Ishq ka Ain Novel by Aleem ul Haq Haqqi – Episode 8

0
عشق کا عین از علیم الحق حقی – قسط نمبر 8

–**–**–

ﺍﻟﮩﯽٰ ﺑﺨﺶ ﻧﮯ ﺍﺳﮯ ﺣﯿﺮﺕ ﺳﮯ ﺩﯾﮑﮭﺎ – ﻭﮦ ﺍﺱ ﺳﮯ ﺍﺟﺎﺯﺕ ﻣﺎﻧﮓ ﺭﮨﯽ ﺗﮭﯽ ﯾﺎ ﺍﺱ ﮐﺎ ﻣﺰﺍﻕ ﺍﮌﺍ ﺭﮨﯽ ﺗﮭﯽ – ﻟﯿﮑﻦ ﺍﺱ ﮐﮯ ﭼﮩﺮﮮ ﭘﮧ ﮐﻮﺋﯽ ﺍﯾﺴﺎ ﺗﺎﺛﺮ ﻧﮩﯿﻦ ﺗﮭﺎ – ﻭﮦ ﺟﻮﺍﺏ ﻃﻠﺐ ﻧﻈﺮﻭﮞ ﺳﮯ ﺍﺳﮯ ﺩﯾﮑﮫ ﺭﮨﯽ ﺗﮭﯽ – ” ﺧﺪﺍ ﺣﺎﻓﻆ ﺳﺎﺩﯼ ﺑﯽ ﺑﯽ “
” ﻣﯿﺮﯼ ﭼﮭﭩﯽ ﺍﯾﮏ ﺑﺠﮯ ﮨﻮﺗﯽ ﮨﮯ – ﻟﯿﮑﻦ ﮐﺒﮭﯽ ﺩﯾﺮ ﮨﻮﻧﮯ ﻟﮕﮯ ﺗﻤﮩﯿﮟ ﺗﻮ ﺗﯿﺰ ﮈﺭﺍﺋﯿﻮ ﻧﮧ ﮐﺮﻧﺎ – ﻣﯿﮟ ﭘﺎﻧﭻ ﺩﺱ ﻣﻨﭧ ﺍﻧﺘﻄﺎﺭ ﺑﮭﯽ ﮐﺮ ﺳﮑﺘﯽ ﮨﻮﮞ “
” ﺟﯽ ﺳﺎﺩﯼ ﺑﯽ ﺑﯽ “
” ﺍﭼﮭﺎ۔۔۔ ﺧﺪﺍ ﺣﺎﻓﻆ “
ﺍﻟﮩﯽٰ ﺑﺨﺶ ﺍﺳﮯ ﮔﯿﭧ ﮐﯽ ﻃﺮﻑ ﺟﺎﺗﮯ ﺩﯾﮑﮭﺘﺎ ﺭﮨﺎ – ﮐﺘﻨﯽ ﭘﯿﺎﺭﯼ ﻟﮍﮐﯽ ﺗﮭﯽ ﻭﮦ ۔۔۔۔ ﮐﺘﻨﯽ ﻣﭩﮭﺎﺱ ﺗﮭﯽ ﺍﺱ ﮐﮯ ﻟﮩﺠﮯ ﻣﯿﮟ ﺍﻭﺭ ﮐﺘﻨﯽ ﺍﭘﻨﺎﺋﯿﺖ ۔۔۔ ﻟﻮﮒ ﻧﻮﮐﺮﻭﮞ ﺳﮯ ﺍﯾﺴﮯ ﺑﺎﺕ ﺗﻮ ﻧﮩﯿﮟ ﮐﺮﺗﮯ – ﺍﺳﮯ ﺫﺭﺍ ﺑﮭﯽ ﻏﺮﻭﺭ ﻧﮩﯿﻦ ﮨﮯ – ﮐﺎﺵ ۔۔۔۔۔۔۔ ﯾﮧ ﻟﮍﮐﯽ ﺍﯾﺒﭧ ﺁﺑﺎﺩ ﮐﮯ ﮐﺴﯽ ﻏﺮﯾﺐ ﮔﮭﺮﺍﻧﮯ ﮐﯽ ﮨﻮﺗﯽ – ﺍﺳﮯ ﺍﺱ ﮐﯽ ﮐﺘﻨﯽ ﻓﮑﺮ ﺗﮭﯽ ﮐﮧ ﺗﯿﺰ ﮈﺭﺍﺋﯿﻮﻧﮓ ﮐﻮ ﻣﻨﻊ ﮐﺮ ﺭﮨﯽ ﺗﮭﯽ – ﮐﻮﻥ ﺟﺎﻧﮯ، ﺍﺳﮯ ﮈﺭﺍﺋﯿﻮﺭ ﮐﯽ ﻓﮑﺮ ﮨﮯ ﯾﺎ ﺍﭘﻨﯽ ﻧﺌﯽ ﮐﺎﺭ ﮐﯽ –
ﺍﺱ ﮐﮯ ﺍﻧﺪﺭ ﺳﮯ ﮐﺴﯽ ﻧﮯ ﮐﮩﺎ – ﺍﺱ ﺳﮯ ﺁﮔﮯ ﺍﺱ ﺳﮯ ﺳﻮﭼﺎ ﻧﮩﯿﻦ ﮔﯿﺎ – ﺍﺱ ﻧﮯ ﺧﻮﺩ ﮐﻮ ﯾﺎﺩ ﺩﻻﯾﺎ ﮐﮧ ﺳﺎﺩﯼ ﺍﺱ ﮐﮯ ﻟﺌﮯ ﻧﮩﯿﮟ ﮨﮯ – ﮨﮯ ﺗﻮ ﺍﺱ ﺣﺪ ﺗﮏ ﮐﮧ ﻭﮦ ﺍﺱ ﮐﯽ ﺧﻮﺷﺒﻮ ﺳﮯ ﺑﺎﺗﯿﮟ ﮐﺮ ﺳﮑﺘﺎ ﮨﮯ – ﺍﺱ ﮐﯽ ﻗﺮﺑﺖ ﭘﺮ ﺧﻮﺵ ﮨﻮ ﺳﮑﺘﺎ ﮨﮯ – ﺍﺱ ﺳﮯ ﺁﮔﮯ ﺗﻮ ﺍﺱ ﺧﻮﺍﺏ ﺩﯾﮑﮭﻨﮯ ﮐﺎ ﺣﻖ ﺑﮭﯽ ﻧﮩﯿﻦ –
ﻭﮦ ﺍﺳﯽ ﺭﺍﺳﺘﮯ ﺳﮯ ﻭﺍﭘﺲ ﺁ ﮔﯿﺎ، ﺟﺲ ﺳﮯ ﺳﺎﺩﯼ ﺍﺳﮯ ﻻﺋﯽ ﺗﮭﯽ –
ﭨﮭﯿﮏ ﺍﯾﮏ ﺑﺠﮯ ﻭﮦ ﮐﺎﻟﺞ ﭘﮩﻨﭻ ﮔﯿﺎ – ﺳﺎﺩﯼ ﮔﺎﮌﯼ ﻣﯽ ﺁ ﺑﯿﭩﮭﯽ – ﺭﺍﺳﺘﮯ ﻣﯿﮟ ﺍﻥ ﮐﮯ ﺩﺭﻣﯿﺎﻥ ﮐﻮﺋﯽ ﺑﺎﺕ ﻧﮩﯿﮟ ﮨﻮﺋﯽ –
ﺍﮔﻼ ﺭﻭﺯ ﺫﺭﺍ ﻣﺨﺘﻠﻒ ﺗﮭﺎ – ﺳﺎﺩﯼ ﺳﺎﮌﮬﮯ ﺳﺎﺕ ﺑﺠﮯ ﺍﮐﯿﻠﯽ ﺑﺎﮨﺮ ﺁﺋﯽ – ﺍﻟﮩﯽٰ ﺑﺨﺶ ﮔﺎﮌﯼ ﺻﺎﻑ ﮐﺮ ﺭﮨﺎ ﺗﮭﺎ ” ﮔﮉ ﻣﺎﺭﻧﻨﮓ ﺍﻟﮩﯽٰ ﺑﺨﺶ ” ﺳﺎﺩﯼ ﻧﮯ ﮐﮩﺎ – ﺍﻟﮩﯽٰ ﺑﺨﺶ ﺗﮭﻮﮌﺍ ﺣﯿﺮﺍﻥ ﮨﻮﺍ – ﭘﮭﺮ ﺍﺱ ﻧﮯ ﺑﮭﯽ ﺟﻮﺍﺏ ﻣﯿﮟ ﮔﮉ ﻣﺎﺭﻧﻨﮓ ﺳﺎﺩﯼ ﺑﯽ ﺑﯽ ﮐﮩﺎ – ﺍﺱ ﺩﻥ ﮐﮯ ﺑﻌﺪ ﯾﮧ ﻣﻌﻤﻮﻝ ﻣﯿﮟ ﺷﺎﻣﻞ ﮨﻮ ﮔﯿﺎ –
ﺳﺎﺩﯼ ﮔﺎﮌﯼ ﻣﯿﮟ ﺑﯿﭩﮫ ﮔﺌﯽ ﺗﻮ ﺍﻟﮩﯽٰ ﺑﺨﺶ ﮈﺭﺍﺋﯿﻮﻧﮓ ﺳﯿﭧ ﭘﺮ ﺁ ﺑﯿﭩﮭﺎ ” ﭼﻠﯿﮟ ﺳﺎﺩﯼ ﺑﯽ ﺑﯽ “
ﺍﺱ ﻧﮯ ﮐﮩﺎ ﺍﻭﺭ ﺑﻼ ﺍﺭﺍﺩﮦ ﻧﻈﺮﯾﮟ ﺍﭨﮭﺎﺋﯿﮟ – ﻟﯿﮑﻦ ﺁﺋﯿﻨﮯ ﻣﯿﮟ ﺳﺎﺩﯼ ﮐﺎ ﻭﮐﺲ ﺩﯾﮑﮫ ﮐﺮ ﻭﮦ ﮨﮍﺑﮍﺍ ﮔﯿﺎ – ﺳﺎﺩﯼ ﺍﺳﮯ ﮨﯽ ﺩﯾﮑﮫ ﺭﮨﯽ ﺗﮭﯽ –
ﯾﮧ ﮐﯿﺎ؟ ﺍﺱ ﻧﮯ ﺳﻮﭼﺎ – ﭘﮩﻠﮯ ﺗﻮ ﺍﺱ ﮐﯽ ﺳﻤﺠﮫ ﻣﯿﮟ ﮐﭽﮫ ﻧﮩﯿﮟ ﺁﯾﺎ – ﻋﻘﺐ ﻧﻤﺎ ﺷﯿﺸﮯ ﮐﯽ ﭘﻮﺯﯾﺸﻦ ﺗﻮ ﺑﺎﻟﮑﻞ ﮐﻞ ﻭﺍﻟﯽ ﺗﮭﯽ – ﺍﻟﺒﺘﮧ ﺳﺎﺩﯼ ﺍﺱ ﺑﺎﺭ ﺩﻭﺳﺮﮮ ﮐﻮﻧﮯ ﻣﯿﻦ ﯾﭩﮭﯽ ﺗﮭﯽ – ﺍﻟﮩﯽٰ ﺑﺨﺶ ﮐﯽ ﻧﻈﺮﯾﮟ ﺟﮭﮏ ﮔﺌﯿﮟ –
” ﭼﻠﻮ ﺍﻟﮩﯽٰ ﺑﺨﺶ ” ﺳﺎﺩﯼ ﻧﮯ ﺁﮨﺴﺘﮧ ﺳﮯ ﮐﮩﺎ –
ﺍﻟﮩﯽٰ ﺑﺨﺶ ﻧﮯ ﮔﺎﮌﯼ ﺳﭩﺎﺭﭦ ﮐﯽ ﺍﻭﺭ ﺁﮔﮯ ﺑﮍﮬﺎ ﺩﯼ –
ﺍﺱ ﺭﻭﺯ ﺍﻟﮩﯽٰ ﺑﺨﺶ ﻧﮯ ﺟﺐ ﺑﮭﯽ ﻧﻈﺮﯾﮟ ﺍﭨﮭﺎ ﮐﺮ ﻋﻘﺐ ﻧﻤﺎ ﺁﺋﯿﻨﮯ ﻣﯿﮟ ﺩﯾﮑﮭﺎ، ﺳﺎﺩﯼ ﮐﻮ ﮐﮭﮍﮐﯽ ﺳﮯ ﺑﺎﮨﺮ ﮨﯽ ﺩﯾﮑﮭﺘﮯ ﭘﺎﯾﺎ – ﻟﯿﮑﻦ ﮨﺮ ﺑﺎﺭ ﺍﺳﮯ ﯾﮧ ﺍﺣﺴﺎﺱ ﮨﻮﺍ ﮐﮧ ﺍﺱ ﺳﮯ ﭘﮩﻠﮯ ﺳﺎﺩﯼ ﻋﻘﺐ ﻧﻤﺎ ﮨﯽ ﻣﯿﮟ ﺩﯾﮑﮫ ﺭﮨﯽ ﺗﮭﯽ ﺍﻭﺭ ﺍﺱ ﮐﯽ ﻧﻈﺮﯾﮟ ﺍﭨﮭﺘﮯ ﺩﯾﮑﮫ ﮐﺮ ﺍﺱ ﻧﮯ ﺳﺮ ﮔﮭﻤﺎ ﻟﯿﺎ ﮨﮯ –
ﭘﮭﺮ ﺍﭼﺎﻧﮏ ﺳﺎﺩﯼ ﻧﮯ ﭘﻮﭼﮭﺎ ” ﯾﮧ ﺗﻢ ﺑﯿﮏ ﻭﯾﻮ ﻣﺮﺭ ﻣﯿﮟ ﮐﯿﺎ ﺩﯾﮑﮭﺘﮯ ﮨﻮ “
ﺍﻟﮩﯽٰ ﺑﺨﺶ ﺑﻮﮐﮭﻼ ﮔﯿﺎ ” ﺝ ۔۔۔۔۔ﺟﯽ ۔۔۔۔۔۔ ﮐﮏ ۔۔۔۔۔۔ ﮐﭽﮫ ﻧﮩﯿﮟ ۔۔۔۔۔۔ ﮐﭽﮫ ﺑﮭﯽ ﺗﻮ ﻧﮩﯿﻦ “
” ﭘﮭﺮ ﺑﮭﯽ ﮐﭽﮫ ﺗﻮ ﮨﻮ ﮔﺎ “
” ﺑﺲ ﺍﺗﻔﺎﻕ ﺳﮯ ﻧﻈﺮ ﺍﭨﮫ ﺟﺎﺗﯽ ﮨﮯ ” ﺍﻟﮩﯽٰ ﺑﺨﺶ ﻧﮯ ﻣﻌﺬﺭﺕ ﺧﻮﺍﮨﺎﻧﮧ ﻟﮩﺠﮯ ﻣﯽ ﮐﮩﺎ ” ﻭﺭﻧﮧ ﻣﯿﮟ ﺗﻮ ﺍﺱ ﺷﯿﺸﮯ ﮐﻮ ﺩﯾﮑﮭﺘﺎ ﮨﯽ ﻧﮩﯿﻦ “
” ﯾﮧ ﺗﻮ ﺑﮩﺖ ﺑﺮﯼ ﺑﺎﺕ ﮨﮯ – ﭘﮭﺮ ﺗﻢ ﺍﭼﮭﮯ ﮈﺭﺍﺋﯿﻮﺭ ﺗﻮ ﻧﮩﯿﮟ ﮨﻮ ﺳﮑﺘﮯ “
” ﻣﯿﮟ ﺁﭖ ﮐﺎ ﻣﻄﻠﺐ ﻧﮩﯿﮟ ﺳﻤﺠﮭﺎ، ﺳﺎﺩﯼ ﺑﯽ ﺑﯽ “
” ﮔﺎﮌﯼ ﻣﯿﮟ ﯾﮧ ﺷﯿﺸﮧ ﻟﮕﺎ ﮨﺖ ﺗﻮ ﺍﺱ ﮐﺎ ﮐﻮﺋﯽ ﻣﻘﺼﺪ، ﮐﻮﺋﯽ ﺍﺳﺘﻌﻤﺎﻝ ﺑﮭﯽ ﺗﻮ ﮨﻮ ﮔﺎ – ﯾﮧ ﺁﺭﺍﺋﺶ ﮐﮯ ﻟﺌﮯ ﺗﻮ ﻧﮩﯿﮟ ﻧﺎ “!
” ﮨﺎﮞ ﺟﯽ، ﺍﺱ ﺳﮯ ﮈﺭﺍﺋﯿﻮﺭ ﭘﯿﭽﮭﮯ ﺩﯾﮑﮭﺘﺎ ﮨﮯ، ﺍﺱ ﭘﺮ ﻧﻈﺮ ﺭﮐﮭﺘﺎ ﮨﮯ “
” ﭘﺮ ﺗﻢ ﺗﻮ ﭘﯿﭽﮭﮯ ﮐﮯ ﭨﺮﯾﻔﮏ ﭘﺮ ﻧﻈﺮ ﻧﮩﯿﻦ ﺭﮐﮭﺘﮯ “
” ﯾﮧ ﮐﯿﺴﮯ ﻣﻤﮑﻦ ﮨﮯ ﺳﺎﺩﯼ ﺑﯽ ﺑﯽ۔ ﭘﯿﭽﮭﮯ ﮐﮯ ﭨﺮﯾﻔﮏ ﭘﺮ ﻧﻈﺮ ﻧﮧ ﺭﮐﮭﻮ ﺗﻮ ﮐﺴﯽ ﺑﮭﯽ ﻭﻗﺖ ﮐﻮﺋﯽ ﺍﯾﮑﺴﯿﮉﻧﭧ ﮨﻮ ﺟﺎﺋﮯ “
” ﺗﻮ ﺟﺐ ﻣﯿﮟ ﻧﮯ ﭘﻮﭼﮭﺎ ﺗﮭﺎ ﮐﮧ ﺗﻢ ﺍﺱ ﺷﯿﺸﮯ ﻣﯿﮟ ﮐﯿﺎ ﺩﯾﮑﮭﺘﮯ ﮨﻮ ﺗﻮ ﺗﻢ ﻧﮯ ﮐﮩﺎ ﺗﮭﺎ ﮐﮧ ﮐﭽﮫ ﻧﮩﯿﮟ ﺩﯾﮑﮭﺘﮯ ” ﺳﺎﺩﯼ ﻧﮯ ﺷﻮﺥ ﻟﮩﺠﮯ ﻣﯿﮟ ﮐﮩﺎ –
ﺍﺱ ﺑﺎﺭ ﺍﻟﮩﯽٰ ﺑﺨﺶ ﺑﺮﯼ ﻃﺮﺡ ﮔﮍﺑﮍﺍ ﮔﯿﺎ – ” ﻭﮦ ﺟﯽ ﺳﺎﺩﯼ ﺑﯽ ﺑﯽ، ﻣﯿﮟ ﺁﭖ ﮐﯽ ﺑﺎﺕ ﺳﻤﺠﮭﺎ ﮨﯽ ﻧﮩﯿﻦ ﺗﮭﺎ “
” ﻣﯿﮟ ﺗﻮ ﯾﮧ ﮐﮩﮧ ﺭﮨﯽ ﺗﮭﯽ ﮐﮧ ﺗﻢ ﺍﺱ ﺷﯿﺸﯿﮯ ﮐﻮ ﺑﮭﯽ ﺩﯾﮑﮭﺘﮯ ﺭﮨﺎ ﮐﺮﻭ – ﻣﯿﮟ ﻧﮩﯿﮟ ﭼﺎﮨﺘﯽ ﮐﮧ ﮐﻮﺋﯽ ﺣﺎﺩﺛﮧ ﮨﻮ “
” ﺁﭖ ﺑﮯ ﻓﮑﺮ ﺭﮨﯿﮟ ﺳﺎﺩﯼ ﺑﯽ ﺑﯽ “
” ﺍﺱ ﺭﻭﺯ ﺳﺎﺩﯼ ﮐﻮ ﮐﺎﻟﺞ ﭼﮭﻮﮌ ﮐﺮ ﮐﻮﭨﮭﯽ ﻭﺍﭘﺲ ﺁﺗﮯ ﮨﻮﺋﮯ ﺍﻟﮩﯽٰ ﺑﺨﺶ ﺍﺳﯽ ﮔﻔﺘﮕﻮ ﭘﺮ ﺳﻮﭼﺘﺎ ﺭﮨﺎ – ﺍﺏ ﻭﮦ ﺍﺱ ﺷﯿﺸﮯ ﻣﯿﮟ ﺳﺎﺩﯼ ﮐﻮ ﺩﯾﮑﮫ ﺳﮑﺘﺎ ﺗﮭﺎ – ﺍﺳﮯ ﭘﯿﭽﮭﮯ ﮐﮯ ﭨﺮﯾﻔﮏ ﭘﮧ ﺟﻮ ﻧﻈﺮ ﺭﮐﮭﻨﯽ ﺗﮭﯽ –
——————— ٭
ﺧﻮﺷﺒﻮ ﮐﮯ ﺍﺱ ﺳﻔﺮ ﻣﯿﮟ ﺩﻥ ﭘﺮ ﻟﮕﺎ ﮐﺮ ﺍﮌﺗﮯ ﺭﮨﮯ !
ﺍﺏ ﻭﮦ ﺧﺎﻣﻮﺷﯽ ﻣﯿﮟ ﻧﮩﯿﮟ ﮨﻮﺗﺎ ﺗﮭﺎ – ﺍﻥ ﮮ ﺩﺭﻣﯿﺎﻥ ﯾﮑﻄﺮﻓﮧ ﺑﮯ ﺗﮑﻠﻔﯽ ﺍﻭﺭ ﯾﮑﻄﺮﻓﮧ ﮔﻔﺘﮕﻮ ﮐﺎ ﺭﺷﺘﮧ ﻗﺎﺋﻢ ﮨﻮ ﮔﯿﺎ ﺗﮭﺎ – ﯾﮑﻄﺮﻓﮧ ﺍﺱ ﻟﺌﮯ ﮐﮧ ﺍﻟﮩﯽٰ ﺑﺨﺶ ﮐﮯ ﭘﺎﺱ ﮐﮩﻨﮯ ﮐﻮ ﮐﭽﮫ ﺗﮭﺎ ﻧﮧ ﭘﻮﭼﮭﻨﮯ ﮐﻮ – ﺍﺱ ﮐﯽ ﻓﻄﺮﺕ ﻣﯿﮟ ﺗﺠﺴﺲ ﺗﻮ ﺑﮩﺖ ﺗﮭﺎ – ﻟﯿﮑﻦ ﺍﺱ ﻧﮯ ﺍﺱ ﭘﺮ ﻗﺎﺑﻮ ﭘﺎﻧﮯ ﮐﺎ ﻃﺮﯾﻘﮧ ﺟﺎﻥ ﻟﯿﺎ ﺗﮭﺎ – ﯾﮧ ﺗﻮ ﺍﺳﯽ ﻭﻗﺖ ﮨﻮ ﮔﯿﺎ ﺗﮭﺎ، ﺟﺐ ﺑﺎﭖ ﺍﺳﮯ ﻋﺸﻖ ﮐﯽ ﺗﻠﻘﯿﻦ ﮐﯿﺎﮐﺮﺗﺎ ﺗﮭﺎ ﺍﻭﺭ ﻭﮦ ﻣﺰﺍﺣﻤﺖ ﮐﺮﺗﺎ ﺗﮭﺎ – ﺑﺎﺕ ﮐﭽﮫ ﯾﻮﮞ ﮨﮯ ﮐﮧ ﻋﺸﻖ ﺍﺣﺘﺮﺍﻡ ﺳﮑﮭﺎﺗﺎ ﺍﻭﺭ ﺗﺠﺴﺲ ﺍﺣﺘﺮﺍﻡ ﺳﮯ ﺭﻭﮐﺘﺎ ﮨﮯ ۔ ۔ ۔ ۔
ﺑﺎﺕ ﮐﭽﮫ ﯾﻮﮞ ﮨﮯ ﮐﮧ ﻋﺸﻖ ﺍﺣﺘﺮﺍﻡ ﺳﮑﮭﺎﺗﺎ ﮨﮯ ﺍﻭﺭ ﺍﺣﺘﺮﺍﻡ ﺗﺠﺴﺲ ﺳﮯ ﺭﻭﮐﺘﺎ ﮨﮯ –
ﭼﻨﺎﻧﭽﮧ ﺳﺎﺩﯼ ﺳﻮﺍﻝ ﮐﺮﺗﯽ ﺭﮨﺘﯽ ﺗﮭﯽ ﺍﻭﺭ ﻭﮦ ﺟﻮﺍﺏ ﺩﯾﺘﺎ ﺗﮭﺎ – ﺳﻮﺍﻻﺗﺎ ﺳﮯ ﺍﻧﺪﺍﺯﮦ ﮨﻮﺗﺎ ﺗﮭﺎ ﮐﮧ ﺳﺎﺩﯼ ﮐﻮ ﺍﺱ ﮐﮯ ﺑﺎﺭﮮ ﻣﯿﮟ ﺗﺠﺴﺲ ﺑﮩﺖ ﮨﮯ – ﻭﮦ ﺍﺱ ﺳﮯ ﺍﺱ ﮐﮯ ﺷﮩﺮ ﺍﺱ ﮐﮯ ﮔﺎﺅﮞ ﮐﮯ ﺑﺎﺭﮮ ﻣﯿﮟ ﭘﻮﭼﮭﺘﯽ، ﺍﻥ ﮐﮯ ﺭﮨﻦ ﺳﮩﻦ، ﺍﻥ ﮐﮯ ﺭﺳﻢ ﻭ ﺭﻭﺍﺝ ﮐﮯ ﺑﺎﺭﮮ ﻣﯿﮟ ﺳﻮﺍﻝ ﮐﺮﺗﯽ – ﺍﺱ ﮐﮯ ﻟﺌﮯ ﻭﮦ ﺟﯿﺴﮯ ﭘﺮﯾﻮﮞ ﮐﺎ ﺩﯾﺲ ﺗﮭﺎ – ﺑﮩﺖ ﺳﯽ ﺑﺎﺗﻮﮞ ﭘﺮ ﺍﺳﮯ ﯾﻘﯿﻦ ﻧﮧ ﺁﯾﺎ – ﺧﺎﺹ ﻃﻮﺭ ﭘﺮ ﻭﮨﺎﮞ ﮐﮯ ﻣﻌﺎﺷﺮﮮ ﻣﯿﮟ ﻋﻮﺭﺕ ﮐﺎ ﺟﻮ ﻣﻘﺎﻡ ﺍﻭﺭ ﮐﺮﺩﺍﺭ ﺗﮭﺎ ﻭﮦ ﺍﺳﮯ ﺍﺩﺍﺱ ﮐﺮ ﺩﯾﺘﺎ – ﺩﻭﺳﺮﯼ ﻃﺮﻑ ﻭﮦ ﺍﺱ ﻋﻼﻗﮯ ﮐﮯ ﻗﺪﺭﺗﯽ ﺣﺴﻦ ﮐﮯ ﻣﺘﻌﻠﻖ ﺳﻦ ﮐﺮ ﺑﮩﺖ ﺧﻮﺵ ﮨﻮﺗﯽ –
‘ ﮨﺎﺋﮯ ﻭﮦ ﺗﻮ ﺳﭻ ﻣﭻ ﺧﻮﺍﺑﻮﮞ ﮐﯽ ﺳﺮ ﺯﻣﯿﻦ ﮨﮯ “- ﻭﮦ ﮔﮩﺮﯼ ﺳﺎﻧﺲ ﻟﮯ ﮐﺮ ﮐﮩﺘﯽ ” – ﮐﺎﺵ ۔۔۔۔۔ ﻣﯿﮟ ﺑﮭﯽ ﮐﺴﯽ ﺍﯾﺴﯽ ﺟﮕﮧ ﺭﮦ ﺳﮑﺘﯽ “
ﺍﻟﮩﯽٰ ﺑﺨﺶ ﮐﯽ ﺳﻤﺠﮫ ﻣﯿﮟ ﻧﮧ ﺁﺗﺎ ﮐﮧ ﯾﮧ ﺧﻮﺍﺑﻮﮞ ﮐﯽ ﺳﺮ ﺯﻣﯿﻦ ﮐﺎ ﮐﯿﺎ ﻣﻄﻠﺐ ﮨﮯ – ﻭﮦ ﺍﯾﺒﭧ ﺁﺑﺎﺩ ﻣﯿﮟ ﭘﯿﺪﺍ ﮨﻮﺍ ﺗﮭﺎ – ﺍﺱ ﻧﮯ ﺁﻧﮑﮭﯿﮟ ﮨﯽ ﺍﺱ ﺧﻮﺑﺼﻮﺭﺗﯽ ﻣﯿﮟ ﮐﮭﻮﻟﯽ ﺗﮭﯿﮟ – ﺍﺱ ﮐﮯ ﻟﺌﮯ ﻭﮦ ﮐﻮﺋﯽ ﻏﯿﺮ ﻣﻌﻤﻮﻟﯽ ﺑﺎﺕ ﻧﮩﯿﮟ ﺗﮭﯽ – ﺍﺳﮯ ﺗﻮ ﮐﺮﺍﭼﯽ ﺯﯾﺎﺩﮦ ﺍﭼﮭﺎ ﻟﮕﺘﺎ ﺗﮭﺎ ” – ﻭﮨﺎﮞ ﺭﮨﻨﺎ ﺁﺳﺎﻥ ﻧﮩﯿﮟ ﮨﮯ ﺳﺎﺩﯼ ﺑﯽ ﺑﯽ “! ﺍﺱ ﻧﮯ ﮐﮩﺎ –
” ﮐﯿﺎ ﻣﻄﻠﺐ؟ “
” ﻭﮨﺎﮞ ﮐﯽ ﺯﻧﺪﮔﯽ ﺭﻭﻣﯿﻨﭩﮏ ﺑﮩﺖ ﮨﮯ ” ﺍﻟﮩﯽٰ ﺑﺨﺶ ﻧﮯ ﭘﭽﮭﻠﮯ ﺣﻮﺍﻟﮯ ﺳﮯ ﮐﮩﺎ –
” ﻣﯿﻦ ﺍﺏ ﺑﮭﯽ ﻧﮩﯿﮟ ﺳﻤﺠﮭﯽ “
” ﻭﮨﺎﮞ ﺭﻭﺯﮔﺎﺭ ﻧﮩﯿﮟ ﮨﮯ – ﺍﺳﯽ ﻟﺌﮯ ﺗﻮ ﮨﻢ ﻟﻮﮒ ﯾﮩﺎﮞ ﻓﭧ ﭘﺎﺗﮫ ﭘﺮ ﺑﯿﭩﮭﻨﮯ ﮐﻮ ﺍﭘﻨﮯ ﮔﮭﺮ ﭘﺮ ﺗﺮﺟﯿﺢ ﺩﯾﺘﮯ ﮨﯿﮟ – ﻭﮨﺎﮞ ﮐﯽ ﮨﻤﺎﺭﯼ ﺯﻧﺪﮔﯽ ﯾﮩﺎﮞ ﮐﯽ ﺯﻧﺪﮔﯽ ﺳﮯ ﺑﮭﯽ ﺯﯾﺎﺩﮦ ﺭﻭﻣﯿﻨﭩﮏ ﮨﮯ “
ﺳﺎﺩﯼ ﮐﻮ ﻭﮦ ﺣﻮﺍﻟﮧ ﯾﺎﺩ ﺁ ﮔﯿﺎ ﺍﻭﺭ ﻭﮦ ﺷﺮﻣﻨﺪﮦ ﮨﻮ ﮔﺌﯽ – ” ﺗﻤﮩﯿﮟ ﺍﺱ ﺩﻥ ﺑﺮﯼ ﻟﮕﯽ ﺗﮭﯽ ﻣﯿﺮﯼ ﺑﺎﺕ “
” ﻧﮩﯿﮟ ﺳﺎﺩﯼ ﺑﯽ ﺑﯽ ﻣﺠﮭﮯ ﺗﻮ ﺍﭼﮭﺎ ﻟﮕﺎ ﺗﮭﺎ – ﻣﮕﺮ ﻣﯿﮟ ﻧﮯ ﯾﮧ ﺿﺮﻭﺭ ﺳﻮﭼﺎ ﺗﮭﺎ ﮐﮧ ﺁﭖ ﻭﮦ ﺯﻧﺪﮔﯽ ﺧﻮﺩ ﮔﺰﺍﺭﯾﮟ، ﺗﺐ ﺑﮭﯽ ﻭﮦ ﺁﭖ ﮐﻮ ﺭﻭﻣﯿﻨﭩﮏ ﻟﮕﮯ ﮔﯽ؟ “
” ﺑﮩﺖ ﻣﺸﮑﻞ ﺳﻮﺍﻝ ﮨﮯ – ﺷﺎﯾﺪ ﮐﺴﯽ ﺩﻥ ﻣﯿﻦ ﺗﻤﮩﯿﮟ ﺍﺱ ﮐﺎ ﺟﻮﺍﺏ ﺩﮮ ﺳﮑﻮﮞ ” ﺳﺎﺩﯼ ﻧﮯ ﮐﮩﺎ ﺍﻭﺭ ﭘﮭﺮ ﮔﻔﺘﮕﻮ ﮐﺎ ﺭﺥ ﺑﺪﻻ – ” ﺍﺗﻨﺎ ﺧﻮﺑﺼﻮﺭﺕ ﻋﻼﻗﮧ ﮨﮯ ﺗﻤﮩﺎﺭﺍ – ﺍﺱ ﮐﯽ ﻭﺟﮧ ﺳﮯ ﮐﻢ ﺍﺯ ﮐﻢ ﺑﮩﺖ ﺑﮍﯼ ﺑﭽﺖ ﮨﻮﺗﯽ ﮨﻮﮔﯽ “
” ﮐﯿﺴﯽ ﺑﭽﺖ ﺳﺎﺩﯼ ﺑﯽ ﺑﯽ “
” ﺗﻤﮩﺎﺭﯼ ﺷﺎﺩﯼ ﮨﻮ ﮔﺌﯽ ﺗﻮ ﮨﻨﯽ ﻣﻮﻥ ﭘﺮ ﺗﻤﮩﺎﺭﺍ ﺯﯾﺎﺩﮦ ﺧﺮﭼﮧ ﻧﮩﯿﮟ ﮨﻮ ﮔﺎ “
” ﮨﻨﯽ ﻣﻮﻥ – ﯾﮧ ﮐﯿﺎ ﮨﻮﺗﺎ ﮨﮯ؟ “
ﺳﺎﺩﯼ ﮨﻨﯽ ﻣﻮﻥ ﮐﮯ ﻣﺘﻌﻠﻖ ﺳﻤﺠﮭﺎﻧﮯ ﻟﮕﯽ –
” ﮨﻤﺎﺭﮮ ﯾﮩﺎﮞ ﯾﮧ ﺑﮭﯽ ﻧﮩﯿﮟ ﮨﻮﺗﺎ “- ﺍﻟﮩﯽٰ ﺑﺨﺶ ﻧﮯ ﺍﺱ ﮐﯽ ﺑﺎﺕ ﺳﻨﻨﮯ ﮐﮯ ﺑﻌﺪ ﺳﺎﺩﮔﯽ ﺳﮯ ﮐﮩﺎ ” ﮨﻤﺎﺭﮮ ﮨﺎﮞ ﺗﻮ ﻣﯿﺎﮞ ﺑﯿﻮﯼ ﺳﺎﺗﮫ ﺑﮭﯽ ﻧﮩﯿﮟ ﺑﯿﭩﮭﺘﮯ ﮐﺒﮭﯽ – ﺧﻮﺩ ﻣﯿﮟ ﻧﮯ ﺍﺑﺎ ﺍﻭﺭ ﺍﻣﺎﮞ ﮐﯽ ﮐﺒﮭﯽ ﺍﯾﮏ ﺳﺎﺗﮫ ﺑﯿﭩﮭﮯ ﻧﮩﯿﮟ ﺩﯾﮑﮭﺎ “
ﺳﺎﺩﯼ ﺑﮭﻮﻧﭽﮑﺎ ﺭﮦ ﮔﺌﯽ ” ﮐﯿﻮﮞ ﺑﮭﺌﯽ؟ “
” ﮨﻤﺎﺭﮮ ﮨﺎﮞ ﺷﺮﻡ ﻭ ﻟﮭﺎﻅ ﺑﮩﺖ ﮨﮯ – ﮐﻨﺒﮯ ﮐﺎ ﮐﻨﺒﮧ ﺳﺎﺗﮫ ﺭﮨﺘﺎ ﮨﮯ – ﻟﺤﺎﻅ ﺭﮐﮭﻨﺎ ﭘﮍﺗﺎ ﮨﮯ – ﻭﺭﻧﮧ ﻟﻮﮒ ﺑﮯ ﺷﺮﻡ ﮐﮩﺘﮯ ﮨﯿﮟ ﺍﻭﺭ ﺍﯾﺴﮯ ﻟﻮﮔﻮﮞ ﮐﻮ ﺍﭼﮭﺎ ﻧﮩﯿﮟ ﺳﻤﺠﮭﺎ ﺟﺎﺗﺎ “
” ﯾﮧ ﺗﻮ ﮐﻮﺋﯽ ﺍﭼﮭﯽ ﺑﺎﺕ ﻧﮩﯿﮟ ” ﺳﺎﺩﯼ ﻧﮯ ﮐﮩﺎ ” ﻣﯿﮟ ﻧﮯ ﻗﺮﺁﻥ ﭘﺎﮎ ﻣﯿﮟ ﭘﮍﮬﺎ ﮨﮯ ﮐﮧ ﺷﻮﮨﺮ ﺍﻭﺭ ﺑﯿﻮﯼ ﺍﯾﮏ ﺩﻭﺳﺮﮮ ﮐﺎ ﻟﺒﺎﺱ ﮨﯿﮟ – ﺍﺱ ﺳﮯ ﻗﺮﯾﺒﯽ ﮐﻮﺋﯽ ﺭﺷﺘﮧ ﮨﻮ ﮨﯽ ﻧﮩﯿﮟ ﺳﮑﺘﺎ “
ﺍﺱ ﻟﻤﺤﮯ ﺍﻟﮩﯽٰ ﺑﺨﺶ ﮐﻮ ﻭﮦ ﺑﮩﺖ ﺑﮯ ﺷﺮﻡ ﻟﮕﯽ – ﺍﺳﮯ ﺍﻓﺴﻮﺱ ﮨﻮﺍ، ﺍﺱ ﮐﮯ ﺫﮨﻦ ﻣﯿﮟ ﺳﺎﺩﯼ ﮐﺎ ﺟﻮ ﺗﺼﻮﺭ ﺗﮭﺎ ﻭﮦ ﺑﮭﯽ ﻣﺠﺮﻭﺡ ﮨﻮﺍ – ﻟﯿﮑﻦ ﺍﺱ ﻧﮯ ﺣﻮﺍﻟﮧ ﻗﺮﺁﻥ ﭘﺎﮎ ﮐﺎ ﺩﯾﺎ ﺗﮭﺎ – ﭘﮭﺮ ﺑﮭﯽ ﺍﺱ ﮮ ﺩﮬﯿﺮﮮ ﺳﮯ ﮐﮩﺎ ” – ﺍﻟﻠﮧ ﻧﮯ ﺷﺮﻡ ﻭ ﺣﯿﺎ ﮐﻮ ﺑﮭﯽ ﺍﮨﻤﯿﺖ ﺩﯼ ﮨﮯ – ﺍﺱ ﮐﯽ ﺑﮩﺖ ﺗﻠﻘﯿﻦ ﮐﯽ ﮨﮯ – ﺍﻭﺭ ﭘﮭﺮ ﺗﻨﮩﺎﺋﯽ ﺍﻭﺭ ﻣﺤﻔﻞ ﮐﮯ ﺍﻟﮓ ﺍﻟﮓ ﺁﺩﺍﺏ ﮨﻮﺗﮯ ﮨﯿﮟ “
” ﻣﯿﮟ ﺻﺮﻑ ﺍﺱ ﺑﺎﺕ ﭘﺮ ﺍﻋﺘﺮﺍﺽ ﮐﺮ ﺭﮨﯽ ﮨﻮﮞ ﮐﮧ ﻣﯿﺎﮞ ﺑﯿﻮﯼ ﮐﺎ ﺩﻭﺳﺮﻭﮞ ﮐﮯ ﺳﺎﻣﻨﮯ ﺍﯾﮏ ﺩﻭﺳﺮﮮ ﮐﮯ ﺳﺎﺗﮫ ﺑﯿﭩﮭﻨﺎ ﺑﮯ ﺷﺮﻣﯽ ﺗﻮ ﻧﮩﯿﮟ ﮨﻮﺗﺎ – ﺧﯿﺮ، ﯾﮧ ﺗﻤﮩﺎﺭﮮ ﮨﺎﮞ ﮐﺎ ﻗﺎﻋﺪﮦ ﮨﮯ ﺗﻮ ﻣﺠﮭﮯ ﺍﺱ ﺳﻠﺴﻠﮯ ﻣﯿﮟ ﮐﭽﮫ ﻧﮩﯿﮟ ﮐﮩﻨﺎ ﭼﺎﮨﺌﮯ ” ﯾﮧ ﮐﮩﺘﮯ ﮐﮩﺘﮯ ﺳﺎﺩﯼ ﮐﮯ ﻟﮩﺠﮯ ﻣﯿﮟ ﺑﮯ ﺭﺧﯽ ﺁ ﮔﺌﯽ –
ﺍﻟﮩﯽٰ ﺑﺨﺶ ﺧﺎﻣﻮﺵ ﮨﻮ ﮔﯿﺎ – ﺍﺱ ﻧﮯ ﺻﺮﻑ ﻣﺤﺒﺖ ﮐﯽ ﺗﮭﯽ – ﺍﮔﺮ ﺳﺎﺩﯼ ﮐﻮ ﭘﺎﻧﮯ ﮐﯽ ﺁﺭﺯﻭ ﮐﯽ ﮨﻮﺗﯽ ﺗﻮ ﮐﭽﮫ ﺍﺱ ﺳﻤﺠﮭﺎﻧﮯ ﮐﯽ، ﮐﭽﮫ ﺧﻮﺩ ﺳﻤﺠﮭﻨﮯ ﮐﯽ ﮐﻮﺷﺶ ﺑﮭﯽ ﮐﺮﺗﺎ – ﻟﯿﮑﻦ ﺍﯾﮏ ﺗﻮ ﻭﮦ ﺟﺎﻧﺘﺎ ﺗﮭﺎ ﮐﮧ ﻭﮦ ﺯﻣﯿﻦ ﭘﺮ ﮐﮭﮍﺍ ﮨﮯ – ﺟﺒﮑﮧ ﺳﺎﺩﯼ ﺁﺳﻤﺎﻥ ﭘﺮ ﭼﻤﮑﻨﮯ ﻭﺍﻻ ﭼﺎﻧﺪ ﮨﮯ، ﺟﺲ ﺳﮯ ﻭﮦ ﺑﺎﺗﯿﮟ ﮐﺮ ﺳﮑﺘﺎ ﮨﮯ، ﺟﺴﮯ ﻭﮦ ﺩﯾﮑﮫ ﺳﮑﺘﺎ ﮨﮯ ﻟﯿﮑﻦ ﺍﺱ ﺗﮏ ﭘﮩﻨﭻ ﻧﮩﯿﮟ ﺳﮑﺘﺎ – ﺍﺳﮯ ﮨﺎﺗﮫ ﺑﮍﮬﺎ ﮐﺮ ﭼﮭﻮ ﻧﮩﯿﮟ ﺳﮑﺘﺎ – ﺩﻭﺳﺮﮮ ﺍﺳﮯ ﺟﺲ ﻋﺸﻖ ﮐﯽ ﮔﮭﭩﯽ ﭘﻼﺋﯽ ﮔﺌﯽ ﺗﮭﯽ، ﺍﺱ ﻣﯿﮟ ﺻﻠﮯ ﺍﻭﺭ ﻣﺂﻝ ﮐﺎ ﮐﻮﺋﯽ ﺗﺼﻮﺭ ﻧﮩﯿﮟ ﺗﮭﺎ –
ﺳﺎﺩﯼ ﻧﮯ ﺍﺱ ﮐﯽ ﺧﺎﻣﻮﺷﯽ ﮐﻮ ﻧﺎﺭﺍﺿﯽ ﭘﺮ ﻣﺤﻤﻮﻝ ﮐﯿﺎ – ﻭﮦ ﺑﻮﻟﯽ ” ﻧﺎﺭﺍﺽ ﮨﻮ ﮔﺌﮯ ﮨﻮ ﮐﯿﺎ؟ “
” ﻧﮩﯿﮟ ﺳﺎﺩﯼ ﺑﯽ ﺑﯽ، ﺁﭖ ﺳﮯ ﻣﯿﮟ ﮐﺒﮭﯽ ﻧﺎﺭﺍﺽ ﻧﮩﯿﮟ ﮨﻮ ﺳﮑﺘﺎ – ﺁﭖ ﮐﭽﮫ ﺑﮭﯽ ﮐﮩﮧ ﻟﯿﮟ ﮐﭽﮫ ﺑﮭﯽ ﮐﺮ ﻟﯿﮟ “
” ﺑﮩﺖ ﺑﮍﯼ ﺑﺎﺕ ﮐﮩﮧ ﺭﮨﮯ ﮨﻮ – ﮐﺒﮭﯽ ﺍﯾﺴﺎ ﮨﻮﺍ ﺗﻮ ﯾﺎﺩ ﺿﺮﻭﺭ ﺩﻻﺅﮞ ﮔﯽ “
” ﺍﯾﺴﺎ ﮐﺒﮭﯽ ﻧﮩﯿﮟ ﮨﻮ ﮔﺎ ﺳﺎﺩﯼ ﺑﯽ ﺑﯽ ” ﺍﻟﮩﯽٰ ﺑﺨﺶ ﻧﮯ ﺑﮍﮮ ﺍﻋﺘﻤﺎﺩ ﺳﮯ ﮐﮩﺎ –
” ﭼﻠﻮ ۔۔۔۔ ﺩﯾﮑﮭﯿﮟ ﮔﮯ “
ﺍﯾﮏ ﺍﻭﺭ ﻣﻮﻗﻊ ﭘﺮ ﺳﺎﺩﯼ ﻧﮯ ﺍﺱ ﺳﮯ ﭘﻮﭼﮭﺎ ” ﺗﻤﮩﺎﺭﯼ ﺑﯿﻮﯼ ﺑﮭﯽ ﺗﻤﮩﺎﺭﮮ ﺳﺎﺗﮫ ﺍﯾﺴﮯ ﮨﯽ ﺭﮨﮯ ﮔﯽ، ﺟﯿﺴﺎ ﺗﻤﮩﺎﺭﺍ ﻗﺎﻋﺪﮦ ﮨﮯ؟ “
” ﺟﯽ ﺳﺎﺩﯼ ﺑﯽ ﺑﯽ – ﺁﺩﻣﯽ ﺍﭘﻨﮯ ﮨﺎﮞ ﮐﮯ ﺭﻭﺍﺝ ﺗﻮ ﻧﮩﯿﮟ ﺗﻮﮌ ﺳﮑﺘﺎ “
ﺳﻌﺪﯾﮧ ﮐﭽﮫ ﺩﯾﺮ ﺳﻮﭼﺘﯽ ﺭﮨﯽ ” ﺍﻭﺭ ﺟﻮ ﺗﻤﮩﺎﺭﯼ ﺷﺎﺩﯼ ﮐﺴﯽ ﺷﮩﺮﯼ ﻟﮍﮐﯽ ﺳﮯ ﮨﻮ ﮔﺌﯽ ﺗﻮ؟ “
ﺍﻟﮩﯽٰ ﺑﺨﺶ ﮐﯽ ﻧﻈﺮﯾﮟ ﺑﮯ ﺳﺎﺧﺘﮧ ﺍﭨﮭﯿﮟ – ﺍﺱ ﻧﮯ ﻋﻘﺐ ﻧﻤﺎ ﻣﯿﮟ ﺩﯾﮑﮭﺎ – ﺳﺎﺩﯼ ﭘﮩﻠﮯ ﮨﯽ ﺍﺳﮯ ﺩﯾﮑﮫ ﺭﮨﯽ ﺗﮭﯽ – ﺍﯾﮏ ﻟﻤﺤﮯ ﮐﻮ ﺩﻭﻧﻮﮞ ﮐﯽ ﻧﻈﺮﯾﮟ ﻣﻠﯿﮟ – ﭘﮭﺮ ﺍﻟﮩﯽٰ ﺑﺨﺶ ﺳﺎﻣﻨﮯ ﺩﯾﮑﮭﻨﮯ ﻟﮕﺎ –
” ﺗﻢ ﻧﮯ ﺟﻮﺍﺏ ﻧﮩﯿﮟ ﺩﯾﺎ “
” ﯾﮧ ﮐﯿﺴﮯ ﮨﻮ ﺳﮑﺘﺎ ﮨﮯ ﺳﺎﺩﯼ ﺑﯽ ﺑﯽ “
” ﮨﻮ ﮐﯿﻮﮞ ﻧﮩﯿﮟ ﺳﮑﺘﺎ – ﮐﮩﺘﮯ ﮨﯿﮟ ﺟﻮﮌﮮ ﺁﺳﻤﺎﻧﻮﮞ ﭘﺮ ﺑﻨﺘﮯ ﮨﯿﮟ “
” ﻭﮦ ﺗﻮ ﭨﮭﯿﮏ ﮨﮯ ﭘﺮ ﻣﯿﺮﮮ ﺳﺎﺗﮫ ﺍﯾﺴﺎ ﻧﮩﯿﮟ ﮨﻮ ﺳﮑﺘﺎ “
” ﮐﯿﻮﮞ ۔۔۔ ﺗﻤﮩﺎﺭﮮ ﺳﺎﺗﮫ ﮐﯿﻮﮞ ﻧﮩﯿﻦ ﮨﻮ ﺳﮑﺘﺎ “
” ﺑﺲ ﻣﯿﺮﺍ ﺩﻝ ﺑﺘﺎﺗﺎ ﮨﮯ ﮐﮧ ﻣﯿﺮﮮ ﺳﺎﺗﮫ ﺍﯾﺴﺎ ﻧﮩﯿﻦ ﮨﻮ ﮔﺎ ” ﺍﻟﮩﯽٰ ﺑﺨﺶ ﻧﮯ ﭘﻮﺭﯼ ﺳﭽﺎﺋﯽ ﺳﮯ ﮐﮩﺎ – ﺍﺱ ﮐﺎ ﺩﻝ ﻭﺍﻗﻌﯽ ﯾﮩﯽ ﮐﮩﺘﺎ ﺗﮭﺎ –
” ﺍﻭﺭ ﻓﺮﺽ ﮐﺮﻭ ﺍﯾﺴﺎ ﮨﻮ ﮔﯿﺎ – ﭘﮭﺮ؟ “
ﺍﻟﮩﯽٰ ﺑﺨﺶ ﭼﻨﺪ ﻟﻤﺤﮯ ﺳﻮﭼﺘﺎ ﺭﮨﺎ – ﭘﮭﺮ ﺑﻮﻻ ” ﺗﻮ ﺍﺱ ﻟﮍﮐﯽ ﮐﻮ ﻣﯿﺮﮮ ﻟﺌﮯ ﺩﯾﮩﺎﺗﯽ ﺑﻨﻨﺎ ﮨﻮ ﮔﺎ “
” ﺣﺎﻟﻨﮑﮧ ﺗﻤﮩﯿﮟ ﺍﺱ ﮐﯽ ﺧﺎﻃﺮ ﺷﮩﺮﯼ ﺑﻦ ﺟﺎﻧﺎ ﭼﺎﮨﺌﮯ ” ﺳﺎﺩﯼ ﻧﮯ ﮐﮩﺎ ” ﺳﻮﭼﺘﯽ ﮨﻮﮞ، ﺗﻢ ﺷﮩﺮﯼ ﺑﻦ ﮐﺮ ﮐﯿﺴﮯ ﻟﮕﻮ ﮔﮯ “
” ﮐﯿﺴﺎ ﺑﮭﯽ ﻧﮩﯿﮟ ﻟﮕﻮﮞ ﮔﺎ – ﺍﺱ ﻟﺌﮯ ﮐﮧ ﺑﻨﻮﮞ ﮔﺎ ﮨﯽ ﻧﮩﯿﮟ ” ﺍﻟﮩﯽٰ ﺑﺨﺶ ﻧﮯ ﺑﺮﯾﮏ ﻟﮕﺎﺗﮯ ﮨﻮﺋﮯ ﮐﮩﺎ – ﮔﺎﮌﯼ ﮐﺎﻟﺞ ﮐﮯ ﮔﯿﭧ ﮐﮯ ﺳﺎﻣﻨﮯ ﺭﮎ ﮔﺌﯽ –
” ﺍﭼﮭﺎ ﺍﻟﮩﯽٰ ﺑﺨﺶ، ﺧﺪﺍ ﺣﺎﻓﻆ – ﺍﯾﮏ ﺑﺠﮯ “
” ﭨﮭﯿﮏ ﮨﮯ ﺳﺎﺩﯼ ﺑﯽ ﺑﯽ، ﺧﺪﺍ ﺣﺎﻓﻆ “
——————
ﺍﻟﮩﯽٰ ﺑﺨﺶ ﻣﻮﺟﻮﺩﮦ ﻭﻗﺖ ﮐﺎ ﺗﻘﺎﺑﻞ ﺍﺱ ﻭﻗﺖ ﺳﮯ ﮐﺮﺗﺎ، ﺟﺐ ﺍﺱ ﻧﮯ ﺳﺎﺩﯼ ﮐﻮ ﺩﯾﮑﮭﺎ ﺗﮭﺎ – ﺍﺱ ﺳﮯ ﻣﻼ ﻧﮩﯿﮟ ﺗﮭﺎ ﺗﻮ ﺍﺳﮯ ﻣﺤﺴﻮﺱ ﮨﻮﺗﺎ ﺗﮭﺎ ﮐﮧ ﻭﮦ ﺑﮍﮮ ﺧﺴﺎﺭﮮ ﻣﯿﮟ ﮨﮯ – ﺍﺏ ﺳﺎﺩﯼ ﺍﺱ ﮐﯽ ﻧﻈﺮﻭﮞ ﮐﮯ ﺳﺎﻣﻨﮯ ﮨﻮﺗﯽ ﺗﮭﯽ، ﺑﮩﺖ ﻗﺮﯾﺐ ﺑﮭﯽ ﮨﻮﺗﯽ ﺗﮭﯽ – ﻣﮕﺮ ﺍﺱ ﺳﺮﺷﺎﺭﯼ ﮐﯽ ﻭﮦ ﮐﯿﻔﯿﺖ ﻧﮩﯿﮟ ﮨﻮﺗﯽ ﺗﮭﯽ ﺟﺲ ﻣﯿﮟ ﺍﺳﮯ ﮐﭽﮫ ﺑﮭﯽ ﯾﺎﺩ ﻧﮩﯿﮟ ﺭﮨﺘﺎ ﺗﮭﺎ، ﺟﺲ ﻣﯿﮟ ﺑﮭﻮﮎ ﭘﯿﺎﺱ ﮐﺎ ﺍﺣﺴﺎﺱ ﺑﮭﯽ ﻣﭧ ﺟﺎﺗﺎ ﺗﮭﺎ – ﮐﻮﺋﯽ ﺗﮑﻠﯿﻒ، ﺗﮑﻠﯿﻒ ﻧﮩﯿﮟ ﺭﮨﺘﯽ ﺗﮭﯽ – ﻭﮦ ﺧﻮﺵ ﺭﮨﺘﺎ ﺗﮭﺎ – ﺧﻮﺵ ﺍﻭﺭ ﻣﺴﺖ ﺑﮯ ﺧﻮﺩ !
ﺍﺏ ﺍﺱ ﮐﯽ ﺳﻤﺠﮫ ﻣﯿﮟ ﺁ ﺭﮨﺎ ﺗﮭﺎ ﮐﮧ ﻗﺮﺑﺖ ﻣﺤﺒﺖ ﮐﻮ ﮐﻢ ﮐﺮ ﺩﯾﺘﯽ ﮨﮯ ۔
ﺍﺏ ﺍﺱ ﮐﯽ ﺳﻤﺠﮫ ﻣﯿﮟ ﺁ ﺭﮨﺎ ﺗﮭﺎ ﮐﮧ ﻗﺮﺑﺖ ﻣﺤﺒﺖ ﮐﻮ ﮐﻢ ﮐﺮ ﺩﯾﺘﯽ ﮨﮯ – ﻣﺤﺒﻮﺏ ﻧﻈﺮﻭﮞ ﮐﮯ ﺳﺎﻣﻨﮯ ﻧﮧ ﮨﻮ ﺗﻮ ﺍﺱ ﮐﺎ ﺗﺼﻮﺭ ﺑﮍﺍ ﮨﻮﺗﺎ ﮨﮯ – ﺍﺱ ﻣﯿﮟ ﺻﺮﻑ ﺧﻮﺑﯿﺎﮞ ﮨﯽ ﺧﻮﺑﯿﺎﮞ ﮨﻮﺗﯽ ﮨﯿﮟ – ﺍﺱ ﮐﯽ ﺧﺎﻣﯿﻮﮞ ﮐﺎ ﻋﻠﻢ ﻧﮩﯿﮟ ﮨﻮﺗﺎ – ﻟﮩﺬﺍ ﺍﺱ ﮐﺎ ﻣﺮﺗﺒﮧ ﺑﻠﻨﺪ ﮨﯽ ﺭﮨﺘﺎ ﮨﮯ –
ﺗﻮ ﮐﯿﺎ ﺳﺎﺩﯼ ﮐﺎ ﻣﺮﺗﺒﮧ ﮐﻢ ﮨﻮ ﮔﯿﺎ ﮨﮯ؟ ﺍﺱ ﻧﮯ ﺳﻮﭼﺎ ﺍﻭﺭ ﺍﺱ ﺳﻮﺍﻝ ﭘﺮ ﺩﯾﺮ ﺗﮏ ﺳﻮﭼﺘﺎ ﺭﮨﺎ – ﺳﺎﺩﯼ ﮐﺎ ﻣﺮﺗﺒﮧ ﮐﻢ ﻧﮩﯿﻦ ﮨﻮﺍ ﺗﮭﺎ – ﻣﮕﺮ ﯾﮧ ﺗﮭﺎ ﮐﮧ ﭘﮩﻠﮯ ﻭﮦ ﻋﺎﻡ ﺍﻧﺴﺎﻥ ﻧﮩﯿﻦ ﻟﮕﺘﯽ ﺗﮭﯽ – ﺟﯿﺴﮯ ﮐﻮﺋﯽ ﺧﺎﺹ ﮨﺴﺘﯽ ﮨﻮ ۔۔۔۔۔ ﺁﺳﻤﺎﻥ ﺳﮯ ﺍﺗﺮﯼ ﮨﻮﺋﯽ – ﺍﺏ ﻭﮦ ﺍﯾﮏ ﻟﮍﮐﯽ ﻟﮕﺘﯽ ﺗﮭﯽ، ﺟﺲ ﭘﺮ ﻭﮦ ﻧﮑﺘﮧ ﭼﯿﻨﯽ ﺑﮭﯽ ﮐﺮ ﺳﮑﺘﺎ ﺗﮭﺎ –
ﺍﻟﮩﯽٰ ﺑﺨﺶ ﺧﻮﺩ ﮐﻮ ﭨﭩﻮﻟﺘﺎ ﺭﮨﺎ – ﺳﺎﺩﯼ ﺑﮩﺖ ﺍﭼﮭﯽ، ﺑﮩﺖ ﭘﯿﺎﺭﯼ ﻟﮍﮐﯽ ﺗﮭﯽ – ﻣﮕﺮ ﺍﺳﮯ ﯾﮧ ﺑﺎﺕ ﺍﭼﮭﯽ ﻧﮩﯿﮟ ﻟﮕﯽ ﺗﮭﯽ ﮐﮧ ﻭﮦ ﺑﮯ ﺣﺠﺎﺑﺎﻧﮧ ﺍﺱ ﺳﮯ ﮔﻔﺘﮕﻮ ﺑﮭﯽ ﮐﺮ ﻟﯿﺘﯽ ﺗﮭﯽ، ﺟﻮ ﺍﺱ ﮐﮯ ﺧﯿﺎﻝ ﻣﯿﮟ ﻣﻌﯿﻮﺏ ﺗﮭﯽ – ﺑﻠﮑﮧ ﺷﺎﯾﺪ ﻭﮦ ﺍﺱ ﮨﺮ ﻣﻮﺿﻮﻉ ﭘﺮ ﺑﺎﺕ ﮐﺮ ﺳﮑﺘﯽ ﺗﮭﯽ – ﺟﺒﮑﮧ ﺍﯾﺴﺎ ﺻﺮﻑ ﺩﻭﺳﺘﻮﮞ ﮐﮯ ﺩﺭﻣﯿﺎﻥ ﮨﻮ ﺳﮑﺘﺎ ﮨﮯ –
ﯾﮧ ﺳﻮﭼﺘﮯ ﮨﻮﺋﮯ ﺍﻟﮩﯽٰ ﺑﺨﺶ ﮐﻮ ﺧﯿﺎﻝ ﺁﯾﺎ ﮐﮧ ﻭﮦ ﺍﯾﮏ ﺍﮨﻢ ﺑﺎﺕ ﻧﻈﺮ ﺍﻧﺪﺍﺯ ﮐﺮ ﺭﮨﺎ ﮨﮯ – ﯾﮧ ﺍﭘﻨﯽ ﺗﺮﺑﯿﺖ ، ﺍﭘﻨﮯ ﻣﺎﺣﻮﻝ ﺍﻭﺭ ﺍﭘﻨﯽ ﺳﻮﺳﺎﺋﭩﯽ ﮐﮯ ﺭﺳﻢ ﻭ ﺭﻭﺍﺝ ﮐﯽ ﺑﺎﺕ ﮨﻮﺗﯽ ﮨﮯ ﮐﮧ ﮐﯿﺎ ﻣﻌﯿﻮﺏ ﮨﮯ ﺍﻭﺭ ﮐﯿﺎ ﻧﮩﯿﮟ – ﺍﺱ ﺑﻨﯿﺎﺩ ﭘﺮ ﮐﻮﺋﯽ ﮐﺴﯽ ﭘﺮ ﺑﮯ ﺷﺮﻣﯽ ﮐﺎ ﻓﺘﻮﯼٰ ﻧﮩﯿﮟ ﻟﮕﺎ ﺳﮑﺘﺎ – ﯾﻮﮞ ﺗﻮ ﺳﺎﺩﯼ ﺑﮭﯽ ﺍﺱ ﭘﺮ ﺍﻋﺘﺮﺍﺽ ﮐﺮ ﺳﮑﺘﯽ ﮨﮯ – ﻣﺜﻼٰ ﯾﮩﺎﮞ ﺑﯿﺖ ﺍﻟﺨﻼ ﮨﺮ ﮔﮭﺮ ﻣﯿﮟ ﮨﻮﺗﺎ ﮨﮯ – ﺟﺒﮑﮧ ﮔﺎﺅﮞ ﻣﯿﮟ ﻓﺮﻉ ﮬﺎﺟﺖ ﮐﮯ ﻟﺌﮯ ﻟﻮﮒ ﺑﺎﮨﺮ ﺟﺎﺗﮯ ﮨﯿﮟ – ﺷﮩﺮ ﮐﮯ ﻟﻮﮒ ﺍﺳﮯ ﺑﮯ ﺷﺮﻣﯽ ﻗﺮﺍﺭ ﺩﯾﮟ ﮔﮯ – ﺍﻥ ﮐﯽ ﺳﻤﺠﮫ ﻣﯿﮟ ﯾﮧ ﺑﺎﺕ ﻧﮩﯿﮟ ﺁﺋﮯ ﮔﯽ ﮐﮧ ﺍﺗﻨﯽ ﺯﻣﯿﻦ ﮨﻮﺗﮯ ﮨﻮﺋﮯ ﮔﮭﺮ ﻣﯿﮟ ﺑﯿﺖ ﺍﻟﺨﻼ ﮐﯽ ﮔﻨﺠﺎﺋﺶ ﮐﯿﻮﮞ ﻧﮩﯿﮟ ﻧﮑﺎﻟﯽ ﺟﺎ ﺳﮑﺘﯽ ﮨﮯ –
ﭘﮭﺮ ﺍﺳﮯ ﺍﯾﮏ ﺍﻭﺭ ﺧﯿﺎﻝ ﺁﯾﺎ – ﮨﺰﺍﺭﮮ ﻣﯿﮟ ﻧﻮﮐﺮﻭﮞ ﮐﮯ ﺳﺎﺗﮫ ﺍﯾﺴﺎ ﺳﻠﻮﮎ ﺑﮭﯽ ﻧﮩﯿﮟ ﮨﻮﺗﺎ – ﺍﺗﻨﯽ ﺑﮯ ﺗﮑﻠﻔﯽ ﺳﮯ ﺑﺎﺕ ﮐﺮﻧﺎ ﺗﻮ ﺩﻭﺳﺮﯼ ﺑﺎﺕ ﮨﮯ، ﮐﻮﺋﯽ ﻧﻮﮐﺮ ﮐﻮ ﺍﭘﻨﮯ ﭘﺎﺱ ﺑﮭﯽ ﻧﮩﯿﮟ ﺑﭩﮭﺎﺗﺎ – ﻧﻮﮐﺮﻭﮞ ﮐﻮ ﻣﻨﮧ ﮨﯽ ﻧﮩﯿﮟ ﻟﮕﺎﯾﺎ ﺟﺎﺗﺎ – ﺗﻮ ﺟﺐ ﯾﮧ ﺑﺎﺕ ﮨﺰﺍﺭﮮ ﺳﮯ ﻣﺘﺼﺎﺩﻡ ﮨﻮﻧﮯ ﮐﮯ ﺑﺎﻭﺟﻮﺩ ﺍﺳﮯ ﺑﺮﯼ ﻧﮩﯿﮟ ﻟﮕﺘﯽ ﺗﻮ ﺩﻭﺳﺮﯼ ﺑﺎﺗﯿﮟ ﺑﮭﯽ ﺑﺮﯼ ﻧﮩﯿﮟ ﻟﮕﻨﯽ ﭼﺎﮨﺌﯿﮟ –
ﭘﮭﺮ ﺍﺳﮯ ﺍﯾﮏ ﺍﻭﺭ ﺧﯿﺎﻝ ﺁﯾﺎ – ﺍﺳﮯ ﺳﺎﺩﯼ ﺳﮯ ﻣﺤﺒﺖ ﮨﮯ – ﺑﻠﮑﮧ ﻋﺸﻖ ﮨﮯ – ﺗﻮ ﻋﺸﻖ ﺍﻧﺴﺎﻥ ﮐﯽ ﺧﻮﺑﯿﻮﮞ ﺳﮯ ﻧﮩﯿﻦ، ﺧﻮﺩ ﺍﻧﺴﺎﻥ ﺳﮯ ﮨﻮﻧﺎ ﭼﺎﮨﺌﮯ – ﺳﺎﺩﯼ ﮐﯽ ﺑﺪ ﺗﺮﯾﻦ ﺑﺮﺍﺋﯽ ﺳﮯ ﺑﮭﯽ ﺍﺱ ﮐﺎ ﺩﻝ ﺍﺱ ﮐﯽ ﻃﺮﻑ ﺳﮯ ﺑﺮﺍ ﻧﮩﯿﻦ ﮨﻮﻧﺎ ﭼﺎﮨﺌﮯ – ﺍﻭﺭ ﺍﺱ ﻧﮯ ﮐﻮﺋﯽ ﺑﺎﻻ ﺍﺭﺍﺩﮦ ﺗﻮ ﻋﺸﻖ ﻧﮩﯿﻦ ﮐﯿﺎ – ﯾﮧ ﺟﺬﺑﮧ ﺗﻮ ﺍﺱ ﮐﮯ ﺩﻝ ﻣﯿﮟ ﮈﺍﻻ ﮔﯿﺎ ﮨﮯ – ﻧﮩﯿﮟ۔۔۔۔۔۔۔۔۔۔۔ ﺍﺳﮯ ﺳﺎﺩﯼ ﮐﻮ ﮐﺴﯽ ﻗﯿﻤﺖ ﭘﺮ ﺑﺮﺍ ﻧﮩﯿﻦ ﺳﻤﺠﮭﻨﺎ ﭼﺎﮨﺌﮯ ﺍﻭﺭ ﭘﮭﺮ ﮐﻮﻥ ﺟﺎﻧﮯ، ﯾﮧ ﮐﺘﻨﮯ ﺩﻥ ﮐﺎ ﺳﺎﺗﮫ ﮨﮯ – ﺍﺳﮯ ﺗﻮ ﺑﺲ ﺳﺎﺩﯼ ﮐﻮ ﺧﻮﺵ ﮐﺮﻧﺎ ﭼﺎﮨﺌﮯ –
ﻗﺮﯾﺐ ﺁﻧﮯ ﺳﮯ ﺍﯾﮏ ﻧﻘﺼﺎﻥ ﺍﻭﺭ ﮨﻮﺍ ﺗﮭﺎ – ﭘﮩﻠﮯ ﻭﮦ ﺁﻧﮑﮭﯿﮟ ﻣﻮﻧﺪﺗﺎ ﺗﻮ ﻭﮦ ﺍﺱ ﮐﮯ ﺳﺎﻣﻨﮯ ﺁ ﮐﮭﮍﯼ ﮨﻮﺗﯽ ﺗﮭﯽ – ﮔﮭﻨﭩﻮﮞ ﻭﮦ ﺍﺱ ﺳﮯ ﺑﺎﺗﯿﮟ ﮐﺮﺗﺎ ﺗﮭﺎ – ﺑﺎﺗﯿﮟ ﺗﻮ ﻭﮦ ﺍﺏ ﺑﮭﯽ ﮐﺮﺗﯽ ﺗﮭﯽ ﺍﺱ ﺳﮯ – ﻟﯿﮑﻦ ﺍﺱ ﻣﯿﮟ ﻭﮦ ﻟﺬﺕ ﻧﮩﯿﻦ ﺗﮭﯽ – ﭘﮩﻠﮯ ﻭﮦ ﮐﻢ ﺳﻮﺗﺎ ﺗﮭﺎ – ﺳﻮﺗﺎ ﺗﮭﺎ ﺗﻮ ﻭﮦ ﺍﺱ ﮐﮯ ﺧﻮﺍﺏ ﻣﯿﮟ ﺿﺮﻭﺭ ﺁﺗﯽ ﺗﮭﯽ – ﺍﺏ ﻭﮦ ﭘﮩﻠﮯ ﮐﯽ ﻃﺮﺡ ﺳﻮﺗﺎ ﺗﮭﺎ – ﺯﯾﺎﺩﮦ ﺗﺮ ﺧﻮﺍﺑﻮﮞ ﺳﮯ ﻣﺤﺮﻭﻡ ﻧﯿﻨﺪ ﺻﺒﺢ ﺳﻮ ﮐﺮ ﺍﭨﮭﻨﮯ ﻣﯿﮟ ﺑﮭﯽ ﻭﮦ ﻟﺬﺕ ﻧﮩﯿﮟ ﺭﮨﯽ ﺗﮭﯽ –
ﺍﻟﮩﯽٰ ﺑﺨﺶ ﺍﺱ ﻧﺘﯿﺠﮯ ﭘﺮ ﭘﮩﻨﭽﺎ ﮐﮧ ﯾﮧ ﻣﺤﺮﻭﻣﯽ ﺑﮍﯼ ﮨﮯ – ﭘﮭﺮ ﺍﺳﮯ ﺧﯿﺎﻝ ﺁﯾﺎ ﮐﮧ ﻭﮦ ﻧﺎ ﺷﮑﺮﯼ ﮐﺮ ﺭﮨﺎ ﮨﮯ – ﺑﺎﭖ ﺍﺳﮯ ﮨﻤﯿﺸﮧ ﯾﮩﯽ ﺗﻮ ﺳﻤﺠﮭﺎﯾﺎ ﮐﺮﺗﺎ ﺗﮭﺎ ﮐﮧ ﺷﮑﺮ ﮔﺰﺍﺭﯼ ﻧﮧ ﭼﮭﻮﮌﻭ – ﺷﮑﺮﮔﺰﺍﺭﯼ ﮨﮯ ﺗﻮ ﻋﺸﻖ ﺑﮭﯽ ﮐﺮ ﺳﮑﺘﮯ ﮨﻮ – ﻭﮦ ﺩﻝ ﮨﯽ ﺩﻟﻤﯿﮟ ﺗﻮﺑﮧ ﮐﺮﻧﮯ ﻟﮕﺎ – ﺍﺳﮯ ﺗﻮ ﻭﮦ ﻣﻼ ﺗﮭﺎ ﺟﻮ ﺍﺱ ﮐﮯ ﺧﻮﺍﺏ ﻭﺧﯿﺎﻝ ﻣﯿﮟ ﺑﮭﯽ ﻧﮩﯿﮟ ﺗﮭﺎ –
ﺍﺱ ﮐﮯ ﻭﺟﻮﺩ ﻣﯿﮟ ﺷﮑﺮ ﮔﺰﺍﺭﯼ ﻣﻮﺝ ﺩﺭ ﻣﻮﺝ ﺍﻣﮉﻧﮯ ﻟﮕﯽ – ﺍﺗﻨﮯ ﻋﺮﺻﮯ ﻣﯿﮟ ﭘﮩﻠﯽ ﺑﺎﺭ ﺍﺱ ﻧﮯ ﻭﮦ ﺳﺮﺷﺎﺭﯼ ﻣﺤﺴﻮﺱ ﮐﯽ ﺟﻮ ﻣﮩﯿﻨﻮﮞ ﺍﺱ ﮐﺎ ﻣﻌﻤﻮﻝ ﺭﮨﯽ ﺗﮭﯽ –
—————————- ٭
ﺍﺱ ﺭﻭﺯ ﺳﻌﺪﯾﮧ ﮐﺴﯽ ﮔﮩﺮﯼ ﺳﻮﭺ ﻣﯿﻦ ﮔﻢ ﺗﮭﯽ – ﺍﻟﮩﯽٰ ﺑﺨﺶ ﻧﮯ ﮐﺌﯽ ﺑﺎﺭ ﻧﻈﺮﯾﮟ ﺍﭨﮭﺎ ﮐﺮ ﻋﻘﺐ ﻧﻤﺎ ﺷﯿﺸﮯ ﻣﯿﮟ ﺩﯾﮑﮭﺎ – ﻟﯿﮑﻦ ﻭﮦ ﺳﻮﭺ ﻣﯿﮟ ﮔﻢ ﺭﮨﯽ – ﻭﮦ ﺑﮭﯽ ﭘﻮﺭﯼ ﻃﺮﺡ ﮈﺭﺍﺋﯿﻮﻧﮓ ﮐﯽ ﻃﺮﻑ ﻣﺘﻮﺟﮧ ﮨﻮ ﮔﯿﺎ – ﻟﯿﮑﻦ ﺍﺱ ﮐﺎ ﺩﻝ ﭘﺮﯾﺸﺎﻥ ﮨﻮ ﮔﯿﺎ – ﺳﺎﺩﯼ ﭘﺮﯾﺸﺎﻥ ﺗﮭﯽ – ﻟﯿﮑﻦ ﮐﯿﻮﮞ ؟
ﺍﭼﺎﻧﮏ ﺳﻌﺪﯾﮧ ﻧﮯ ﺍﺳﮯ ﭘﮑﺎﺭﺍ – ” ﺍﻟﮩﯽٰ ﺑﺨﺶ ﺍﯾﮏ ﺑﺎﺕ ﭘﻮﭼﮭﻮﮞ – ﺳﭻ ﺳﭻ ﺑﺘﺎﺅ ﮔﮯ؟ “
” ﺳﺎﺩﯼ ﺑﯽ ﺑﯽ ۔۔۔۔ ﻣﯿﮟ ﮐﺒﮭﯽ ﺟﮭﻮﭦ ﻧﮩﯿﮟ ﺑﻮﻟﺘﺎ ” ﺍﻟﮩﯽٰ ﺑﺨﺶ ﻧﮯ ﺳﻨﺠﯿﺪﮔﯽ ﺳﮯ ﮐﮩﺎ –
” ﻟﯿﮑﻦ ﮐﺒﮭﯽ ﺟﮭﻮﭦ ﻧﮧ ﺑﻮﻟﻨﮯ ﻭﺍﻟﮯ ﺑﮭﯽ ﺟﮭﻮﭦ ﺑﻮﻟﻨﮯ ﭘﺮ ﻣﺠﺒﻮﺭ ﮨﻮ ﺟﺎﺗﮯ ﮨﯿﮟ “
” ﭘﺘﺎ ﻧﮩﯿﮟ، ﻣﯿﺮﮮ ﺳﺎﺗﮫ ﺗﻮ ﺁﺝ ﺗﮏ ﺍﯾﺴﺎ ﻧﮩﯿﻦ ﮨﻮﺍ – ﺧﯿﺮ ﺁﭖ ﭘﻮﭼﮭﯿﮟ “
” ﺗﻢ ﻧﮯ ﮐﺒﮭﯽ ﻣﺤﺒﺖ ﮐﯽ ﮨﮯ ﮐﺴﯽ ﺳﮯ؟ “
” ﻣﯿﮟ ﺗﻮ ﻧﺴﻠﯽ ﻋﺎﺷﻖ ﮨﻮﮞ ﺳﺎﺩﯼ ﺑﯽ ﺑﯽ “! ﺍﻟﮩﯽٰ ﺑﺨﺶ ﻧﮯ ﻋﻘﺐ ﻧﻤﺎ ﺷﯿﺸﮯ ﻣﯿﮟ ﺩﯾﮑﮭﺎ – ﺳﺎﺩﯼ ﺣﯿﺮﺍﻥ ﻧﻈﺮ ﺁ ﺭﮨﯽ ﺗﮭﯽ ” – ﮐﯿﺎ ﺑﺎﺕ ﮨﮯ – ﺁﭖ ﮐﻮ ﺍﺗﻨﯽ ﺣﯿﺮﺕ ﮐﯿﻮﮞ ﮨﻮﺋﯽ؟ ” ﺍﺱ ﻧﮯ ﭘﻮﭼﮭﺎ –
” ﻣﺠﮭﮯ ﺍﺱ ﺟﻮﺍﺏ ﮐﯽ ﺗﻮﻗﻊ ﻧﮩﯿﮟ ﺗﮭﯽ – ﺍﻭﺭ ﻭﮦ ﺑﮭﯽ ﺍﻥ ﺍﻟﻔﺎﻅ ﻣﯿﮟ “
” ﺟﻮ ﺳﭻ ﺗﮭﺎ، ﻭﯾﺴﮯ ﮨﯽ ﮐﮩﮧ ﺩﯾﺎ “
” ﺫﺭﺍ ﻭﺿﺎﺣﺖ ﺗﻮ ﮐﺮﻭ “
” ﮨﻤﺎﺭﯼ ﻧﺴﻞ ﮨﯽ ﻣﺤﺒﺖ ﮐﺮﻧﮯ ﻭﺍﻟﯽ ﻧﺴﻞ ﮨﮯ ” ﺍﻟﮩﯽٰ ﺑﺨﺶ ﻧﮯ ﮔﮩﺮﺍ ﺳﺎﻧﺲ ﻟﮯ ﮐﺮ ﮐﮩﺎ ” – ﺍﺑﺎ ﺑﭽﭙﻦ ﮨﯽ ﺳﮯ ﻣﺠﮭﮯ ﻋﺸﻖ ﮐﯽ ﺗﻠﻘﯿﻦ ﮐﺮﺗﮯ ﺗﮭﮯ – ﻟﯿﮑﻦ ﻣﺠﮭﮯ ﻋﺸﻖ ﻧﮩﯿﮟ ﮨﻮﺍ – ﻣﯿﮟ ﻋﺸﻖ ﺳﮯ ﻟﮍﺗﺎ ﺭﮨﺎ – ﻣﺠﮭﮯ ﻋﺸﻖ ﺑﺮﺍ ﻟﮕﺘﺎ ﺗﮭﺎ “
ﺳﺎﺩﯼ ﺍﺏ ﺑﮭﯽ ﺣﯿﺮﺍﻥ ﻧﻈﺮ ﺁ ﺭﮨﯽ ﺗﮭﯽ – ﺍﻟﮩﯽٰ ﺑﺨﺶ ﻧﮯ ﻭﺿﺎﺣﺖ ﮐﺮﺗﮯ ﮨﻮﺋﮯ ﺍﺳﮯ ﺍﭘﻨﮯ ﺟﺪﯼ ﻋﺸﻖ ﮐﮯ ﺑﺎﺭﮮ ﻣﯿﮟ ﺑﺘﺎﯾﺎ
” ﭘﮩﻠﮯ ﺗﻢ ﻧﮯ ﮐﮩﺎ ﮐﮧ ﺗﻢ ﻧﺴﻠﯽ ﻋﺎﺷﻖ ﮨﻮ – ﭘﮭﺮ ﺗﻢ ﻧﮯ ﮐﮩﺎ ﮐﮧ ﺗﻦ ﻋﺸﻖ ﺳﮯ ﻟﮍﺗﮯ ﺭﮨﮯ – ﯾﮧ ﺗﻮ ﻣﺘﻀﺎﺩ ﺑﺎﺕ ﮨﮯ “
” ﮨﺎﮞ ﺳﺎﺩﯼ ﺑﯽ ﺑﯽ، ﻣﯿﮟ ﻟﮍﺗﺎ ﺭﮨﺎ – ﻣﮕﺮ ﺍﺏ ﻋﺸﻖ ﻣﯿﺮﯼ ﺳﻤﺠﮫ ﻣﯿﮟ ﺁﻧﮯ ﻟﮕﺎ ﮨﮯ – ﺍﺏ ﻣﯿﮟ ﻣﺤﺒﺖ ﮐﺮﻧﮯ ﻟﮕﺎ ﮨﻮﮞ “
” ﮐﺲ ﺳﮯ “
” ﻣﺠﮭﮯ ﮨﺮ ﺍﻧﺴﺎﻥ ﺳﮯ ﻣﺤﺒﺖ ﮨﮯ ﺳﺎﺩﯼ ﺑﯽ ﺑﯽ، ﻣﯿﮟ ﻧﮯ ﺳﻤﺠﮫ ﻟﯿﺎ ﮨﮯ ﮐﮧ ﺍﻟﻠﮧ ﺳﮯ ﻋﺸﻖ ﮐﺮﻧﮯ ﮐﯽ ﯾﮩﯽ ﺻﻮﺭﺕ ﮨﮯ “
” ﭘﮭﺮ ﺑﮭﯽ ﯾﮧ ﺑﺘﺎﺅ، ﮐﺲ ﺳﮯ ﻣﺤﺒﺖ ﮐﺮﺗﮯ ﮨﻮ ﺗﻢ “
” ﻣﯿﮟ ﻧﮯ ﺑﺘﺎﯾﺎ ﻧﺎ، ﮨﺮ ﺍﻧﺴﺎﻥ ﺳﮯ – ﻣﺎﮞ ﺑﺎﭖ ﺳﮯ، ﺑﮩﻦ ﺑﮭﺎﺋﯿﻮﮞ ﺳﮯ، ﺭﺷﺘﮯ ﺩﺍﺭﻭﮞ ﺳﮯ، ﺁﭖ ﮐﮯ ﭘﺎﭘﺎ ﺳﮯ، ﮐﺮﻣﻮ ﭼﺎﭼﺎ ﺳﮯ، ﺍﻇﮩﺮ ﺳﮯ، ﺁﭖ ﮐﯽ ﺍﻣﯽ ﺳﮯ ۔۔۔۔۔۔ ﺳﺐ ﺳﮯ ﺳﺎﺩﯼ ﺑﯽ ﺑﯽ “
” ﺍﺩﮬﺮ ﺩﯾﮑﮭﻮ ” ﺳﺎﺩﯼ ﻧﮯ ﮐﮩﺎ – ﺍﻟﮩﯽٰ ﺑﺨﺶ ﻧﮯ ﻋﻘﺐ ﻧﻤﺎ ﺷﯿﺸﮯ ﻣﯿﮟ ﺩﯾﮑﮭﺎ ” ﺗﻢ ﻧﮯ ﻣﯿﺮﺍ ﻧﺎﻡ ﻧﮩﯿﮟ ﻟﯿﺎ – ﺍﺱ ﮐﺎ ﻣﻄﻠﺐ ﮨﮯ، ﻣﯿﮟ ﺑﺎﻟﮑﻞ ﺍﭼﮭﯽ ﻧﮩﯿﮟ ﮨﻮﮞ “
ﺍﻟﮩﯽٰ ﺑﺨﺶ ﻧﮯ ﻧﻈﺮﯾﮟ ﺟﮭﮑﺎ ﻟﯿﮟ ” – ﮐﺴﯽ ﮐﮯ ﻣﻨﮧ ﭘﺮ ﯾﮧ ﮐﮩﻨﺎ ﺟﮭﻮﭨﺎ ﺟﮭﻮﭨﺎ ﻟﮕﺘﺎ ﮨﮯ – ﺍﺱ ﻟﺌﮯ ﻣﯿﮟ ﻧﮯ ﺁﭖ ﮐﺎ ﻧﺎﻡ ﻧﮩﯿﮟ ﻟﯿﺎ ﺗﮭﺎ “
” ﺗﻮ ﺗﻢ ﻣﺠﮭﮯ ﺍﭼﮭﺎ ﺳﻤﺠﮭﺘﮯ ﮨﻮ؟ ﻣﺠﮫ ﺳﮯ ﻣﺤﺒﺖ ﮐﺮﺗﮯ ﮨﻮ؟ “
” ﺟﯽ ﺳﺎﺩﯼ ﺑﯽ ﺑﯽ “
ﺳﺎﺩﯼ ﺷﯿﺸﮯ ﻣﯿﮟ ﺍﺱ ﮐﮯ ﻋﮑﺲ ﮐﻮ ﺑﮩﺖ ﻏﻮﺭ ﺳﮯ ﺩﯾﮑﮫ ﺭﮨﯽ ﺗﮭﯽ – ” ﺍﯾﮏ ﺑﺎﺕ ﺍﻭﺭ – ﺁﺩﻣﯽ ﮨﺮ ﮐﺴﯽ ﺳﮯ ﺑﺮﺍﺑﺮﯼ ﮐﯽ ﻣﺤﺒﺖ ﺗﻮ ﻧﮩﯿﮟ ﮐﺮﺗﺎ، ﮐﺴﯽ ﺳﮯ ﮐﻢ، ﮐﺴﯽ ﺳﮯ ﺯﯾﺎﺩﮦ ﮨﻮﺗﺎ ﮨﮯ – ﯾﮧ ﺑﺘﺎﺅ ﻣﯿﺮﺍ ﮐﻮﻧﺴﺎ ﻧﻤﺒﺮ ﮨﮯ – ﻣﺠﮫ ﺳﮯ ﮐﺘﻨﯽ ﻣﺤﺒﺖ ﮐﺮﺗﮯ ﮨﻮ ﺗﻢ؟ “
” ﯾﮧ ﺑﺘﺎﻧﺎ ﺗﻮ ﻧﺎ ﻣﻤﮑﻦ ﮨﮯ ﺑﯽ ﺑﯽ، ﻣﺤﺒﺖ ﺁﺩﻣﯽ ﻧﮧ ﻣﻦ ﺳﯿﺮ ﭼﮭﭩﺎﻧﮏ ﻣﯿﮟ ﮐﺮﺗﺎ ﮨﮯ، ﻧﮧ ﮔﺰ ﻓﭧ ﺍﻧﭻ ﻣﯿﮟ – ﺳﭻ ﯾﮧ ﮨﮯ ﮐﮧ ﻣﯿﮟ ﺧﺪﺍ ﺍﻭﺭ ﺍﺱ ﮐﮯ ﭘﯿﺎﺭﮮ ﺭﺳﻮﻝﷺ ﺳﮯ ﻋﺸﻖ ﮐﺮﻧﺎ ﭼﺎﮨﺘﺎ ﮨﻮﮞ – ﻣﯿﮟ ﺟﺎﻧﺘﺎ ﮨﻮﮞ ﮐﮧ ﺍﻧﺴﺎﻥ ﺗﻮ ﺑﺲ ﺳﯿﮍﮬﯿﺎﮞ ﮨﯿﮟ “-
ﺳﺎﺩﯼ ﮮ ﺩﯾﮑﮭﺎ ﺗﮭﺎ ﮐﮧ ﺍﺱ ﮐﯽ ﻣﺤﺒﺖ ﮐﮯ ﻧﺎﻡ ﭘﺮ ﺍﻟﮩﯽٰ ﺑﺨﺶ ﮐﮯ ﭼﮩﺮﮮ ﭘﺮ ﺭﻧﮓ ﺩﻭﮌ ﮔﯿﺎ ﺗﮭﺎ ” ﯾﮧ ﺑﺎﺗﯿﮟ ﻣﯿﺮﯼ ﺳﻤﺠﮫ ﻣﯿﮟ ﻧﮩﯿﮟ ﺁﺗﯿﮟ ” ﺍﺱ ﻧﮯ ﮐﮩﺎ ” ﺍﻭﺭ ﻣﯿﮟ ﺍﺱ ﻣﺤﺒﺖ ﮐﯽ ﺑﺎﺕ ﺑﮭﯽ ﻧﮩﯿﮟ ﮐﺮ ﺭﮨﯽ ﺗﮭﯽ۔۔۔۔۔ “
” ﻣﺤﺒﺖ ﺗﻮ ﺑﺲ ﻣﺤﺒﺖ ﮨﻮﺗﯽ ﮨﮯ ۔۔۔۔ ﮐﺴﯽ ﺳﮯ ﺑﮭﯽ ﮨﻮ ” ﺍﻟﮩﯽٰ ﺑﺨﺶ ﻧﮯ ﻓﻠﺴﻔﯿﺎﻧﮧ ﺍﻧﺪﺍﺯ ﻣﯿﮟ ﮐﮩﺎ –
” ﻣﯿﮟ ﺗﻮ ﭘﻮﭼﮫ ﺭﮨﯽ ﮨﻮﮞ ﮐﮧ ﺗﻢ ﻧﮯ ﮐﺒﮭﯽ ﮐﺴﯽ ﻟﮍﮐﯽ ﺳﮯ ﺑﮭﯽ ﻣﺤﺒﺖ ﮐﯽ ۔۔۔۔؟ “
” ﺍﯾﮏ ﺑﺎﺕ ﮐﮩﻮﮞ، ﺑﺮﺍ ﺗﻮ ﻧﮩﯿﮟ ﻣﺎﻧﯿﮟ ﮔﯽ ﺳﺎﺩﯼ ﺑﯽ ﺑﯽ؟ “
” ﮐﮩﻮ،،،، “
” ﯾﮧ ﺗﻮ ﺑﮩﺖ ﺫﺍﺗﯽ ﻧﻮﻋﯿﺖ ﮐﯽ ﺑﺎﺕ ﮨﮯ – ﻧﮧ ﺗﻮ ﮐﺴﯽ ﺳﮯ ﭘﻮﭼﮭﺘﮯ ﮨﻮﮞ، ﻧﮧ ﮐﺴﯽ ﮐﻮ ﺑﺘﺎﺗﮯ ﮨﯿﮟ – ﺍﻭﺭ ﺁﭖ ﻣﺠﮫ ﺳﮯ ﺍﯾﺴﯽ ﺑﺎﺗﯿﮟ ﻧﮩﯿﮟ ﮐﺮﻧﯽ ﭼﺎﮨﯿﺌﮟ “
” ﮐﯿﻮﮞ – ﮐﯿﺎ ﺣﺮﺝ ﮨﮯ ﺍﺱ ﻣﯿﮟ “
” ﺑﺲ ﯾﮧ ﺍﭼﮭﯽ ﺑﺎﺕ ﻧﮩﯿﮟ “
” ﻣﯿﮟ ﺗﻮ ﺑﺲ ﺳﻤﺠﮭﻨﺎ ﭼﺎﮦ ﺭﮨﯽ ﮨﻮﮞ ﮐﮧ ﻣﺤﺒﺖ ﮐﯿﺴﯽ ﮨﻮﺗﯽ ﮨﮯ – ﺗﻢ ﻧﮯ ﻣﻨﻊ ﮐﯿﺎ ﮨﮯ ﺗﻮ ﺁﺋﻨﺪﮦ ﺍﯾﺴﯽ ﺑﺎﺕ ﻧﮩﯿﮟ ﮐﺮﻭﮞ ﮔﯽ “-
ﺍﻟﮩﯽٰ ﺑﺨﺶ ﻧﮯ ﺷﯿﺸﮯ ﻣﯿﮟ ﺍﺳﮯ ﻏﻮﺭ ﺳﮯ ﺩﯾﮑﮭﺎ – ” ﺑﺮﺍ ﺗﻮ ﻧﮩﯿﮟ ﻣﺎﻧﯿﮟ ﺁﭖ؟ “
” ﻧﮩﯿﮟ، ﻏﻠﻂ ﺑﺎﺕ ﭘﺮ ﺗﻢ ﻣﺠﮭﮯ ﭨﻮﮎ ﺳﮑﺘﮯ ﮨﻮ – ﯾﮧ ﺣﻖ ﻣﯿﮟ ﻧﮯ ﺗﻤﮩﯿﮟ ﺩﯾﺎ ﮨﮯ “
ﺍﻟﮩﯽٰ ﺑﺨﺶ ﺣﯿﺮﺕ ﻣﯿﮟ ﮈﻭﺏ ﮔﯿﺎ –
‘ ﮔﮉ ﻣﺎﺭﻧﻨﮓ ﺍﻟﮩﯽٰ ﺑﺨﺶ “
” ﮔﮉ ﻣﺎﺭﻧﻨﮓ ﺳﺎﺩﯼ ﺑﯽ ﺑﯽ “
ﺍﺱ ﺻﺒﺢ ﺍﻟﮩﯽٰ ﺑﺨﺶ ﮐﻮ ﺍﺣﺴﺎﺱ ﮨﻮﺍ ﮐﮧ ﺳﺎﺩﯼ ﺑﮩﺖ ﺧﻮﺵ ﮨﮯ – ﺍﺱ ﮐﯽ ﺁﻧﮑﮭﯿﮟ ﭼﻤﮏ ﺭﮨﯽ ﺗﮭﯿﮟ – ﺍﺱ ﮐﯽ ﺁﻭﺍﺯ ﻣﯿﮟ ﭼﮩﮑﺎﺭ ﺗﮭﯽ – ﻭﮦ ﺍﺩﮬﺮ ﺍﺩﮬﺮ ﮐﯽ ﺑﺎﺗﯿﮟ ﮐﺮﺗﯽ ﺭﮨﯿﮟ –
” ﺁﺝ ﺁﭖ ﺑﮩﺖ ﺧﻮﺵ ﮨﯿﮟ ﺳﺎﺩﯼ ﺑﯽ ﺑﯽ؟ ” ﺍﻟﮩﯽٰ ﺑﺨﺶ ﻧﮯ ﭘﻮﭼﮭﺎ –
” ﻣﯿﮟ ﮨﺮ ﺻﺒﺢ ﺑﮩﺖ ﺧﻮﺵ ﮨﻮﺗﯽ ﮨﻮﮞ “
” ﻟﯿﮑﻦ ﺁﺝ ﮨﻤﯿﺸﮧ ﺳﮯ ﺯﯾﺎﺩﮦ ﺧﻮﺵ ﮨﯿﮟ “
” ﮨﺎﮞ، ﺁﺝ ﻣﻮﺳﻢ ﺑﮩﺎﺭ ﮐﺎ ﭘﮩﻼ ﮔﻼﺏ ﮐﮭﻼ ﮨﮯ “
ﺍﻟﮩﯽٰ ﺑﺨﺶ ﮐﺎ ﺩﻝ ﺟﯿﺴﮯ ﮐﺴﯽ ﻧﮯ ﻣﭩﮭﯽ ﻣﯿﮟ ﺑﮭﯿﻨﭻ ﻟﯿﺎ – ﺍﺳﮯ ﯾﺎﺩ ﮨﯽ ﻧﮩﯿﮟ ﺗﮭﺎ – ﮐﺐ ﺳﮯ ﺍﺳﮯ ﮔﮭﺮ ﯾﺎﺩ ﻧﮩﯿﮟ ﺁﯾﺎ ﺗﮭﺎ – ﻧﮧ ﮔﮭﺮ، ﻧﮧ ﺍﭘﻨﮯ ﻋﻼﻗﮯ ﮐﮯ ﻣﻮﺳﻢ – ﻓﭧ ﭘﺎﺗﮫ ﭘﺮ ﺗﮭﺎ ﺗﻮ ﮨﻤﯿﺸﮧ ﺍﯾﺒﭧ ﺁﺑﺎﺩ ﮐﻮ ﯾﺎﺩ ﮐﺮﺗﺎ ﺭﮨﺘﺎ – ﺍﺏ ۔۔۔۔۔ ﺍﺏ ﺍﺳﮯ ﺧﯿﺎﻝ ﺑﮭﯽ ﻧﮩﯿﮟ ﺁﯾﺎ ﮐﮧ ﺑﮩﺎﺭ ﺁ ﮔﺌﯽ ﮨﮯ –
” ﮐﯿﺎ ﺑﺎﺕ ﮨﮯ، ﺗﻢ ﺍﺩﺍﺱ ﮨﻮ ﮔﺌﮯ “
” ﺑﮩﺎﺭ ﻧﮯ ﺍﺩﺍﺱ ﮐﺮ ﺩﯾﺎ ﮨﮯ – ﮐﺎﺵ ۔۔۔۔۔ ﻣﯿﮟ ﺍﭘﻨﯽ ﻃﺮﻑ ﮐﯽ ﺑﮩﺎﺭ ﺁﭖ ﮐﻮ ﺩﮐﮭﺎ ﺳﮑﺘﺎ – ﮨﻤﺎﺭﮮ ﮨﺎﮞ ﺑﮩﺖ ﺑﮍﮮ ﮔﻼﺏ ﮐﮭﻠﺘﮯ ﮨﯿﮟ – ﺍﯾﺴﮯ ﮐﮧ ﮨﺎﺗﮭﻮﮞ ﮐﮯ ﭘﯿﺎﻟﮯ ﮐﻮ ﺍﯾﮏ ﮨﯽ ﮔﻼﺏ ﺑﮭﺮ ﺩﮮ “
” ﺗﻤﮩﯿﮟ ﮔﮭﺮ ﯾﺎﺩ ﺁﺗﺎ ﮨﮯ ﺗﻮ ﭼﮭﭩﯽ ﻟﮯ ﮐﺮ ﮐﭽﮫ ﺩﻥ ﮐﮯ ﻟﺌﮯ ﮔﮭﺮ ﮐﯿﻮﮞ ﻧﮩﯿﮟ ﭼﻠﮯ ﺟﺎﺗﮯ “
” ﺩﻝ ﮨﯽ ﻧﮩﯿﮟ ﭼﺎﮨﺘﺎ ﺟﺎﻧﮯ ﮐﻮ “
ﮐﭽﮫ ﺩﯾﺮ ﺧﺎﻣﻮﺷﯽ ﺭﮨﯽ – ﭘﮭﺮ ﺳﺎﺩﯼ ﻧﮯ ﮐﮩﺎ ” ﻣﯿﺮﯼ ﺍﯾﮏ ﺑﺎﺕ ﻣﺎﻧﻮ ﮔﮯ “
” ﮐﯿﻮﮞ ﻧﮩﯿﮟ – ﺁﭖ ﮐﮩﯿﮟ ﺗﻮ “
” ﻣﺠﮭﮯ ﮈﺭ ﮨﮯ ﮐﮧ ﻧﮩﯿﮟ ﻣﺎﻧﻮ ﮔﮯﺍﻭﺭ ﺷﺎﯾﺪ ﺑﺮﺍ ﺑﮭﯽ ﻣﺎﻥ ﺟﺎﺅ ﮔﮯ “
ﺍﺱ ﭘﺮ ﺍﻟﮩﯽٰ ﺑﺨﺶ ﭼﻮﮐﻨﺎ ﮨﻮ ﮔﯿﺎ – ” ﻣﯿﮟ ﺗﻮ ﻧﻮﮐﺮ ﺁﺩﻣﯽ ﮨﻮﮞ ﺳﺎﺩﯼ ﺑﯽ ﺑﯽ، ﭘﮭﺮ ﺍﯾﺴﯽ ﮐﻮﺋﯽ ﺑﺎﺕ ﮨﮯ ﺗﻮ ﻣﺠﮫ ﺳﮯ ﮐﮩﯿﮟ ﮨﯽ ﻧﮩﯿﮟ “
” ﮐﮩﻨﯽ ﺑﮭﯽ ﺿﺮﻭﺭﯼ ﮨﮯ “
” ﺫﺭﺍ ﮔﺎﮌﯼ ﺳﺎﺋﯿﮉ ﻣﯿﮟ ﺭﻭﮐﻮ ” ﺳﺎﺩﯼ ﻧﮯ ﻓﺮﻣﺎﺋﺶ ﮐﯽ –
ﺍﻟﮩﯽٰ ﺑﺨﺶ ﻧﮯ ﻣﻮﻗﻊ ﺩﯾﮑﮫ ﮐﺮ ﮔﺎﮌﯼ ﺍﯾﮏ ﻃﺮﻑ ﻟﮕﺎ ﺩﯼ – ﻟﯿﮑﻦ ﻭﮦ ﺍﻧﺪﺭ ﮨﯽ ﺍﻧﺪﺭ ﭘﺮﯾﺸﺎﻥ ﺗﮭﺎ ﮐﮧ ﺍﯾﺴﯽ ﮐﻮﻥ ﺳﯽ ﺑﺎﺕ ﮨﮯ، ﺟﺲ ﮐﮯ ﻟﺌﮯ ﮔﺎﮌﯼ ﺭﮐﻮﺍﺋﯽ ﮔﺌﯽ ﮨﮯ ” – ﺟﯽ ﺳﺎﺩﯼ ﺑﯽ ﺑﯽ؟ ” ﺍﺱ ﻧﮯ ﺷﯿﺸﮯ ﻣﯿﮟ ﺳﺎﺩﯼ ﮐﮯ ﻋﮑﺲ ﮐﻮ ﺩﯾﮑﮭﺘﮯ ﮨﻮﺋﮯ ﮐﮩﺎ –
ﺳﺎﺩﯼ ﻧﮯ ﺍﭘﻨﮯ ﭘﺮﺱ ﻣﯿﮟ ﺳﮯ ﮐﭽﮫ ﻧﻮﭦ ﻧﮑﺎﻟﮯ ﺍﻭﺭ ﺍﺱ ﮐﯽ ﻃﺮﻑ ﺑﮍﮬﺎﺋﮯ ” ﯾﮧ ﻟﻮ، ﺍﺱ ﮐﮯ ﺑﻌﺪ ﻣﯿﮟ ﺗﻢ ﺳﮯ ﮐﭽﮫ ﮐﮩﻮﮞ ﮔﯽ “
ﺍﻟﮩﯽٰ ﺑﺨﺶ ﻧﮯ ﺑﮯ ﺳﺎﺧﺘﮧ ﮨﺎﺗﮫ ﺑﮍﮬﺎ ﮐﺮ ﻧﻮﭦ ﺗﮭﺎﻡ ﻟﺌﮯ – ﻣﮕﺮ ﭘﮭﺮ ﻭﮦ ﭘﺮ ﺳﮑﻮﻥ ﮨﻮ ﮔﯿﺎ – ” ﯾﮧ ﮐﺲ ﻟﺌﮯ ﺳﺎﺩﯼ ﺑﯽ ﺑﯽ “
” ﻣﯿﮟ ﭼﺎﮨﺘﯽ ﮨﻮﮞ ﮐﮧ ﺗﻢ ﺑﮩﺖ ﺍﭼﮭﯽ ﭘﯿﻨﭧ ﺷﺮﭦ، ﺑﮩﺖ ﺍﭼﮭﮯ ﺷﻮﺯ ﺧﺮﯾﺪﻭ – ﻣﯿﮟ ﭼﺎﮨﺘﯽ ﮨﻮﮞ ﮐﮧ ﮐﻞ ﺻﺒﺢ ﺗﻢ ﻧﺌﮯ ﮐﭙﮍﮮ ﭘﮩﻦ ﮐﺮ ﺑﺎﮨﺮ ﺁﺅ “
ﺍﻟﮩﯽٰ ﺑﺨﺶ ﮐﮯ ﭼﮩﺮﮮ ﮐﯽ ﺭﻧﮕﺖ ﻣﺘﻐﯿﺮ ﮨﻮ ﮔﺌﯽ ” – ﺳﺎﺩﯼ ﺑﯽ ﺑﯽ، ﭘﯿﺴﮯ ﻣﯿﺮﮮ ﭘﺎﺱ ﺑﮭﯽ ﮨﯿﮟ – ﭘﻮﺭﯼ ﺗﻨﺨﻮﺍﮦ ﺑﭻ ﺟﺎﺗﯽ ﮨﮯ ﻣﯿﺮﯼ – ﮐﻮﺋﯽ ﺧﺮﭺ ﮨﮯ ﮨﯽ ﻧﮩﯿﮟ “
” ﻣﯿﮟ ﺟﺎﻧﺘﯽ ﮨﻮﮞ ﻟﯿﮑﻦ ﯾﮧ ﻣﯿﺮﯼ ﺧﻮﺍﺋﺶ ﮨﮯ “
” ﻣﺠﮭﮯ ﺍﻓﺴﻮﺱ ﮨﮯ ﺳﺎﺩﯼ ﺑﯽ ﺑﯽ، ﯾﮧ ﻣﯿﮟ ﻧﮩﯿﮟ ﮐﺮ ﺳﮑﺘﺎ ” ﺍﻟﮩﯽٰ ﺑﺨﺶ ﻧﮯ ﻧﻮﭦ ﭘﭽﮭﻠﯽ ﺳﯿﭧ ﭘﺮ ﮔﺮﺍ ﺩﺋﯿﮯ –
” ﮐﯿﻮﮞ ﻧﮩﯿﮟ ﮐﺮ ﺳﮑﺘﮯ “
” ﻣﯿﮟ ﻧﮯ ﻗﻤﯿﺺ ﭘﺘﻠﻮﻥ ﮐﺒﮭﯽ ﻧﮩﯿﮟ ﭘﮩﻨﯽ – ﻣﺠﮭﮯ ﻋﺠﯿﺐ ﺳﺎ ﻟﮕﮯ ﮔﺎ – ﺗﻤﺎﺷﺎ ﺑﻨﻨﮯ ﮐﺎ ﺍﺣﺴﺎﺱ ﮨﻮ ﮔﺎ ﻣﺠﮭﮯ – ﯾﮧ ﻣﺠﮫ ﺳﮯ ﻧﮩﯿﮟ ﮨﻮ ﮔﺎ ﺳﺎﺩﯼ ﺑﯽ ﺑﯽ “
” ﻣﺎﻥ ﺟﺎﺅ ﻧﺎ “
” ﻧﮩﯿﮟ ﻣﺎﻥ ﺳﮑﺘﺎ ﺳﺎﺩﯼ ﺑﯽ ﺑﯽ، ﺁﭖ ﯾﮧ ﭘﯿﺴﮯ ﺭﮐﮫ ﻟﯿﮟ ” ﺍﻟﮩﯽٰ ﺑﺨﺶ ﻧﮯ ﻋﺎﺟﺰﯼ ﺳﮯ ﮐﮩﺎ –
” ﺁﺗﻨﯽ ﺳﯽ ﺑﺎﺕ ﻣﯿﺮﯼ ﻧﮩﯿﮟ ﻣﺎﻥ ﺳﮑﺘﮯ ” ﺳﺎﺩﯼ ﺭﻭﮨﺎﻧﺴﯽ ﮨﻮ ﮔﺌﯽ –
” ﻣﯿﮟ ﻣﺠﺒﻮﺭ ﮨﻮﮞ ﺳﺎﺩﯼ ﺑﯽ ﺑﯽ ” ﯾﮧ ﮐﮩﮧ ﮐﺮ ﺍﻟﮩﯽٰ ﺑﺨﺶ ﻧﮯ ﮔﺎﮌﯼ ﺁﮔﮯ ﺑﮍﮬﺎ ﺩﯼ –
ﺍﺱ ﮐﮯ ﺑﻌﺪ ﭘﻮﺭﮮ ﺭﺍﺳﺘﮯ ﺧﺎﻣﻮﺷﯽ ﺭﭘﯽ – ﮐﺎﻟﺞ ﺁﻧﮯ ﭘﺮ ﺳﺎﺩﯼ ﺍﺗﺮﯼ ﺍﻭﺭ ﺍﺱ ﻧﮯ ﻣﻌﻤﻮﻝ ﮐﮯ ﻣﻄﺎﺑﻖ ﺍﻟﮩﯽٰ ﺑﺨﺶ ﮐﻮ ﺧﺪﺍ ﺣﺎﻓﻆ ﮐﮩﺎ – ﻟﯿﮑﻦ ﺍﺱ ﮐﺎﻟﮩﺠﮧ ﺑﺠﮭﺎ ﺑﺠﮭﺎ ﺳﺎ ﺗﮭﺎ –
ﻭﺍﭘﺲ ﺁﺗﮯ ﮨﻮﺋﮯ ﺧﻮﺩ ﺍﻟﮩﯽٰ ﺑﺨﺶ ﺑﮩﺖ ﺩﻝ ﮔﺮﻓﺘﮧ ﺗﮭﺎ – ﯾﮧ ﺍﺣﺴﺎﺱ ﺍﺳﮯ ﺳﺘﺎ ﺭﮨﺎ ﺗﮭﺎ ﮐﮧ ﺍﺱ ﻧﮯ ﺳﺎﺩﯼ ﺑﯽ ﺑﯽ ﮐﺎ ﺩﻝ ﺩﮐﮭﺎﯾﺎ ﮨﮯ – ﺑﺎﺕ ﺍﺗﻨﯽ ﺑﮍﯼ ﺑﮭﯽ ﻧﮩﯿﮟ ﺗﮭﯽ – ﺑﺲ ﻭﮦ ﮨﻮﻧﻖ ﻧﮩﯿﮟ ﺑﻨﻨﺎ ﭼﺎﮨﺘﺎ ﺗﮭﺎ ﺍﻭﺭ ﻭﮦ ﯾﻮﮞ ﺑﺠﮫ ﮔﺌﯽ ﺗﮭﯽ، ﺟﯿﺴﮯ ﺍﺱ ﮐﮯ ﺍﻧﮑﺎﺭ ﺳﮯ ﺍﺳﮯ ﺩﻟﯽ ﺗﮑﻠﯿﻒ ﮨﻮﺋﯽ ﮨﻮ –
ﺍﺱ ﺭﻭﺯ ﻭﮦ ﺩﺱ ﻣﻨﭧ ﭘﮩﻠﮯ ﮨﯽ ﮐﺎﻟﺞ ﭘﮩﻨﭻ ﮔﯿﺎ – ﻭﮦ ﮔﺎﮌﯼ ﮐﮯ ﺑﺎﮨﺮ ﮐﮭﮍﺍ ﺍﻧﺘﻈﺎﺭ ﮐﺮﺗﺎ ﺭﮨﺎ – ﺳﺎﺩﯼ ﺑﯽ ﺑﯽ ﺁﺋﯽ ﺗﻮ ﺍﺱ ﻧﮯ ﺍﺱ ﮐﮯ ﻟﺌﮯ ﺩﺭﻭﺍﺯﮦ ﮐﮭﻮﻻ – ﺳﺎﺩﯼ ﺧﺎﻣﻮﺷﯽ ﺳﮯ ﮔﺎﮌﯼ ﻣﯿﮟ ﺑﯿﭩﮫ ﮔﺌﯽ – ﺍﻟﮩﯽٰ ﺑﺨﺶ ﻧﮯ ﮈﺭﺍﺋﯿﻮﻧﮓ ﺳﯿﭧ ﭘﺮ ﺑﯿﭩﮭﻨﮯ ﮐﮯ ﺑﻌﺪ ﻋﻘﺐ ﻧﻤﺎ ﺷﯿﺸﮯ ﻣﯿﮟ ﺩﯾﮑﮭﺎ – ﻟﯿﮑﻦ ﺳﺎﺩﯼ ﮐﺎ ﭼﮩﺮﮦ ﺍﺳﮯ ﻧﻈﺮ ﻧﮩﯿﮟ ﺁﯾﺎ – ﺑﺎﻵﺧﺮ ﺍﻟﮩﯽٰ ﺑﺨﺶ ﺳﮯ ﺭﮨﺎ ﻧﮩﯿﮟ ﮔﯿﺎ ” – ﺳﺎﺩﯼ ﺑﯽ ﺑﯽ ﻧﺎﺭﺍﺽ ﮨﯿﮟ ﻣﺠﮫ ﺳﮯ؟ ” ﺍﺱ ﻧﮯ ﭘﻮﭼﮭﺎ –
” ﻧﮩﯿﮟ ﺍﻟﮩﯽٰ ﺑﺨﺶ ﻧﺎﺭﺍﺿﯽ ﮐﯿﺴﯽ – ﮨﺮ ﺷﺨﺺ ﺍﭘﻨﯽ ﻣﺮﺿﯽ ﮐﺎ ﻣﺎﻟﮏ ﮨﻮﺗﺎ ﮨﮯ “
” ﻣﯿﮟ ﺗﻮ ﺯﻧﺪﮔﯽ ﻣﯿﮟ ﮐﺒﮭﯽ ﺍﭘﻨﯽ ﻣﺮﺿﯽ ﻧﮩﯿﮟ ﮐﺮ ﺳﮑﺎ ” ﺍﻟﮩﯽٰ ﺑﺨﺶ ﻧﮯ ﺗﻠﺨﯽ ﺳﮯ ﺳﻮﭼﺎ ﺗﺎ ﺍﺏ ﺍﺱ ﮐﮯ ﺳﺎﺗﮫ ﮐﯿﺎ ﺍﭘﻨﯽ ﻣﺮﺿﯽ ﮐﺮﻧﯽ، ﺟﺲ ﺳﮯ ﺩﻝ ﮐﺎ، ﺭﻭﺡ ﮐﺎ ﺭﺷﺘﮧ ﺟﮍﺍ ﮨﮯ – ﺍﺱ ﻧﮯ ﺑﺮﯾﮏ ﻟﮕﺎﺗﮯ ﮨﻮﺋﮯ ﮔﺎﮌﯼ ﺳﺎﺋﯿﮉ ﻣﯿﮟ ﺭﻭﮎ ﺩﯼ – ﭘﮭﺮ ﺍﺱ ﻧﮯ ﭘﻠﭧ ﮐﺮ ﮐﮩﺎ ” ﻻﺋﯿﮯ ۔۔۔۔۔ ﺁﭖ ﮐﯽ ﺧﻮﺷﯽ ﮐﯽ ﺧﺎﻃﺮ ﻣﯿﮟ ﺁﭖ ﮐﯽ ﺑﺎﺕ ﻣﺎﻧﻮﮞ ﮔﺎ “
” ﯾﮧ ﺗﻮ ﺫﺑﺮﺩﺳﺘﯽ ﻭﺍﻟﯽ ﺑﺎﺕ ﮨﻮﺋﯽ ” ﺳﺎﺩﯼ ﻧﮯ ﺍﻓﺴﺮﺩﮔﯽ ﺳﮯ ﮐﮩﺎ ” ﻣﯿﻦ ﺗﻮ ﺗﻤﮩﯿﮟ ﺧﻮﺵ ﺩﯾﮑﮭﺎ ﭼﺎﮨﺘﯽ ﺗﮭﯽ “
ﺍﻟﮩﯽٰ ﺑﺨﺶ ﮐﻮ ﺷﺮﻣﻨﺪﯼ ﮨﻮﺋﯽ – ﻭﺍﻗﻌﯽ، ﯾﮩﯽ ﺑﺎﺕ ﮨﻨﺴﯽ ﺧﻮﺷﯽ ﻣﺎﻥ ﻟﯿﻨﮯ ﻣﯿﮟ ﮐﯿﺎ ﺑﺮﺍﺋﯽ ﺗﮭﯽ – ” ﺳﺎﺩﯼ ﺑﯽ ﺑﯽ ﻣﯿﻦ ﺷﺮﻣﻨﺪﮦ ﮨﻮﮞ ” ﺍﺱ ﻧﮯ ﺩﮬﯿﺮﮮ ﺳﮯ ﮐﮩﺎ ” ﺍﻭﺭ ﯾﻘﯿﻦ ﮐﺮﯾﮟ، ﻣﯿﮟ ﺧﻮﺷﯽ ﺳﮯ ﯾﮧ ﺑﺎﺕ ﻣﺎﻥ ﺭﮨﺎ ﮨﻮﮞ “
ﺍﺳﯽ ﻭﻗﺖ ﺍﻟﮩﯽٰ ﺑﺨﺶ ﮐﯽ ﻧﻈﺮ ﭘﮍﯼ – ﺭﻭﭘﮯ ﭘﭽﮭﻠﯽ ﺳﯿﭧ ﭘﺮ ﻭﮨﯿﮟ ﭘﮍﮮ ﺗﮭﮯ ﺟﮩﺎﮞ ﺍﺱ ﻧﮯ ﮔﺮﺍﺋﮯ ﺗﮭﮯ – ﺳﺎﺩﯼ ﻧﮯ ﺍﻧﮩﯿﮟ ﭼﮭﻮﺍ ﺑﮭﯽ ﻧﮩﯿﻦ ﺗﮭﺎ – ﺍﻭﺭ ﺧﻮﺩ ﺍﺱ ﻧﮯ ﺑﮭﯽ ﺩﮬﯿﺎﻥ ﻧﮩﯿﮟ ﺩﯾﺎ ﺗﮭﺎ – ﺳﺎﺩﯼ ﻧﮯ ﭘﯿﺴﮯ ﺍﭨﮭﺎ ﮐﺮ ﺍﺳﮯ ﺩﺋﯿﮯ – ﺍﺱ ﻧﮯ ﺑﻐﯿﺮ ﮔﻨﮯ ﺟﯿﺐ ﻣﯿﮟ ﺭﮐﮫ ﻟﺌﮯ –
ﺑﺎﻗﯽ ﺳﻔﺮ ﻣﯿﮟ ﺑﮭﯽ ﺳﺎﺩﯼ ﺍﺳﯽ ﺟﮕﮧ ﺑﯿﭩﮭﯽ ﺭﮨﯽ، ﺍﻟﮩﯽٰ ﺑﺨﺶ ﮐﻮ ﺍﺣﺴﺎﺱ ﺗﮭﺎ ﮐﮧ ﻭﮦ ﺍﺏ ﺑﮭﯽ ﻧﺎﺭﺍﺽ ﮨﮯ، ﻟﯿﮑﻦ ﮔﮭﺮ ﭘﮩﻨﭻ ﮐﺮ ﮔﺎﮌﯼ ﺳﮯ ﺍﺗﺮﻧﮯ ﺳﮯ ﭘﮩﻠﮯ ﺳﺎﺩﯼ ﻧﮯ ﮐﮩﺎ “- ﺷﮑﺮﯾﮧ ﺍﻟﮩﯽٰ ﺑﺨﺶ “! ﺍﻟﮩﯽٰ ﺑﺨﺶ ﮐﮭﻞ ﺍﭨﮭﺎ – ﺍﺳﮯ ﻟﮕﺎ ﮐﮧ ﺍﺱ ﺳﮯ ﮐﻮﺋﯽ ﮔﻨﺎﮦ ﺳﺮﺩﺯ ﮨﻮﺍ ﺗﮭﺎ ۔۔۔۔۔ ﺍﻭﺭ ﺍﺏ ﺍﺱ ﮐﺎ ﮐﻔﺎﺭﮦ ﻗﺒﻮﻝ ﮐﺮ ﻟﯿﺎ ﮔﯿﺎ ﮨﮯ –
———————– ٭
ﭘﯿﻨﭧ ﺷﺮﭦ ﮐﯽ ﺧﺮﯾﺪﺍﺭﯼ ﺍﻟﮩﯽٰ ﺑﺨﺶ ﮐﮯ ﻟﺌﮯ ﺑﮍﺍ ﻣﺴﺌﻠﮧ ﺗﮭﺎ – ﺍﺱ ﮐﺎ ﺍﺳﮯ ﺗﺠﺮﺑﮧ ﻧﮩﯿﮟ ﺗﮭﺎ – ﺳﺎﺩﯼ ﮐﺎ ﺧﯿﺎﻝ ﻧﮩﯿﮟ ﮨﻮﺗﺎ ﺗﻮ ﻭﮦ ﺧﺎﻟﯽ ﮨﺎﺗﮫ ﻭﺍﭘﺲ ﺁ ﺟﺎﺗﺎ –
ﺍﮔﻠﯽ ﺻﺒﺢ ﺍﺱ ﮐﮯ ﻟﺌﮯ ﺁﺯﻣﺎﺋﺶ ﮐﯽ ﺻﺒﺢ ﺗﮭﯽ – ﻭﮦ ﺩﯾﺮ ﺗﮏ ﮔﺎﮌﯼ ﺻﺎﻑ ﮐﺮﺗﺎ ﺭﮨﺎ – ﺳﺎﺩﯼ ﮐﮯ ﺁﻧﮯ ﺳﮯ ﺩﺱ ﻣﻨﭧ ﭘﮩﻠﮯ ﻭﮦ ﺍﭘﻨﮯ ﮐﻮﺍﺭﭨﺮ ﻣﯿﮟ ﮔﯿﺎ ﺍﻭﺭ ﮐﭙﮍﮮ ﺑﺪﻝ ﮐﺮ ﯾﻮﮞ ﺑﺎﮨﺮ ﻧﮑﻼ ﺟﯿﺴﮯ ﮐﮩﯿﻦ ﭼﻮﺭﯼ ﮐﺮ ﮐﮯ ﺁ ﺭﮨﺎ ﮨﻮ – ﺍﺱ ﻧﮯ ﭼﻮﺭﻭﮞ ﮨﯽ ﮐﯽ ﻃﺮﺡ ﺍﺩﮬﺮ ﺍﺩﮬﺮ ﺩﯾﮑﮭﺎ – ﺍﺗﻔﺎﻕ ﺳﮯ ﮐﺮﻣﻮ ﭼﺎﭼﺎ ﺑﮭﯽ ﻣﻮﺟﻮﺩ ﻧﮩﯿﮟ ﺗﮭﺎ ﺍﻭﺭ ﺳﺎﺩﯼ ﺁ ﭼﮑﯽ ﺗﮭﯽ – ﯾﮧ ﭘﮩﻼ ﻣﻮﻗﻊ ﺗﮭﺎ ﮐﮧ ﻭﮦ ﭘﮩﻠﮯ ﺁﺋﯽ ﺗﮭﯽ –
ﻭﮦ ﺍﺳﮯ ﺩﯾﮑﮫ ﮐﺮ ﻣﺴﮑﺮﺍﺋﯽ ” ﺍﺳﻼﻡ ﻭ ﻋﻠﯿﮑﻢ ﺍﻟﮩﯽٰ ﺑﺨﺶ “! ﯾﮧ ﭘﮩﻼ ﻣﻮﻗﻊ ﺗﮭﺎ ﮐﮧ ﺍﺱ ﻧﮯ ﺳﻼﻡ ﮐﯿﺎ ﺗﮭﺎ، ﮐﯿﺎ ﯾﮧ ﮐﻮﺋﯽ ﺧﺎﺹ ﺩﻥ ﮨﮯ ” ﺍﻟﮩﯽٰ ﺑﺨﺶ ﻧﮯ ﺳﻮﭼﺎ –
” ﻭﻋﻠﯿﮑﻢ ﺍﺳﻼﻡ ﺑﯽ ﺑﯽ ” ﺍﻟﮩﯽٰ ﺑﺨﺶ ﻧﮯ ﺍﺱ ﮐﮯ ﻟﺌﮯ ﺩﺭﻭﺍﺯﮦ ﮐﮭﻮﻻ
” ﺳﺎﻟﮕﺮﮦ ﻣﺒﺎﺭﮎ ﺍﻟﮩﯽٰ ﺑﺨﺶ “! ﺳﺎﺩﯼ ﻧﮯ ﮔﺎﮌﯼ ﻣﯿﮟ ﺑﯿﭩﮭﺘﮯ ﮨﻮﺋﮯ ﮐﮩﺎ –
ﺍﻟﮩﯽٰ ﺑﺨﺶ ﮐﯽ ﺳﻤﺠﮫ ﻣﯿﮟ ﭘﮩﻠﮯ ﺗﻮ ﮐﭽﮫ ﺑﮭﯽ ﻧﮩﯿﮟ ﺁﯾﺎ ﺍﻭﺭ ﺟﺐ ﺑﺎﺕ ﺳﻤﺠﮫ ﻣﯿﮟ ﺁﺋﯽ ﺗﻮ ﺍﺳﮯ ﺯﺑﺮﺩﺳﺖ ﺫﮨﻨﯽ ﺟﮭﭩﮑﺎ ﻟﮕﺎ – ﺍﺱ ﻧﮯ ﺗﺎﺭﯾﺦ ﯾﺎﺩ ﮐﺮﻧﮯ ﮐﯽ ﮐﻮﺷﺶ ﮐﯽ ﻟﯿﮑﻦ ﺍﺳﮯ ﮐﭽﮫ ﯾﺎﺩ ﻧﮧ ﺁﯾﺎ – ﺑﺎﻵﺧﺮ ﺍﺱ ﻧﮯ ﺳﺎﺩﯼ ﺳﮯ ﭘﻮﭼﮭﺎ ” ﺍﺝ ﮐﯿﺎ ﺗﺎﺭﯾﺦ ﮨﮯ ﺳﺎﺩﯼ ﺑﯽ ﺑﯽ؟ “
22″ ﺍﭘﺮﯾﻞ “
ﺍﻟﮩﯽٰ ﺑﺨﺶ ﮐﻮ ﺣﯿﺮﺕ ﮨﻮﺋﯽ – ﯾﮧ ﻭﺍﻗﻌﯽ ﺍﺱ ﮐﯽ ﺳﺎﻟﮕﺮﮦ ﮐﺎ ﺩﻥ ﺗﮭﺎ – ﺍﺳﮯ ﺧﻮﺩ ﯾﺎﺩ ﻧﮩﯿﮟ ﺭﮨﺎ ﺗﻮ ﺍﺱ ﻣﯿﮟ ﺣﯿﺮﺕ ﮐﯽ ﮐﻮﺋﯽ ﺑﺎﺕ ﻧﮩﯿﻦ ﺗﮭﯽ – ﻭﮦ ﺟﮩﺎﮞ ﮐﺎ ﺗﮭﺎ، ﻭﮨﺎﮞ ﺍﻥ ﻧﺨﺮﻭﮞ ﭼﻮﻧﭽﻠﻮﮞ ﮐﻮ ﺍﮨﻤﯿﺖ ﻧﮩﯿﮟ ﺩﯼ ﺟﺎﺗﯽ ﺗﮭﯽ – ﭘﮭﺮ ﺑﮭﯽ ﺍﺳﮯ ﺍﭼﮭﺎ ﻟﮕﺎ ﮐﮧ ﺳﺎﺩﯼ ﻧﮯ ﺍﺳﮯ ﺍﺗﻨﯽ ﺍﮨﻤﯿﺖ ﺩﯼ – ﻣﮕﺮ ﺣﯿﺮﺕ ﺍﭘﻨﯽ ﺟﮕﮧ ﺗﮭﯽ ﮐﮧ ﺳﺎﺩﯼ ﮐﻮ ﮐﯿﺴﮯ ﻣﻌﻠﻮﻡ ﮨﻮﺍ –
ﺍﺱ ﻧﮯ ﯾﮧ ﺑﺎﺕ ﺳﺎﺩﯼ ﺳﮯ ﭘﻮﭼﮫ ﮨﯽ ﻟﯽ –
” ﺗﻢ ﻧﮯ ﮨﯽ ﺑﺘﺎﺋﯽ ﺗﮭﯽ ﯾﮧ ﺗﺎﺭﯾﺦ “
” ﻣﯿﮟ ﻧﮯ ” ﺍﻟﮩﯽٰ ﺑﺨﺶ ﻧﮯ ﺣﯿﺮﺕ ﺳﮯ ﮐﮩﺎ –
” ﮨﺎﮞ، ﻣﯿﮟ ﺗﻢ ﺳﮯ ﺗﻤﮩﺎﺭﮮ ﻣﺘﻌﻠﻖ ﭘﻮﭼﮭﺘﯽ ﺭﮨﺘﯽ ﮨﻮﮞ – ﻣﺠﮭﮯ ﺗﻮ ﺑﮩﺖ ﮐﭽﮫ ﻣﻌﻠﻮﻡ ﮨﮯ ﺗﻤﮩﺎﺭﮮ ﺑﺎﺭﮮ ﻣﯿﮟ – ﺗﻤﮩﺎﺭﺍ ﭘﺘﺎ ﺑﮭﯽ ﮨﮯ ﻣﯿﺮﮮ ﭘﺎﺱ “
ﺍﻟﮩﯽٰ ﺑﺨﺶ ﮐﻮ ﺍﺣﺴﺎﺱ ﮨﻮﺍ ﮐﮧ ﻭﮨﺒﮩﺖ ﺯﯾﺎﺩﮦ ﺑﺎﺗﯿﮟ ﮐﺮﺗﺎ ﺭﮨﺎ ﮨﮯ – ﻟﯿﮑﻦ ﻧﮩﯿﮟ ۔۔۔۔ ﺑﺎﺗﯿﮟ ﺗﻮ ﺳﺎﺩﯼ ﮐﺮﺗﯽ ﺗﮭﯽ – ﺑﻠﮑﮧ ﻭﮦ ﺳﻮﺍﻝ ﺑﮩﺖ ﮐﺮﺗﯽ ﺗﮭﯽ ۔۔۔ ﻭﮦ ﺑﺲ ﺟﻮﺍﺏ ﺩﯾﺘﺎ ﺗﮭﺎ – ﺍﺱ ﮐﺎ ﻣﻄﻠﺐ ﮨﮯ ﮐﮧ ﻭﮦ ﻭﺍﻗﻌﯽ ﺍﺱ ﮐﮯ ﺑﺎﺭﮮ ﻣﯿﮟ ﺑﮩﺖ ﮐﭽﮫ ﺟﺎﻧﺘﯽ ﮨﮯ ﯾﻌﻨﯽ ۔۔۔۔ ﯾﻌﻨﯽ ﻭﮦ ﺍﺱ ﮐﯽ ﭘﺮﻭﺍﮦ ﮐﺮﺗﯽ ﮨﮯ –
ﺍﺱ ﭘﺮ ﺍﻟﮩﯽٰ ﺑﺨﺶ ﻧﮯ ﺩﻝ ﮨﯽ ﺩﻝ ﻣﯿﮟ ﺧﻮﺩ ﮐﻮ ﮈﭘﭧ ﺩﯾﺎ – ﺧﻮﺵ ﻓﮩﻤﯽ ﭘﺎﻟﻨﮯ ﮐﯽ ﺍﺱ ﮐﮯ ﭘﺎﺱ ﮔﻨﺠﺎﺋﺶ ﻧﮩﯿﻦ ﺗﮭﯽ – ﺯﻣﯿﻦ ﺍﻭﺭ ﺍﺳﻤﺎﻥ ﮐﺒﮭﯽ ﻧﮩﯿﮟ ﻣﻠﺘﮯ – ﮨﺎﮞ، ﺁﺳﻤﺎﻥ ﻧﻮﺍﺯﺵ ﮐﮯ ﺑﺎﺩﻟﻮﮞ ﺳﮯ ﺯﻣﯿﻦ ﮐﯽ ﺳﯿﺮﺍﺑﯽ ﮐﺎ ﺳﺎﻣﺎﻥ ﺿﺮﻭﺭ ﮐﺮﺗﺎ ﺭﮨﺘﺎ ﮨﮯ –
ﺍﺱ ﺭﻭﺯ ﺩﻭﻧﻮﮞ ﭼﭗ ﭼﭗ ﺗﮭﮯ – ﺍﭘﻨﯽ ﺍﭘﻨﯽ ﺳﻮﭼﻮﮞ ﻣﯿﮟ ﮔﻢ، ﻟﯿﮑﻦ ﭘﮭﺮ ﺑﮭﯽ ﻧﮧ ﺟﺎﻧﮯ ﮐﯿﻮﮞ، ﻭﮦ ﺧﺎﻣﻮﺷﯽ، ﺧﺎﻣﻮﺷﯽ ﻧﮩﯿﮟ ﻟﮓ ﺭﯼ ﺗﮭﯽ –
ﺍﻟﮩﯽٰ ﺑﺨﺶ ﻧﮯ ﮔﺎﮌﯼ ﺭﻭﮐﯽ – ﺳﺎﺩﯼ ﻧﮯ ﺍﺗﺮﻧﮯ ﺳﮯ ﭘﮩﻠﮯ ﺍﺳﮯ ﺧﻮﺑﺼﻮﺭﺕ ﭘﮭﻮﻝ ﺩﺍﺭ ﮐﺎﻏﺬ ﻣﯿﮟ ﻟﭙﭩﺎ ﮨﻮﺍ ﺍﯾﮏ ﭘﯿﮑﭧ ﺩﯾﺎ – ” ﯾﮧ ﺗﻤﮩﺎﺭﯼ ﺳﺎﻟﮕﺮﮦ ﮐﺎ ﺗﺤﻔﮧ ﮨﮯ “
” ﺷﮑﺮﯾﮧ ﺳﺎﺩﯼ ﺑﯽ ﺑﯽ، ﻟﯿﮑﻦ ﺍﺱ ﮐﯽ ﺿﺮﻭﺭﺕ ﻧﮩﯿﮟ ﺗﮭﯽ – ﺁﭖ ﻧﮯ ﻣﯿﺮﯼ ﺳﺎﻟﮕﺮﮦ ﯾﺎﺩ ﺭﮐﮭﯽ – ﻭﺭﻧﮧ ﮨﻢ ﻟﻮﮒ ﺧﻮﺩ ﺑﮭﯽ ﺍﭘﻨﯽ ﺳﺎﻟﮕﺮﮦ ﯾﺎﺩ ﻧﮩﯿﻦ ﺭﮐﮭﺘﮯ “
” ﺗﺤﻔﻮﮞ ﮐﯽ ﺍﭘﻨﯽ ﺍﯾﮏ ﺍﮨﻤﯿﺖ ﮨﻮﺗﯽ ﮨﮯ ﺍﻟﮩﯽٰ ﺑﺨﺶ ” ﺳﺎﺩﯼ ﻧﮯ ﮐﮩﺎ ” ﺗﺤﻔﻮﮞ ﺳﮯ ﻣﺤﺒﺖ ﺑﮍﮬﺘﯽ ﮨﮯ “
ﯾﮧ ﮐﮩﮧ ﮐﺮ ﻭﮦ ﭼﻠﯽ ﮔﺌﯽ – ﺍﻟﮩﯽٰ ﺑﺨﺶ ﺍﺱ ﺑﺎﺕ ﭘﺮ ﻏﻮﺭ ﮐﺮﺗﺎ ﺭﮨﺎ ” – ﭨﮭﯿﮏ ﮐﮩﺘﯽ ﮨﻮ ﺳﺎﺩﯼ ﺑﯽ ﺑﯽ، ﺍﺱ ﻟﺌﮯ ﺗﻮ ﺍﻟﻠﮧ ﺍﭘﻨﮯ ﺑﻨﺪﻭﮞ ﮐﻮ ﺗﺤﻔﻮﮞ ﺳﮯ ﻧﻮﺍﺯﺗﺎ ﺭﮨﺘﺎ ﮨﮯ – ﻟﯿﮑﻦ ﺑﻨﺪﻭﮞ ﮐﯽ ﻣﺤﺒﺖ ﺗﻮ ﻧﮩﯿﮟ ﺑﮍﮬﺘﯽ ﭘﮭﺮ ﺑﮭﯽ – ﮐﻢ ﺍﺯ ﮐﻢ ﻣﯿﺮﮮ ﺟﯿﺴﮯ ﺑﺪ ﻧﺼﯿﺐ ﺑﻨﺪﻭﮞ ﮐﯽ “
ﭘﮩﻠﯽ ﺑﺎﺭ ﺑﺎﭖ ﮐﯽ ﺑﺎﺕ ﮐﺎ ﻣﻔﮩﻮﻡ ﺍﺱ ﮐﯽ ﺳﻤﺠﮫ ﻣﯿﮟ ﺁﯾﺎ ﺗﮭﺎ۔۔۔۔

–**–**–
جاری ہے
——
آپکو یہ ناول کیسا لگا؟
کمنٹس میں اپنی رائے سے ضرور آگاہ کریں۔

Leave a Reply

This site uses Akismet to reduce spam. Learn how your comment data is processed.

Subscribe For Latest Novels

Signup for Novels and get notified when we publish new Novel for free!




%d bloggers like this: