺎﮌﯼ ﭘﺮ ﺩﻓﻦ ﮐﺮﻧﺎ ﭼﺎﮨﯿﮟ ﮔﮯ، ﺍﯾﺴﺎ ﻧﮧ ﮨﻮﻧﮯ ﺩﯾﻨﺎ – ﻣﺠﮭﮯ ﮔﺎﺅﮞ ﮐﮯ ﻗﺒﺮﺳﺘﺎﻥ ﻣﯿﮟ ﺩﻓﻦ ﮐﺮﻧﺎ ” ﻭﮦ ﺑﯿﻮﯼ ﺍﻭﺭ ﺑﯿﭩﻮﮞ ﮐﯽ ﮐﯿﻔﯿﺖ ﺳﮯ ﺑﮯ ﻧﯿﺎﺯ ﮐﮩﺘﺎ ﺭﮨﺎ ” – ﻣﯿﺮﺍ ﭘﯿﻐﺎﻡ ﺳﺐ ﮐﻮ ﺩﮮ ﺩﯾﻨﺎ ﮐﮧ ﻣﯿﺮﯼ ﻗﺒﺮ ﭘﺮ ﺻﺮﻑ ﻓﺎﺗﺤﮧ ﭘﮍﮬﯿﮟ – ﺍﺳﮯ ﻣﺰﺍﺭ ﻧﮧ ﺑﻨﺎﺋﯿﮟ – ﺷﺮﮎ ﻧﮧ ﮐﺮﯾﮟ، ﻣﯿﮟ ﮐﺴﯽ ﻗﺎﺑﻞ ﻧﮩﯿﮟ ﺗﮭﺎ، ﺻﺮﻑ ﺩﻝ ﺁﺯﺍﺭﯼ ﺳﮯ ﺑﭽﻨﮯ ﮐﮯ ﻟﺌﮯ ﺟﮭﻮﭨﺎ ﭘﯿﺮ ﺑﻦ ﮔﯿﺎ ﺗﮭﺎ – ﺍﻭﺭ ﻣﯿﺮﮮ ﺑﯿﭩﻮ، ﯾﮩﻠﻨﮕﺮ ﮐﺎ ﺳﻠﺴﻠﮧ ﺑﮭﯽ ﺑﻨﺪ ﮐﺮ ﺩﯾﻨﺎ – ﺍﻭﺭ ﺗﻢ —- ﺗﻤﮩﯿﮟ ﺟﻮ ﻣﯿﮟ ﮨﻤﯿﺸﮧ ﺳﻤﺠﮭﺎﺗﺎ ﺭﮨﺎ ﮨﻮﮞ ﻭﮨﯽ ﮐﺮﻧﺎ، ﻟﻮﮔﻮﮞ ﮐﯽ ﻋﺰﺕ، ﻟﻮﮔﻮﮞ ﺳﮯ ﻣﺤﺒﺖ، ﺳﺎﺩﺍﺕ ﮐﺎ ﺍﺣﺘﺮﺍﻡ، ﺍﻭﺭ ﮨﺎﮞ ﻣﯿﺮﮮ ﮨﺮ ﻣﻌﺎﻣﻠﮯ ﻣﯿﮟ ﺑﺎﺟﯽ ﺳﮯ ﻣﻮﺭﮦ ﮐﺮﻧﺎ — ﺗﻢ ﺳﺐ ﺑﮭﯽ ﻣﯿﺮﯼ ﮐﻮﮨﺘﺎﮨﯿﺎﮞ ﻣﻌﺎﻑ ﮐﺮ ﺩﯾﻨﺎ ﺍﻭﺭ ﺩﻭﺳﺮﻭﮞ ﺳﮯ ﺑﮭﯽ ﮐﮩﻨﺎ ﮐﮧ ﻣﯿﮟ ﻧﮯ ﺳﺐ ﺳﮯ ﻣﻌﺎﻓﯽ ﻣﺎﻧﮕﯽ ﮨﮯ – ﻣﺠﮭﮯ ﻣﻌﺎﻑ ﮐﺮ ﺩﯾﮟ – ﻣﯿﺮﯼ ﻣﻐﻔﺮﺕ ﮐﮯ ﻟﺌﮯ ﺩﻋﺎ ﮐﺮﺗﮯ ﺭﮨﻨﺎ ﺍﻭﺭ ﺩﻭﺳﺮﻭﮞ ﺳﮯ ﺑﮭﯽ ﮐﺮﺍﻧﺎ “-
ﻭﮦ ﮐﮩﺘﮯ ﮐﮩﺘﮯ ﭼﭗ ﮨﻮ ﮔﯿﺎ – ﺩﯾﺮ ﺗﮏ ﭼﭗ ﺭﮨﺎ – ﻣﺒﺸﺮ ﻧﮯ ﺩﯾﮑﮭﺎ ﻭﮦ ﺳﻮ ﮔﯿﺎ – ﺍﺱ ﻧﮯ ﺍﺷﺎﺭﮮ ﺳﮯ ﺩﻭﺳﺮﻭﮞ ﮐﻮ ﺑﺘﺎﯾﺎ – ﺗﯿﻨﻮﮞ ﺑﮭﺎﺋﯽ ﺩﺑﮯ ﻗﺪﻣﻮﮞ ﻭﮨﺎﮞ ﺳﮯ ﮨﭧ ﺁﺋﮯ – ﺻﺮﻑ ﺣﺎﺟﺮﮦ ﺍﺱ ﮐﮯ ﭘﺎﺅﮞ ﺩﺑﺎﺗﯽ ﺭﮨﯽ – ﭘﺎﺅﮞ ﺩﺑﺎﺗﮯ ﺩﺑﺎﺗﮯ ﻭﮦ ﺧﻮﺩ ﺑﮭﯽ ﺳﻮ ﮔﺌﯽ –
ﺻﺒﺢ ﻭﮦ ﺟﺎﮔﯽ ﺗﻮ ﺍﻟﮩﯽٰ ﺑﺨﺶ ﺍﺱ ﻭﻗﺖ ﺑﮭﯽ ﺳﻮ ﺭﮨﺎ ﺗﮭﺎ – ﺍﺱ ﻧﮯ ﺍﭨﮫ ﮐﺮ ﺍﺱ ﮐﺎ ﭼﮩﺮﮦ ﺩﯾﮑﮭﺎ – ﻭﮦ ﺑﮩﺖ ﭘﺮ ﺳﮑﻮﻥ ﺍﻭﺭ ﺻﺤﺖ ﻣﻨﺪ ﻟﮓ ﺭﮨﺎ ﺗﮭﺎ – ﺍﺱ ﮐﮯ ﮨﻮﻧﭩﻮﮞ ﭘﺮ ﺑﮍﯼ ﺧﻮﺑﺼﻮﺭﺕ ﻣﺴﮑﺮﺍﮨﭧ ﺗﮭﯽ، ﺟﯿﺴﮯ ﮐﻮﺋﯽ ﺑﮩﺖ ﺣﺴﯿﻦ ﺧﻮﺍﺏ ﺩﯾﮑﮫ ﺭﮨﺎ ﮨﻮ
ﺣﺎﺟﺮﮦ ﮐﻮ ﺍﺣﺴﺎﺱ ﮨﻮﺍ ﮐﮧ ﻭﮦ ﺑﮯ ﺣﺲ ﻭ ﺣﺮﮐﺖ ﮨﮯ – ﺍﺱ ﻧﮯ ﺍﺱ ﮐﯽ ﭘﯿﺸﺎﻧﯽ ﮐﻮ ﭼﮭﻮ ﮐﺮ ﺩﯾﮑﮭﺎ – ﻭﮦ ﺑﺮﻑ ﺳﮯ ﭨﮭﻨﮉﯼ ﮨﻮ ﺭﮨﯽ ﺗﮭﯽ – ﭘﻨﭽﮭﯽ ﭘﻨﺠﺮﮦ ﺗﻮﮌ ﮐﺮ ﺍﮌ ﭼﮑﺎ ﺗﮭﺎ –
ﻭﮦ ﺫﯼ ﺍﻟﺤﺠﮧ ﮐﯽ ﮔﯿﺎﺭﮦ ﺗﺎﺭﯾﺦ ﺗﮭﯽ ﻟﯿﮑﻦ ﺍﺱ ﺭﻭﺯ ﻟﻨﮓ ﻧﮩﯿﮟ ﮨﻮﺍ – ﻣﺮﯾﺪ ﺁﺋﮯ ﺗﻮ ﺍﺳﯽ ﻟﺌﮯ ﺗﮭﮯ ﻟﯿﮑﻦ ﺍﺱ ﺭﻭﺯ ﺍﻧﮩﯿﮟ ﺑﺲ ﻣﺮﺷﺪ ﮐﻮ ﮐﻨﺪﮬﺎ ﺩﯾﻨﺎ ﺗﮭﺎ – ﺟﻨﺎﺯﮮ ﻣﯿﮟ ﺍﯾﮏ ﺍﯾﺴﺎ ﺟﻮﺍﻥ ﺷﺨﺺ ﺑﮭﯽ ﺗﮭﺎ ﺟﻮ ﺭﻭ ﺭﮨﺎ ﺗﮭﺎ ﭼﯿﺦ ﭼﯿﺦ ﮐﺮ ﮐﮩﮧ ﺭﮨﺎ ﺗﮭﺎ —- ” ﺑﺎﺑﺎ —– ﭘﺎﻧﯽ ﻭﺍﻟﮯ ﺑﺎﺑﺎﺑﺎ —– ﻣﯿﺮﺍ ﺑﭽﮧ ﭨﮭﯿﮏ ﮨﻮ ﮔﯿﺎ ﮨﮯ ﺑﺎﺑﺎ
ﺑﺎﻧﮉﮦ ﺑﭩﻨﮓ ﮐﮯ ﺟﻼﮨﮯ ﺍﻟﮩﯽٰ ﺑﺨﺶ ﮐﯽ ﮐﮩﺎﻧﯽ ﺧﺘﻢ ﮨﻮ ﭼﮑﯽ ﺗﮭﯽ —— ﺍﻟﮩﯽٰ ﺑﺨﺶ ﮐﯽ ﮐﮩﺎﻧﯽ، ﺟﺲ ﮐﺎ ﺧﻤﯿﺮ ﮨﯽ ﻋﺸﻖ ﺳﮯ ﺍﭨﮭﺎ ﺗﮭﺎ !
—————–
ﻟﯿﮑﻦ ﺍﻟﮩﯽٰ ﺑﺨﺶ ﮐﯽ ﮐﮩﺎﻧﯽ ﺍﺏ ﺑﮭﯽ ﺧﺘﻢ ﻧﮩﯿﮟ ﮨﻮﺋﯽ ﺗﮭﯽ۔۔

–**–**–
جاری ہے
——
آپکو یہ ناول کیسا لگا؟
کمنٹس میں اپنی رائے سے ضرور آگاہ کریں۔

Leave a Reply

This site uses Akismet to reduce spam. Learn how your comment data is processed.

Subscribe For Latest Novels

Signup for Novels and get notified when we publish new Novel for free!




%d bloggers like this: