Ishq ka Ain Novel by Aleem ul Haq Haqqi – Episode 9

0
عشق کا عین از علیم الحق حقی – قسط نمبر 9

–**–**–

ﺩﻭﭘﮩﺮ ﮐﻮ ﻭﮦ ﺳﺎﺩﯼ ﮐﻮ ﮐﺎﻟﺞ ﺳﮯ ﻭﺍﭘﺲ ﻻﯾﺎ ﺗﻮ ﺑﯿﮕﻢ ﺻﺎﺣﺒﮧ ﻻﻥ ﮐﮯ ﺑﺎﮨﺮ ﮐﮭﮍﯼ ﮐﺮﻣﻮ ﺳﮯ ﮐﭽﮫ ﺑﺎﺕ ﮐﺮ ﺭﮨﯽ ﺗﮭﯿﮟ – ﺍﻧﮩﻮﮞ ﻧﮯ ﺍﻟﮩﯽٰ ﺑﺨﺶ ﮐﻮ ﺟﻮ ﺍﺱ ﺣﻠﯿﮯ ﻣﯿﮟ ﺩﯾﮑﮭﺎ ﺗﻮ ﺍﻥ ﮐﯽ ﺁﻧﮑﮭﯿﮟ ﺣﯿﺮﺕ ﺳﮯ ﭘﮭﯿﻞ ﮔﺌﯿﮟ – ﭘﮭﺮ ﺍﻥ ﮐﯽ ﭘﯿﺸﺎﻧﯽ ﭘﺮ ﺷﮑﻨﯿﮟ ﺍﺑﮭﯽ ﺁﺋﯿﮟ ” – ﯾﮧ ﺗﻢ ﮨﻮ ﺍﻟﮩﯽٰ ﺑﺨﺶ – ﺍﺩﮬﺮ ﺗﻮ ﺁﺅ ﺫﺭﺍ ” ﺍﻧﮩﻮﮞ ﻧﮯ ﭘﮑﺎﺭﺍ –
ﺍﻟﮩﯽٰ ﺑﺨﺶ ﺳﻤﺠﮫ ﮔﯿﺎ ﮐﮧ ﻋﺰﺕ ﺍﻓﺰﺍﺋﯽ ﮐﮯ ﻓﻮﺭﺍٰ ﺑﻌﺪ ﺑﮯ ﻋﺰﺗﯽ ﮐﺎ ﻟﻤﺤﮧ ﺑﮭﯽ ﺁ ﮔﯿﺎ ﮨﮯ – ﯾﮧ ﺑﮭﯽ ﺭﺏ ﮐﯽ ﻋﻨﺎﯾﺖ ﮨﮯ ﮐﮧ ﺳﺮ ﻏﺮﻭﺭ ﺍﭨﮭﻨﮯ ﻧﮧ ﭘﺎﺋﮯ ﺍﻭﺭ ﺳﺮ ﻣﯿﮟ ﮐﻮﺋﯽ ﺳﻮﺩﺍ ﺟﮕﮧ ﻧﮧ ﺑﻨﺎﺋﮯ – ﻭﮦ ﭼﮭﻮﭨﮯ ﭼﮭﻮﭨﮯ ﻗﺪﻡ ﺍﭨﮭﺎﺗﺎ ﺑﯿﮕﻢ ﺻﺎﺣﺒﮧ ﮐﯽ ﻃﺮﻑ ﺑﮍﮬﺎ –
” ﯾﮧ ﮐﯿﺎ ﺣﻠﯿﮧ ﺑﻨﺎ ﺭﮐﮭﺎ ﮨﮯ ﺍﻟﮩﯽٰ ﺑﺨﺶ؟ ” ﺑﯿﮕﻢ ﺻﺎﺣﺒﮧ ﻧﮯ ﮐﮍﮮ ﻟﮩﺠﮯ ﻣﯿﮟ ﺍﺱ ﺳﮯ ﭘﻮﭼﮭﺎ –
” ﻣﯿﮟ ﺳﻤﺠﮭﺎ ﻧﮩﯿﮟ ﺑﯿﮕﻢ ﺻﺎﺣﺒﮧ “
” ﭘﯿﻨﭧ ﺷﺮﭦ ﭘﮩﻦ ﮐﺮ ﺑﺎﺑﻮ ﺑﻨﻨﮯ ﮐﺎ ﺷﻮﻕ ﮐﺐ ﺳﮯ ﮨﻮ ﮔﯿﺎ ﺗﺠﮭﮯ؟ ” ﺑﯿﮕﻢ ﺻﺎﺣﺒﮧ ﻧﮯ ﺯﮨﺮﯾﻠﮯ ﻟﮩﺠﮯ ﻣﯿﮟ ﮐﮩﺎ –
” ﻣﺠﮭﮯ ﺍﯾﺴﺎ ﮐﻮﺋﯽ ﺷﻮﻕ ﻧﮩﯿﮟ ۔۔۔۔۔ ﻧﮧ ﮐﺒﮭﯽ ﮨﻮ ﮔﺎ – ﻟﯿﮑﻦ ۔۔۔۔۔۔ ” ﺍﻟﮩﯽٰ ﺑﺨﺶ ﮐﺎ ﻟﮩﺠﮧ ﺳﺨﺖ ﮨﻮﻧﮯ ﻟﮕﺎ –
ﺍﺳﯽ ﻭﻗﺖ ﮐﺘﺎﺑﯿﮟ ﮨﺎﺗﮫ ﻣﯿﮟ ﻟﺌﮯ ﺳﺎﺩﯼ ﺑﮭﯽ ﺁ ﮔﺌﯽ – ” ﮐﯿﺎ ﺑﺎﺕ ﮨﮯ ﺍﻣﯽ “
” ﺍﻟﮩﯽٰ ﺑﺨﺶ ﻧﮯ ﺳﺮ ﮔﮭﻤﺎ ﮐﺮ ﺍﺳﮯ ﺩﯾﮑﮭﺎ – ﻭﮦ ﺍﺳﮯ ﮨﯽ ﺩﯾﮑﮫ ﺭﮨﯽ ﺗﮭﯽ – ﺍﺱ ﮐﯽ ﻧﮕﺎﮨﻮﮞ ﻣﯿﮟ ﺍﻟﺘﺠﺎ ﺗﮭﯽ – ﺍﻟﮩﯽٰ ﺑﺨﺶ ﻣﻮﻡ ﮨﻮ ﮔﯿﺎ –
” ﺗﻤﮩﯿﮟ ﮐﯿﺎ ﺿﺮﻭﺭﺕ ﮨﮯ ﺑﯿﭻ ﻣﯿﮟ ﺑﻮﻟﻨﮯ ﮐﯽ “- ﺑﯿﮕﻢ ﺻﺎﺣﺒﮧ ﺳﺎﺩﯼ ﭘﺮ ﺍﻟﭧ ﭘﮍﯾﮟ –
” ﺿﺮﻭﺭﺕ ﺍﺱ ﻟﺌﮯ ﮨﮯ ﮐﮧ ﻣﯿﺮﺍ ﮈﺭﺍﺋﯿﻮﺭ ﮨﮯ “
” ﻣﯿﮟ ﻧﮯ ﭘﮩﻠﮯ ﺑﮭﯽ ﮐﮩﺎ ﺗﮭﺎ ﮐﮧ ﺍﺱ ﮐﮯ ﻟﺌﮯ ﻭﺭﺩﯼ ﺿﺮﻭﺭﯼ ﮨﮯ – ﻭﺭﺩﯼ ﮨﻮ ﺗﻮ ﺁﺩﻣﯽ ﮐﻮ ﺍﻭﻗﺎﺕ ﯾﺎﺩ ﺭﮨﺘﯽ ﮨﮯ – ﺍﺏ ﺗﻢ ﮨﯽ ﺩﯾﮑﮭﻮ، ﯾﮧ ﮈﺭﺍﺋﯿﻮﺭ ﻟﮕﺘﺎ ﮨﮯ ﮐﮩﯿﻦ ﺳﮯ؟ “
” ﻣﺠﮭﮯ ﺍﺱ ﺳﮯ ﮐﻮﺋﯽ ﻏﺮﺽ ﻧﮩﯿﮟ ﺍﻣﯽ – ﻭﺭﺩﯼ ﮐﻮ ﻣﯿﮟ ﻧﮯ ﮨﯽ ﻣﻨﻊ ﮐﯿﺎ ﺗﮭﺎ – ﻣﺠﮭﮯ ﮐﻮﺋﯽ ﺍﻋﺘﺮﺍﺽ ﻧﮩﯿﮟ، ﺟﻮ ﻟﺒﺎﺱ ﭼﺎﮨﮯ،ﭘﮩﻨﮯ – ﺑﺲ ﻣﺠﮭﮯ ﺗﻤﺎﺷﺎ ﻧﮩﯿﮟ ﺑﻨﻨﺎ “
” ﺳﺎﺩﯼ ۔۔۔۔ ﺳﺎﺩﯼ ۔۔۔۔۔ ﺗﻢ ﻧﮩﯿﮟ ﺟﺎﻧﺘﯿﮟ – ﮐﻢ ﺍﻭﻗﺎﺕ ﺁﺩﻣﯽ ﺟﺐ ﺍﭘﻨﯽ ﺍﻭﻗﺎﺕ ﺑﮭﻮﻟﺘﺎ ﮨﮯ ﺗﻮ ﺳﺮ ﭘﺮ ﭼﮍﮪ ﮐﺮ ﺑﯿﭩﮫ ﺟﺎﺗﺎ ﮨﮯ “- ﺑﯿﮕﻢ ﺻﺎﺣﺒﮧ ﮐﮯ ﻟﮩﺠﮯ ﻣﯿﮟ ﺑﮯ ﺑﺴﯽ ﺍﻭﺭ ﺟﻨﺠﮭﻼﮨﭧ ﺗﮭﯽ –
” ﻣﯿﮟ ﺍﭘﻨﯽ ﺍﻭﻗﺎﺕ ﻧﮩﯿﮟ ﺑﮭﻮﻻ ﺑﯿﮕﻢ ﺻﺎﺣﺒﮧ، ﻧﮧ ﮐﺒﮭﯽ ﺑﮭﻮﻟﻮﮞ ﮔﺎ ” ﺍﻟﮩﯽٰ ﺑﺨﺶ ﻧﮯ ﺗﺤﻤﻞ ﺳﮯ ﮐﮩﺎ – ” ﻣﺠﮭﮯ ﯾﺎﺩ ﮨﮯ ﮐﮧ ﻣﯿﮟ ﻓﭧ ﭘﺎﺗﮫ ﭘﺮ ﺑﯿﭩﮭﻨﮯ ﻭﺍﻻ ﭘﯿﻨﭩﺮ ﮨﻮﮞ – ﻣﯿﮟ ﮐﺒﮭﯽ ﺁﭖ ﮐﮯ ﺳﺮ ﻧﮩﯿﮟ ﭼﮍﮬﻮﮞ ﮔﺎ “
” ﺗﻮ ﭘﮭﺮ ﯾﮧ ﮐﭙﮍﮮ ﮐﯿﻮﮞ ﭘﮩﻨﮯ ﺗﻮ ﻧﮯ – ﺍﺱ ﻟﺒﺎﺱ ﻣﯿﮟ ﺳﺎﺩﯼ ﮐﯽ ﮔﺎﮌﯼ ﮐﯿﻮﮞ ﻟﮯ ﮐﺮ ﮔﯿﺎ؟ “
” ﻣﯿﮟ ﮐﮩﮧ ﺭﮨﯽ ﮨﻮﮞ ﺍﻣﯽ ﮐﮧ ﻣﺠﮭﮯ ﺍﺱ ﻣﯿﮟ ﮐﻮﺋﯽ ﺍﻋﺘﺮﺍﺽ ﻧﮩﯿﮟ ” ﺳﺎﺩﯼ ﻧﮯ ﻏﺼﯿﻠﮯ ﻟﮩﺠﮯ ﻣﯿﮟ ﮐﮩﺎ ” ﺍﻭﺭ ﺍﻟﮩﯽٰ ﺑﺨﺶ ﺻﺮﻑ ﻣﺠﮭﮯ ﺟﻮﺍﺏ ﺩﮦ ﮨﮯ – ﺍﮔﺮ ﺁﭖ ﮐﻮ ﺍﺧﺘﻼﻑ ﮨﮯ ﺗﻮ ﺁﭖ ﺑﮯ ﺷﮏ ﺍﺱ ﺳﻠﺴﻠﮯ ﻣﯿﮟ ﭘﺎﭘﺎ ﺳﮯ ﺑﺎﺕ ﮐﺮ ﻟﯿﮟ – ﻣﺠﮭﮯ ﮐﻮﺋﯽ ﺩﻭﺳﺮﺍ ﮈﺭﺋﯿﻮﺭ ﻣﻠﮯ ﮔﺎ ﺗﻮ ﭘﮭﺮ ﺑﮭﯽ ﯾﮩﯽ ﮨﻮ ﮔﺎ – ﺑﺎﺕ ﺻﺮﻑ ﺍﻟﮩﯽٰ ﺑﺨﺶ ﮐﯽ ﻧﮩﯿﮟ ﮨﮯ “
” ﭨﮭﯿﮏ ﮨﮯ ﺁﺝ ﺍﺱ ﺳﻠﺴﻠﮯ ﻣﯿﮟ ﺑﺎﺕ ﮨﻮ ﮔﯽ – ﭘﮭﺮ ﺩﯾﮑﮭﻮﮞ ﮔﯽ – ﺗﻢ ﺑﮭﯽ ﺑﮩﺖ ﺁﭘﮯ ﺳﮯ ﺑﺎﮨﺮ ﮨﻮ ﺭﮨﯽ ﮨﻮ ” ﺑﯿﮕﻢ ﺻﺎﺣﺒﮧ ﻧﮯ ﺳﺎﺩﯼ ﮐﻮ ﻟﺘﺎﮌﺍ ” ﺍﭼﮭﺎ ﺍﺏ ﺍﻧﺪﺭ ﺟﺎﺅ ﭘﻠﯿﺰ “
ﺳﺎﺩﯼ ﭘﺎﺅﮞ ﭘﭩﺨﺘﯽ ﮨﻮﺋﯽ ﺍﻧﺪﺭ ﭼﻠﯽ ﮔﺌﯽ – ﺍﺱ ﮐﮯ ﺟﺎﻧﮯ ﮐﮯ ﺑﻌﺪ ﺑﯿﮕﻢ ﺻﺎﺣﺒﮧ ﺍﻟﮩﯽٰ ﺑﺨﺶ ﮐﯽ ﻃﺮﻑ ﻣﮍﯾﮟ ” – ﺩﯾﮑﮭﻮ ﺍﻟﮩﯽٰ ﺑﺨﺶ، ﯾﮧ ﺗﻤﮩﺎﺭﯼ ﺭﻭﺯﯼ ﮐﺎ ﻣﻌﺎﻣﻠﮧ ﮨﮯ – ﻣﯿﮟ ﺍﺱ ﻣﯿﮟ ﮐﻮﺋﯽ ﺧﺮﺍﺑﯽ ﻧﮩﯿﮟ ﮐﺮﻧﺎ ﭼﺎﮨﺘﯽ – ﯾﮧ ﺑﮩﺖ ﮔﻨﺎﮦ ﮐﺎ ﮐﺎﻡ ﮨﮯ – ﻟﯿﮑﻦ ۔۔۔۔۔
” ﻣﯿﮟ ﺑﮩﺖ ﻋﺎﺟﺰﯼ ﺳﮯ ﺁﭖ ﺳﮯ ﺍﯾﮏ ﻋﺮﺽ ﮐﺮﻭﮞ ” ﺍﻟﮩﯽٰ ﺑﺨﺶ ﻧﮯ ﺍﻥ ﮐﯽ ﺑﺎﺕ ﮐﺎﭦ ﺩﯼ – ” ﺳﭻ ﯾﮧ ﮨﮯ ﮐﮧ ﻣﯿﮟ ﻓﭧ ﭘﺎﺗﮫ ﮐﯽ ﻣﺰﺩﻭﺭﯼ ﻣﯿﮟ ﺑﮩﺖ ﺧﻮﺵ ﺗﮭﺎ – ﺍﭘﻨﯽ ﺍﻭﻗﺎﺕ ﻣﯿﮟ ﺧﻮﺵ ﺭﮨﻨﮯ ﻭﺍﻻ ﺑﻨﺪﮦ ﺟﻮ ﭨﮭﮩﺮﺍ – ﺍﻭﺭ ﺭﺯﻕ ﺩﯾﻨﮯ ﻭﺍﻻ ﺍﻟﻠﮧ ﮨﮯ – ﺍﭖ ﺍﺱ ﻣﻌﺎﻣﻠﮯ ﻣﯿﮟ ﻣﯿﺮﮮ ﺳﺎﺗﮫ ﮐﻮﺋﯽ ﺭﻋﺎﯾﺖ ﻧﯽ ﮐﺮﯾﮟ “
” ﺗﻮ ﭘﮭﺮ ﯾﮩﺎﮞ ﻧﻮﮐﺮﯼ ﮐﯿﻮﮞ ﮐﺮ ﺭﮨﮯ ﮨﻮ – ﭼﻠﮯ ﺟﺎﺅ ﻓﭧ ﭘﺎﺗﮫ ﭘﺮ ” ﺑﯿﮕﻢ ﺻﺎﺣﺒﮧ ﻧﮯ ﺝ ﮐﺮ ﮐﮩﺎ ” – ﻣﯿﮟ ﺗﻤﮩﯿﮟ ﻓﺎﺭﻍ ﮐﺮ ﺩﯾﺘﯽ ﮨﻮﮞ “
” ﺑﺎﺕ ﺁﭖ ﮐﯽ ﮨﯿﮟ، ﺻﺎﺣﺐ ﮐﯽ ﮨﮯ – ﺻﺎﺣﺐ ﺟﯽ ﻓﭧ ﭘﺎﺗﮫ ﻭﺍﻟﻮﮞ ﮐﻮ ﻋﺰﺕ ﺩﯾﻨﮯ ﻭﺍﻟﮯ ﮨﯿﮟ – ﺍﻥ ﺳﮯ ﻣﯿﮟ ﺍﻧﮑﺎﺭ ﻧﮩﯿﮟ ﮐﺮ ﺳﮑﺘﺎ – ﺁﭖ ﺍﻥ ﺳﮯ ﺑﺎﺕ ﮐﺮ ﮐﮯ ﻣﺠﮭﮯ ﻓﺎﺭﻍ ﮐﺮﺍ ﺩﯾﮟ – ﻣﯿﮟ ﮨﻨﺴﯽ ﺧﻮﺷﯽ ﭼﻼ ﺟﺎﺅﮞ ﮔﺎ “-
” ﺑﮩﺖ ﭼﺎﻻﮎ ﮨﻮﺗﮯ ﮨﻮ ﺗﻢ ﻏﺮﯾﺐ ﻟﻮﮒ ” ﺑﯿﮕﻢ ﺻﺎﺣﺒﮧ ﻧﮯ ﺯﮨﺮﯾﻠﮯ ﻟﮩﺠﮯ ﻣﯿﮟ ﮐﮩﺎ ” – ﺍﺗﻨﯽ ﺗﻨﺨﻮﺍ ﭼﮭﻮﮌ ﮐﺮ ﮨﻨﺴﯽ ﺧﻮﺷﯽ ﭼﻠﮯ ﺟﺎﺅ ﮔﮯ – ﻣﮕﺮ ﻭﮦ ﺑﯿﻮﻗﻮﻑ ﺷﯿﺦ ﺻﺎﺣﺐ ﺟﻮ ﻣﻞ ﮔﺌﮯ ﮨﯿﮟ ﺗﻮ ﺧﻮﺏ ﻋﯿﺶ ﮐﺮﻭ “
ﺍﻟﮩﯽٰ ﺑﺨﺶ ﮐﺎ ﭼﮩﺮﮦ ﺗﻤﺘﻤﺎ ﺍﭨﮭﺎ ” – ﺗﻨﺨﻮﺍ ﮐﯽ ﺑﺎﺕ ﻧﮩﯿﮟ ﮨﮯ – ﻣﯿﮟ ﺗﯿﻦ ﻭﻗﺖ ﮐﯽ ﺭﻭﭨﯽ ﭘﺮ ﺑﮭﯽ ﯾﮩﺎﮞ ﻧﻮﮐﺮﯼ ﮐﺮ ﺳﮑﺘﺎ ﮨﻮﮞ – ﺻﺎﺣﺐ ﺟﯽ ﮐﮩﮧ ﮐﺮ ﺗﻮ ﺩﯾﮑﮭﯿﮟ “
” ﻧﮧ ﻭﮦ ﮐﮩﯿﮟ ﮔﮯ ﻧﮧ ﺗﻢ ﺟﺎﺅ ﮔﮯ “
” ﭼﻠﯿﮟ ﺁﺝ ﻣﯿﮟ ﺧﻮﺩ ﺑﺎﺕ ﮐﺮ ﻟﯿﺘﺎ ﮨﻮﮞ ﺻﺎﺣﺐ ﺟﯽ ﺳﮯ ﮐﮧ ﻣﺠﮭﮯ ﺁﺯﺍﺩ ﮐﺮ ﺩﯾﮟ “
ﺑﯿﮕﻢ ﺻﺎﺣﺒﮧ ﮔﮍﺑﮍﺍ ﮔﺌﯿﮟ – ﺟﺎﻧﺘﯽ ﺗﮭﯿﮟ ﮐﮧ ﺍﺱ ﻣﻌﺎﻣﻠﮯ ﻣﯿﮟ ﺷﯿﺦ ﺻﺎﺣﺐ ﺳﺨﺖ ﮨﻮ ﺟﺎﺋﯿﮟ ﮔﮯ – ﻭﮦ ﺍﺣﺴﺎﻥ ﻣﺎﻧﻨﮯ ﻭﺍﻟﮯ ﺁﺩﻣﯽ ﺗﮭﮯ – ﺍﻥ ﮐﯽ ﺧﺒﺮ ﺑﮭﯽ ﻟﮯ ﻟﯿﮟ ﮔﮯ – ” ﻧﮩﯿﮟ ﺍﺱ ﮐﯽ ﺿﺮﻭﺭﺕ ﻧﮩﯿﮟ ﺍﻟﮩﯽٰ ﺑﺨﺶ ” ﺍﻧﮩﻮﮞ ﻧﮯ ﻧﺮﻡ ﻟﮩﺠﮯ ﻣﯿﮟ ﮐﮩﺎ ” – ﺑﺲ ﺍﭘﯽ ﺍﻭﻗﺎﺕ ﻣﯿﮟ ﺭﮨﻮ – ﺁﺋﻨﺪﮦ ﺍﻥ ﮐﭙﮍﻭﮞ ﻣﯿﮟ ﮔﺎﮌﯼ ﻧﮧ ﭼﻼﻧﺎ – ﺍﺏ ﺍﭘﻨﮯ ﮐﻮﺍﺭﭨﺮ ﻣﯿﮟ ﺟﺎﺅ “
ﺍﻟﮩﯽٰ ﺑﺨﺶ ﺍﭘﻨﮯ ﮐﻮﺍﺭﭨﺮ ﻣﯿﮟ ﭼﻼﮔﯿﺎ –
————————- ٭
ﺍﻟﮩﯽٰ ﺑﺨﺶ ﻧﮯ ﻭﮦ ﭘﯿﻨﭧ ﺷﺮﭦ ﺍﻭﺭ ﺟﻮﺗﮯ ﺍﭘﻨﮯ ﺻﻨﺪﻭﻕ ﻣﯿﻦ ﺭﮐﮫ ﺩﺋﯿﮯ – ﺍﺱ ﻧﮯ ﻋﮩﺪ ﮐﯿﺎ ﮐﮧ ﺍﺏ ﻭﮦ ﺍﻧﮩﯿﮟ ﮐﺒﮭﯽ ﻧﮩﯿﮟ ﭘﮩﻨﮯ ﮔﺎ – ﺍﯾﮏ ﻟﻤﺤﮯ ﮐﻮ ﺍﺱ ﻧﮯ ﺳﻮﭼﺎ ﮐﮧ ﺍﻧﮩﯿﮟ ﺟﻼ ﺩﮮ – ﻟﯿﮑﻦ ﺍﺱ ﻧﮯ ﻓﻮﺭﺍٰ ﮨﯽ ﺍﺱ ﺧﯿﺎﻝ ﮐﻮ ﺭﺩ ﮐﺮ ﺩﯾﺎ – ﻭﮦ ﺗﻮ ﺳﺎﺩﯼ ﮐﯽ ﻋﻨﺎﺕ ﮐﯽ ﻧﺸﺎﻧﯿﺎﮞ ﺗﮭﯿـ ﻭﮦ ﺗﻮ ﺳﻨﺒﮭﺎﻝ ﮐﺮ ﺭﮐﮭﻨﮯ ﻭﺍﻟﯽ ﭼﯿﺰﯾﮟ ﺗﮭﯿـﮟ –
ﺍﺳﮯﺍ ﺱ ﺗﺤﻔﮯ ﮐﮯ ﺑﺎﺭﮮ ﻣﯿﮟ ﺑﮩﺖ ﺗﺠﺴﺲ ﺗﮭﺎ ﺟﻮ ﺳﺎﺩﯼ ﻧﮯ ﺍﺳﮯ ﺩﯾﺎ ﺗﮭﺎ – ﺍﺱ ﻧﮯ ﺳﻮﭼﺎ ﺗﮭﺎ ﮐﮧ ﺭﺍﺕ ﮐﻮ ﺳﻮﺗﮯ ﻭﻗﺖ ﺩﯾﮑﮭﮯ ﮔﺎ ﮐﮧ ﺳﺎﺩﯼ ﻧﮯ ﺍﺳﮯ ﮐﯿﺎﺩﯾﺎ ﮨﮯ، ﻣﮕﺮ ﺷﺎﻡ ﺗﮏ ﺍﺱ ﮐﺎ ﺿﺒﻂ ﺟﻮﺍﺏ ﺩﮮ ﮔﯿﺎ – ﺍﺱ ﻧﮯ ﺍﭘﻨﮯ ﮐﻮﺍﺭﭨﺮ ﮐﺎ ﺩﺭﻭﺍﺯﮦ ﺍﻧﺪﺭ ﺳﮯ ﺑﻨﺪ ﮐﯿﺎ ﺍﻭﺭ ﺑﮍﯼ ﻧﺰﺍﮐﺖ ﺳﮯ ﭘﯿﮑﭧ ﮐﮯ ﺍﻭﭘﺮﯼ ﮐﺎﻏﺰ ﮐﻮ ﮐﮭﻮﻟﻨﮯ ﻟﮕﺎ – ﺍﺱ ﻃﺮﺡ ﮐﮧ ﻭﮦ ﭘﮭﭩﮯ ﺑﮭﯽ ﻧﮩﯿﮟ –
ﭘﯿﮑﭧ ﺳﮯ ﺍﯾﮏ ﮐﺎﺭﮈ ﺑﮭﯽ ﻣﻨﺴﻠﮏ ﺗﮭﺎ – ﺍﺱ ﭘﺮ ﻟﮑﮭﺎ ﺗﮭﺎ ۔۔۔۔۔ ﺍﻟﮩﯽٰ ﺑﺨﺶ ﮐﮯ ﻟﺌﮯ ﺳﺎﻟﮕﺮﮦ ﮐﯽ ﺩﻟﯽ ﻣﺒﺎﺭﮐﺒﺎﺩ ﺍﻭﺭ ﻧﯿﮏ ﺧﻮﺍﺋﺸﺎﺕ ﺍﻭﺭ ﺧﻠﻮﺹ ﻭ ﻣﺤﺒﺖ ﮐﮯ ﺳﺎﺗﮫ – ﺳﺎﺩﯼ – ﺍﻟﮩﯽٰ ﺑﺨﺶ ﻧﮯ ﮐﺎﺭﮈ ﮐﻮ ﺍﯾﮏ ﻃﺮﻑ ﺭﮐﮫ ﺩﯾﺎ – ﭘﮭﺮ ﺍﺱ ﻧﮯ ﭘﮭﻮﻝ ﺩﺍﺭ ﮐﺎﻏﺬ ﺑﮭﯽ ﻭﮨﯿﮟ ﺭﮐﮫ ﺩﯾﺎ –
ﮐﺎﻏﺬ ﮨﭩﻨﮯ ﮐﮯ ﺑﻌﺪ ﺍﻧﺪﺭ ﺳﮯ ﺍﯾﮏ ﭘﯿﮑﭧ ﻧﮑﻼ – ﺍﺱ ﻧﮯ ﭘﯿﮑﭧ ﮐﻮ ﮐﮭﻮﻻ ﺗﻮ ﺍﯾﮏ ﭘﯿﮑﻨﮓ ﺑﺮﺁﻣﺪ ﮨﻮﺋﯽ – ﭘﯿﮑﻨﮓ ﻣﯿﮟ ﺳﮯ ﮨﻠﮑﮯ ﺭﻧﮓ ﮐﯽ ﺍﯾﮏ ﺑﮩﺖ ﮐﻮﺑﺼﻮﺭﺕ ﺑﻮﺗﻞ ﻧﮑﻠﯽ، ﺟﺲ ﻣﯿﮟ ﺯﺭﺩ ﺭﻧﮓ ﮐﺎ ﮐﻮﺋﯽ ﺳﯿﺎﻝ ﺑﮭﺮﺍ ﮨﻮﺍ ﺗﮭﺎ – ﻭﮦ ﺧﻮﺷﺒﻮ ﺗﮭﯽ ۔۔۔۔۔ ﺍﻧﮕﺮﯾﺰﯼ ﺧﻮﺷﺒﻮ، ﺍﻟﮩﯽٰ ﺑﺨﺶ ﻧﮯ ﺑﻮﺗﻞ ﮐﮯ ﻣﻨﮧ ﭘﺮ ﻟﮕﮯ ﮨﻮﺋﮯ ﮐﻮﺭ ﮐﻮ ﮨﭩﺎﯾﺎ – ﻭﮦ ﺍﺳﭙﺮﮮ ﺗﮭﺎ –
ﺍﻟﮩﯽٰ ﺑﺨﺶ ﭼﻨﺪ ﻟﻤﺤﮯ ﻣﺤﺒﺖ ﺳﮯ ﺍﺳﮯ ﺩﯾﮑﮭﺘﺎ ﺭﮨﺎ – ﭘﮭﺮ ﺍﺱ ﻧﮯ ﺑﻮﺗﻞ ﮐﮯ ﭨﺎﭖ ﮐﻮ ﺩﺑﺎﯾﺎ – ﺳﯿﺎﻝ ﮐﯽ ﭘﮭﻮﺍﺭ ﺍﺱ ﭘﺮ ﮔﺮﯼ – ﺍﺱ ﮐﺎ ﭘﻮﺭﺍ ﮐﻮﺍﺭﭨﺮ ﻣﮩﮏ ﮔﯿﺎ – ﻭﮦ ﺑﮩﺖ ﺑﮭﯿﻨﯽ ۔۔۔۔ ﺍﻭﺭ ﺩﻟﺮﺑﺎ ﺧﻮﺷﺒﻮ ﺗﮭﯽ – ﺍﻟﮩﯽٰ ﺑﺨﺶ ﻧﮯ ﭼﻮﺭﻭﮞ ﮐﯽ ﻃﺮﺡ ﺍﺩﮬﺮ ﺍﺩﮬﺮ ﺩﯾﮑﮭﺎ – ﺍﺳﮯ ﮈﺭ ﺗﮭﺎ ﮐﮧ ﺧﻮﺷﺒﻮ ﮐﻮﺍﺭﭨﺮ ﺳﮯ ﺑﺎﮨﺮ ﻧﮑﻞ ﺟﺎﺋﮯ ﮔﯽ ﻟﯿﮑﻦ ﻭﮦ ﺍﺳﮯ ﺭﻭﮎ ﺑﮭﯽ ﻧﮩﯿﮟ ﺳﮑﺘﺎ ﺗﮭﺎ ﺍﻭﺭ ﺑﻮﻟﺘﯽ ﺑﺎﺗﯿﮟ ﮐﺮﺗﯽ ﻭﮦ ﺧﻮﺷﺒﻮ ﮐﺴﯽ ﮐﮯ ﮐﺎﻧﻮﮞ ﻣﯿﮟ ﭘﮍ ﮔﺌﯽ ﺗﻮ !
ﯾﮧ ﮐﯿﺴﺎ ﺧﻄﺮﻧﺎﮎ ﺗﺤﻔﯽ ﺩﯾﺎ ﮨﮯ ﺳﺎﺩﯼ ﻧﮯ –
ﺍﺳﮯ ﻣﺤﺎﻭﺭﮦ ﯾﺎﺩ ﺁﯾﺎ ﮐﮧ ﻋﺸﻖ ﺍﻭﺭ ﻣﺸﮏ ﭼﮭﭙﺎﺋﮯ ﻧﮩﯿﮟ ﭼﮭﭙﺘﮯ – ﻟﯿﮑﻦ ﻋﺸﻖ ﮐﻮ ﺗﻮ ﺍﺱ ﻧﮯ ﺑﮍﯼ ﮐﺎﻣﯿﺎﺑﯽ ﺳﮯ ﭼﮭﭙﺎ ﻟﯿﺎ ﺗﮭﺎ – ﮐﺴﯽ ﮐﻮﭘﺘﺎ ﻧﮩﯿﮟ ﭼﻞ ﺳﮑﺎﺗﮭﺎ ﮐﮧ ﺍﺳﮯ ﺳﺎﺩﯼ ﺳﮯ ﻋﺸﻖ ﮨﮯ – ﻣﮕﺮ ﺍﺏ ﻭﮦ ﭘﺮﯾﺸﺎﻥ ﺗﮭﺎ ﮐﮧ ﺍﺱ ﺧﻮﺷﺒﻮ ﮐﻮ ﭼﮭﭙﺎﻧﺎ، ﺍﺱ ﮐﮯ ﻟﺌﮯ ﺁﺳﺎﻥ ﻧﮩﯿﮟ ﺗﮭﺎ –
ﺍﺱ ﻧﮯ ﺑﻮﺗﻞ ﮐﻮ ﮐﻮﺭ ﻟﮕﺎ ﮐﺮ ﺍﺱ ﮐﯽ ﭘﯿﮑﻨﮓ ﻣﯿﮟ ﺭﮐﮭﺎ – ﺍﺏ ﻭﮦ ﺧﻮﺷﺒﻮ ﮐﮯ ﺗﺤﻠﯿﻞ ﮨﻮﻧﮯ ﮐﺎ ﻣﻨﺘﻈﺮ ﺗﮭﺎ – ﻋﺸﻖ ﺍﻭﺭ ﻋﺎﻡ ﺧﻮﺷﺒﻮ ﻣﯿﮟ ﯾﮩﯽ ﻓﺮﻕ ﮨﮯ – ﻋﺎﻡ ﺧﻮﺷﺒﻮ ﺗﻮ ﺧﺘﻢ ﮨﻮ ﺟﺎﺗﯽ ﮨﮯ – ﻟﯿﮑﻦ ﻋﺸﻖ ﮐﺒﮭﯽ ﺧﺘﻢ ﻧﮩﯿﮟ ﮨﻮﺗﺎ – ﺍﺳﯽ ﻟﺌﮯ ﻭﮦ ﺑﻶﺧﺮ ﭘﮑﮍﺍ ﺟﺎﺗﺎ ﮨﮯ –
ﻣﮕﺮ ﻭﮦ ﺧﻮﺷﺒﻮ ﮐﭽﮫ ﻣﺨﺘﻠﻒ ﺗﮭﯽ – ﺍﻟﮩﯽٰ ﺑﺨﺶ ﮐﻮ ﻣﺤﺴﻮﺱ ﮨﻮﺍ ﮐﮧ ﮨﺮ ﮔﺰﺭﺗﮯ ﻟﻤﺤﮯ ﮐﮯ ﺳﺎﺗﮫ ﺧﻮﺷﺒﻮ ﺗﯿﺰ ﮨﻮﺗﯽ ﺟﺎ ﺭﮨﯽ ﮨﮯ – ﺟﺐ ﻭﮦ ﺧﻮﺷﺒﻮ ﭘﮭﯿﻠﯽ ﺗﻮ ﻣﻨﮧ ﺑﻨﺪ ﮐﻠﯽ ﮐﯽ ﻃﺮﺡ ﺗﮭﯽ ﺍﻭﺭ ﺍﺏ ﺟﯿﺴﮯ ﺧﻮﺷﺒﻮ ﮐﯽ ﻭﮦ ﮐﻠﯽ ﮐﮭﻞ ﺭﮨﯽ ﺗﮭﯽ – ﺟﺎﻧﮯ ﭘﮭﻮﻝ ﺑﻨﮯ ﮔﯽ ﺗﻮ ﮐﯿﺎ ﺣﺎﻝ ﮨﻮ ﮔﺎ – ﺍﻟﮩﯽٰ ﺑﺨﺶ ﻧﮯ ﺳﻮﭼﺎ
ﻭﮦ ﺧﻮﺷﺒﻮ ﻣﯿﮟ ﮔﮭﺮﺍ ﺑﯿﭩﮭﺎ ﺧﻮﺷﺒﻮ ﮐﮯ ﺗﺤﻠﯿﻞ ﮨﻮﻧﮯ ﮐﺎ ﺍﻧﺘﻈﺎﺭ ﮐﺮﺗﺎ ﺭﮨﺎ – ﺟﺎﻧﮯ ﮐﺘﻨﯽ ﺩﯾﺮ ﮨﻮ ﮔﺌﯽ –
ﺍﺳﮯ ﺍﺣﺴﺎﺱ ﺑﮭﯽ ﻧﮩﯿﮟ ﮨﻮﺍ ﮐﮧ ﺷﺎﻡ ﮈﮬﻞ ﭼﮑﯽ ﮨﮯ ﺍﻭﺭ ﮐﻮﺍﺭﭨﺮ ﻣﯿﮟ ﺍﻧﺪﮬﯿﺮﺍ ﮨﻮ ﮔﯿﺎ ﮨﮯ – ﭘﮭﺮ ﺩﺭﻭﺍﺯﮮ ﭘﺮ ﮨﻮﻧﮯ ﻭﺍﻟﯽ ﮨﻠﮑﯽ ﺳﯽ ﺩﺳﺘﮏ ﻧﮯ ﺍﺳﮯ ﭼﻮﻧﮑﺎ ﺩﯾﺎ – ﻭﮦ ﺍﺱ ﭼﻮﺭ ﮐﯽ ﻃﺮﺡ ﮔﮭﺒﺮﺍ ﮔﯿﺎ، ﺟﺴﮯ ﺭﻧﮕﮯ ﮨﺎﺗﮭﻮﮞ ﭘﮑﮍ ﻟﯿﺎ ﮔﯿﺎ ﮨﻮ – ﻭﮦ ﺳﻮﭺ ﻣﯿﮟ ﭘﮍ ﮔﯿﺎ ﮐﮧ ﺍﺱ ﺗﺤﻔﮯ ﮐﻮ ﮐﮩﺎﮞ ﭼﮭﭙﺎﺋﮯ – ﮔﮭﺒﺮﺍﮨﭧ ﻣﯿﮟ ﮐﭽﮫ ﺳﻤﺠﮫ ﻣﯿﮟ ﻧﮩﯿﮟ ﺁ ﺭﮨﺎ ﺗﮭﺎ –
ﺩﺭﻭﺍﺯﮮ ﭘﺮ ﺩﻭﺑﺎﺭﮦ ﺩﺳﺘﮏ ﮨﻮﺋﯽ –
ﺍﻟﮩﯽٰ ﺑﺨﺶ ﻧﮯ ﭘﮭﻮﻝ ﺩﺍﺭ ﮐﺎﻏﺬ، ﮐﺎﺭﮈ ﺍﻭﺭ ﭘﯿﮑﻨﮓ ﮐﻮ ﺟﻠﺪﯼ ﺟﻠﺪﯼ ﺑﮑﺲ ﻣﯿﮟ ﺭﮐﮭﺎ – ﺍﺗﻨﯽ ﺩﯾﺮ ﻣﯿﮟ ﺩﺭﻭﺍﺯﮮ ﭘﺮ ﺗﯿﺴﺮﯼ ﺩﺳﺘﮏ ﮨﻮ ﭼﮑﯽ ﺗﮭﯽ – ﺑﮑﺲ ﺑﻨﺪ ﮐﺮ ﮐﮯ ﻭﮦ ﺍﭨﮭﺎ ﺗﻮ ﺍﺳﮯ ﯾﮧ ﺍﺣﺴﺎﺱ ﮨﻮﺍ ﮐﮧ ﺧﻮﺑﻮ ﮐﯽ ﺁﻭﺍﺯ ﺗﻮ ﺍﻭﺭ ﺗﯿﺰ ﮨﻮ ﮔﺌﯽ ﮨﮯ – ﻭﮦ ﺧﻮﺷﺒﻮ ﮐﯽ ﺷﯿﺸﯽ ﺗﻮ ﭼﮭﭙﺎ ﺳﮑﺘﺎ ﮨﮯ ﻟﯿﮑﻦ ﺧﻮﺷﺒﻮ ﮐﺎ ﮔﻼ ﺗﻮ ﻧﮩﯿﮟ ﮔﮭﻮﻧﭧ ﺳﮑﺘﺎ، ﺟﻮ ﭘﻮﺭﮮ ﮐﻮﺍﺭﭨﺮ ﻣﯿﮟ ﭘﮭﯿﻠﯽ ﮨﻮﺋﯽ ﺗﮭﯽ – ﻭﮦ ﺩﺭﻭﺍﺯﮮ ﭘﺮ ﮔﯿﺎ – ﭼﻮﺗﮭﯽ ﺩﺳﺘﮏ ﻧﺴﺒﺘﺎٰ ﺑﻠﻨﺪ ﺗﮭﯽ –
” ﮐﻮﻥ ﮨﮯ؟ ” ﺍﺱ ﻧﮯ ﭘﻮﭼﮭﺎ –
” ﺩﺭﻭﺍﺯﮦ ﮐﮭﻮﻟﻮ، ﻣﯿﮟ ﮨﻮﮞ ﺳﺎﺩﯼ “
ﺍﻟﮩﯽٰ ﺑﺨﺶ ﮐﺎ ﺩﻣﺎﻍ ﺑﮭﮏ ﺳﮯ ﺍﮌ ﮔﯿﺎ – ﺳﺎﺩﯼ ۔۔۔۔۔۔ ﺍﻭﺭ ﯾﮩﺎﮞ
” ﺩﺭﻭﺍﺯﮦ ﮐﮭﻮﻟﻮ ﻣﯿﮟ ﮨﻮﮞ ﺳﺎﺩﯼ “
ﺍﻟﮩﯽٰ ﺑﺨﺶ ﮐﺎ ﺩﻣﺎﻍ ﺑﮭﮏ ﺳﮯ ﺍﮌ ﮔﯿﺎ – ﺳﺎﺩﯼ ۔۔۔۔۔۔ ﺍﻭﺭ ﯾﮩﺎﮞ ! ﻭﮦ ﭘﺘﮭﺮ ﮐﺎ ﺑﺖ ﺑﻦ ﮔﯿﺎ – ﺳﺎﮐﺖ ﻭ ﺟﺎﻣﺪ !
” ﺩﺭﻭﺍﺯﮦ ﮐﮭﻮﻟﻮ ﺍﻟﮩﯽٰ ﺑﺨﺶ “
ﺍﻟﮩﯽٰ ﺑﺨﺶ ﻧﮯ ﺩﺭﻭﺍﺯﮦ ﮐﮭﻮﻝ ﺩﯾﺎ – ﺳﺎﺩﯼ ﮨﻮﺍ ﮐﮯ ﺟﮭﻮﻧﮑﮯ ﮐﯽ ﻃﺮﺡ ﺍﻧﺪﺭ ﺁ ﮔﺌﯽ ” – ﮐﯿﺎ ﺑﺎﺕ ﮨﮯ – ﺳﻮ ﺭﮨﮯ ﺗﮭﮯ ” ﺍﺱ ﻧﮯ ﭘﻮﭼﮭﺎ –
” ﻧﻦ۔۔۔۔۔۔ ﻧﮩﯿﮟ ۔۔۔۔ ﺟﺞ ۔۔۔۔۔۔۔ ﺟﯽ ﮨﺎﮞ “
” ﮐﻮﺍﺭﭨﺮ ﻣﯿﮟ ﺍﻧﺪﮬﯿﺮﺍ ﮐﺮ ﺭﮐﮭﺎ ﮨﮯ – ﻻﺋﭧ ﮐﯿﻮﮞ ﻧﮩﯿﮟ ﺟﻼﺋﯽ “
” ﺑﺲ ﺁﻧﮑﮫ ﻟﮓ ﮔﺌﯽ ﺗﮭﯽ “
” ﺳﻮﺭﯼ ﻣﯿﮟ ﻧﮯ ﺗﻤﮩﯿﮟ ﮈﺳﭩﺮﺏ ﮐﯿﺎ “
” ﺍﺭﮮ ﻧﮩﯿﮟ – ﺳﺎﺩﯼ ﺑﯽ ﺑﯽ ! ﺁﭖ ﺑﺘﺎﺋﯿﮟ ﮐﮩﯿﮟ ﭼﻠﻨﺎ ﮨﮯ؟ “
” ﻧﮩﯿﮟ، ﮐﮩﯿﮟ ﺟﺎﻧﺎ ﻧﮩﯿﮟ ﮨﮯ “- ﺳﺎﺩﯼ ﻧﮯ ﮐﮩﺎ – ” ﻣﯿﮟ ﺗﻢ ﺳﮯ ﻣﻠﻨﮯ ﺁﺋﯽ ﮨﻮﮞ – ﺍﭘﻨﺎ ﮐﻮﺍﺭﭨﺮ ﻧﮩﯿﮟ ﺩﮐﮭﺎﺅ ﮔﮯ؟ “
” ﮐﯿﻮﮞ ﻧﮩﯿﮟ ﺳﺎﺩﯼ ﺑﯽ ﺑﯽ ! ﯾﮧ ﺁﭖ ﻟﻮﮔﻮﮞ ﮐﺎ ﺩﯾﺎ ﮨﻮﺍ ﮨﯽ ﮨﮯ ‘- ﺍﻟﮩﯽٰ ﺑﺨﺶ ﻧﮯ ﮐﮩﺎ “- ﻟﯿﮑﻦ ﭘﮭﺮ ﺑﯿﮕﻢ ﺻﺎﺣﺒﮧ ﮐﮩﯿﮟ ﮔﯽ ﻣﯿﮟ ﺍﭘﻨﯽ ﺍﻭﻗﺎﺕ ﺑﮭﻮﻝ ﺭﮨﺎ ﮨﻮﮞ “
” ﻣﯿﮟ ﺗﻢ ﺳﮯ ﺍﻣﯽ ﮐﯽ ﻣﻌﺬﺭﺕ ﮐﺮﻧﮯ ﺁﺋﯽ ﮨﻮﮞ ” ﺳﺎﺩﯼ ﻧﮯ ﮐﻤﺮﮮ ﮐﯽ ﻃﺮﻑ ﺑﮍﮬﺘﮯ ﮨﻮﺋﮯ ﮐﮩﺎ – ﺍﻟﮩﯽٰ ﺑﺨﺶ ﻧﮯ ﺁﮔﮯ ﺑﮍﮪ ﮐﺮ ﻻﺋﭧ ﺁﻥ ﮐﺮ ﺩﯼ –
” ﺍﻣﯽ ﻧﮯ ﺗﻤﮩﺎﺭﯼ ﺑﮩﺖ ﺑﮯ ﻋﺰﺗﯽ ﮐﯽ – ﻟﯿﮑﻦ ﺗﻢ ﻣﺎﺋﻨﮉ ﻧﮧ ﮐﺮﻭ – ﺍﻣﯽ ﺍﯾﺴﯽ ﮨﯽ ﮨﯿﮟ – ﻭﮦ ﺗﻮ ﭘﺎﭘﺎ ﮐﻮ ﺑﮭﯽ ﻧﮩﯿﮟ ﺑﺨﺸﺘﯿﮟ ” ﻭﮦ ﮐﮩﺘﮯ ﮐﮩﺘﮯ ﺭﮎ ﮔﺌﯽ ” – ﺍﺭﮮ ۔۔۔۔۔ ﯾﮧ ﺧﻮﺷﺒﻮ “!
ﺍﻟﮩﯽٰ ﺑﺨﺶ ﻧﮯ ﭼﻮﺭﻭﮞ ﮐﯽ ﻃﺮﺡ ﻧﻈﺮﯾﮟ ﺟﮭﮑﺎ ﻟﯿﮟ
” ﮐﯿﺴﯽ ﻟﮕﯽ ﺗﻤﮩﯿﮟ؟ “
‘ ﻧﮩﺖ ﺍﭼﮭﯽ ﮨﮯ ﺳﺎﺩﯼ ﺑﯽ ﺑﯽ ” ﺍﻟﮩﯿﯽ ﺑﺨﺶ ﻧﮯ ﮐﮩﺎ – ﻭﮦ ﮐﮩﻨﺎ ﭼﺎﮨﺘﺎ ﺗﮭﺎ ۔۔۔۔۔۔ ﻣﮕﺮ ﺑﻮﺗﯽ ﺑﮩﺖ ﮨﮯ – ﻟﯿﮑﻦ ﺍﺱ ﻧﮯ ﯾﮧ ﺑﺎﺕ ﻧﻮﮎ ﺯﺑﺎﻥ ﭘﺮ ﺭﻭﮎ ﻟﯽ –
” ﻣﯿﮟ ﺩﺭﺍﺻﻞ ﺗﻢ ﺳﮯ ﻣﻌﺎﻓﯽ ﻣﺎﻧﮕﻨﮯ ﺁﺋﯽ ﮨﻮﮞ ” ﺳﺎﺩﯼ ﻧﮯ ﮐﮩﺎ ” ﻣﯿﺮﯼ ﺑﺎﺕ ﻣﺎﻧﻨﮯ ﮐﯿﻮﺟﮧ ﺳﮯ ﺗﻤﮩﺎﺭﯼ ﺑﮩﺖ ﺑﮯ ﻋﺰﺗﯽ ﮨﻮﺋﯽ ﮨﮯ
‘ ﺍﯾﺴﯽ ﺑﺎﺗﯿﮟ ﻧﮧ ﮐﺮﯾﮟ ﺳﺎﺩﯼ ﺑﯽ ﺑﯽ – ﺁﭖ ﻧﮩﯿﮟ ﺟﺎﻧﺘﯿﮟ ﻣﯿﮟ ﻧﮯ ﺯﻧﺪﮔﯽ ﺑﮭﺮ ﯾﮩﯽ ﮐﭽﮫ ﺩﯾﮑﮭﺎ ﮨﮯ، ﯾﮩﯽ ﮐﭽﮫ ﺑﮭﮕﺘﺎ ﮨﮯ – ﮐﺮﺍﭼﯽ ﺳﮯ ﻣﺠﮭﮯ ﻣﺤﺒﺖ ﺍﺳﯽ ﻟﺌﮯ ﺗﻮ ﮨﮯ ﮐﮧ ﻣﺠﮭﮯ ﺳﺐ ﺳﮯ ﺯﯾﺎﺩﮦ ﻋﺰﺕ ﺍﻭﺭ ﻣﺤﺒﺖ ﯾﮩﺎﮞ ﺳﮯ ﻣﻠﯽ ﮨﮯ – ﯾﮩﺎﮞ ﺁﭖ ﺟﯿﺴﮯ ﺑﮍﮮ ﻟﻮﮔﻮﮞ ﺳﮯ ﺑﮭﯽ ﺑﺮﺍﺑﺮﯼ ﮐﺎﺍﺣﺴﺎﺱ ﻣﻼ ﮨﮯ ﻣﺠﮭﮯ، ﻭﺭﻧﮧ ﺍﯾﺒﭧ ﺁﺑﺎﺩ ﻣﯿﮟ، ﻣﯿﮟ ﮐﯿﺎ ﺗﮭﺎ – ﺟﻼﮨﮯ ﮐﯽ ﺍﻭﻻﺩ، ﺟﺴﮯ ﺳﺎﺩﺍﺕ ﮐﻮ ﺑﮭﯽ ﺗﻌﻈﯿﻢ ﺩﯾﻨﯽ ﺗﮭﯽ ﺍﻭﺭ ﺧﻮﺍﺗﯿﻦ ﮐﻮ ﺑﮭﯽ – ﻣﯿﺮﯼ ﺗﻮ ﺍﭘﻨﯽ ﻧﻈﺮﻭﮞ ﻣﯿﮟ ﺑﮭﯽ ﮐﻮﺋﯽ ﻋﺰﺕ ﻧﮩﯿﮟ ﺗﮭﯽ ﻭﮨﺎﮞ – ﺁﭖ ﻣﺠﮭﮯ ﺷﺮﻣﻨﺪﮦ ﻧﮧ ﮐﺮﯾﮟ – ﻣﯿﮟ ﻧﮯ ﺑﺮﺍ ﻧﮩﯿﮟ ﻣﺎﻧﺎ، ﮐﺮﺍﭼﯽ ﻣﯿﮟ ﺻﺮﻑ ﺑﯿﮕﻢ ﺻﺎﺣﺒﮧ ﮐﺎ ﺳﻠﻮﮎ ﮨﯽ ﺍﯾﺴﺎ ﮨﮯ ﺟﺲ ﺳﮯ ﻣﺠﮭﮯ ﮔﮭﺮ ﯾﺎﺩ ﺁ ﺟﺎﺗﺎ ﮨﮯ “
” ﭘﮭﺮ ﺑﮭﯽ ﻣﯿﮟ ﺗﻢ ﺳﮯ ﺷﺮﻣﻨﺪﮦ ﮨﻮﮞ “
” ﺍﺏ ﺍﯾﺴﯽ ﺑﺎﺕ ﻧﮧ ﮐﯿﺠﺌﮯ ﮔﺎ “
ﺳﺎﺩﯼ ﺍﺏ ﮐﻤﺮﮮ ﮐﺎ ﺟﺎﺋﺰﮦ ﻟﮯ ﺭﮨﯽ ﺗﮭﯽ – ” ﺍﭘﻨﺎ ﮐﻤﺮﮦ ﺑﮩﺖ ﺻﺎﻑ ﺳﺘﮭﺮﺍ ﺭﮐﮭﺘﮯ ﮨﻮ ﺗﻢ ” ﺍﺱ ﻧﮯ ﺳﺘﺎﺋﺸﯽ ﻟﮩﺠﮯ ﻣﯿﮟ ﮐﮩﺎ – ﭘﮭﺮ ﮐﺘﺎﺑﻮﮞ ﮐﯽ ﭼﮭﻮﭨﯽ ﺳﯽ ﺍﻟﻤﺎﺭﯼ ﮐﯽ ﻃﺮﻑ ﺑﮍﮬﯽ ” – ﺍﺭﮮ ﻭﺍﮦ ۔۔۔۔ ﮐﺘﺎﺑﯿﮟ ﺗﻮ ﺍﭼﮭﯽ ﺧﺎﺻﯽ ﮨﯿﮟ ﺗﻤﮩﺎﺭﮮ ﭘﺎﺱ “
” ﺑﺲ ﺟﯽ، ﺳﺎﺩﯼ ﺑﯽ ﺑﯽ، ﯾﮩﯽ ﺍﯾﮏ ﺷﻮﻕ ﮨﮯ ﻣﯿﺮﺍ “
” ﺍﭼﮭﺎ ﺷﻮﻕ ﮨﮯ – ﮐﺘﺎﺑﻮﮞ ﺳﮯ ﺩﻭﺳﺘﯽ ﮨﻮ ﺟﺎﺋﮯ ﺗﻮ ﺁﺩﻣﯽ ﺗﻨﮩﺎﺋﯽ ﻣﯿﮟ ﺑﮭﯽ ﺍﮐﯿﻼ ﻧﮩﯿﮟ ﮨﻮﺗﺎ “
” ﭨﮭﯿﮏ ﮐﮩﺘﯽ ﮨﯿﮟ ﺁﭖ “
ﺳﺎﺩﯼ ﻭﮨﺎﮞ ﮐﮭﮍﯼ ﮐﺘﺎﺑﻮﮞ ﮐﮯ ﻋﻨﻮﺍﻥ ﺩﮨﺮﺍﺗﯽ ﺭﮨﯽ۔۔۔۔۔ ” ﺳﮍﮎ ﻭﺍﭘﺲ ﺟﺎﺗﯽ ﮨﮯ، ﺷﮑﺴﺖ، ﺑﺮﻑ ﮐﺎ ﭘﮭﻮﻝ، ﺍﯾﮏ ﻭﺍﺋﻠﻦ، ﺳﻤﻨﺪﺭ ﮐﮯ ﮐﻨﺎﺭﮮ، ﻃﻮﻓﺎﻥ ﮐﯽ ﮐﻠﯿﺎﮞ، ﺍﯾﮏ ﮔﺪﮬﮯ ﮐﯽ ﺳﺮﮔﺰﺷﺖ، ﮔﺪﮬﮯ ﮐﯽ ﻭﺍﭘﺴﯽ، ﮔﺪﮬﺎ ﻧﯿﻔﺎ ﻣﯿﮟ، ﺩﺭﺩ ﮐﯽ ﻧﮩﺮ۔۔۔۔۔۔۔ ﮐﺮﺷﻦ ﭼﻨﺪﺭ ﺑﮩﺖ ﭘﺴﻨﺪ ﮨﯿﮟ ﺗﻤﮩﯿﮟ ؟ ” ﺍﺱ ﻧﮯ ﭘﻮﭼﮭﺎ
” ﺟﯽ ﺳﺎﺩﯼ ﺑﯽ ﺑﯽ ﺳﺐ ﻟﮑﮭﻨﮯ ﻭﺍﻟﻮﮞ ﺳﮯ ﺯﯾﺎﺩﮦ “-
” ﺁﻭﺭ ﯾﮧ ﻃﺮﻑ ﺷﻌﺮﯼ ﻣﺠﻤﻮﻋﮯ ﮨﯿﮟ ” ﺳﺎﺩﯼ ﺑﮩﺖ ﺧﻮﺵ ﻧﻈﺮ ﺁ ﺭﮨﯽ ﺗﮭﯽ – ” ﺳﯿﻒ ﺍﻟﺪﯾﻦ ﮐﺎ ﺧﻢ ﮐﺎﮐﻞ، ﻧﺎﺻﺮ ﮐﺎﻇﻤﯽ ﮐﺎ ﺑﺮﮒ ﻧﮯ ﺍﻭﺭ ﺩﯾﻮﺍﻥ، ﻗﺘﯿﻞ ﺷﻔﺎﺋﯽ ﮐﺎ ﮔﺠﺮ، ﺳﺎﺣﺮ ﻟﺪﮬﯿﺎﻧﻮﯼ ﮐﺎ ﭘﺮﭼﮭﺎﺋﯿﺎﮞ ﺍﻭﺭ ﮔﺎﺗﺎ ﺟﺎﺋﮯ ﺑﻨﺠﺎﺭﮦ ۔۔۔۔۔۔ ﺣﺒﯿﺐ ﺟﺎﻟﺐ، ﺍﺣﻤﺪ ﻧﺪﯾﻢ ﻗﺎﺳﻤﯽ، ﻭﺍﮦ ﺑﮭﺌﯽ ﺗﻤﮩﺎﺭﺍ ﺫﻭﻕ ﺑﮩﺖ ﺍﭼﮭﺎ ﮨﮯ “
” ﺫﻭﻕ ﮐﺎ ﺗﻮ ﻧﮩﯿﮟ ﻣﻌﻠﻮﻡ ﺳﺎﺩﯼ ﺑﯽ ﺑﯽ، ﺑﺲ ﺷﺎﻋﺮﯼ ﻣﺠﮭﮯ ﺑﮯ ﺧﻮﺩ ﮐﺮ ﺩﯾﺘﯽ ﮨﮯ “
” ﻧﺴﻠﯽ ﻋﺎﺷﻖ ﺟﻮ ﭨﮭﺮﮮ ” ﺳﺎﺩﯼ ﻧﮯ ﺍﺱ ﮐﯽ ﺑﺎﺕ ﺩﮨﺮﺍﺋﯽ – ﭘﮭﺮ ﺑﻮﻟﯽ ” ﺷﺎﻋﺮﻭﮞ ﻣﯿﮟ ﮐﻮﻥ ﺯﯾﺎﺩﮦ ﭘﺴﻨﺪ ﮨﮯ ﺗﻤﮩﯿﮟ؟ “
” ﭘﮩﻠﮯ ﺳﺎﺣﺮ ﺑﮩﺖ ﺍﭼﮭﮯ ﻟﮕﺘﮯ ﺗﮭﮯ – ﺍﺏ ﻟﮕﺘﺎ ﮨﮯ ﻧﺎﺻﺮ ﮐﺎﻇﻤﯽ ﻧﮯ ﺻﺮﻑ ﻣﯿﺮﮮ ﻟﺌﮯ ﺷﺎﻋﺮﯼ ﮐﯽ ﮨﮯ “
ﻧﯿﭽﮯ ﺍﺑﻦ ﺻﻔﯽ ﮐﯽ ﮐﺘﺎﺑﯿﮟ ﺭﮐﮭﯽ ﺗﮭﯿﮟ – ﺳﺎﺩﯼ ﮮ ﺣﯿﺮﺕ ﺳﮯ ﺍﺳﮯ ﺩﯾﮑﮭﺎ ” ﮐﮩﺎﮞ ﮐﺮﺷﻦ ﭼﻨﺪﺭ، ﺷﺎﻋﺮﯼ ﺍﻭﺭ ﮐﮩﺎﮞ ﺍﺑﻦ ﺻﻔﯽ “!
” ﮐﺒﮭﯽ ﺍﺩﺍﺱ ﮨﻮﮞ، ﺩﻝ ﺑﻮﺟﮭﻞ ﮨﻮ ﺗﻮ ﺍﺑﻦ ﺻﻔﯽ ﮐﻮ ﭘﮍﮪ ﻟﯿﺘﺎ ﮨﻮﮞ – ﮨﺮ ﻣﻼﻝ ﺩﮬﻞ ﺟﺎﺗﺎ ﮨﮯ “
ﺳﺎﺩﯼ ﺍﺳﮯ ﯾﻮﮞ ﺩﯾﮑﮫ ﺭﮨﯽ ﺗﮭﯽ ﺟﯿﺴﮯ ﭘﮩﻠﯽ ﺑﺎﺭ ﺩﯾﮑﮫ ﺭﮨﯽ ﮨﻮ – ﮐﯿﺎ ﯾﮧ ﻭﮨﯽ ﺷﺨﺺ ﮨﮯ ۔۔۔۔۔۔۔ ﺟﻼﮨﺎ ﺍﻟﮩﯽٰ ﺑﺨﺶ، ﻓﭧ ﭘﺎﺗﮫ ﭘﺮ ﺑﯿﭩﮭﻨﮯ ﻭﺍﻻ ﭘﯿﻨﭩﺮ ﺍﻭﺭ ﺍﺱ ﮐﺎ ﮈﺭﺍﺋﯿﻮﺭ – ﺍﺱ ﻭﻗﺖ ﺍﻟﮩﯽٰ ﺑﺨﺶ ﮐﺎ ﭼﮩﺮﮦ ﺍﺳﮯ ﺑﮩﺖ ﺭﻭﺷﻦ ﻟﮓ ﺭﮨﺎ ﺗﮭﺎ، ﻭﮦ ﺳﻮﭺ ﺭﮨﯽ ﺗﮭﯽ ﮐﮧ ﺍﯾﺴﮯ ﺗﻮ ﭘﮍﮬﮯ ﻟﮑﮭﮯ، ﺩﻭﻟﺖ ﻣﻨﺪ ﺧﺎﻧﺪﺍﻧﯽ ﻟﻮﮒ ﺑﮭﯽ ﻧﮩﯿﮟ ﮨﻮﺗﮯ –
ﺍﻟﮩﯽٰ ﺑﺨﺶ ﻧﮯ ﺍﺱ ﮐﯽ ﻧﻈﺮﻭﮞ ﮐﯽ ﺗﭙﺶ ﺳﮯ ﮔﮭﺒﺮﺍ ﮐﺮ ﻧﻈﺮﯾﮟ ﺟﮭﮑﺎ ﻟﯿﮟ –
ﺳﺎﺩﯼ ﮐﯽ ﺗﻮﺟﮧ ﺍﯾﮏ ﮐﺘﺎﺏ ﻧﮯ ﮐﮭﯿﻨﭻ ﻟﯽ – ﭘﮩﻠﯽ ﺑﺎﺭﺵ – ﻧﺎﺻﺮ ﮐﺎﻇﻤﯽ، ﺍﺱ ﻧﮯ ﮐﺘﺎﺏ ﺑﺎﮨﺮ ﻧﮑﺎﻟﯽ – ﮐﺘﺎﺏ ﮐﻮ ﺩﯾﮑﮭﻨﮯ ﮐﮯ ﺑﻌﺪ ﻭﮦ ﺑﻮﻟﯽ ” ﮐﯿﺴﯽ ﺧﻮﺑﺼﻮﺭﺕ ﮐﺘﺎﺏ ﮨﮯ “
” ﺟﯽ ﮨﺎﮞ، ﺻﺮﻑ ﺧﻮﺑﺼﻮﺭﺕ ﭼﮭﭙﯽ ﻧﮩﯿﮟ ﮨﮯ – ﺷﺎﻋﺮﯼ ﺑﮭﯽ ﺧﻮﺑﺼﻮﺭﺕ ﮨﮯ – ﺍﺏ ﺗﮏ ﻣﺠﮭﮯ ﺳﺐ ﺳﮯ ﺍﭼﮭﯽ ﯾﮩﯽ ﮐﺘﺎﺏ ﻟﮕﯽ ﮨﮯ “-
” ﺗﻢ ﻧﮯ ﭘﮍﮬﯽ ﮨﮯ؟ “
” ﺟﯽ ﮨﺎﮞ، ﭘﮍﮬﯽ ﺗﻮ ﮨﮯ ﻟﯿﮑﻦ ﺍﺑﮭﯽ ﺗﮏ ﻏﺰﻝ ﮐﺎ ﭘﮩﻼ ﺷﻌﺮ ﺗﮏ ﻧﮩﯿﮟ ﺳﻤﺠﮫ ﺳﮑﺎ ﮨﻮﮞ – ﻟﮕﺘﺎ ﮨﮯ، ﺍﺳﮯ ﺳﻤﺠﮭﻨﮯ ﻣﯿﮟ ﭘﻮﺭﯼ ﺯﻧﺪﮔﯽ ﻟﮕﮯ ﮔﯽ “-
ﺳﺎﺩﯼ ﮐﮯ ﺩﻝ ﻣﯿﮟ ﺍﺷﺘﯿﺎﻕ ﭘﯿﺪﺍ ﮨﻮﺍ – ﺍﺱ ﻧﮯ ﭘﮩﻠﯽ ﻏﺰﻝ ﻧﮑﺎﻝ ﻟﯽ ﺍﻭﺭ ﺑﮧ ﺁﻭﺍﺯ ﺑﻠﻨﺪ ﻣﻄﻠﻊ ﭘﮍﮬﺎ
ﻣﯿﮟ ﻧﮯ ﺟﺐ ﻟﮑﮭﻨﺎ ﺳﯿﮑﮭﺎ ﺗﮭﺎ
ﭘﮩﻠﯽ ﺗﯿﺮﺍ ﻧﺎﻡ ﻟﮑﮭﺎ ﺗﮭﺎ
” ﻭﺍﮦ ﺑﮩﺖ ﺍﭼﮭﺎ ﺷﻌﺮ ﮨﮯ – ﻟﯿﮑﻦ ﺍﻟﮩﯽٰ ﺑﺨﺶ ﯾﮧ ﻣﺸﮑﻞ ﺗﻮ ﻧﮩﯿﮟ ﮐﮧ ﺍﺳﮯ ﺳﻤﺠﮫ ﻧﮧ ﺳﮑﻮ “
” ﻟﻔﻈﻮﮞ ﮐﺎ ﻣﻌﺎﻣﻠﮧ ﺗﻮ ﺁﺳﺎﻥ ﮨﮯ – ﻣﯿﮟ ﺍﺱ ﺷﻌﺮ ﮐﯽ ﺭﻭﺡ ﮐﻮ ﺳﻤﺠﮭﻨﺎ ﭼﺎﮨﺘﺎ ﮨﻮﮞ “
” ﻣﺠﮭﮯ ﺗﻮ ﯾﮧ ﺷﻌﺮ ﺑﮩﺖ ﺳﺎﺩﮦ ﺍﻭﺭ ﺁﺳﺎﻥ ﻟﮕﺎ ﮨﮯ “
” ﺗﻮ ﻣﺠﮭﮯ ﺳﻤﺠﮭﺎ ﺩﯾﺠﯿﺌﮯ “
ﺳﺎﺩﯼ ﺳﻮﭺ ﻣﯿﮟ ﭘﮍ ﮔﺌﯽ – ﭘﮭﺮ ﺑﻮﻟﯽ ” ﺍﺏ ﺳﻤﺠﮫ ﻣﯿﮟ ﺁﺗﺎ ﮨﮯ ﮐﮧ ﺳﻤﺠﮭﻨﮯ ﺳﮯ ﺯﯾﺎﺩﮦ ﮐﺴﯽ ﮐﻮ ﺳﻤﺠﮭﺎﻧﺎ ﻣﺸﮑﻞ ﮨﮯ – ﻭﯾﺴﮯ ﻣﯿﺮﺍ ﺧﯿﺎﻝ ﮨﮯ ﮐﮧ ﺷﺎﻋﺮ ﮐﺎ ﺍﺷﺎﺭﮦ ﺍﭘﻨﮯ ﻣﺤﺒﻮﺏ ﮐﯽ ﻃﺮﻑ ﮨﮯ “
” ﯾﮧ ﺗﻮ ﻣﯿﮟ ﺑﮭﯽ ﺳﻤﺠﮭﺘﺎ ﮨﻮﮞ – ﻟﯿﮑﻦ ﻣﯿﺮﯼ ﺗﺴﻠﯽ ﻧﮩﯿﮟ ﮨﻮﺗﯽ – ﯾﮧ ﮐﻮﻥ ﺳﮯ ﻣﺤﺒﻮﺏ ﮐﯽ ﺑﺎﺕ ﮨﻮ ﺭﮨﯽ ﮨﮯ ﯾﮧ ﺳﻤﺠﮫ ﻣﯿﮟ ﻧﮩﯿﮟ ﺁﺗﺎ – ﻭﯾﺴﮯ ﺳﺎﺩﯼ ﺑﯽ ﺑﯽ، ﯾﮧ ﭘﮩﻠﯽ ﺑﺎﺭﺵ ﻣﺴﻠﺴﻞ ﻏﺰﻝ ﮨﮯ – ﯾﻮﮞ ﮐﮩﺌﯿﮯ ﮐﮧ ﻏﺰﻝ ﮐﺎ ﺟﺴﻢ ﮨﮯ ﺍﻭﺭ ﺭﻭﺡ ﻧﻈﻢ ﮐﯽ ﮨﮯ – ﻟﮩﺬﺍ ﺍﻟﮓ ﺳﮯ ﺍﯾﮏ ﺷﻮﺭ ﮐﻮ ﺳﻤﺠﮭﻨﮯ ﮐﮯ ﺑﺠﺎﺋﮯ ﻣﻼ ﮐﺮ ﺳﻤﺠﮭﻨﮯ ﮐﯽ ﮐﻮﺷﺶ ﮐﺮﻧﯽ ﭼﺎﮨﺌﮯ – ﺩﯾﮑﮭﯿﮟ ﺗﻮ ۔۔۔۔۔۔
ﻣﯿﮟ ﻧﮯ ﺟﺐ ﻟﮑﮭﻨﺎ ﺳﯿﮑﮭﺎ ﺗﮭﺎ
ﭘﮩﻠﮯ ﺗﯿﺮﺍ ﻧﺎﻡ ﻟﮑﮭﺎ ﺗﮭﺎ
ﻣﯿﮟ ﻭﮦ ﺍﺳﻢ ﻋﻈﯿﻢ ﮨﻮﮞ ﺟﺲ ﮐﻮ
ﺟﻦ ﻭ ﻣﻠﮏ ﻧﮯ ﺳﺠﺪﮦ ﮐﯿﺎ ﺗﮭﺎ
ﻣﯿﮟ ﻭﮦ ﺻﺒﺮ ﺻﻤﯿﻢ ﮨﻮﮞ ﺟﺲ ﻧﮯ
ﺑﺎﺭ ﺍﻣﺎﻧﺖ ﺳﺮ ﭘﮧ ﻟﯿﺎ ﺗﮭﺎ
ﺗﻮ ﻧﮯ ﮐﯿﻮﮞ ﻣﯿﺮﺍ ﮨﺎﺗﮫ ﻧﮧ ﭘﮑﮍﺍ
ﻣﯿﮟ ﺟﺐ ﺭﺳﺘﮯ ﺳﮯ ﺑﮭﭩﮑﺎ ﺗﮭﺎ
ﭘﮩﻠﯽ ﺑﺎﺭﺵ ﺑﮭﯿﺠﻨﮯ ﻭﺍﻟﮯ
ﻣﯿﮟ ﺗﯿﺮﮮ ﺩﺭﺷﻦ ﮐﺎ ﭘﯿﺎﺳﺎ ﺗﮭﺎ
ﺳﺎﺩﯼ ﺑﮍﯼ ﺗﻮﺟﮧ ﺳﮯ ﺳﻦ ﺭﮨﯽ ﺗﮭﯽ – ﺍﻟﮩﯽٰ ﺑﺨﺶ ﮐﯽ ﺁﻭﺍﺯ ﻣﯿﮟ ۔۔۔۔۔۔ ﺍﺱ ﮐﮯ ﻟﮩﺠﮯ ﻣﯿﮟ ﻧﮧ ﺟﺎﻧﮯ ﮐﯿﺎ ﺗﮭﺎ ﮐﮧ ﺳﺎﺩﮦ ﺳﮯ ﻭﮦ ﺍﺷﻌﺎﺭ ﺩﻝ ﻣﯿﮟ ﺍﺗﺮﺗﮯ ﺟﺎ ﺭﮨﮯ ﺗﮭﮯ – ﺫﮨﻦ ﻣﯿﮟ ﺍﯾﺴﮯ ﺳﻮﺍﻝ، ﺍﯾﺴﮯ ﺍﺳﺮﺍﺭ ﺳﺮ ﺍﭨﮭﺎ ﺭﮨﮯ ﺗﮭﮯ، ﺟﻨﮩﯿﮟ ﻭﮦ ﺳﻤﺠﮫ ﺑﮭﯽ ﻧﮩﯿﮟ ﭘﺎ ﺭﮨﯽ ﺗﮭﯽ –
ﺍﭼﺎﻧﮏ ﺍﺳﮯ ﺍﺣﺴﺎﺱ ﮨﻮﺍ ﮐﮧ ﺍﺱ ﮐﮯ ﺳﺎﻣﻨﮯ ﺍﯾﮏ ﺑﻠﮑﻞ ﻣﺨﺘﻠﻒ ﺍﻟﮩﯽٰ ﺑﺨﺶ ﮐﮭﮍﺍ ﮨﮯ – ﻭﮦ ﺍﺏ ﻣﺤﺾ ﻭﺟﯿﮧ ﻭ ﺧﻮﺑﺮﻭ ﺩﯾﮩﺎﺗﯽ ﻧﮩﯿﮟ، ﺍﯾﮏ ﺧﻮﺑﺼﻮﺭﺕ ﺍﻭﺭ ﻣﻌﺼﻮﻡ ﺭﻭﺡ ﮐﺎ ﻣﺎﻟﮏ ﺍﯾﮏ ﻋﺎﻟﻢ ﺑﮭﯽ ﺗﮭﺎ، ﺟﺲ ﮐﺎ ﺳﯿﻨﮧ ﻋﻠﻢ ﻋﺸﻖ ﺳﮯ ﻣﻌﻤﻮﺭ ﺗﮭﺎ !
” ﺍﺳﻢ ﻋﻈﯿﻢ ﺗﻮ ﺳﻤﺠﮫ ﻣﯿﮟ ﺁﺗﺎ ﮨﮯ ﺳﺎﺩﯼ ﺑﯽ ﺑﯽ “! ﺍﻟﮩﯽٰ ﺑﺨﺶ ﮐﮭﻮﺋﮯ ﮨﻮﺋﮯ ﻟﮩﺠﮯ ﻣﯿﮟ ﮐﮩﮧ ﺭﮨﺎ ﺗﮭﺎ – ” ﻟﯿﮑﻦ ﯾﮧ ﺻﺒﺮ ﺻﻤﯿﻢ ﮐﯿﺎﮨﻮﺗﺎ ﮨﮯ ﺍﻭﺭ ﺑﺎﺭ ﺍﻣﺎﻧﺖ ﮐﯿﺎﮨﮯ؟ “
ﺳﺎﺩﯼ ﮐﻮ ﻣﺤﺴﻮﺱ ﮨﺎ ﮐﮧ ﺍﻥ ﺳﻮﺍﻟﻮﮞ ﮐﮯ ﺟﻮﺍﺏ ﺍﺳﮯ ﺑﮭﯽ ﮐﮭﻮﺟﻨﮯ ﮨﯿﮟ ” – ﺍﻟﮩﯽٰ ﺑﺨﺶ ﯾﮧ ﮐﺘﺎﺏ ﻣﺠﮭﮯ ﺩﻭ ﮔﮯ – ﻣﯿﮟ ﺍﺱ ﮐﺎ ﻣﻄﺎﻟﻌﮧ ﮐﺮﻧﺎ ﭼﺎﮨﺘﯽ ﮨﻮﮞ “
” ﮐﯿﻮﮞ ﻧﮩﯿﮟ، ﻟﮯ ﺟﺎﺋﯿﮯ ” ﺍﻟﮩﯽٰ ﺑﺨﺶ ﻧﮯ ﺑﺪﺳﺘﻮﺭ ﮐﮭﻮﺋﮯ ﮨﻮﺋﮯ ﻟﮩﺠﮯ ﻣﯿﮟ ﮐﮩﺎ –
” ﺩﻭ ﺗﯿﻦ ﺩﻥ ﻣﯿﮟ ﻭﺍﭘﺲ ﺩﮮ ﺩﻭﮞ ﮔﯽ “
ﺍﻟﮩﯽٰ ﺑﺨﺶ ﺑﺮﯼ ﻃﺮﺡ ﭼﻮﻧﮑﺎ ” ﯾﮧ ﺗﻮ ﻣﯿﺮﮮ ﺧﯿﺎﻝ ﻣﯿﮟ ﺍﺱ ﮐﺘﺎﺏ ﮐﯽ ﺗﻮﮨﯿﻦ ﮨﮯ ” ﻭﮦ ﺑﻮﻻ ” ﺍﯾﮏ ﺑﺎﺕ ﮐﮩﻮﮞ – ﺑﺮﺍ ﺗﻮ ﻧﮩﯿﮟ ﻣﺎﻧﯿﮟ ﮔﯽ؟ “
” ﮐﮩﻮ، ﻣﯿﮟ ﺑﺮﺍ ﻧﮩﯿﮟ ﻣﺎﻧﻮﮞ ﮔﯽ “
” ﯾﮧ ﮐﺘﺎﺏ ﺍﺱ ﻭﻗﺖ ﻧﮧ ﻟﮯ ﮐﺮ ﺟﺎﺋﯿﮯ – ﻣﯿﮟ ﮐﻞ ﺁﭖ ﮐﻮ ﯾﮧ ﮐﺘﺎﺏ ﺩﮮ ﺩﻭﮞ ﮔﺎ “
” ﭨﮭﯿﮏ ﮨﮯ – ﺍﺱ ﻣﯿﮟ ﺑﺮﺍ ﻣﺎﻧﻨﮯ ﮐﯽ ﺗﻮ ﮐﻮﺋﯽ ﺑﺎﺕ ﻧﮩﯿﮟ “- ﺳﺎﺩﯼ ﻧﮯ ﮐﮩﺎ ” ﺍﭼﮭﺎ ﺍﻟﮩﯽٰ ﺑﺨﺶ، ﺍﺏ ﻣﯿﮟ ﭼﻠﺘﯽ ﮨﻮﮞ – ﺷﺐ ﺑﺨﯿﺮ “
” ﺷﺐ ﺑﺨﯿﺮ ﺳﺎﺩﯼ ﺑﯽ ﺑﯽ “
ﻭﮦ ﭼﻠﯽ ﮔﺌﯽ ﺗﻮ ﺍﻟﮩﯽٰ ﺑﺨﺶ ﮐﻮ ﺍﭘﻨﺎ ﮐﻮﺍﺭﭨﺮ ﻭﯾﺮﺍﻥ ﻟﮕﻨﮯ ﻟﮕﺎ، ﺟﯿﺴﮯ ﺑﮩﺎﺭ ﺁ ﮐﺮ ﺭﺧﺼﺖ ﮨﻮ ﮔﺌﯽ ﮨﻮ –
ﻟﯿﮑﻦ ﺧﻮﺷﺒﻮ ﮐﯽ ﺁﻭﺍﺯ ﺑﻠﻨﺪ ﮨﻮ ﮔﺌﯽ ﺗﮭﯽ – ﻭﮦ ﺍﭘﻨﮯ ﺷﺒﺎﺏ ﭘﺮ ﺗﮭﯽ –
ﺍﮔﻠﮯ ﺭﻭﺯ ﺍﻟﮩﯽٰ ﺑﺨﺶ ﺳﺎﺩﯼ ﮐﻮ ﮐﺎﻟﺞ ﭼﮭﻮﮌ ﮐﺮ ﺁﯾﺎ ﺍﻭﺭ ﻧﺎﺷﺘﮧ ﮐﺮﻧﮯ ﮐﮯ ﺑﻌﺪ ﺑﺎﮨﺮ ﭼﻼ ﮔﯿﺎ – ﻭﺍﭘﺲ ﺁﯾﺎ ﺗﻮ ﮐﺮﻡ ﺩﯾﻦ ﮐﮯ ﮐﻮﺍﺭﭨﺮ ﻣﯿﮟ ﭼﻼ ﮔﯿﺎ – ﮐﺮﻡ ﺩﯾﻦ ﮐﺌﯽ ﺩﻥ ﺳﮯ ﮐﮩﮧ ﺭﮨﺎ ﺗﮭﺎ ﮐﮧ ﮔﮭﺮ ﺑﮭﯿﺠﻨﮯ ﮐﮯ ﻟﺌﮯ ﺧﻂ ﻟﮑﮭﻮﺍﻧﺎ ﮨﮯ – ﺍﻟﮩﯽٰ ﺑﺨﺶ ﻧﮯ ﺍﺱ ﮐﺎ ﺧﻂ ﻟﮑﮫ ﺩﯾﺎ –
ﺩﻭﭘﮩﺮ ﮐﻮ ﻭﮦ ﺳﺎﺩﯼ ﮐﻮ ﮐﺎﻟﺞ ﺳﮯ ﻟﯿﻨﮯ ﮐﮯ ﻟﺌﮯ ﮔﯿﺎ ﺗﻮ ﺑﮩﺖ ﺧﻮﺵ ﺍﻭﺭ ﻣﻄﻤﺌﻦ ﺗﮭﺎ – ﺳﺎﺩﯼ ﺁﺋﯽ – ﺍﺱ ﻧﮯ ﺩﺭﻭﺍﺯﮦ ﮐﮭﻮﻻ – ﺳﺎﺩﯼ ﺑﯿﭩﮫ ﮔﺌﯽ – ﺍﻟﮩﯽٰ ﺑﺨﺶ ﻧﮯ ﮈﺭﺍﺋﯿﻮﻧﮓ ﺳﯿﭧ ﭘﺮ ﺑﯿﭩﮭﻨﮯ ﮐﮯ ﺑﻌﺪ ﮈﯾﺶ ﺑﻮﺭﮈ ﭘﺮ ﺭﮐﮭﺎ ﮨﻮﺍ ﻟﻔﺎﻓﮧ ﺍﭨﮭﺎﯾﺎ ﺍﻭﺭ ﭘﻠﭧ ﮐﺮ ﺳﺎﺩﯼ ﮐﯽ ﻃﺮﻑ ﺑﮍﮬﺎﯾﺎ ” – ﯾﮧ ﻟﯿﺠﺌﮯ ﺳﺎﺩﯼ ﺑﯽ ﺑﯽ “
ﺳﺎﺩﯼ ﻧﮯ ﮐﭽﮫ ﮐﮩﮯ ﺑﻐﯿﺮ ﻟﻔﺎﻓﮧ ﻟﯿﺎ ﺍﻭﺭ ﺍﺱ ﻣﯿﮟ ﻣﻮﺟﻮﺩ ﭼﯿﺰ ﻧﮑﺎﻟﯽ – ﻭﮦ ﻧﺎﺻﺮ ﮐﺎﻇﻤﯽ ﮐﺎ ﺷﻌﺮﯼ ﻣﺠﻤﻮﻋﮧ ﭘﮩﻠﯽ ﺑﺎﺭﺵ ﺗﮭﺎ – ﻭﮦ ﮐﮭﻞ ﺍﭨﮭﯽ –
” ﯾﮧ ﺁﭖ ﮐﯽ ﮐﺘﺎﺏ ﮨﮯ، ﺁﭖ ﮐﮯ ﻟﺌﮯ ” ﺍﻟﮩﯽٰ ﺑﺨﺶ ﻧﮯ ﮐﮩﺎ ” ﺁﭖ ﮐﻮ ﺗﺤﻔﮧ ﺩﯾﻨﮯ ﮐﯽ ﺗﻮ ﻣﯿﺮﯼ ﺍﻭﻗﺎﺕ ﻧﮩﯿﮟ – ﺟﻮ ﭼﺎﮨﯿﮟ ﺳﻤﺠﮫ ﻟﯿﮟ “
” ﻭﺍﮦ ﻣﯿﮟ ﺗﻮ ﺍﺳﮯ ﺗﺤﻔﮧ ﮨﯽ ﺳﻤﺠﮭﻮﮞ ﮔﯽ ” ﺳﺎﺩﯼ ﻧﮯ ﮐﮩﺎ ” ﺍﻭﺭ ﯾﮧ ﺍﻣﯽ ﻭﺍﻟﯽ ﺑﺎﺗﯿﮟ ﻧﮧ ﮐﯿﺎ ﮐﺮﻭ ﻣﺠﮫ ﺳﮯ “
” ﺣﻘﯿﻘﺖ ﺗﻮ ﺣﻘﯿﻘﺖ ﮨﯽ ﮨﮯ ﺳﺎﺩﯼ ﺑﯽ ﺑﯽ، ﺍﻭﺭ ﻣﯿﮟ ﺍﺳﮯ ﺑﺪﻟﻨﺎ ﺑﮭﯽ ﻧﮩﯿﮟ ﭼﺎﮨﺘﺎ “
” ﻣﯿﮟ ﺗﻤﮩﺎﺭﺍ ﺷﮑﺮﯾﮧ ﺍﺩﺍ ﻧﮩﯿﮟ ﮐﺮﻭﮞ ﮔﯽ – ﻟﯿﮑﻦ ﮐﺎﺵ ﻣﯿﮟ ﺗﻤﮩﯿﮟ ﺑﺘﺎ ﺳﮑﺘﯽ ﮐﮧ ﺍﺱ ﺗﺤﻔﮯ ﺳﮯ ﻣﺠﮭﮯ ﮐﺘﻨﯽ ﺧﻮﺷﯽ ﮨﻮﺋﯽ ﮨﮯ “
ﺍﻟﮩﯽٰ ﺑﺨﺶ ﺑﮭﯽ ﺧﻮﺷﯽ ﺳﮯ ﺳﺮﺷﺎﺭ ﮨﻮ ﮔﯿﺎ –
——————-
ﺧﻮﺷﺒﻮ ﮐﮯ ﺳﻔﺮ ﻣﯿﮟ ﺩﻥ ﮔﺰﺭﺗﮯ ﺭﮨﮯ – ﺳﺎﺩﯼ ﻣﯿﮟ ﺍﯾﮏ ﻧﻤﺎﯾﺎﮞ ﺗﺒﺪﯾﻠﯽ ﻧﻈﺮ ﺁﺋﯽ – ﺍﺱ ﮐﯽ ﺷﻮﺧﯽ ﺧﺘﻢ ﮨﻮﺗﯽ ﺟﺎ ﺭﮨﯽ ﺗﮭﯽ – ﺍﺱ ﮐﮯ ﻣﺰﺍﺝ ﻣﯿﮟ ﺳﻨﺠﯿﺪﮔﯽ ﺁ ﮔﺌﯽ ﺗﮭﯽ ﺍﻭﺭ ﻭﮦ ﺍﭘﻨﯽ ﻋﻤﺮ ﺳﮯ ﺑﮍﯼ ﻟﮕﻨﮯ ﻟﮕﯽ ﺗﮭﯽ – ﺍﻟﮩﯽٰ ﺑﺨﺶ ﺟﺎﻧﺘﺎ ﺗﮭﺎ ﮐﮧ ﻣﺎﮞ ﺑﺎﭖ ﮐﮯ ﺟﮭﮕﮍﻭﮞ ﮐﺎ ﻭﮦ ﺑﮩﺖ ﺯﯾﺎﺩﮦ ﺍﺛﺮ ﻟﯿﺘﯽ ﮨﮯ –
ﺍﺏ ﮈﺭﺍﺋﯿﻮ ﮐﺖ ﺩﻭﺭﺍﻥ ﻭﮦ ﮔﻔﺘﮕﻮ ﺑﮭﯽ ﮐﻢ ﮐﺮﺗﯽ ﺗﮭﯽ – ﺍﻟﺒﺘﮧ ﺍﺱ ﮐﺎ ﺭﻭﯾﮧ ﺍﺏ ﺑﮭﯽ ﭘﮩﻠﮯ ﺟﯿﺴﺎ ﮨﯽ ﺗﮭﺎ – ﻟﮩﺠﮯ ﻣﯿﮟ ﻭﮨﯽ ﻣﭩﮭﺎﺱ، ﺍﻧﺪﺍﺯ ﻣﯿﮟ ﻭﮨﯽ ﺍﭘﻨﺎﺋﯿﺖ –
” ﻣﺮﺩ ﮐﺘﻨﮯ ﺧﻮﺵ ﻗﺴﻤﺖ ﮨﻮﺗﮯ ﮨﯿﮟ، ﺍﻭﺭ ﻋﻮﺭﺗﯿﮟ ﮐﺘﻨﯽ ﭘﺎﺑﻨﺪ “
ﺍﻟﮩﯽٰ ﺑﺨﺶ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﮐﮧ ﻭﮦ ﮐﯿﺎﮐﮩﻨﺎ ﭼﺎﮨﺘﯽ ﮨﮯ ” – ﯾﮧ ﺧﯿﺎﻝ ﮐﯿﻮﮞ ﺁﯾﺎ ﺁﭖ ﮐﻮ؟ “
” ﺍﭘﻨﮯ ﮔﮭﺮ ﻣﯿﮟ، ﺍﭘﻨﮯ ﻋﻼﻗﮯ ﻣﯿﮟ ﺗﻤﮩﯿﮟ ﺳﮑﮫ ﻧﮩﯿﮟ ﻣﻼ ﺗﻮ ﺗﻢ ﮐﺘﻨﯽ ﺁﺳﺎﻧﯽ ﺳﮯ ﮔﮭﺮ ﭼﮭﻮﮌ ﺁﺋﮯ – ﺗﻤﮩﺎﺭﯼ ﺟﮕﮧ ﮐﻮﺋﯽ ﻟﮍﮐﯽ ﮨﻮﺗﯽ ﺗﻮ ﻭﮦ ﺍﯾﺴﺎ ﻧﮩﯿﮟ ﮐﺮ ﺳﮑﺘﯽ ﺗﮭﯽ “
” ﺁﭖ ﭨﮭﯿﮏ ﮐﮩﺘﯽ ﮨﯿﮟ ۔۔۔۔۔۔ ﻟﯿﮑﻦ ﭘﮭﺮ ﺑﮭﯽ ﯾﮩﺎﮞ ﻋﻮﺭﺗﻮﮞ ﮐﻮ ﮨﻤﺎﺭﮮ ﮨﺎﮞ ﮐﮯ ﻣﻘﺎﺑﻠﮯ ﻣﯿﮟ ﺑﮩﺖ ﺯﯾﺎﺩﮦ ﺁﺯﺍﺩﯼ ﮨﮯ “
ﺳﺎﺩﯼ ﮐﺴﯽ ﺳﻮﭺ ﻣﯿﮟ ﭘﮍ ﮔﺌﯽ – ﭘﮭﺮ ﺍﺱ ﻧﮯ ﮐﮩﺎ – ” ﺍﻟﮩﯽٰ ﺑﺨﺶ، ﺗﻢ ﭘﺮ ﻣﯿﺮﺍ ﺯﻭﺭ ﺗﻮ ﻧﮩﯿﮟ – ﻟﯿﮑﻦ ﭼﺎﮨﺘﯽ ﮨﻮﮞ ﮐﮧ ﺗﻢ ﻣﯿﺮﯼ ﺍﯾﮏ ﺑﺎﺕ ﻣﺎﻥ ﻟﻮ “
” ﮐﮩﯿﮟ ﺳﺎﺩﯼ ﺑﯽ ﺑﯽ “
‘ ﻣﯿﮟ ﭼﺎﮨﺘﯽ ﮨﻮﮞ ﮐﮧ ﺗﻢ ﮈﺭﺍﺋﯿﻮﺭﯼ ﭼﮭﻮﮌﻭ – ﮐﻮﺋﯽ ﺍﻭﺭ ﻧﻮﮐﺮﯼ ﮐﺮﻭ – ﭘﺮﺍﺋﯿﻮﯾﭧ ﺍﻣﺘﺤﺎﻥ ﺩﻭ ﺍﻭﺭ ﮐﻢ ﺍﺯ ﮐﻢ ﺑﯽ ﺍﮮ ﮐﺮﻭ “
ﺍﻟﮩﯽٰ ﺑﺨﺶ ﻧﮯ ﻧﻈﺮﯾﮟ ﺍﭨﮭﺎ ﮐﺮ ﻋﻘﺐ ﻧﻤﺎ ﻣﯿﮟ ﺩﯾﮑﮭﺎ ﺗﻮ ﺳﺎﺩﯼ ﻧﻈﺮﯾﮟ ﭼﺮﺍﻧﮯ ﻟﮕﯽ –
” ﺍﻭﺭ؟ ” ﺍﺱ ﻧﮯ ﭘﻮﭼﮭﺎ –
” ﺍﻭﺭ ﺗﻢ ﺍﭘﻨﺎ ﺭﮨﻦ ﺳﮩﻦ، ﺍﭘﻨﺎ ﻃﺮﺯ ﺯﻧﺪﮔﯽ ﺑﺪﻟﻮ ﺍﻭﺭ ﯾﮩﯿﮟ ﮐﮯ ﮨﻮ ﺭﮨﻮ – ﮐﻮﺷﺶ ﮐﺮ ﮐﮯ ﺍﭘﻨﺎ ﮔﮭﺮ ﺑﻨﺎﺅ ﭼﺎﮨﮯ ﺍﺑﺘﺪﺍ ﻣﯿﮟ ﻭﮦ ﺟﮭﻮﻧﭙﮍﯼ ﮨﻮ – ﭘﮭﺮ ﺍﭘﻨﺎ ﮔﮭﺮ ﺑﺴﺎﺅ “
ﺍﻟﮩﯽٰ ﺑﺨﺶ ﺣﯿﺮﺕ ﺳﮯ ﺍﺳﮯ ﺩﯾﮑﮭﺘﺎ ﺭﮨﺎ –
” ﻣﯿﮟ ﺗﻤﮩﯿﮟ ﮐﺴﯽ ﺑﻠﻨﺪ ﻣﻘﺎﻡ ﭘﺮ ﺩﯾﮑﮭﻨﺎ ﭼﺎﮨﺘﯽ ﮨﻮﮞ ﺍﻟﮩﯽٰ ﺑﺨﺶ، ﺍﺱ ﻟﺌﮯ ﮐﮧ ﺗﻢ ﭼﮭﻮﭨﮯ ﺁﺩﻣﯽ ﻧﮩﯿﮟ ﮨﻮ – ﻣﯿﮟ ﭼﺎﮨﺘﯽ ﮨﻮﮞ ﮐﮧ ﺗﻢ ﮐﺴﯽ ﺷﮩﺮﯼ ﻟﮍﮐﯽ ﺳﮯ ﺷﺎﺩﯼ ﮐﺮﻭ – ﮐﭽﮫ ﺑﻦ ﮐﺮ ﺩﮐﮭﺎﺅ – ﺍﯾﺴﺎ ﮐﺮﻭ ﮐﮧ ﺟﻨﮩﻮﮞ ﻧﮯ ﺗﻤﮩﯿﮟ ﺣﻘﯿﺮ ﺳﻤﺠﮭﺎ ﮨﮯ، ﺗﻤﮩﺎﺭﯼ ﻋﺰﺕ ﮐﺮﻧﮯ ﭘﮧ ﻣﺠﺒﻮﺭ ﮨﻮ ﺟﺎﺋﯿﮟ “
” ﺁﭖ ﮐﯽ ﺑﺎﺕ ﮐﺎ ﺟﻮﺍﺏ ﻃﻮﯾﻞ ﮨﻮ ﮔﺎ – ﻣﯿﮟ ﮈﺭﺍﺋﯿﻮ ﮐﺮﺗﮯ ﮨﻮﺋﮯ ﮐﯿﺴﮯ ﺟﻮﺍﺏ ﺩﮮ ﺳﮑﺘﺎ ﮨﻮﮞ ” ﺍﻟﮩﯽٰ ﺑﺨﺶ ﻧﮯ ﺑﮯ ﺑﺴﯽ ﺳﮯ ﮐﮩﺎ
ﻭﮦ ﺍﺱ ﻭﻗﺖ ﮐﺎﻟﺞ ﺳﮯ ﮔﮭﺮ ﺟﺎ ﺭﮨﮯ ﺗﮭﮯ ” – ﭨﮭﯿﮏ ﮨﺖ، ﺗﻢ ﮔﺎﮌﯼ ﺩﺍﺋﯿﮟ ﺟﺎﻧﺐ ﻣﻮﮌ ﻟﻮ ” ﺳﺎﺩﯼ ﻧﮯ ﮐﮩﺎ – ﭘﮭﺮ ﻭﮦ ﺍﺳﮯ ﮨﺪﺍﯾﺎﺕ ﺩﯾﺘﯽ ﺭﮨﯽ – ﺑﺎﻵﺧﺮ ﺍﺱ ﻧﮯ ﺍﯾﮏ ﺭﯾﺴﭩﻮﺭﻧﭧ ﮐﮯ ﺳﺎﻣﻨﮯ ﮔﺎﮌﯼ ﺭﮐﻮﺍ ﺩﯼ ” – ﭼﻠﻮ ﮔﺎﮌﯼ ﻻﮎ ﮐﺮﻭ – ﯾﮩﺎﮞ ﮨﻢ ﺳﮑﻮﻥ ﺳﮯ ﺑﺎﺕ ﮐﺮ ﺳﮑﯿﮟ ﮔﮯ “
” ﻟﯿﮑﻦ ﺳﺎﺩﯼ ﺑﯽ ﺑﯽ، ﺩﯾﺮ ﮨﻮ ﺟﺎﺋﮯ ﮔﯽ – ﺑﯿﮕﻢ ﺻﺎﺣﺒﮧ ﭘﺮﯾﺸﺎﻥ ﮨﻮﮞ ﮔﯽ ” ﺍﻟﮩﯽٰ ﺑﺨﺶ ﻧﮯ ﺍﺣﺘﺠﺎﺝ ﮐﯿﺎ –
” ﺍﻥ ﮐﮯ ﭘﺎﺱ ﺍﺗﻨﯽ ﻓﺮﺻﺖ ﻧﮩﯿﮟ ” ﺳﺎﺩﯼ ﻧﮯ ﺗﻠﺨﯽ ﺳﮯ ﮐﮩﺎ ” – ﺁﺅ ﻣﯿﺮﮮ ﺳﺎﺗﮫ “
ﮨﭽﮑﭽﺎﺗﺎ ﮨﻮﺍ ﺍﻟﮩﯽٰ ﺑﺨﺶ ﺍﺱ ﮐﮯ ﺳﺎﺗﮫ ﺭﯾﺴﭩﻮﺭﻧﭧ ﻣﯿﮟ ﭼﻼ ﺁﯾﺎ – ﺍﻧﺪﺭ ﻧﯿﻢ ﺗﺎﺭﯾﮑﯽ ﺗﮭﯽ – ﺧﻨﮏ ﻣﺎﺣﻮﻝ ﻣﯿﮟ ﺑﮩﺖ ﺩﮬﯿﻤﯽ ﻻﺋﭩﺲ ﺭﻭﺷﻦ ﺗﮭﯿﮟ – ﺳﺎﺩﯼ ﺍﯾﮏ ﻓﯿﻤﯽ ﮐﯿﺒﻦ ﮐﯽ ﻃﺮﻑ ﺑﮍﮪ ﮔﺌﯽ – ﺍﻥ ﮐﮯ ﺑﯿﭩﮭﺘﮯ ﮨﯽ ﺍﯾﮏ ﺑﺎﻭﺭﺩﯼ ﻭﯾﭩﺮ ﻣﯿﻨﯿﻮ ﻟﺌﮯ ﮨﻮﺋﮯ ﺁ ﮔﯿﺎ – ﺍﺱ ﻧﮯ ﺍﯾﮏ ﺍﯾﮏ ﻣﯿﻨﯿﻮ ﮐﺎﺭﮈ ﺩﻭﻧﻮﮞ ﮐﯽ ﻃﺮﻑ ﺑﮍﮬﺎ ﺩﯾﺎ –
ﺍﻟﮩﯽٰ ﺑﺨﺶ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﮐﮧ ﻣﯿﻨﯿﻮ ﮐﺎﺭﮈ ﮐﺎ ﮐﯿﺎ ﮐﺮﮮ – ﺳﺎﺩﯼ ﮐﯽ ﺩﯾﮑﮭﺎ ﺩﯾﮑﮭﯽ ﺍﺱ ﻧﮯ ﺑﮭﯽ ﺍﺳﮯ ﮐﮭﻮﻝ ﻟﯿﺎ – ﻭﮦ ﭼﮭﻮﭨﯽ ﺳﯽ ﮐﺘﺎﺏ ﺗﮭﯽ – ﺍﺱ ﻣﯿﮟ ﮐﮭﺎﻧﻮﮞ ﺍﻭﺭ ﻣﺸﺮﻭﺑﺎﺕ ﻭﻏﯿﺮﮦ ﮐﯽ ﺗﻔﺼﯿﻞ ﺩﺭﺝ ﺗﮭﯽ – ” ﭘﮩﻠﮯ ﭘﺎﻧﯽ ﻟﮯ ﺁﺅ ” ﺳﺎﺩﯼ ﻧﮯ ﻭﯾﭩﺮ ﺳﮯ ﮐﮩﺎ –
ﺍﻟﮩﯽٰ ﺑﺨﺶ ﻣﺮﻋﻮﺏ ﮨﻮ ﮔﯿﺎ – ﻭﯾﭩﺮ ﮐﯽ ﻭﺭﺩﯼ ﺍﺳﮯ ﺍﺣﺴﺎﺱ ﮐﻤﺘﺮﯼ ﻣﯿﮟ ﻣﺒﺘﻼ ﮐﺮﻧﮯ ﮐﮯ ﻟﺌﮯ ﮐﺎﻓﯽ ﺗﮭﯽ –
” ﮐﯿﺎ ﮐﮭﺎﺅ ﮔﮯ ﺍﻟﮩﯽٰ ﺑﺨﺶ؟ ” ﺳﺎﺩﯼ ﻧﮯ ﭘﻮﭼﮭﺎ –
” ﺳﺎﺩﯼ ﺑﯽ ﺑﯽ ۔۔۔۔۔۔ “
” ﭘﻠﯿﺰ ﯾﮩﺎﮞ ﻣﺠﮭﮯ ﺳﺎﺩﯼ ﺑﯽ ﺑﯽ ﻧﮧ ﮐﮩﻮ ” ﺳﺎﺩﯼ ﻧﮯ ﺍﺱ ﮐﯽ ﺑﺎﺕ ﮐﺎﭦ ﺩﯼ ” ﺻﺮﻑ ﺳﺎﺩﯼ ﮐﮩﻮ ﻭﺭﻧﮧ ﻭﯾﭩﺮ ﻣﺠﮭﮯ ﻧﮧ ﺟﺎﻧﮯ ﮐﯿﺎ ﺳﻤﺠﮭﮯ ﮔﺎ “
” ﺑﮩﺖ ﻣﺸﮑﻞ ﮐﺎﻡ ﮨﮯ ” ﺍﻟﮩﯽٰ ﺑﺨﺶ ﮨﭽﮑﭽﺎﯾﺎ –
” ﻣﯿﺮﯼ ﺧﺎﻃﺮ ﮐﺮﻧﺎ ﮨﻮ ﮔﺎ “- ﺳﺎﺩﯼ ﻧﮯ ﮐﮩﺎ – ﭘﮭﺮ ﭘﻮﭼﮭﺎ ” ﮐﯿﺎ ﮐﮭﺎﺅ ﮔﮯ؟ “
” ﮐﮭﺎﻧﺎ ﺗﻮ ﮔﮭﺮ ﭘﮧ ﮨﯽ ﮐﮭﺎﺅﮞ ﮔﺎ – ﺳﺎﺩﯼ ﺑﯽ ﺑﯽ ۔ ۔ ۔ ۔ ” ﻭﮦ ﮐﮩﺘﮯ ﮐﮩﺘﮯ ﺭﮐﺎ ” ﻣﯿﺮﺍ ﻣﻄﻠﺐ ﮨﮯ ﺳﺎﺩﯼ ” ﺍﺳﮯ ﺳﺎﺩﯼ ﮐﮩﻨﺎ ﻋﺠﯿﺐ ﻟﮕﺎ ﻟﯿﮑﻦ ﺍﭼﮭﺎ ﺑﮭﯽ – ﺍﺱ ﮐﮯ ﺍﻧﺪﺭ ﺧﻮﺩ ﺍﻋﺘﻤﺎﺩﯼ ﭘﯿﺪﺍ ﮨﻮﻧﮯ ﻟﮕﯽ –
” ﻧﮩﯿﮟ ﺍﻟﮩﯽٰ ﺑﺨﺶ ﮐﮭﺎﻧﺎ ﯾﮩﯿﮟ ﮐﮭﺎﺋﯿﮟ ﮔﮯ “
” ﺗﻮ ﺟﻮ ﺟﯽ ﭼﺎﮨﮯ، ﻣﻨﮕﺎ ﻟﯿﮟ “
ﻭﯾﭩﺮ ﭨﮭﻨﮉﮮ ﭘﺎﻧﯽ ﮐﯽ ﻭﺗﻞ ﺍﻭﺭ ﮔﻼﺱ ﻟﮯ ﮐﺮ ﺁﯾﺎ ﺗﮭﺎ – ﺳﺎﺩﯼ ﻧﮯ ﺍﺳﮯ ﺁﺭﮈﺭ ﻧﻮﭦ ﮐﺮﺍﯾﺎ – ﻭﮦ ﭼﻼ ﮔﯿﺎ –
” ﺳﺎﺩﯼ ﺑﯽ ﺑﯽ “!
” ﭘﮭﺮ ﻭﮨﯽ ﺑﯽ ﺑﯽ ﮐﺎ ﺩﻡ ﭼﮭﻼ ” ﺳﺎﺩﯼ ﻧﮯ ﭼﮍ ﮐﺮ ﮐﮩﺎ ” – ﺗﻢ ﻣﺠﮭﮯ ﺫﻟﯿﻞ ﮐﺮﻭﺍﺅ ﮔﮯ “
” ﻧﮩﯿﮟ ﺍﯾﺴﺎ ﻧﮩﯿﮟ ﮨﻮ ﮔﺎ – ﺑﺲ ﻋﺎﺩﺕ ﺳﯽ ﮨﻮ ﮔﺌﯽ ﮨﮯ ﻧﺎ ” ﺍﻟﮩﯽٰ ﺑﺨﺶ ﻧﮯ ﻣﻌﺬﺭﺕ ﺧﻮﺍﮨﺎﻧﮧ ﻟﮩﺠﮯ ﻣﯿﮟ ﮐﮩﺎ ” ﻟﯿﮑﻦ ﺳﺎﺩﯼ ﺑﯽ ﺑﯽ ۔ ۔ ۔ ﻧﮩﯿﮟ ﺳﺎﺩﯼ، ﺁﭖ ﻣﺠﮭﮯ ﮔﻨﮩﮕﺎﺭ ﺑﻨﺎ ﺭﮨﯽ ﮨﯿﮟ “
” ﻣﯿﺮﺍ ﻧﺎﻡ ﻟﯿﻨﺎ ﮔﻨﺎﮦ ﮨﮯ ﺗﻤﮩﺎﺭﮮ ﻟﺌﮯ؟ ” ﺳﺎﺩﯼ ﻧﮯ ﺍﺱ ﭘﺮ ﺁﻧﮑﮭﯿﮟ ﻧﮑﺎﻟﯿﮟ –
” ﮨﺎﮞ ﺟﯽ، ﻣﯿﺮﮮ ﻧﺰﺩﯾﮏ ﺗﻮ ﯾﮧ ﮔﻨﺎﮦ ﮨﯽ ﮨﮯ “
” ﺗﻢ ﺁﺧﺮ ﺳﻤﺠﮭﺘﮯ ﮐﯿﺎ ﮨﻮ ﻣﺠﮭﮯ؟ “
” ﺑﺲ ﺳﺎﺩﯼ ﺑﯽ ﺑﯽ ﺁﭖ ﺑﻠﻨﺪ ﮨﯿﮟ ۔۔۔۔ ﺑﮩﺖ ﺍﻭﻧﭽﯽ – ﺁﭖ ﺁﺳﻤﺎﻥ ﮨﯿﮟ ﻣﯿﮟ ﺯﻣﯿﻦ “
‘ ﺍﺳﯽ ﻟﺌﮯ ﺗﻮ ﮐﮩﺘﯽ ﮨﻮﮞ ﮐﮧ ﻣﯿﮟ ﺗﻤﮩﯿﮟ ﮐﺴﯽ ﺑﻠﻨﺪ ﻣﻘﺎﻡ ﭘﺮ ۔ ۔ ۔ ۔ ﺑﮍﺍ ﺁﺩﻣﯽ ﺩﯾﮑﮭﻨﺎ ﭼﺎﮨﺘﯽ ﮨﻮﮞ – ﭘﮭﺮ ﺗﻢ ﻣﺠﮭﮯ ﺳﺎﺩﯼ ﮐﮩﻮ ﮔﮯ ﺍﻭﺭ ﺗﻤﮩﯿﮟ ﭘﺮﻭﺍ ﺑﮭﯽ ﻧﮩﯿﮟ ﮨﻮ ﮔﯽ “
” ﺍﯾﺴﺎ ﺗﻮ ﮐﺒﮭﯽ ﻧﮩﯿﮟ ﮨﻮ ﮔﺎ – ﺍﺱ ﻟﺌﮯ ﮐﮧ ﻣﯿﮟ ﯾﮧ ﭼﺎﮨﺘﺎ ﻧﮩﯿﮟ ” ﻭﮦ ﮐﭽﮫ ﺍﻭﺭ ﺑﮭﯽ ﮐﮩﺘﺎ ﻟﯿﮑﻦ ﻭﯾﭩﺮ ﮐﮭﺎﻧﺎ ﻟﮯ ﺁﯾﺎ ﺗﮭﺎ – ﺳﺎﺩﯼ ﻧﮯ ﮨﺎﺗﮫ ﮐﮯ ﺍﺷﺎﺭﮮ ﺳﮯ ﺍﺳﮯ ﻣﻨﻊ ﮐﺮ ﺩﯾﺎ –
ﻭﯾﭩﺮ ﮐﮭﺎﻧﺎ ﺭﮐﮫ ﮐﺮ ﭼﻼﮔﯿﺎ – ﺍﻟﮩﯽٰ ﺑﺨﺶ ﮐﻮ ﭼﮭﺮﯼ ﮐﺎﻧﭩﮯ ﺍﻭﺭ ﻧﯿﭙﮑﻦ ﺩﯾﮑﮫ ﮐﺮ ﻭﺣﺸﺖ ﮨﻮﻧﮯ ﻟﮕﯽ۔ ۔ ۔ ۔ ۔ ۔ ۔
ﺳﺎﺩﯼ ﻧﮯ ﭘﻠﯿﭧ ﺍﭘﻨﮯ ﺳﺎﻣﻨﮯ ﺭﮐﮫ ﮐﺮ ﻧﻈﺮﯾﮟ ﺍﭨﮭﺎﺋﯿﮟ ﺗﻮ ﺍﻟﮩﯽٰ ﺑﺨﺶ ﻭﯾﺴﮯ ﮨﯽ ﺑﯿﭩﮭﺎ ﺗﮭﺎ – ” ﮐﯿﺎ ﺑﺎﺕ ﮨﮯ، ﮐﮭﺎﻧﺎ ﺷﺮﻭﻉ ﮐﺮﻭ ﻧﺎ – ﮨﺎﮞ ﮐﺒﺎﺏ ﺑﮭﯽ ﻟﮯ ﻟﻮ “
” ﻣﯿﮟ ﺟﺲ ﻃﺮﺡ ﮐﮭﺎﻧﺎ ﮐﮭﺎﺅﮞ ﮔﺎ، ﺍﺱ ﻣﯿﮟ ﺁﭖ ﮐﯽ ﺑﮯ ﻋﺰﺗﯽ ﮨﻮ ﮔﯽ “
” ﻣﯿﮟ ﺗﻤﮩﯿﮟ ﺳﮑﮭﺎ ﺩﻭﮞ ﮔﯽ – ﻣﺠﮭﮯ ﺩﯾﮑﮭﻮ ” ﯾﮧ ﮐﮩﮧ ﮐﺮ ﺳﺎﺩﯼ ﻧﮯ ﻧﯿﭙﮑﻦ ﺳﺎﻣﻨﮯ ﭘﮭﯿﻼﯾﺎ ﺍﻭﺭ ﭼﮭﺮﯼ ﮐﺎﻧﭩﺎ ﺳﻨﺒﮭﺎﻝ ﻟﯿﺎ –
ﺍﻟﮩﯽٰ ﺑﺨﺶ ﻧﮯ ﺑﮭﯽ ﺍﺱ ﮐﯽ ﺗﻘﻠﯿﺪ ﮐﯽ –
” ﺑﮩﺖ ﻣﺸﮑﻞ ﻟﮓ ﺭﮨﺎ ﮨﮯ؟ ” ﺳﺎﺩﯼ ﻧﮯ ﭘﻮﭼﮭﺎ
” ﻧﮩﯿﮟ، ﻟﯿﮑﻦ ﺍﭼﮭﺎ ﻧﮩﯿﮟ ﻟﮓ ﺭﮨﺎ ﮨﮯ “
” ﮐﯿﻮﮞ؟ “
ﺍﻟﮩﯽٰ ﺑﺨﺶ ﮐﭽﮫ ﺩﯾﺮ ﺳﻮﭼﺘﺎ ﺭﮨﺎ ﭘﮭﺮ ﺑﻮﻻ – ” ﮐﮭﺎﻧﺎ ﮐﮭﺎﻧﺎ ﮨﻤﯿﺸﮧ ﻣﯿﺮﮮ ﻟﺌﮯ ﺑﮩﺖ ﮨﯽ ﺑﮍﺉ ﺧﻮﺷﯽ ﮨﻮﺗﯽ ﮨﮯ – ﮐﮭﺎﻧﺎ ﮐﮭﺎﺗﮯ ﮨﻮﺋﮯ ﻣﯿﺮﺍ ﺭﻭﺍﮞ ﺭﻭﺍﮞ ﺧﺪﺍ ﮐﺎ ﺷﮑﺮ ﺍﺩﺍ ﮐﺮﺗﺎ ﭘﮯ ﻟﯿﮑﻦ ﺁﺝ ﻣﯿﮟ ﺩﻭﻧﻮﮞ ﺳﮯ ﻣﺤﺮﻭﻡ ﮨﻮ ﮔﯿﺎ ﮨﻮﮞ۔۔۔۔۔ ﺧﻮﺷﯽ ﺳﮯ ﺑﮭﯽ ﺍﻭﺭ ﺷﮑﺮ ﺳﮯ ﺑﮭﯽ “
” ﺍﺱ ﻟﺌﮯ ﮐﮧ ﯾﮧ ﺗﻤﮩﺎﺭﮮ ﻟﺌﮯ ﺍﺱ ﻃﺮﺡ ﮐﮭﺎﻧﺎ ﮐﮭﺎﻧﮯ ﮐﺎ ﭘﮩﻼ ﻣﻮﻗﻊ ﮨﮯ – ﺍﻭﺭ ﯾﮧ ﺍﺣﺴﺎﺱ ﺗﻤﮩﯿﮟ ﺳﺘﺎ ﺭﮨﺎ ﮨﮯ – ﺍﺱ ﮐﯽ ﻋﺎﺩﺕ ﮨﻮ ﺟﺎﺋﮯ ﮔﯽ ﺗﻮ ﮐﮭﺎﻧﺎ ﮐﮭﺎﺗﮯ ﮨﻮﺋﮯ ﺧﻮﺵ ﺑﮭﯽ ﮨﻮ ﮔﮯ ﺍﻭﺭ ﺧﺪﺍ ﮐﺎ ﺷﮑﺮ ﺑﮭﯽ ﺍﺩﺍ ﮐﺮﻭ ﮔﮯ “
” ﻧﮩﯿﮟ ﺳﺎﺩﯼ، ﻣﯿﮟ ﺍﺱ ﻃﺮﺡ ﮐﮭﺎﻧﺎ ﮐﮭﺎﻧﮯ ﮐﺎ ﻋﺎﺩﯼ ﮨﻮ ﺑﮭﯽ ﮔﯿﺎ ﺗﻮ ﻣﺠﮭﮯ ﯾﮧ ﺍﺣﺴﺎﺱ ﺭﮨﮯ ﮔﺎ ﮐﮧ ﻣﯿﮟ ﺩﻭﺳﺮﻭ ﮐﻮ ﺩﮐﮭﺎﻧﮯ، ﺧﻮﺵ ﮐﺮﻧﮯ ﮐﮯ ﻟﺌﮯ ﺍﺱ ﻃﺮﺡ ﮐﮭﺎ ﺭﮨﺎ ﮨﻮﮞ – ﺍﯾﺴﮯ ﻣﯿﮟ ﺧﻮﺵ ﮨﻮﻧﮯ ﮐﺎ ﺳﻮﺍﻝ ﮨﯽ ﭘﯿﺪﺍ ﻧﮩﯿﮟ ﮨﻮﺗﺎ – ﺍﻭﺭ ﺷﮑﺮ ﮐﺎ ﺧﯿﺎﻝ ﺑﮭﯽ ﺩﻝ ﻣﯿﮟ ﻧﮩﯿﮟ ﺁ ﺳﮑﺘﺎ – ﻣﯿﮟ ﺁﭖ ﮐﯽ ﺑﺎﺕ ﻧﯿﮟ ﮐﺮﺗﺎ ﻟﯿﮑﻦ ﻣﯿﺮﯼ ﺣﺪ ﺗﮏ ﯾﮧ ﺑﺎﺕ ﺳﭻ ﮨﮯ “
ﺳﺎﺩﯼ ﺑﮭﯽ ﺳﻮﭺ ﻣﯿﮟ ﭘﮍ ﮔﺌﯽ ﭘﮭﺮ ﺑﻮﻟﯽ ” ﻣﯿﮟ ﺗﻤﮩﯿﮟ ﺧﻮﺵ ﺩﯾﮑﮭﻨﺎ ﭼﺎﮨﺘﯽ ﮨﻮﮞ، ﺗﻢ ﺟﺲ ﻃﺮﺡ ﭼﺎﮨﻮ ﮐﮭﺎﻧﺎ ﮐﮭﺎﺅ – ﺍﺱ ﻣﯿﮟ ﻣﺠﮭﮯ ﺑﮯﻋﺰﺗﯽ ﻣﺤﺴﻮﺱ ﻧﮩﯿﮟ ﮨﻮ ﮔﯽ “
ﺍﻟﮩﯽٰ ﺑﺨﺶ ﻧﮯ ﭼﮭﺮﯼ ﮐﺎﻧﭩﺎﭘﻠﯿﭧ ﻣﯿﮟ ﺭﮐﮭﺎ ﺍﻭﺭ ﮨﺎﺗﮫ ﺳﮯ ﮐﮭﺎﻧﺎ ﮐﮭﺎﻧﮯ ﻟﮕﺎ – ﺳﺎﺩﯼ ﻧﮯ ﻧﻈﺮﯾﮟ ﺍﭨﮭﺎ ﮐﺮ ﺩﯾﮑﮭﺎ ﺗﻮ ﺍﺳﮯ ﺍﺱ ﮐﮯ ﭼﮩﺮﮮ ﭘﮧ ﻃﻤﺎﻧﯿﺖ ﻧﻈﺮ ﺁﺋﯽ –
” ﺑﺎﮨﺮ ﻭﺍﺵ ﺭﻭﻡ ﮨﮯ، ﺟﺎ ﮐﺮ ﮨﺎﭨﮫ ﺩﮬﻮ ﺁﺅ ” ﮐﮭﺎﮮ ﮐﮯ ﺑﻌﺪ ﺳﺎﺩﯼ ﻧﮯ ﮐﮩﺎ –
ﺍﻟﮩﯽٰ ﺑﺨﺶ ﮨﺎﺗﮫ ﺩﮬﻮ ﮐﺮ ﻭﺍﭘﺲ ﺁﯾﺎ ﺗﻮ ﻭﯾﭩﺮ ﺁ ﭼﮑﺎ ﺗﮭﺎ ﺍﻭﺭ ﺑﺮﺗﻦ ﺳﻤﯿﭧ ﺭﮨﺎ ﺗﮭﺎ – ” ﺍﺏ ﮐﺎﻓﯽ ﻟﮯ ﺁﺅ ﭘﻠﯿﺰ ” ﺳﺎﺩﯼ ﻧﮯ ﺍﺱ ﺳﮯ ﮐﮩﺎ –
ﺍﻟﮩﯽٰ ﺑﺨﺶ ﺍﭘﻨﯽ ﺟﮕﮧ ﺑﯿﭩﮫ ﮔﯿﺎ ﺗﻮ ﺳﺎﺩﯼ ﻧﮯ ﺍﺱ ﺳﮯ ﮐﮩﺎ ” ﺍﺏ ﮨﻢ ﺑﺎﺗﯿﮟ ﮐﺮﯾﮟ ﮔﮯ – ﻣﯿﮟ ﺗﻤﮩﺎﺭﮮ ﺟﻮﺍﺏ ﮐﯽ ﻣﻨﺘﻈﺮ ﮨﻮﮞ “
” ﺳﺎﺩﯼ ﺁﭖ ﻣﺠﮭﮯ ﺑﻠﻨﺪ ﺩﯾﮑﮭﻨﺎ ﭼﺎﮨﺘﯽ ﮨﯿﮟ، ﻣﯿﺮﮮ ﻣﺘﻌﻠﻖ ﺍﭘﻨﺎﺋﯿﺖ ﺳﮯ ﺳﻮﭼﺘﯽ ﮨﯿﮟ، ﻣﺠﮭﮯ ﺍﺱ ﭘﺮ ﻓﺨﺮ ﮨﮯ ” ﺍﻟﮩﯽٰ ﺑﺨﺶ ﻧﮯ ﮔﮩﺮﯼ ﺳﺎﻧﺲ ﻟﮯ ﮐﺮ ﮐﮩﺎ ” ﺁﭖ ﭼﺎﮨﺘﯽ ﮨﯿﮟ ﮐﮧ ﺟﻮ ﻣﺠﮭﮯ ﺣﻘﯿﺮ ﺳﻤﺠﮭﺘﮯ ﮨﯿﮟ ﻭﮦ ﺑﮭﯽ ﻣﯿﺮﯼ ﻋﺰﺕ ﮐﺮﯾﮟ – ﺟﺐ ﮐﮧ ﻣﯿﺮﺍ ﺍﯾﻤﺎﻥ ﮨﮯ ﮐﮧ ﻋﺰﺕ ﺩﯾﻨﮯ ﻭﺍﻻ ﺍﻟﻠﮧ ﮨﮯ ﺍﻭﺭ ﻣﯿﮟ ﺟﺎﻧﺘﺎ ﮨﻮﮞ ﮐﮧ ﺍﺱ ﻧﮯ ﻣﺠﮭﮯ ﻣﯿﺮﯼ ﺍﻭﻗﺎﺕ ﺳﮯ ﺯﯾﺎﺩﮦ ﺩﯼ ﮨﮯ – ﺟﮩﺎﮞ ﺗﮏ ﺑﻠﻨﺪ ﻣﻘﺎﻡ ﮐﺎ ﺗﻌﻠﻖ ﮨﮯ ﺗﻮ ﺁﭖ ﺩﻧﯿﺎﻭﯼ ﻣﻘﺎ ﮐﯽ ﺍﻭﺭ ﺍﺱ ﺳﮯ ﻣﺨﺘﻠﻒ ﺯﻧﺪﮔﯽ ﮐﯽ ﺑﺎﺕ ﮐﺮﺗﯽ ﮨﯿﮟ – ﻣﯿﺮﮮ ﻧﺰﺩﯾﮏ ﺍﮨﻤﯿﺖ ﺍﺱ ﻃﻮﯾﻞ ﺯﻧﺪﮔﯽ ﻣﯿﮟ ﺑﻠﻨﺪ ﻣﻘﺎﻡ ﺣﺎﺻﻞ ﮐﺮﻧﮯ ﮐﯽ ﮨﮯ، ﺟﻮ ﮐﺒﮭﯽ ﺧﺘﻢ ﻧﮩﯿﮟ ﮨﻮ ﮔﯽ – ﻣﺠﮭﮯ ﺍﻓﺴﻮﺱ ﺍﺱ ﺑﺎﺕ ﮐﺎ ﮨﮯ ﮐﮧ ﻣﯿﮟ ﺍﺱ ﻣﯿﮟ ﺑﮭﯽ ﮐﻮﺋﯽ ﺑﻠﻨﺪ ﻣﻘﺎﻡ ﺣﺎﺻﻞ ﻧﮩﯿﮟ ﮐﺮ ﺳﮑﻮﮞ ﮔﺎ – ﻣﺠﮫ ﻣﯿﮟ ﺍﯾﺴﺎ ﮐﻮﺋﯽ ﻭﺻﻒ ﮐﻮﺋﯽ ﺧﻮﺑﯽ ﻧﮩﯿﮟ، ﻣﯿﺮﺍ ﻋﻤﻞ ﺑﮭﯽ ﺍﯾﺴﺎ ﻧﮩﯿﮟ، ﻃﺮﺯ ﺯﻧﺪﮔﯽ ﺑﮭﯽ ﺍﯾﺴﺎ ﻧﮩﯿﮟ، ﺍﻭﺭ ﺍﺱ ﺩﻧﯿﺎ ﮐﯽ ﺯﻧﺪﮔﯽ ﻣﯿﮟ ﻣﯿﮟ ﺟﻮ ﮐﭽﮫ ﺑﮭﯽ ﮨﻮﮞ ، ﺍﺱ ﺣﯿﺜﯿﺖ ﻣﯿﮟ، ﻣﯿﮟ ﺑﮩﺮ ﺧﻮﺵ ﺭﮦ ﮨﻮﮞ – ﺧﻮﺵ ﺍﻭﺭ ﻣﻄﻤﺌﻦ – ﯾﮩﯽ ﺳﺐ ﺳﮯ ﺑﮍﯼ ﺑﺎﺕ ﮨﮯ – ﺁﭖ ﭼﺎﮨﺘﯽ ﮨﯿﮟ ﮐﮧ ﻣﯿﮟ ﺍﭘﻨﺎ ﻟﺒﺎﺱ ﺍﭘﻨﺎ ﺭﮨﻦ ﺳﮩﻦ ﺑﺪﻟﻮﮞ ﺍﻭﺭ ﯾﮩﯿﮟ ﺭﮦ ﺟﺎﺅﮞ – ﺗﻮ ﺳﺎﺩﯼ، ﻣﯿﮟ ﺍﭘﻨﯽ ﺍﺻﻞ ﺳﮯ ﻧﺎﺗﺎ ﺗﻮﮌﻧﮯ ﻭﺍﻻ ﻧﮩﯿﮟ – ﻣﯿﮟ ﺍﭘﻨﮯ ﮔﮭﺮ ﺳﮯ، ﺍﭘﻨﯽ ﺯﻣﯿﻦ ﺳﮯ ﺭﻭﭨﮫ ﮐﺮ ﺁﯾﺎ ﮨﻮﮞ – ﻣﮕﺮ ﻣﺠﮭﮯ ﻭﮨﯿﮟ ﺟﺎﻧﺎ ﮨﮯ، ﻭﮨﺎﮞ ﺭﮨﻨﮯ ﮐﮯ ﻟﺌﮯ ﻣﯿﺮﺍ ﺭﻧﮓ ﺳﺎﺯﯼ ﮐﺎ ﺍﻭﺭ ﮈﺭﺍﺋﯿﻮﺭ ﮐﺎﮨﻨﺮ ﮐﺎﻓﯽ ﮨﮯ – ﻭﮨﺎﮞ ﮐﻠﺮﮎ ﮐﺎ ﮐﻮﺋﯽ ﻣﺴﺘﻘﺒﻞ ﻧﮩﯿﮟ – ﻣﯿﮟ ﺗﻮ ﻣﭩﯽ ﺳﮯ ﺍﭨﮭﻨﮯ ﻭﺍﻻ ﺁﺩﻣﯽ ﮨﻮﮞ، ﺟﺴﮯ ﺁﺳﻤﺎﻥ ﮐﯽ ﺣﺎﺟﺖ ﺗﻮ ﮨﻮ ﺳﮑﺘﯽ ﮨﮯ ﻟﯿﮑﻦ ﺍﺱ ﺗﮏ ﭘﮩﻨﭽﻨﮯ ﮐﯽ ﺧﻮﺍﺋﺶ ﻧﮩﯿﮟ ﮨﻮ ﺳﮑﺘﯽ – ﻣﯿﮟ ﺟﮩﺎﮞ ﮨﻮﮞ، ﻭﮨﯿﮟ ﭨﮭﯿﮏ ﮨﻮﮞ ﺳﺎﺩﯼ “
ﺳﺎﺩﯼ ﺍﺱ ﮐﯽ ﺑﺎﺗﯿﮟ ﺑﮍﯼ ﺍﻓﺴﺮﺩﮔﯽ ﺳﮯ ﺳﻦ ﺭﮨﯽ ﺗﮭﯽ – ” ﭘﮭﺮ ﺑﮭﯽ ﺁﺩﻣﯽ ﮐﻮ ﺁﮔﮯ ﺑﮍﮬﻨﮯ ﺍﻭﺭ ﮐﭽﮫ ﮐﺮﻧﮯ ﮐﯿﻠﮕﻦ ﺗﻮ ﮨﻮﻧﯽ ﭼﺎﮨﺌﮯ “
” ﯾﮧ ﻟﮕﻦ ﻣﺠﮫ ﻣﯿﮟ ﮨﮯ ﺳﺎﺩﯼ، ﻟﯿﮑﻦ ﻣﯿﺮﯼ ﻣﻨﺰﻝ ﯾﮧ ﺩﻧﯿﺎ ﻧﮩﯿﮟ، ﻭﮦ ﺩﻧﯿﺎ ﮨﮯ ﺍﻭﺭ ﻣﺠﮭﮯ ﯾﮧ ﻣﻌﻠﻮﻡ ﻧﮩﯿﮟ ﮐﮧ ﺍﺱ ﺳﻠﺴﻠﮯ ﻣﯿﮟ ﮐﯿﺎ ﮐﺮﻧﺎ ﭼﺎﮨﺌﮯ – ﯾﮩﯽ ﻣﯿﺮﺍ ﺩﮐﮫ ﮨﮯ “
” ﻟﯿﮑﻦ ﺟﺘﻨﮧ ﻋﺮﺻﮧ ﺍﻟﻠﮧ ﻧﮯ ﻣﻘﺮﺭ ﮐﯿﺎ ﮨﮯ ﻭﮦ ﺍﺱ ﺩﻧﯿﺎ ﻣﯿﮟ ﮨﯽ ﮔﺰﺍﺭﻧﺎ ﮨﯽ ﮨﮯ ﺍﻭﺭ ﺍﺱ ﺩﻧﯿﺎ ﮐﺎ ﺗﻌﻠﻖ ﺑﮭﯽ ﺍﺱ ﺩﻧﯿﺎ ﺳﮯ ﮨﮯ “
” ﯾﮩﯽ ﺗﻮ ﯾﮟ ﺑﮭﯽ ﮐﮩﺘﺎ ﮨﻮﮞ ” ﺍﻟﮩﯽٰ ﺑﺨﺶ ﻧﮯ ﺯﻭﺭ ﺩﮮ ﮐﺮ ﮐﮩﺎ – ” ﺁﺱ ﺩﻧﯿﺎ ﻣﯿﮟ ﯾﮩﺎﮞ ﮐﯽ ﺩﻭﻟﺖ، ﻣﺮﺗﺒﮧ ﺍﻭﺭ ﻣﻘﺎﻡ ﺗﻮ ﮐﺎﻡ ﻧﮩﯿﮟ ﺁﺋﮯ ﮔﺎ – ﻓﮑﺮ ﺗﻮ ﮨﻤﯿﮟ ﮐﭽﮫ ﺍﻭﺭ ﮐﺮﻧﯽ ﭼﺎﮨﺌﮯ “
ﺳﺎﺩﯼ ﻻﺟﻮﺍﺏ ﮨﻮ ﮔﺌﯽ – ﻭﯾﭩﺮ ﮐﺎﻓﯽ ﻟﮯ ﺁﯾﺎ ﺗﮭﺎ – ﺳﺎﺩﯼ ﻧﮯ ﮐﺎﻓﯽ ﺑﻨﺎﺋﯽ ﺍﻭﺭ ﺍﯾﮏ ﭘﯿﺎﻟﯽ ﺍﻟﮩﯽٰ ﺑﺨﺶ ﮐﯽ ﻃﺮﻑ ﺑﮍﮬﺎ ﺩﯼ –
” ﺳﺎﺩﯼ ﺁﭖ ﻣﺠﮭﮯ ﺳﮯ ﻧﺎﺭﺍﺽ ﺗﻮ ﻧﮩﯿﮟ ہیں؟

–**–**–
جاری ہے
——
آپکو یہ ناول کیسا لگا؟
کمنٹس میں اپنی رائے سے ضرور آگاہ کریں۔

Leave a Reply

This site uses Akismet to reduce spam. Learn how your comment data is processed.

Subscribe For Latest Novels

Signup for Novels and get notified when we publish new Novel for free!




%d bloggers like this: